Kulturë
Rihanna performoi në dy skena të mëdha këtë vit, por ende pa album të ri
Rihanna qe shtatë vjet s’ka sjellë album të ri.
Kinematografia kosovare ka shënuar një tjetër sukses të rëndësishëm në arenën ndërkombëtare.
Filmi më i ri i Visar Morina, “Shame and Money”, është përzgjedhur për premierën botërore në Sundance Film Festival, një nga festivalet më prestigjioze të filmit në botë. Ky është një moment i veçantë, pasi për herë të dytë Morina merr pjesë në kategorinë kryesore të festivalit, një arritje e rrallë për një regjisor nga Kosova.
“Shame and Money” sjell historinë e një familjeje kosovare që, pasi humbet mënyrën e jetesës në fshat, detyrohet të shpërngulet në Prishtinë, ku përpiqet të përshtatet me ritmin e shoqërisë hiperkapitaliste të sotme.
Në kast marrin pjesë; Astrit Kabashi, Flonja Kodheli, Kumrije Hoxha, Fiona Gllavica, Alban Ukaj, Aria Shala, Riga Morina, Melika Gashi, Selman Lokaj, Teuta Hajdini, Abdinaser Beka, Rebeka Qena, Tristan Halilaj, Basri Lushtaku, Rafet Abazi, Besnik Krapi e Eshref Durmishi.
Filmi është prodhuar nga Vicky Bane dhe kompania Schuldenberg Films, ndërsa producentët përfshijnë Fabian Altenried, Sophie Ahrens, Kristof Gerega, Pia Hellenthal dhe vetë Visar Morinën.
Bashkëprodhimi realizohet falë bashkëpunimit të disa kompanive nga rajoni dhe Evropa, përfshirë Eagle Eye Films (Kosovë), Vertigo Ljubljana, On Film Production, List Production dhe Quetzalcoatl.
Filmi është mbështetur nga institucione të rëndësishme kulturore dhe fonde ndërkombëtare si Qendra Kinematografike e Kosovës, Eurimages, German Federal Film Fund, Slovenian Film Centre, North Macedonia Film Agency dhe sistemi belg i Tax Shelter.
Lajmi u mirëprit edhe nga kryeministri Albin Kurti, i cili e publikoi njoftimin në Facebook, duke shkruar: “Urime regjisorit Visar Morina, aktorëve dhe gjithë ekipit krijues nga Kosova që po e çojnë punën e tyre në këtë skenë prestigjioze të filmit”.
Biletat për premierën në Sundance do të jenë në shitje më 14 janar. Detaje të mëtejshme mund të gjenden në faqen zyrtare të festivalit ose në profilin e tij në Instagram. /A.Z/UBT News/
PriFest vijon traditën e tij vjetore me programin MOVING CINEMA, duke udhëtuar në qytete të ndryshme të Kosovës me filmat fitues të metrazhit të mesëm.
Stacioni i radhës është Podujeva, ku në bashkëpunim me Teatrin “Avdush Hasani”, më 11 dhjetor, në ora 18:00, publiku do të ketë mundësinë të shohë dy filma të regjisorës Aulona Selmani.
Filmat që do të shfaqen:
SI NË VAJ (Zvicër/Kosovë)
Fitues i edicionit të 15-të të PriFest në kategorinë e filmave të metrazhit të mesëm. Filmi ndjek historinë e Nadies, luajtur nga Ilire Vinca, një vejushë e re e cila gjendet nën vëzhgimin dhe kontrollin e kunatave të saj. Një autoportret nga e kaluara vë në pikëpyetje jetën që ajo ka ndërtuar dhe zgjedhjet e saj.
AND THE WIND WEEPS (Zvicër/Kosovë)
Fitues i edicionit të 16-të të PriFest në të njëjtën kategori. Historia fokusohet te Dauti, i mbijetuari i një masakre ku ka humbur djalin. Pas dy dekadash përgatitje për të dëshmuar në Hagë, e kaluara i lëkundet kur vëllai i tij ndërron jetë, duke e lënë atë të vetmin dëshmitar. Filmi ngre dilema të thella mbi drejtësinë, kujtesën dhe përballjen me traumën.
Përmes programit MOVING CINEMA, PriFest vazhdon të promovojë kinemanë kosovare dhe t’i sjellë publikut në qytete të ndryshme filmat më të vlerësuar të festivalit, duke e bërë artin filmik më të afërt, më të qasshëm dhe më të gjallë në mbarë vendin. /A.Z/UBT News/
Në teatrin “Andon Zako Çajupi” u zhvillua mbrëmja poetike “Fajet e Zemrës”, një udhëtim artistik përmes vargjeve të autores Valbona Lola.
Poezitë e përzgjedhura nga vëllimi i saj i fundit, që flasin për jetën, dashurinë, prindërit dhe natyrën, u interpretuan nga aktorët Luiza Xhuvani, Alfred Trebicka, Zamira Kita, Violeta Banushi dhe Blerta Belliu.
Valbona Lola e përshkroi mbrëmjen si “një takim i zemrave”, ku poezia arrin tek publiku përmes zërit të aktorëve.
Ajo theksoi se dominonin lirikat e dashurisë, peizazhet, por edhe temat sociale dhe rebelimi ndaj padrejtësive, përfshirë edhe disa poezi kushtuar Korçës.
Aktorit Alfred Trebicka i pëlqeu sinqeriteti i poezisë së Lolës, duke e cilësuar atë si “poezi qytetare, e ngrohtë dhe e brishtë, që prek elementet bazike të shoqërisë dhe qenies njerëzore”.
Mbrëmja poetike u zhvillua për publikun korçar si pjesë e kalendarit festiv të fundvitit. /A.Z/UBT News/
Punimet restauruese në ish-objektin e Teknikës Popullore në Gjilan po i afrohen fundit, duke shënuar një hap të rëndësishëm në ruajtjen e trashëgimisë kulturore dhe arkitekturore të qytetit.
Me një investim prej rreth 200 mijë eurosh nga Ministria e Kulturës, Rinisë dhe Sportit, objekti po restaurohet plotësisht sipas standardeve profesionale, me qëllim që të ruhet autenticiteti i tij arkitekturor dhe vlerat historike.
Ky projekt jo vetëm që siguron mbrojtjen e këtij monumenti, por edhe i jep mundësi gjeneratave të ardhshme ta përdorin dhe ta vlerësojnë si pjesë të identitetit kulturor të Gjilanit dhe Kosovës.
Ministria ka theksuar po ashtu se investime të tilla janë të domosdoshme për promovimin dhe integrimin e trashëgimisë kulturore në jetën publike dhe kulturore të komunitetit.
/A.Z/UBT News/
Gati për festat? Ja mënyra më e mirë për të pastruar furrën pa stres
Kontroll më i rreptë në Snapchat, procesi i ri që duhet ta kalojnë përdoruesit në Australi
Kosova në skenën e madhe, “Shame and Money” debuton në Sundance
Polici jashtë detyrës paralajmëron për mjegullën, sulmohet nga i dyshuari
Fushë Kosovë: E mitura raporton abuzim seksual, i dyshuari arrestohet
Dy sirianë të plagosur me thikë në Leposaviq, i dyshuari në arrati
Presidenti i Austrisë nderon Rektorin e UBT-së, Dr. Edmond Hajrizi, me Medaljen e Artë të Meritave
KQZ nuk certifikon kandidatët e Listës Serbe
Specialja liron me kusht Isni Kilajn
-
Aktualitet2 months agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni3 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Rajoni2 months agoUBT shpall thirrjen për Konferencën Ndërkombëtare të Gjuhës dhe Kulturës 2025
-
Lajmet3 months agoUBT hap thirrjen për abstrakte në Konferencën Ndërkombëtare të Stomatologjisë