Teknologji

Rikthehet Intel, gjenerata e 12-të Alder Lake vendos diktatin mbi AMD Ryzen

Më përpara bërthamat e Intel ishin të njëjta duke krijuar dizajne me konsum të lartë energjie.

Published

4 years ago

on

Procesorët e rinj Intel prej kohësh kanë qenë objekt spekulimesh e diskutimesh deri në atë pikë saqë morën një status mitik.

Ideja pas tyre ishte vërtetë intriguese: kishin bërthama performance dhe efikasiteti në një pllakë të vetme. E thënë thjeshtë procesori performon ndryshe në bazë të detyrave dhe informacioneve që duhet të përpunojë.

Më përpara bërthamat e Intel ishin të njëjta duke krijuar dizajne me konsum të lartë energjie.

Tani kompania është gati të lansojë këto çipe me emrin e koduar Alder Lake të gjeneratës së 12. Kompania ka pretendime të mëdha: çipet e gjeneratës së 12-të janë 19% më të shpejtë sesa gjenerata e 11-të dhe dyherë më të shpejtë në detyra specifike.

Në performancën me shumë threads, i9-12900K është 50% më i shpejtë sesa i9-11900K thotë Intel duke konsumuar më pak energji gjithashtu. Më impresionuese është se ka performancë të njëjtë me i9-11900K duke konsumuar vetëm çerekun e energjisë.

Intel mund të vendosë deri në 16 bërthama me gjeneratën e 12-të të Intel siç është modeli i9-12900K me një kombinim prej 8 bërthama P të performancës së lartë dhe 8 bërthama E të performancës së ulët dhe prodhuar 25 threads.

Së bashku me Microsoft ka punuar për të ndërtuar Thread Director, një sistem i cili cakton detyrat tek bërthama të caktuara.

Intel pretendon se bërthamat P mund të performojnë 28% më shumë sesa gjenerata e 10-të Comet Lake S ndërsa bërthamat E kanë performancë të njëjtë. Procesorët shkëlqejnë kur hidhni detyra intensive në drejtim të tyre. i9-1200K ka 84% më shumë fps në lojën Mount and Blade II. Në Adobe Lightroom Classic dhe Premiere Pro performanca është rritur me 47%.

Statistikat e Intel duke të mira kur e krahasojmë me harduerin e kompanisë por si qëndron përballë AMD? Nga testimet e para i9-12900K ka një performancë më të lartë sesa Ryzen 9 5950X në të gjitha lojërat thuajse.

Gjithsesi AMD mund të kthehet pas vitin e ardhshëm me gjeneratën e re. Çipet e gjeneratës së 12-të kanë mbështetje për PCIe 5.0 me 16 linja dhe RAM DDR5-4800.

Ndryshimet pritet të ketë edhe në çmime. Core i9-12900K kushton 589 dollarë krahasuar me 539 dollarë 11900K. Modeli KF i procesorit kushton 20 dollarë më pak. Më i përballueshëm duket çipi Core i7-12700K me çmim prej 409 dollarë ndërsa Core i5-12600K është 20 dollarë më shumë sesa paraardhësi./PCWorld Albanian

Related Topics:
Continue Reading

Teknologji

Italia bëhet vendi i parë i BE-së që miraton ligj gjithëpërfshirës për Inteligjencën Artificiale

Published

2 hours ago

on

November 7, 2025

By

Italia ka bërë histori duke u bërë vendi i parë në Bashkimin Evropian që miraton një ligj të plotë për Inteligjencën Artificiale, vendosur rregulla të qarta dhe dënime të rrepta për abuzimet me teknologjinë.

Sipas ligjit të ri, përdorimi i AI për të krijuar ose shpërndarë përmbajtje të manipuluar, si “deepfakes”, mund të sjellë dënime nga 1 deri në 5 vjet burg. Masat bëhen edhe më të rënda nëse teknologjia përdoret për krime si mashtrimi, vjedhja e identitetit ose dëmtimi i reputacionit.

Ligji vendos rregulla për transparencën dhe mbikëqyrjen njerëzore në vendet e punës, për të siguruar që AI të mos dëmtojë proceset sociale dhe të drejtësisë. Kryeministrja Giorgia Meloni e konsideroi hap vendimtar për të ardhmen e Italisë dhe të BE-së.

“Qëllimi ynë është një inteligjencë artificiale e përqendruar te njeriu, transparente dhe e sigurt, që ruan privatësinë dhe sigurinë kibernetike, ndërsa nxit inovacionin”, tha ajo.

Një pikë kyçe e ligjit është mbrojtja e të miturve: fëmijët nën 14 vjeç nuk mund të përdorin AI pa miratimin e prindërve.

Ky ligj, i harmonizuar me Aktin Evropian për Inteligjencën Artificiale, pritet të shërbejë si model për vendet e tjera anëtare, duke vendosur Italinë në qendër të diskutimeve mbi përdorimin etik dhe të sigurt të teknologjisë. /A.Z/UBT News/

Continue Reading

Teknologji

WhatsApp teston “drynin” për siguri maksimale

Published

4 hours ago

on

November 7, 2025

By

WhatsApp po përgatit një veçori të re, të quajtur përkohësisht “dryn”, që synon të ofrojë mbrojtje të avancuar për përdoruesit që mund të jenë në rrezik nga sulmet kibernetike a ndërhyrjet e programeve spiune Pegasus apo Graphite.

Sipas faqes së specializuar WaBetaInfo, funksioni është zbuluar në versionin beta 2.25.33.4 të aplikacionit për Android, dhe aktualisht ndodhet në fazën e testimit.

“Dryni” përfshin një kombinim të opsioneve të sigurisë dhe privatësisë, që aktivizohen automatikisht për të forcuar mbrojtjen e përdoruesit.

Këto përfshijnë:

Bllokimin e skedarëve mediatikë dhe bashkëngjitjeve nga dërgues të panjohur;

Çaktivizimin e pamjeve paraprake të lidhjeve në mesazhe;

Heshtjen e thirrjeve hyrëse nga persona që nuk janë në listën e kontakteve;

Kufizimin e shtimit në grupe vetëm nga kontaktet tuaja;

Njoftime automatike kur ndryshon kodi i sigurisë në një bisedë të enkriptuar nga fillimi në fund;

Aktivizimin e verifikimit me dy hapa;

Kufizimin e dukshmërisë së fotos së profilit, informacionit, statusit dhe datës së fundit të lidhjes vetëm për kontaktet;

Dhe madje fshehjen e adresës IP gjatë thirrjeve, duke i bërë ato të kalojnë përmes serverëve të WhatsApp-it.

Nëse zbatohet. kjo veçori do të rrisë ndjeshëm nivelin e mbrojtjes kundër kërcënimeve të mundshme, pa qenë nevoja që përdoruesit të ndryshojnë manualisht shumë cilësime të privatësisë.

Aktualisht, nuk dihet ende se kur WhatsApp do ta lëshojë këtë funksion për të gjithë përdoruesit, por pritet të jetë hap i rëndësishëm drejt sigurisë së avancuar në komunikimet digjitale. /A.Z/UBT News/

Continue Reading

Automobilizëm elektrikë

Këto janë veturat elektrike dhe hibride me bateritë më të qëndrueshme

Published

5 hours ago

on

November 7, 2025

By

Platforma suedeze e ankandeve të automjeteve Kvdbil ka kryer një hulumtim mbi gjendjen e baterive të më shumë se 1300 veturave elektrike dhe hibride plug-in të përdorura.

Rezultatet tregojnë se tetë nga dhjetë automjete janë ende në gjendje të shkëlqyer, sipas testimeve të “gjendjes së shëndetit të baterisë” (SOH – State of Health), që mat se sa kapacitet ka mbetur në krahasim me një bateri të re.

Sipas raportit të publikuar nga Göteborgs-Posten, shumica e makinave elektrike të përdorura ruajnë mbi 90% të kapacitetit fillestar të baterisë, edhe pas disa vitesh përdorimi.

Drejtuesi i testimit, Martin Reinholdsson, theksoi se ky rezultat është meritë e teknologjisë së përparuar të ftohjes dhe menaxhimit të temperaturës, që përdoret në paketat moderne të baterive.

Sipas tij, këto të dhëna rrëzojnë mitin se makinat elektrike të përdorura janë të pasigurta apo jo të qëndrueshme.

Për blerësit potencialë të automjeteve elektrike të përdorura, raporti thekson se Kia del si marka më e besueshme, duke arritur rezultatet më të larta si në kategorinë e hibrideve plug-in ashtu edhe në atë të veturave elektrike.

Hulumtimi konkludon se frika për degradimin e shpejtë të baterive është në masë të madhe e pabazuar. Në fakt, makinat elektrike të përdorura mund të jenë një zgjedhje e mençur ekonomike dhe ekologjike.

Reinholdsson shton se, përveç markës dhe modelit, zakonet e drejtuesit, kushtet klimatike dhe mosha e automjetit janë faktorë kyç për jetëgjatësinë e baterisë. Ai këshillon që:

të shmanget karikimi i shpeshtë mbi 80%,

të ruhet automjeti nga temperaturat ekstreme,

dhe të përdoren me kujdes karikuesit e shpejtë.

Nëse këto rregulla respektohen, kapaciteti i baterisë humbet vetëm disa për qind çdo vit.

Kvdbil nuk ka zbuluar listën e plotë të modeleve pas dhjetëshes më të mirë, por ka publikuar renditjet kryesore:

Top 10 hibride plug-in me bateritë më të mira:

Kia Sportage

Kia Optima

Volvo XC60

Kia Ceed

Volvo V60

Peugeot 3008

BMW 530e

Volkswagen Passat GTE

BMW X1

BMW 330e

Top 10 makina elektrike me bateritë më të mira

Kia EV6

Kia e-Niro

Tesla Model Y

Opel Mokka-e

Mazda MX-30

Audi Q4 e-tron

Fiat 500

Volvo XC40 Recharge

Citroën ë-C4

Volkswagen ID.4

Duke u bazuar në këto të dhëna, Kia del si lider i qartë në besueshmëri dhe qëndrueshmëri të baterive, ndërsa rezultatet në përgjithësi tregojnë se automjetet elektrike të përdorura janë shumë më të qëndrueshme sesa mendohej më parë. /A.Z/UBT News/

 

 

Continue Reading

Teknologji

Google njofton planin më të madh të investimeve në Gjermani

Published

21 hours ago

on

November 6, 2025

By

Google pritet të prezantojë projektin e saj më të madh të investimeve në Gjermani në një konferencë të përbashkët me Ministrin gjerman të Financave, Lars Klingbeil.

Sipas njoftimeve, plani përfshin ndërtimin e infrastrukturës dhe qendrave të reja të të dhënave, si dhe zhvillimin e projekteve inovative për përdorimin e energjive të rinovueshme.

Google synon të zgjerojë praninë e saj në qytetet Mynih, Frankfurt e Berlin, duke forcuar kapacitetet teknologjike dhe pozicionin në Evropë.

Detajet e plota pritet të bëhen publike më 11 nëntor, gjatë konferencës për shtyp ku do të marrë pjesë ministri Klingbeil. /A.Z/UBT News/

Continue Reading

Të kërkuara