Kulturë

Rikthehet Chopin Piano Fest, emra të njohur nga Evropa peformojnë në Prishtinë

Published

on

Chopin Piano Fest “Prishtina” është rikthyer me edicionin e tij të 11. Festivali që nis sot do të përfundojë më 30 qershor dhe do të mbahet në Amfiteatrin e Ri të Bibliotekës Universitare.

Edicioni i 11-të, megjithëse nën rrethanat e COVID-19, do të mbledhë pianistë të dalluar vendas dhe ndërkombëtar që interpretojnë jo vetëm vepra të Chopin, por edhe kompozitorë të tjerë të njohur klasikë dhe bashkëkohorë që kanë kompozuar për piano solo dhe ansamble muzikore.

Në total, do të mbahen 15 koncerte me muzikantë nga Kosova, Shqipëria, Maqedonia, Franca, Austria, Gjermania, Polonia, Italia, Turqia dhe SHBA. Organizatorët thonë se qëllimi i Chopin Piano Fest nuk është thjesht të ofrojë emra të rinj, por gjithashtu të sjell në Kosovë muzikantët më të mirë nga vende të ndryshme.

Programi artistik i festivalit është përgatitur nga drejtoresha artistike, Prof.Lejla Haxhiu-Pula.

Chopin Piano FEST Prishtina 2021 do të mbahet me dy ose tre net ngjarjesh gjatë secilës javë të muajit deri më 30 qershor 2021.

Festivali do të ofrojë koncerte, klasa master me studentë dhe simpozium kushtuar jetës dhe veprës së kompozitorëve dhe pianistëve, përvjetorët e të cilëve shënohen këtë vit në të gjithë botën, siç është 250 vjetori i këtij viti i L.V. Beethoven. Këtë vit komponenti arsimor rritet me më shumë leksione, seminare, dhe klasa master.

Çmimi special ChopinPianoFEST për një pianist të ri do të vazhdojë, me ndihmën e sponsorizimit të ofruar nga Herbert Groeger, përmes iniciativës nga pianistja jonë kosovare Ardita Statovci.

Çmimi përfshin një koncert recital për një pianist të ri të Kosovës në Gjermani me veprat e një kompozitori të njohur dhe do të mbahet në qytetin e tij/saj të lindjes dhe Masterclass në një Universitet të zgjedhur Gjerman. Kjo mundësi unike për një pianist të ri kosovar që të interpretojë para audiencës ndërkombëtare do të motivojë pianistët e rinj që studiojnë në Kosovë për të zotëruar më tej aftësitë e tyre në piano dhe për të krijuar karrierën e tyre të performancës në piano.

Continue Reading

Magazinë

Ndahet nga jeta në moshën 28-vjeçare ish-kandidatja për Miss Univers

Published

on

María Lorena Argüello Salazar, e cila ishte kandidate për Miss Universo Ecuador 2024, ka ndërruar jetë të dielën e kaluar në moshën 28-vjeçare. Lajmi u konfirmua nga llogaria zyrtare në Instagram e konkursit kombëtar të bukurisë.

Organizatorët e konkursit shkruan:

“Konkursi Kombëtar i Bukurisë shpreh dhimbjen e thellë për ndarjen nga jeta të Lorena Argüello, përfaqësuese e Quito DM dhe gjysmëfinaliste e CNB 2024. Jemi pranë familjes dhe të afërmve të saj me respekt dhe solidaritet në këtë moment dhimbjeje. Kujtimi i saj do të mbetet gjithmonë me ne.”

Lorena përfaqësoi Distriktin Metropolitano të Quitos në konkursin e zhvilluar më 8 qershor të vitit të kaluar në Machala.

Vdekja e saj shkaktoi një ndikim të madh, jo vetëm në botën e konkurseve të bukurisë, por edhe në shoqëri në përgjithësi.

Në rrjetet sociale u shpërndanë mesazhe të shumta ngushëllimi nga ndjekës, kolegë mjekë dhe konkurrente të tjera.

Kush ishte María Lorena Argüello?

E lindur më 12 mars 1997, u karakterizua nga disiplina dhe përkushtimi ndaj dy pasioneve të saj më të mëdha: mjekësisë dhe modelimit. Ajo u diplomua si kirurge, ushtroi profesionin e saj dhe paralelisht zhvilloi karrierën në konkurset e bukurisë.

Në konkursin Miss Universo Ecuador 2024 përfaqësoi qytetin e Quitos me elegancë dhe karizëm, duke fituar vlerësime nga publiku dhe organizatorët.

Edhe pse nuk fitoi çmimin kryesor, Lorena u kthye në një figurë frymëzuese për shumë të rinj në Ekuador falë ekspertizës profesionale dhe angazhimit social që e karakterizonte.

Continue Reading

Magazinë

Arnold Schwarzenegger: Më thoshin se ëndrrat e mia ishin të pamundura

Published

on

Arnold Schwarzenegger ka rrëfyer se përballja me paragjykimet dhe skepticizmin ishte e përditshme në fillimet e tij në Hollywood. Aktori 77-vjeçar, i cili nisi karrierën në SHBA si bodybuilder në vitet ’70, kishte sfida të shumta në industrinë e filmit.

“Kur erdha në Amerikë, Clint Eastwood dhe Charles Bronson ishin aktorët më të paguar, fitonin nga një milion dollarë për film. Mendova: ‘Duhet të bëhem pjesë e kësaj.’ Dhe, më vonë, arrita të fitoja 30 milionë dollarë për film. I zura”, ka kujtuar ai në  bisedë me djalin, Patrick Schwarzenegger, për serinë “Actors on Actors” të Variety, ka raportuar FemaleFirst.

“Të gjithë më thoshin: ‘Arnold, kjo nuk do ndodhë kurrë. Emri yt, Schnitzel apo çfarëdo qoftë, askush s’do ta mbajë mend. Je i madh për të qenë aktor’. Në vitet ’70, yjet e mëdhenj ishin Dustin Hoffman, Al Pacino, Woody Allen, që peshonin nga 60 kg, me thoshin ‘je 115 kg, dukesh si përbindësh’”, ka thënë aktori.

Por pavarësisht refuzimeve, Schwarzenegger nuk u dorëzua.

“E kisha të qartë vizionin tim. Doja të ngjitesha në majë. Kjo ishte gjithçka që më interesonte. Dhe arritja atje, ngadalë”, ka thënë ai.

Ai tha se momenti që ndryshoi gjithçka ishte roli në “Terminator”, pasi më herët kishte luajtur vetëm në filma si “Conan”, ku muskujt ishin në plan të parë.

“‘Terminator’ ishte një hap i madh përpara, sepse nuk kishte të bënte me muskujt. Ishte lëkura e zezë dhe roli i një makine. Ky ishte momenti që përmbushi ëndrrën time të fëmijërisë”, ka thënë tutje ai.

77-vjeçari ka treguar se nuk ka pasur kurrë një plan B në jetë.

“Urrej Planin B. Njerëzit performojnë më mirë kur nuk kanë Plan B. Unë nuk kam pasur kurrë një plan tjetër”, ka thënë ai.

Në një video në Instagram, ai e ka përmbledhur filozofinë e jetës së tij.

“E bëra një zotim të plotë: do të bëhem kampion i bodybuldingut, do të shkoj në Amerikë, do të hyj në industrinë e filmit dhe do të bëhem aktor kryesor. Çfarëdo që të kërkonte, do ta bëja. Do të punoja pa u ndalur, derisa ta arrija”, pati shkruar ai.

Continue Reading

Magazinë

Iggy Pop largohet nga skena e koncertin në Londër i futur në arkivol

Published

on

Iggy Pop u largua nga skena në arkivol gjatë një koncerti, duke habitur publikun me lëvizjen e tij dhe duke riafirmuar titullin e tij si një nga artistët më të çuditshëm në skenën e rokut.

Artisti e mbylli performancën e tij më 28 maj në Alexandra Palace në Londër në një mënyrë që askush nuk e priste.

Siç është kapur në video, papritmas, pak para fundit, në skenë u shfaq një arkivol i madh i zi.

Publiku mbeti pa fjalë kur pa 78-vjeçarin pa bluzë, të shtrirë brenda arkivolit, i cili u rrokullis, duke i dhënë fund kështu koncertit të tij.

Artisti postoi një video të daljes së tij të veçantë nga skena në llogarinë e tij personale në Instagram.

Ai madje qëndroi pranë arkivolit dhe u kërkoi miqve në internet të komentonin mbi zgjedhjen e tij specifike.

Siç shkroi në mbishkrim: “Londër. Ne e dimë si filloi dhe si mbaroi. Do të na pëlqente të shihnim mbishkrime imagjinative dhe të zgjuara për këtë! ».

Continue Reading

Magazinë

Pasi hoqi mbiemrin e babait, vajza e Joliet dhe Pittit ndryshon dhe emrin

Published

on

Continue Reading

Të kërkuara