Lajmet

Riintegrimi i të miturve që ishin në konflikt me ligjin, Qeveria premton masa

Haxhiu u zotua se Qeveria do të angazhohet që të burgosurit të trajtohen me dinjitet.

Published

on

Misioni i Bashkimit Evropian për Sundim të Ligjit në Kosovë (EULEX) dhe Shërbimi Korrektues i Kosovës (ShKK) kanë prezantuar filmin e shkurtër “Ndryshimi”, i cili e përshkruan rrugëtimin rehabilitues të një të mituri në konflikt me ligjin.

Filmi është frymëzuar nga përvoja personale e njërit prej skenaristëve, i cili ishte në Qendrën Korrektuese për të Mitur në Lipjan dhe i cili pas lirimit arriti të riintegrohet me sukses në shoqëri.

Ministrja e Drejtësisë, Albulena Haxhiu tha se të rinjtë shpesh janë viktima të pasojave që u janë shkaktuar më herët dhe i kanë dërguar ata deri te thyerja e ligjit.

Haxhiu tha se ata duhet të integrohen përsëri në shoqëri dhe se vetë ajo dhe Qeveria do të angazhohen që të burgosurit të trajtohen me dinjitet dhe kur ta përfundojnë dënimin e tyre të pranojnë në shoqëri.

“Ky organizim është jashtëzakonisht i rëndësishëm për Qeverinë e Kosovës. Të miturit përpara se të jenë fajtor për çfarë do veprimi ata shpesh janë viktima e pasojave që u shkaktohen e të cilat i bëjnë që të vepron në ku dështim me ligjin. Edukimi i mirëfilltë që nga mosha e hershme, aktivitetet kulturore, integrimi dhe socializmi me të tjerët sikurse mirëqenia ekonomike dhe barazia me të tjerët janë kushtet e domosdoshme për çdo njeri më mënyrë që fëmijët të kenë rritje dhe zhvillim të mirëfilltë në çdo drejtim. Jam e vetëdijshme se jemi një popullsi e re me të mitur në secilën lagje, shumë prej tyre e dimë që nuk kanë mundësitë ekonomike për t’i zhvilluar pasionet e talentet e tyre, prandaj jam e bindur se gabimet e tyre që i kanë sjellë në shërbimet korrektuese, janë të përminutshme. Të miturit janë mosha delikate dhe institucionet duhet ta kenë vëmendjen te ta. Ministria e Drejtësisë edhe unë si ministre dhe Qeveria do të bëjë gjithçka që problemet të cilat ne i kemi t’i adresojmë, në mënyrë që të burgosurit të trajtohen me dinjitet dhe kur ta përfundojnë dënimin e tyre të pranojnë në shoqëri”, tha ajo.

Shefi i EULEX-it, Lars-Gunnar Ëigemark, tha se ky film edhe pse i shkurtër në minuta dhuron një porosi shumë të fuqishme. Sipas tij, shpeshherë të miturit që dëshirojnë të riintegrohen në shoqëri kanë vështirësi të punësohen e të arsimohen.

“Sot është një ditë e veçantë në EULEX, kjo është hera e parë që ky film është duke u shfaqur publikisht. Është punuar në bashkëpunim me EULEX-in dhe Shërbimin Korrektues të Kosovës. Fillimi është 11 apo 12 minuta, por jep një porosi të fuqishme. Konventa e OKB-së e pranon nevojën për drejtësi për fëmijët sepse ata nuk janë të njëjtë si të rriturit. Kjo bazohet në faktet se fëmijët dallojmë nga të rriturit. Shpeshherë të miturit që dëshirojnë të riintegrohen në shoqëri kanë vështirësi të punësohen e të arsimohen. Filmi që do ta shikojmë sot shpresojmë të luftojë stigmën që të rinjtë që kanë vuajtur dënime nuk duhet të integrohen përsëri në shoqëri”, tha ai.

Vendi

Nis shpërndarja e 100 eurove për studentët

Published

on

By

Ministri në detyrë i Financave, Hekuran Murati ka bërë të ditur se është bërë ekzekutimi i 100 eurove për studentët në kuadër të Pakos për Përballje me Inflacionin 2.0.

Ai ka njoftuar se sot është finalizuar dhe dorëzuar lista e studentëve të kualifikuar për mbështetjen me 100 euro.

“Pas pranimit të verifikimeve të nevojshme nga institucionet e arsimit të lartë, komisioni verifikues sot ka finalizuar dhe dorëzuar listën e studentëve që janë kualifikuar për mbështetjen e njëhershme me 100 euro”, ka thenë Murati. /E.A/

 

Continue Reading

Vendi

Shqipëria shpall “non-grata” për 15 vjet teologen nga Kosova, Igballe Berisha-Huduti

Published

on

By

Teologia nga Kosova, Igballe Berisha-Huduti, është shpallur “person i padëshiruar” në Shqipëri për një periudhë 15-vjeçare. Vendimi është marrë nga autoritetet shtetërore në kuadër të masave për sigurinë kombëtare dhe rendin publik.

Sipas vendimit të transmetuar nga mediat në Shqipëri, ky hap u ndërmor bazuar në informacionet e institucioneve të sigurisë, të cilat e vlerësojnë veprimtarinë e saj si rrezik potencial. Ndaj Hudutit rëndojnë dyshime për lidhje me regjimin iranian dhe për thirrje publike kundër rendit kushtetues në Shqipëri. Urdhri tashmë i është përcjellë për zbatim Policisë së Shtetit dhe strukturave të kufirit e migracionit.

Lidhur me këtë rast ka reaguar edhe kryeministri i Shqipërisë, Edi Rama. Ai deklaroi se Huduti ka qenë e përfshirë si “e infiltruar” në protestat që po zhvillohen në Tiranë kundër ndërtimit të një resorti luksoz në Zvërnec. Kreu i qeverisë shqiptare ka publikuar edhe fotografi në rrjetet sociale, duke ngritur akuza për lidhje të saj me figura dhe struktura të huaja.

Nga ana tjetër, vetë Igballe Berisha-Huduti i ka mohuar të gjitha pretendimet dhe akuzat e autoriteteve. Përmes një reagimi, ajo ka theksuar se pjesëmarrja e saj në protesta ka qenë tërësisht qytetare dhe patriotike, pa asnjë motiv tjetër të fshehur. /E.A/

Continue Reading

Vendi

FSK dhe Policia e Kosovës sërish institucionet më të besueshme për qytetarët

Published

on

By

Forca e Sigurisë së Kosovës (FSK) dhe Policia e Kosovës vazhdojnë të gëzojnë nivelin më të lartë të besimit publik në vend. Sipas rezultateve të Anketës Rajonale WeBalkans 2026, 87.4% e qytetarëve kanë shprehur besim të plotë në FSK-në, ndërsa 85.6% në Policinë e Kosovës, duke i renditur këto dy institucione në krye të listës për sa i përket besueshmërisë.

Përmes një komunikate për media, Policia e Kosovës e ka vlerësuar këtë rezultat si një dëshmi të pastër të profesionalizmit, përkushtimit dhe angazhimit të vazhdueshëm të zyrtarëve policorë në garantimin e rendit dhe sundimit të ligjit. Nga ky institucion theksuan se besimi i qytetarëve është themeli i punës së tyre dhe një motiv shtesë për të vazhduar mbrojtjen e jetës dhe pronës së komunitetit.

Anketa tregon gjithashtu se për qytetarët e Kosovës, siguria, sundimi i ligjit dhe lufta ndaj korrupsionit mbeten prioritetet kryesore për zhvillimin e vendit. Një pjesë e konsiderueshme e të anketuarve kanë kërkuar që forcimi i zbatimit të ligjit të mbetet në fokusin kryesor të institucioneve shtetërore.

Në përgjigje të këtyre gjetjeve, Policia e Kosovës ka ritheksuar përkushtimin e saj për të luftuar pa kompromis krimin e organizuar, korrupsionin dhe çdo dukuri tjetër që cenon sigurinë publike. Institucioni ka premtuar investime të mëtejshme në ngritjen e kapaciteteve profesionale dhe rritjen e transparencës, duke shprehur njëkohësisht mirënjohje të thellë për përkrahjen e vazhdueshme të qytetarëve. /E.A/

Continue Reading

Lajmet

Mbyllen tri qendra masazhi dhe shqiptohen pesë gjoba

Published

on

By

Inspektorati Qendror i Mbikëqyrjes së Tregut (IQMT), në bashkëpunim me Policinë e Kosovës dhe Inspektoratin Qendror të Punës, ka ndërmarrë një aksion të gjerë kontrolli, duke realizuar 98 inspektime të përbashkëta në qendrat e masazhit dhe lokalet e muzikës në të gjithë territorin e vendit.

Siç njofton Ministria e Industrisë, Ndërmarrësisë, Tregtisë dhe Inovacionit, si rezultat i mungesës së dokumentacionit të nevojshëm dhe mosrespektimit të orarit të punës, janë mbyllur tri qendra masazhi, prej të cilave dy në Komunën e Gjakovës dhe një në Komunën e Rahovecit.

Përveç mbylljes së këtyre lokaleve, IQMT ka shqiptuar edhe pesë gjoba ndaj subjekteve të tjera ekonomike që nuk kanë prezantuar dokumentacionin e kërkuar ligjor gjatë procesit të inspektimit.

Nga ministria theksojn se me qëllim të garantimit të ushtrimit të ligjshëm të veprimtarive ekonomike, IQMT në koordinim me institucionet përgjegjëse do të vazhdojë organizimin e aksioneve të tilla në të gjithë vendin. /E.A/

Continue Reading

Të kërkuara