Lajmet

Ri-konfigurimi veriatlantik, përshpejtimi i Kosovës drejt NATO-s

Qeveria e Kosovës duhet të veproj që të arrijë sa më shumë marrëveshje dypalëshe me vendet anëtare të NATO-s

Published

5 years ago

on

(Qasje strategjike transatlantike të anëtarësimit të Kosovës në NATO. Skenari supranacional i përshpejtimit. Kronologji strukturore e orientimeve të Kosovës drejt anëtarësimit EuroAtlantik – NATO)

Shkruan: Prof. Dr. Bahri Gashi 

Konteksti i zhvillimeve të fundit në Europën Lindore, me situatë dramatike të agresionit ushtarak të Rusisë ndaj Ukrainës së pavarur dhe sovrane, ka shtuar domosdoshmërinë, që ambientet e shteteve për mbrojtje dhe siguri të rrisin nevojën për kapacitete të reja të mbrojtjes kolektive. 

Rruga e partneritetit strategjik në procesin e integrimeve euroatlantike, është e lidhur ngusht me aftësitë tonë politike dhe ushtarake për të lëvizur akterët transatlantik, përfaqësuesit amerikan dhe miqëve të tjerë brenda NATO-s dhe BE -së në përpjekjet tona, duke i adresuar sfidat aktuale të sigurisë në rajon, sidomos lufta në Ukraninë, dhe tendenca e afektimit rus në përhapjen e konfliktit në Ballkanin Perëndimor. 

Institucionet qeverisëse, duhet shfrytëzuar maksimalisht brishtësinë e situatës, në përshpejtimin e rrugëtimit tonë si shtet në strukturat euroatlantike drejt NATO-së. BE dhe NATO kanë kohë që kanë rënë dakord për një qasje të bashkërenduar mbi sigurinë dhe stabilitetin në Ballkanin Perëndimor. Partneriteti në mes BE-së dhe NATO-s ka qenë kyç për t’i dhënë fund konfliktit dhe stabilizuar rajonin tonë të trazuar nga lufta dy dekada më parë.

Kronologji strukturore e orientimeve të deritanishme të Kosovës drejt anëtarësimit në NATO-s nga këndvështrimi i dy skenarëve paraprak 

Anëtarësimi i Kosovës në strukturat euro-atlantike, me theks të veçantë në NATO, u bë prioritet për institucionet e Kosovës tek në vitin 2014 kur u përfundua Rishikimi Strategjik i Sektorit të Sigurisë. Ky diskurs politik në Kosovë, filloj të rritej në mënyrë të vazhdueshme për të adresuar nevojën e anëtarësimit të vendit në strukturat euro-atlantike, duke përfshirë edhe NATO-n. 

Me formimin e Ushtrisë së Kosovës, përmes miratimit të tri ligjeve për transformimin e Forcës së Sigurisë së Kosovës, nga një forcë për ndërhyrje emergjente në një forcë ushtarake, anëtarësimi i Kosovës në NATO, tani theksohet të jetë ndër prioritetet kryesore në fushën e mbrojtjes dhe sigurisë. 

Institucionet e Kosovës kanë aspirata për anëtarësim në Aleancën Veriore-Atlantike (NATO), njëkohësisht ky synim do të vazhdojë të trajtohet me seriozitetin më të madh. Njëkojësisht, bashkëpunimi, transparenca, koordinimi me mekanizmat e NATO-s në Kosovë, ndihmon vazhdimisht në arritjen dhe forcimin e standardeve demokratike. 

Shikuar nga pikëpamja institucionale, praktikisht aspiratat e Kosovës për t’u bërë pjesë në NATO janë paraparë në të gjitha dokumentet strategjike kombëtare dhe legjislacionin e sektorit të sigurisë. Vizioni për anëtarësimin në NATO është përmendur qartë në pothuajse çdo dokument krahas integrimit në BE. 

Në këtë kontekst, diskursi politik i trajton integrimet Euro-Atlantike si një nga synimet kryesore në planin afat-mesme dhe afat-gjatë. 

NATO – ja,  ka gjithashtu atë, që ajo e quan Plani i Veprimit për Anëtarësim. Ky Plan i ndihmon anëtarët të cilët aspirojnë të përgatiten për anëtarësim dhe që i përmbushin kërkesat kryesore, duke u ofruar atyre këshilla praktike dhe ndihmën përkatëse. 

Nga e kaluara, në Kosovë janë treguar disa skenarë, sa i përket modaliteteve të anëtarësimit të Kosovës në NATO, sipas një raporti të Qendrës Kosovare për Studime të Sigurisë, aso kohe parashiheshin dy skenarë.

Skenari i parë përfshin pjesën nga dialogu Kosovë-NATO e deri tek anëtarësimi i plotë i Kosovës në këtë organizatë. Ky skenarë është i ndarë në dy faza:

Faza e parë përfshin Ministrinë e Punëve të Jashtme e cila duhet apo obligohet që të dorëzojë Dokumentin e Prezantimit për Kosovën në NATO. Pas dorëzimit të këtij dokumenti, pritet hapja e dialogut zyrtar Kosovë-NATO, sipas së cilës pritet që të sigurohet: Vlerësimin e misionit të KFOR-it; Zhvillimi i kapaciteteve të plota të Forcave të Armatosura të Kosovës e cila do të qonte deri tek marrja e plotë e përgjegjësive nga misioni i KFOR-it, dhe në këtë mënyrë do të vazhdonte të sigurohej një ambient i qetë dhe i sigurt në vend; 

Do të sigurohej që demarkacioni i kufirit me Serbinë të bëhej me ndërmjetësimin e BE-së dhe NATO-s.Më pastaj në kuadër të fazës së parë, NATO-ja do të duhej të vendoste rreth dy çështjeve, e që janë: 

Shkrirja e Ekipit Ndërlidhës dhe Këshilldhënës të NATO-s në Zyre Ndërlidhëse të NATO-s në Kosovë e cila do të mbështeste Forcat e Armatosura të Kosovës dhe e cila do të përgatiste Kosovën për anëtarësim të plotë në NATO; 

Emërimi i Përfaqësuesit Special të NATO-s në Kosovë i cili do të përfaqësonte NATO dhe do të koordinonte dialogun ndërmjet Kosovës dhe NATO-s.Pas përmbylljes me sukses të fazës së parë, do të kalohej në fazën e dytë ky do të synohej të arrihej marrëveshja dypalëshe në mes të Kosovës dhe NATO-s. 

Pas përfundit të dialogut që u përmend tek faza e parë, marrëveshja e synuar për t’u arritur tek faza e dytë do të siguronte: Vendosjen e raporteve kontraktuale në mes Kosovës dhe NATO-s; Hapjen e procesit të anëtarësimit me të drejta të plota në NATO; NATO t’i hap rrugë Kosovës për anëtarësim në Partneritet për Paqe dhe pastaj në NATO;

Vendet që nuk e kanë njohur pavarësinë e Kosovës, u kërkohej të mos ta bllokojnë anëtarësimin e Kosovës në NATO; por tani atyre do t’iu kërkohet  me presion nevoja për njohje. Një pjesëmarrje e Forcave të Armatosura të Kosovës në operacionet dhe misionet ndërkombëtare të përbashkët me NATO-n.

Edhe skenari i dytë përfshinte bashkëpunimin dypalësh me vendet e NATO-s. Fillimisht parashihet që të bëhet fuqizimi dhe rritja e bashkëpunimit me vendet anëtare të NATO-s. Kjo synohet të bëhet në disa forma, si: 

– Qeveria e Kosovës duhet të veproj që të arrijë sa më shumë marrëveshje dypalëshe me vendet anëtare të NATO-s; 

– Qeveria e Kosovës në planin rajonal duhet të arrijë marrëveshje me Shqipërinë dhe Kroacinë në mënyrë që të përfitojë nga këto vende si shembuj për integrim në Partneritetin për Paqe dhe në NATO;

– Qeveria e Kosovës duhet të shikojë dhe analizojë planin për anëtarësim në NATO të Malit të Zi dhe Maqedonisë së Veriut; 

Nëpërmjet fuqizimit të bashkëpunimit me vendet e NATO-s, dhe arritjes së marrëveshjeve me këto shtete, sikurse përqendrimi duhet të jetë tek programet e trajnimit dhe ushtrimeve të përbashkëta të Forcave të Armatësura të Kosovës me forcat e armatosura të vendeve përkatëse të NATO-s;  Po ashtu, vendet mike të Kosovës mund të ndihmojë në ngritjen e kapaciteteve të Forcave të Armatosura të Kosovës sipas standardeve të kërkuara nga NATO; 

Pos kësaj, rrugë tjetër që duhet të ndjekë Kosova apo institucionet kosovare, është fillimi i zbatimit të kushteve që kërkohen nga NATO për anëtarësim. Kjo sjellë përfitime për Kosovën sepse kur të vije koha për dorëzim të kërkesës zyrtare për anëtarësim në Partneritet për Paqe dhe NATO, ne veçse jemi gati; thuhej raport.

Po ashtu, zbatimin e këtyre kushteve mund ta përcjellin dhe ndihmojnë në implementim shtetet mike të Kosovës. Tani publikisht pro anëtarisimit të Kosovës në NATO janë vendet në rajon si Turqia e Kroacia.

Pas fuqizimit të bashkëpunimit me vendet anëtare të NATO-s, duhet të vazhdohet me përpjekjet diplomatike, e që mund të zhvillohet në drejtime:

Qeveria e Kosovës duhet që sa më shpejtë të rritë numrin e atasheve ushtarakë në vendet mike të Kosovës; Aty thuhet se Kosova, duhet të ketë rritje të stafit diplomatik të Kosovës në vendet e NATO-s;

Ambasadat e Kosovës në bashkëpunim të afërt me vendet e NATO-s, duhet të synojnë të ndikojnë tek vendet që nuk na kanë njohur, e që janë shtete anëtare të NATO-s, që të zbusin qëndrimet e tyre karshi pavarësisë së Kosovës. 

Skenari i tretë i adresimit përmes përshpejtimit të anëtarësimit të Kosovës në NATO 

Përveq dy skenarëve të mëparshëm strukturor, të rrugëtimit të Kosovës drejt NATO-s, tani ekziston edhe skenari i tretë, i pakapërcyeshëm i përshpejtimit me veprime konkrete politike e diplomatike, që duhet ndjekur dhe konkretisht çfarë duhet bërë tani? 

Roli kyç në këtë proces është pasnjë mëdyshje, madje ështê strategjike e humane, lëvizja nga Shtëpia e Bardhë dhe presidenti Joe Biden.

Pa humbur kohë, të ndodh fuqizimi i mekanizmave shtetëror dhe shfrytëzimi i vizitave të larta bilaterale Kosovë – ShBA,  organizimi i një kampanie lobuese të mirëanalizuar, mirëfinacuar dhe mirëmenaxhuar, përmes ShBA-ve, shteteve mike dhe personaliteteve me ndikim në këtë proces. Fjala vjen me angazhimin e  ish-gjeneralëve të NATO-s, sikurse z.Wesley Clark, që kanë karrierë politike e ushtarake të kohës dhe ndikim, diplomat e ushtarak brenda shteteve anëtare të NATO-s, duke argumetuar për domosdoshmërinë e një ambienti gjeostrategjik të ri karrshi sfidave të sigurisë në rajon, duke përmbyllë objektivat sgrategjike të Kosovës me anëtarësim të përshpejtuar në NATO. 

Kosova duhet të vazhdoj në detyrat e saja në procesin e anëtarësimit në organizata të tjera ndërkombëtare të sigurisë përmes fuqizimit dhe;

– Rritjen e rolit të faktorizimit determinues në procesin e përshpejtuar drejt anëtarësimit në NATO.

– Rritjen e unifikimit të brendshëm dhe faktorit ndërkombëtar në raportet e dialogut me Serbinë.

– Rritjen e rolit të agjensive të sigurisë në ngritjen e kapaciteteve ndërinstitucionale.

– Rritjen e vëmendshmërisë në ruajtejn e sovranitetit në Veri, aspketi i menaxhimit të operacioneve policore në Veri.

– Rritjen e krijimit të klimës politike në ofrimin e sigurisë me kuadro profesionale .

– Rritja e performancës për të përmbyllë Rishikimin e Sektorit Strategjik të Sektorit të Sigurisë, dhe 

– Rritja e kapaciteteve të reja ligjore në sektorin e sigurisë dhe mbrojtjes për të përmbyllë arkitekturën e sigurisë, ende të papërfunduar. 

Si përfundim, FSK -Ushtria e Kosovës me mandat të ri ushtarak, e rreshtuar përkrah NATO-s, duke qenë e përgatitur ushtarakisht, determinon nevojën e anëtarësimit të Kosovës në NATO për ruajtjen e sigurisë,  integritetit, sovranitetit dhe sigurinë kolektive, në ndërveprim me NATO-në. 

Avancimi i procedurave të përshpejtuara për pranim në NATO, konsiston në përfshirjen sa më të shpejtë të Kosovës në programin e para anëtarësimit në NATO- s, në Partneritetin për Paqe, anëtarësimin në Kartën e Adriatikut A5, fuqizimin e pranisë së Kosovës në mekanizmat ndërkombëtarë të sigurisë dhe intensifikimin dhe përmbushjen e detyrimeve me aleatët strategjikë.

Zgjerimi i perimetrit të zonës Veri -Atlantike të Aleancës së NATO-s, duke e përfshi Kosovën në NATO, është kontribut gjeostrategjik për ruajtjen e paqes në rajonin tonë të brisht duke mbyllur përfundimisht ambiciet armiqësore, duke ofruar mbrojtje të sigurtë kolektive të shteteve anëtare, si dhe pjesëmarrje si kontribut për sigurinë në partneritet të përbashkët në misione paqëruajtëse me dhe përkrah NATO-s.

Shënim:

(Autori është doktor shkence, ligjërues dhe njohës i Politikave të Sigurisë)

Related Topics:
Continue Reading

lajme

UBT shënon 25-vjetorin, Hajrizi: Kemi dhënë kontribut në transformimin e arsimit dhe inovacionit në Kosovë

Published

3 hours ago

on

October 16, 2026

By

Në një intervistë në emisionin “Five” në RTV Dukagjini, Rektori i UBT-së, Edmond Hajrizi, ka thënë se 25-vjetori i këtij institucioni përfaqëson jo vetëm një përvjetor jubilar, por edhe një moment reflektimi për të arriturat dhe synimet e ardhshme në arsim, shkencë, inovacion dhe teknologji.

Hajrizi ka deklaruar se gjatë këtij çerek shekulli, UBT-ja është angazhuar në ndërtimin e një sistemi arsimor me qasje inovative, duke synuar të ndikojë në zhvillimin e vendit në fusha të ndryshme.

“Është një vit që jo vetëm duhet të reflektojmë, por është një angazhim prej çerek shekulli, ku vitet më të mira të jetës kanë qenë angazhim për të ndërtuar një sistem të arsimit dhe një qasje inovative në arsim. Ka qenë një rezultat i mirë, por edhe një moment reflektimi se çfarë kemi arritur dhe çfarë duam të arrijmë”, është shprehur Hajrizi.

Ai ka theksuar se gjatë këtyre 25 vjetëve ka pasur zhvillim në fusha të ndryshme, përfshirë arsimin, shkencën, inovacionin, teknologjinë dhe zhvillimin e biznesit, duke vlerësuar se UBT-ja ka pasur ndikim në këtë proces transformues.

Në kuadër të shënimit të 25-vjetorit, UBT-ja ka planifikuar disa aktivitete që do të zhvillohen gjatë javës së ardhshme, me fokus të veçantë në fushën akademike dhe shkencore.

Sipas Hajrizit, gjatë kësaj jave në Kosovë do të organizohen tri ngjarje ndërkombëtare, njëra pas tjetrës, të cilat synojnë të sjellin në vend komunitetin akademik dhe profesionistë nga fusha të ndryshme.

Ngjarja e parë do të mbahet të mërkurën dhe do t’i kushtohet Konferencës Ndërkombëtare për Mjekësinë Sportive. Hajrizi ka bërë të ditur se kjo konferencë organizohet për herë të dytë dhe do të mbledhë përfaqësues të komunitetit vendor dhe ndërkombëtar në UBT.

“Kemi mbërritur në fund të vitit ku do të shënojmë edhe përmbylljen e 25-vjetori dhe mbi këtë kemi menduar t’i organizojmë disa evente të cilat ndërlidhen edhe në shenjë të 25-vjetorit. Këtë vit i kemi mbledh disa ngjarje, javen e ardhshme kemi disa aktivitete që lidhen me pjesën akademike shkencore dhe i kemi tri ngjarje të nivelit botëror që i organizmojnë në Kosovë në të njëjtën kohë njëra pas tjetrës që e plotësojnë gjithë javën. Konferenca e parë që e organizojmë të mërkurën ka të bëjë me Konferencën Ndërkombëtare Botërore për Mjekësinë Sportive, është hera e dytë që organizohet por është një konferencë që sjell gjithë komunitetin edhe ndërkombëtar edhe vendor në UBT në Kosovë”, u shpreh Hajrizi.

Përmes këtyre aktiviteteve, UBT-ja synon të shënojë përmbylljen e 25-vjetorit, duke vënë në pah të arriturat e deritanishme dhe duke hapur diskutime për zhvillimet e ardhshme në arsim, shkencë dhe inovacion.

Continue Reading

lajme

UBT hap AI Business Hub, duke kompletuar ekosistemin për zhvillimin e kompetencave dhe mbështetjen e bizneseve

Published

5 hours ago

on

October 16, 2026

By

UBT ka hapur zyrtarisht AI Business Hub, një hapësirë të re që synon të forcojë kompetencat në fushën e inteligjencës artificiale dhe të ofrojë mbështetje për bizneset në Kosovë dhe më gjerë.

AI Business Hub është rezultat i projektit TBEAI (Transforming Business Education with AI in Western Balkans), një projekt i financuar nga Komisioni Evropian përmes programit Erasmus+, i cili synon transformimin e edukimit të biznesit përmes integrimit të inteligjencës artificiale në Ballkanin Perëndimor.

Me hapjen e këtij Hub-i, UBT plotëson edhe më tej ekosistemin e tij të inovacionit, duke krijuar mundësi konkrete për zhvillimin e kompetencave digjitale, avancimin e njohurive në inteligjencën artificiale dhe mbështetjen e sektorit të biznesit në përballjen me sfidat e transformimit digjital.

AI Business Hub synon të shërbejë si urë lidhëse ndërmjet akademisë, teknologjisë dhe biznesit, duke krijuar hapësirë për bashkëpunim, zhvillim të aftësive profesionale dhe zbatimin e zgjidhjeve të inteligjencës artificiale në praktikat e përditshme të bizneseve. Përmes kësaj nisme, studentët, profesionistët dhe ndërmarrjet do të kenë mundësi të përfitojnë nga një qasje më e orientuar drejt nevojave të tregut, duke nxitur inovacionin, rritjen e produktivitetit dhe përgatitjen për ekonominë digjitale.

Hapja e AI Business Hub dëshmon përkushtimin e UBT-së për të ndërtuar një ekosistem që jo vetëm zhvillon kompetencat e së ardhmes, por edhe përkrah bizneset në Kosovë dhe më gjerë, duke i ndihmuar ato të shfrytëzojnë potencialin e inteligjencës artificiale për zhvillim dhe konkurrueshmëri.

UBT vazhdon të investojë në inovacion, dije dhe teknologji, duke e shndërruar inteligjencën artificiale në një mundësi konkrete për zhvillimin e arsimit, sipërmarrjes dhe ekonomisë.

Continue Reading

Lajmet

Rama fajëson “duart e huaja” për trazirat në Shqipëri

Published

5 hours ago

on

October 16, 2026

By

Kryeministri i Shqipërisë, Edi Rama, bëri thirrje për qetësi të premten, dhe fajësoi “duart e huaja” për trazirat e dhunshme disaditore, ndërsa protestuesit u mblodhën sërish në kryeqytet dhe në qytete të tjera.

Që nga e marta, Tirana është përfshirë nga protesta të dhunshme, ku mijëra protestues kanë kërkuar dorëheqjen e Ramës për shkak të kushteve të këqija në universitete dhe tarifave të larta të studimit.

Protestat janë përhapur edhe në disa qytete të tjera, ndërsa studentët iu bashkuan bojkotit të universiteteve, duke shënuar një përshkallëzim të ndjeshëm pas muajsh protestash kundër qeverisë në vend.

Përleshjet gjatë natës mes policisë dhe grupeve të protestuesve, shumica e të cilëve të maskuar, vazhduan deri në orët e para të së premtes.

Hyrja e Ministrisë së Financave u përfshi nga flakët, ndërsa xhamat e një kompleksi universitar u thyen.

Sipas një deklarate të Policisë, 160 protestues u ndaluan të enjten në mbrëmje për kryerjen e akteve të dhunshme.

Protestuesit grumbulluan dhe dogjën kontejnerë mbeturinash për të bllokuar rrugët, si dhe hodhën gurë drejt Policisë, e cila u kundërpërgjigj me gaz lotsjellës dhe topa uji për t’i shpërndarë.

Një gazetar i AFP-së pa, gjithashtu, grupe të maskuara duke thyer vitrina dhe duke plaçkitur dyqane. Të njëjtat incidente u raportuan edhe në pjesë të tjera të qytetit.

Të premten në mëngjes, qindra protestues marshuan drejt Ministrisë së Arsimit, e cila mbetet një nga pikat kryesore të protestave.

Përleshjet kanë lënë pas ndërtesa qeveritare me dëme të mëdha, vitrina të thyera dyqanesh dhe dhjetëra persona të arrestuar.

Përshkallëzimi i protestave këtë javë vjen pas muajsh të tërë demonstratash kundër qeverisë, të cilat fillimisht u nxitën nga një projekt i diskutueshëm për zhvillimin e një resorti, i lidhur me familjen e presidentit amerikan, Donald Trump.

Në një deklaratë të premten, Rama këmbënguli se protestat nuk kanë të bëjnë “fare me hallet, me problemet, me aspiratat legjitime të gjithkujt që dëshiron një jetë më të mirë”.

“E gjithë kjo është po ajo dorë, po ajo dorë që e ka kapur për fyti opozitën shqiptare, dhe që e ka djegur dhe shkatërruar jo një herë Shqipërinë, dhe që është gati ta djegë e ta shkatërrojë përsëri, për të mos e lënë të bëjë përpara”, tha ai.

Ai akuzoi “duar të huaja”, pa i identifikuar ato, se po nxisin trazirat dhe synojnë të pengojnë përpjekjet e vendit të tij për t’u anëtarësuar në Bashkimin Evropian.

“Këto janë duar të huaja që nuk e duan Shqipërinë të qetë”, tha ai në një video të publikuar në faqen e tij në Facebook.

Që nga e marta, dhjetëra persona, kryesisht zyrtarë policorë, janë plagosur në përleshje, sipas autoriteteve.

Burimi: AFP / REL

Continue Reading

Rajoni

127 të arrestuar pas protestave në Shqipëri, hetohen thirrjet për akte terroriste

Published

6 hours ago

on

October 16, 2026

By

Drejtori i Departamentit për Sigurinë Publike në Shqipëri, Dhimitraq Ziu, ka njoftuar se 127 persona janë arrestuar dhe 244 të tjerë janë proceduar penalisht në Tiranë, në lidhje me protestat e dhunshme të ditëve të fundit.

Sipas tij, janë lënduar 120 punonjës policie në disa qytete të vendit.

Ziu bëri të ditur gjithashtu se strukturat e Krimit Kibernetik dhe Antiterrorit po hetojnë kanale dhe grupe në rrjetet sociale, ku janë shpërndarë mesazhe me thirrje për akte ekstreme e terroriste dhe kërcënime ndaj punonjësve të Policisë.

“Deri në këto momente në Tiranë, janë arrestuar 127 shtetas dhe janë proceduar në gjendje të lirë 244 shtetas, për ushtrim të dhunës ndaj punonjësve të Policisë, dëmtim të institucioneve shtetërore, shkatërrim të pronës publike dhe private, si dhe të bankomateve, kamerave, automjeteve dhe rrethimeve metalike”, ka thënë ai.

Ziu ka treguar edhe për rastet në qytetet e tjera. Në Durrës, ka thënë se janë arrestuar 23 shtetas dhe janë proceduar penalisht 12 të tjerë, në Korçë janë arrestuar 2 shtetas dhe janë proceduar në gjendje të lirë 23 shtetas, në Vlorë janë proceduar në gjendje të lirë 20 shtetas, në Shkodër janë proceduar në gjendje të lirë 9 shtetas.

Gjatë protestës në Shkodër Ziu ka deklaruar se është plagosur rëndë një oficer i Policisë së Rendit, i cili aktualisht ndodhet në Spitalin e Traumës Tiranë, për ndihmë mjekësore. Ai theksoi se autori i plagosjes është identifikuar, por për shkak të moshës nuk është arrestuar.

Kurse, në Elbasan janë proceduar në gjendje të lirë 6 shtetas dhe në Kukës janë proceduar në gjendje të lirë 10 shtetas, shtoi ai.

“Ndërkohë, nga dhuna e ushtruar mbi punonjësit e Policisë, në Tiranë, Durrës, Lezhë, Shkodër dhe Kukës, janë dëmtuar deri tani 120 punonjës policie”.

Sa i përket rasteve të dyshuara për akte ekstreme, Ziu ka theksuar po bashkëpunojnë me agjencitë partnere ndërkombëtare për zbulimin e adresave IP, identifikimin e administratorëve të këtyre kanaleve dhe të çdo përdoruesi që bën thirrje për dhunë dhe akte terroriste.

“Përveç ngjarjeve në terren, strukturat e specializuara të Hetimit të Krimit Kibernetik dhe Antiterrorit kanë marrë në shqyrtim të menjëhershëm hapësirën virtuale, ku gjatë monitorimeve intensive, janë identifikuar disa kanale dhe grupe komunikimi, nëpërmjet të cilave janë shpërndarë mesazhe me përmbajtje të drejtpërdrejtë kriminale, ndër to, thirrje për kryerje të akteve ekstreme dhe terroriste, si dhe kërcënime direkte kundër jetës së punonjësve të Policisë së Shtetit”, potencoi ai.

Ziu u ka bërë thirrje protestuesve të distancohen nga personat e maskuar dhe të dhunshëm.

“E drejta për protestë duhet të ushtrohet në mënyrë paqësore dhe nuk mund të përdoret si justifikim për dhunën dhe shkatërrimin”.

Ndërkohë Ziu ka theksuar se po udhëzojnë punonjësit e policisë që “pavarësisht situatave ku përballen me sulme të rrezikshme, apo gjatë ndërhyrjeve për të mbrojtur institucionet, të tregojnë vetëpërmbajtje dhe propocionalitet”.

Gjatë katër ditëve është raportuar për ushtrim dhune nga policët drejt qytetarëve./A.K/

Continue Reading

Të kërkuara