Lajmet

Riintegrimi i të miturve që ishin në konflikt me ligjin, Qeveria premton masa

Haxhiu u zotua se Qeveria do të angazhohet që të burgosurit të trajtohen me dinjitet.

Published

3 years ago

November 17, 2022

Betim Gashi

Misioni i Bashkimit Evropian për Sundim të Ligjit në Kosovë (EULEX) dhe Shërbimi Korrektues i Kosovës (ShKK) kanë prezantuar filmin e shkurtër “Ndryshimi”, i cili e përshkruan rrugëtimin rehabilitues të një të mituri në konflikt me ligjin.

Filmi është frymëzuar nga përvoja personale e njërit prej skenaristëve, i cili ishte në Qendrën Korrektuese për të Mitur në Lipjan dhe i cili pas lirimit arriti të riintegrohet me sukses në shoqëri.

Ministrja e Drejtësisë, Albulena Haxhiu tha se të rinjtë shpesh janë viktima të pasojave që u janë shkaktuar më herët dhe i kanë dërguar ata deri te thyerja e ligjit.

Haxhiu tha se ata duhet të integrohen përsëri në shoqëri dhe se vetë ajo dhe Qeveria do të angazhohen që të burgosurit të trajtohen me dinjitet dhe kur ta përfundojnë dënimin e tyre të pranojnë në shoqëri.

“Ky organizim është jashtëzakonisht i rëndësishëm për Qeverinë e Kosovës. Të miturit përpara se të jenë fajtor për çfarë do veprimi ata shpesh janë viktima e pasojave që u shkaktohen e të cilat i bëjnë që të vepron në ku dështim me ligjin. Edukimi i mirëfilltë që nga mosha e hershme, aktivitetet kulturore, integrimi dhe socializmi me të tjerët sikurse mirëqenia ekonomike dhe barazia me të tjerët janë kushtet e domosdoshme për çdo njeri më mënyrë që fëmijët të kenë rritje dhe zhvillim të mirëfilltë në çdo drejtim. Jam e vetëdijshme se jemi një popullsi e re me të mitur në secilën lagje, shumë prej tyre e dimë që nuk kanë mundësitë ekonomike për t’i zhvilluar pasionet e talentet e tyre, prandaj jam e bindur se gabimet e tyre që i kanë sjellë në shërbimet korrektuese, janë të përminutshme. Të miturit janë mosha delikate dhe institucionet duhet ta kenë vëmendjen te ta. Ministria e Drejtësisë edhe unë si ministre dhe Qeveria do të bëjë gjithçka që problemet të cilat ne i kemi t’i adresojmë, në mënyrë që të burgosurit të trajtohen me dinjitet dhe kur ta përfundojnë dënimin e tyre të pranojnë në shoqëri”, tha ajo.

Shefi i EULEX-it, Lars-Gunnar Ëigemark, tha se ky film edhe pse i shkurtër në minuta dhuron një porosi shumë të fuqishme. Sipas tij, shpeshherë të miturit që dëshirojnë të riintegrohen në shoqëri kanë vështirësi të punësohen e të arsimohen.

“Sot është një ditë e veçantë në EULEX, kjo është hera e parë që ky film është duke u shfaqur publikisht. Është punuar në bashkëpunim me EULEX-in dhe Shërbimin Korrektues të Kosovës. Fillimi është 11 apo 12 minuta, por jep një porosi të fuqishme. Konventa e OKB-së e pranon nevojën për drejtësi për fëmijët sepse ata nuk janë të njëjtë si të rriturit. Kjo bazohet në faktet se fëmijët dallojmë nga të rriturit. Shpeshherë të miturit që dëshirojnë të riintegrohen në shoqëri kanë vështirësi të punësohen e të arsimohen. Filmi që do ta shikojmë sot shpresojmë të luftojë stigmën që të rinjtë që kanë vuajtur dënime nuk duhet të integrohen përsëri në shoqëri”, tha ai.

Related Topics:Albulena Haxhiu masa Qeveria

Up Next

23 të plagosur si pasojë e sulmeve ruse në Dnipro

Don't Miss

ICBL: Rusia përdori mina tokësore të jashtëligjshme në Ukrainë

Aktualitet

UBT shpall thirrjen për Konferencën Ndërkombëtare të Gjuhës dhe Kulturës 2025

Published

19 hours ago

September 27, 2025

Driton Iseni

UBT ka bërë hapjen e thirrjes për pjesëmarrje në Konferencën Ndërkombëtare të Gjuhës dhe Kulturës 2025 (IC-LAC), e cila këtë vit organizohet në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion.

Ky aktivitet shkencor do të bashkojë studiues, akademikë, studentë të cikleve të avancuara, doktorantë, ekspertë të fushës dhe profesionistë të arsimit nga vende të ndryshme të botës, me synim shkëmbimin e njohurive, përvojave dhe praktikave më të mira mbi gjuhën, kulturën dhe ndërthurjen e tyre në sistemet bashkëkohore arsimore.

Tema kryesore e këtij edicioni është: “Ndërtimi i sistemeve arsimore reziliente për një të ardhme të qëndrueshme.”

Datat kryesore:

Dorëzimi i abstrakteve: 10 tetor 2025
Njoftimi i pranimit & rishikimi shkencor: 17 tetor 2025
Regjistrimi i hershëm: deri më 17 tetor 2025
Regjistrimi i vonuar: deri më 20 tetor 2025
Dorëzimi i punimit të plotë: 14 nëntor 2025

Qëllimet dhe objektivat

Konferenca IC-LAC synon të hapë një hapësirë të gjërë diskutimi mbi rolin e gjuhës dhe kulturës në shoqëritë moderne, duke nxitur qasje multidisiplinare për edukimin dhe komunikimin ndërkulturor.

Fushat e diskutimit përfshijnë:

Gjuha dhe kultura në arsim
Përdorimi i teknologjisë në mësimdhënie dhe të nxënë
Komunikimi ndërkulturor dhe shumëgjuhësia
Praktikat e qëndrueshme në edukimin gjuhësor
Inteligjenca artificiale dhe ndikimi i saj në të nxënit e gjuhëve
Përkthimi, interpretimi dhe komunikimi global
Rezilienca arsimore dhe dizajnimi i kurrikulave

Dorëzimi i punimeve

Punimet e paraqitura duhet të jenë origjinale, të papublikuara më parë dhe të mos jenë në proces shqyrtimi në konferenca të tjera. Gjatësia maksimale e një punimi është 6 faqe. Punimet që nuk respektojnë kriteret e formatimit nuk do të merren në konsideratë.

Organizatorët ftojnë të gjithë të interesuarit që të kontribuojnë me hulumtimet e tyre shkencore dhe praktikat profesionale, duke u bërë pjesë e një platforme ndërkombëtare shkëmbimi idesh që synon të forcojë lidhjen mes gjuhës, kulturës dhe arsimit për një të ardhme më të qëndrueshme.

Lajmet

Gjykata spanjolle liron Dani Alves-in

Published

2 days ago

September 26, 2025

UBT News

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

Lajmet

Caktohet data, Pogba rikthehet në fushë

Published

2 days ago

September 26, 2025

UBT News

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/