Lajmet

Rezistenca ndaj mikrobeve po shkakton më shumë raste të rënda se malaria

Studimi i fundit tani tregon shkallën aktuale të këtij problemi globalisht dhe dëmin që po shkakton.

Published

4 years ago

on

Rezistenca ndaj mikrobeve është një problem që po përhapet me shpejtësi gjatë viteve të fundit.

Një problem që shumë njerëz nuk janë në dijeni që po ndodh pasi ka veprim thuajse të padukshëm.

Në një studim të fundit publikuar në revistën lancet tregon se vdekjet nga ky shkak kanë arritur shifrën 4.95 milionë në vitin 2019.

Një shifër më e madhe se të gjithë përsonat që humbën jetën nga HIV/AIDS dhe malaria së bashku po atë vit.

Përse ndodh kjo?

Rezistenca antimikobiale ndodh kur mikrobet që shkaktojnë infeksione në trup të tilla si bakteret, viruset ose kërpudhat evoluojnë, duke u bërë kështu rezistente ndaj ilaçeve të krijuara për t’i vrarë ato.

Shpesh mund të keni dëgjuar për rezistencën ndaj antibiotikëve dhe kjo është pikërisht ajo çfarë ndodh edhe në këtë rast.

Gjetjet nga studimi i publikuar në revistën Lancet tregojnë qartë se rezistenca antimikrobike po përparon më shpejt. Kjo është shqetësuese, pasi tregon se funskioni i antibiotikëve në trupin e njerëzve po shteron.

Problemi në fakt ka nisur që në vitin 1928 kur u zbulua penicilina dhe ekspozimi ndaj saj është i vazhdueshëm. Në disa raste, këto mikrobe janë rezistente edhe ndaj shumë ilaçeve të ndryshme.

Ky studim tani tregon shkallën aktuale të këtij problemi globalisht dhe dëmin që po shkakton. Studimi përfshin 204 vende përreth botës me 471 milionë persona duke duke mbajtur të dhëna për shkaqet e vdekjeve.

Rezistenca ndaj mikrobeve ishte 4.95 milionë vdekje ndërsa HIV ka shkaktuar 860.000 mijë vdekje dhe malaria 640.000 vdekje.

Një problem global!

Ka rreth 23 baktere të ndryshme të marra në studim dhe vetëm 6 prej tyre treguan se ishin më rezistente ndaj ilaceve. Këto baktere ishin rezistente ndaj ilaçeve më të zakonshme që përdoren për sëmundjet inflamatore. Këto përfshijnë beta-laktamat dhe fluorokinolonet, të cilat zakonisht përshkruhen për shumë infeksione, të tilla si infeksionet e traktit urinar, të rrugëve të sipërme dhe të poshtme të frymëmarrjes, të kockave dhe nyjeve./AgroWeb.org

Related Topics:
Continue Reading

Botë

Sulm me dron në Jemen, më shumë se 20 persona të plagosur, dy nga ata në gjendje të rëndë

Published

3 minutes ago

on

September 25, 2025

By

Të paktën 22 persona u plagosën, përfshirë dy rëndë, pasi një dron i qëlluar nga Jemeni goditi qytetin Eilat në Izraelin jugor në bregdetin e Detit të Kuq të mërkurën, thanë zyrtarët izraelitë.

Imazhet nga ekipet e ndihmës së shpejtë dhe ushtria izraelite duket se tregojnë dronin duke u ulur pranë dyqaneve dhe restoranteve. Droni u qëllua gjatë orëve të fundit të festës së Rosh Hashanah, e cila shënon vitin e ri hebraik, shkruan CNN.

Houthit e mbështetur nga Irani kanë lëshuar vazhdimisht dronë dhe raketa balistike në Eilat dhe zona të tjera në Izraelin jugor, por këto lëshime shpesh interceptohen.

“U bënë përpjekje për interceptim dhe ekipet e kërkim-shpëtimit po operojnë në zonën ku u mor raporti në lidhje me ndikimin”, thanë Forcat e Mbrojtjes së Izraelit (IDF) në një deklaratë./S.K/KP/

Continue Reading

Aktualitet

Osmani falenderon presidentin e Guinea Bissau për përkrahjen e tij në forcimin e pozitës ndërkombëtare të Kosovës

Published

5 minutes ago

on

September 25, 2025

By

Presidentja e Kosovës, Vjosa Osmani ka takuar homologun e saj nga Guinea Bissau, Umaro Sissoco Embalo në New York.

Përmes një postimi në profilin e saj zyrtar në Facebook, Osmani tha se ka falenderuar Presidentin Embalo për përkrahjen e tij për forcimin e pozitës ndërkombëtare të Kosovës.

“Gjithnjë kënaqësi takimi me mikun e Kosovës, Presidentin e Guinea Bissau, Umaro Sissoco Embaló. Në takimin e sotëm në selinë e OKB, e falënderova Presidentin Embaló për përkrahjen e tij për Kosovës, forcimin e pozitës ndërkombëtare të vendit tonë si dhe për përkushtimin për ta rritur bashkëpunimin midis dy shteteve tona”, ka shkruar Osmani.

Presidentja Osmani tash e disa ditë, ka udhëtuar në New York për të marrë pjesë në punimet e Asamblesë së Përgjithshme të Kombeve të Bashkuara./S.K/KP/

Continue Reading

Aktualitet

Arrestohet 32-vjeçari në Fushë Kosovë, strehoi të dyshuarin që tentoi ta vras djalin e tij

Published

8 minutes ago

on

September 25, 2025

By

Një 32-vjeçar është arrestuar në Fushë Kosovë, nën dyshimin se strehoi të dyshuarin D.B, për plagosjen e djalit të tij në Stanoc të Vushtrrisë.

“I dyshuari, mashkull kosovar 32-vjeçar, është arrestuar  në qytetin e Fushë Kosovës, pasi dyshohet se ka strehuar dhe ndihmuar një person tjetër të dyshuar për veprën penale “Vrasje e rëndë në tentativë”, e cila kishte ndodhur në muajin korrik 2025 në fshatin Stanovcë të Vushtrrisë”, thuhet në njoftimin e Policisë.

Pas intervistimit, me aktvendim të prokurorit, të dyshuarit i është caktuar masa e ndalimit policor.

Ndryshe, më 28 korrik rreth orës 18:00, si pasojë e të shtënave me armë zjarri, një 27-vjeçar kishte mbetur i plagosur dhe ishte dërguar për trajtim mjekësor.

Autoritetet konfirmuan se ai është jashtë rrezikut për jetë dhe në vendin e ngjarjes ishin gjetur katër gëzhoja,/S.K/EO/PK/

Continue Reading

Aktualitet

Lojërat e fatit, arrestohen tre persona në Vushtrri

Published

10 minutes ago

on

September 25, 2025

By

Janë arrestuar tre persona në Vushtrri nën dyshimin se organizuan skema piramidale dhe bixhozit të paligjshëm.

Policia ka njoftuar se pati prova se po zhvillohej veprimtari e kundërligjshme e lojërave të fatit.

“Në orët e pasdites së datës  24 shtator 2025, policia në Vushtrri, kanë arrestuar tre  persona të dyshuar për veprën penale ‘Organizim i skemave piramidale dhe bixhozit të paligjshëm”. Arrestimi i tre të dyshuarve është bërë mbi dyshime të arsyeshme dhe provave të siguruara se brenda një lokali po zhvillonin  veprimtari te kundërligjshme të lojërave të fatit”, thuhet në njoftim.

Gjatë kontrollit, në cilësi të provave materiale janë gjetur dhe sekuestruar, tre telefona,  një  shumë  e  parave prej 525 euro, tiketa dhe dëshmi tjera relevante.

“Ndërsa pas intervistimit me aktvendimit  të prokurorit të rastit, tre të dyshuarve u  është caktuar masa e ndalimit për 48 orë. Ndaj tyre është iniciuar rast për veprën penale ”Organizim i skemave piramidale dhe bixhozit të paligjshëm”, tregon Policia./S.K/EO/PK/

Continue Reading

Të kërkuara