Lajmet

Reuters: Ja pse BE-ja ende s’e ka miratuar vaksinën Sputnik V

Vonesa e dorëzimit të të dhënave të testimit klinik të vaksinës.

Published

4 years ago

July 13, 2021

Betim Gashi

Zhvilluesit e vaksinës ruse kundër Covid-19, Sputnik V, vazhdimisht kanë dështuar që t’iu ofrojnë rregullatorëve të dhëna që vlerësohen si kërkesa standarde në procesin e miratimit të ilaçeve, i thanë agjencisë Reuters pesë persona me njohuri rreth përpjekjeve evropiane për vlerësimin e kësaj vaksine.

Reuters raportoi muajin e kaluar se vlerësimi i sigurisë dhe efikasitetit të vaksinës Sputnik V nga Agjencia Evropiane e Ilaçeve ishte shtyrë për shkak të mosrespektimit të afatit të 10 qershorit për dorëzimin e të dhënave të testimit klinik të vaksinës, sipas njërit prej burimeve, i afërt me agjencinë evropiane.

Vështirësitë shkojnë përtej këtij afati, tha një person i afërt me Agjencinë Evropiane të Ilaçeve. Deri në fillim të qershorit, agjencia pothuajse nuk kishte pranuar asnjë të dhënë rreth prodhimit, ndërsa të dhënat klinike ishin të pakompletuara, tha burimi.

Në një rast tjetër, një vlerësim i vaksinës Sputnik V nga një delegacion i shkencëtarëve francezë zbuloi se zhvilluesit e vaksinës nuk ishin në gjendje që të dokumentojnë që themeli i zhvillimit të vaksinës përputhet me rregullat specifike të BE-së për parandalimin e infektimit me sëmundje, shkruan Gazeta Express.

Agjencia Evropiane e Ilaçeve e nisi zyrtarisht në mars vlerësimin e vaksinës ruse dhe më parë pritej që të vendoste rreth saj në maj ose qershor, për ta lejuar apo për të mos e lejuar përdorimin e saj në BE.

Organi rus që merret me shitjen e vaksinës Sputnik V jashtë vendit ka thënë se ajo tashmë është regjistruar në mbi 60 shtete dhe se studimet nga disa shtete, përfshirë Argjentinën, Meksikën dhe Hungarinë, tregojnë se vaksina është e sigurt dhe efektive.

Një nga personat me njohuri rreth përpjekjeve evropiane për ta vlerësuar vaksinën ruse tha se ata nuk kanë arsye për të dyshuar se vaksina është e sigurt dhe efektive. Sipas një studimi të shkencëtarëve ndërkombëtarë, të publikuar në revistën “Lancet” në shkurt, vaksina Sputnik V është mbi 90 për qind efektive./Gazeta Express

Lajmet

Policia shqipton mbi 2000 gjoba trafiku për 24 orët e fundit

Published

6 minutes ago

September 9, 2025

UBTnews

Policia e Kosovës ka shqiptuar 2088 gjoba për kundërvajtësit e trafikut brenda 24 orëve të fundit.

Në 24 orët e fundit janë raportuar 38 aksidente trafiku me dëme materiale, 36 aksidente trafiku kanë përfunduar me të lënduar.

Policia e Kosovës ka arrestuar 20 persona, 14 janë dërguar në mbajtje, kurse 2 persona janë në vuajtje të dënimit/D.B/KP

Lajmet

Komuna e Prishtinës njofton se nga nesër rikthehet funksionaliteti i plotë i “Prishtina Parking

Published

36 minutes ago

September 9, 2025

UBTnews

Komuna e Prishtinës ka njoftuar se nga nesër do të rikthehet funksionaliteti i plotë i “Prishtina Parking”.

Sipas njoftimit, në përputhje me vendim të Gjykatës Supreme nesër hyn në fuqi zbatimi i plotë i rregullores për rregullimin e parkingjeve në kryeqytet.

“Njoftojmë qytetarët se shfrytëzimi i parkingjeve publike të menaxhuara nga “Prishtina Parking” bëhet vetëm me pagesë, sipas tarifave zyrtare. Çdo parkim pa pagesë do të sanksionohet me gjoba dhe masa ndëshkuese, në përputhje me legjislacionin në fuqi“, thuhet në njoftim./D.B/KP

Bota

Humbin jetën të paktën 8 persona pasi Treni përplaset me autobusin në Meksikë

Published

1 hour ago

September 9, 2025

UBT News

Të paktën 8 persona kanë vdekur kur një tren u përplas me një autobus pasagjerësh me dy kate në Meksikë duke lënë të plagosur të paktën edhe 45 të tjerë, tha Mbrojtja Civile e Shtetit të Meksikës.

Aksidenti ndodhi në një autostradë në komunën Atlacomulco, sipas autoriteteve shtetërore, shkruan CNN.

Trafiku është i mbyllur në të dyja drejtimet për të lejuar shërbimet e emergjencës të reagojnë.

Shkaku i përplasjes nuk dihet ende./S.K/KP/CNN/

Lajmet

Rama takohet me komandantin e Forcave Detare të SHBA-së

Published

1 hour ago

September 9, 2025

UBT News

Kryeministri Edi Rama ka zhvilluar një takim me komandantin e Forcave Detare të Shteteve të Bashkuara të Amerikës në Europë dhe Afrikë, Admirali Stuart B. Munsch.

Në këtë takim është diskutuar për hapat konkretë të Shqipërisë për ringjalljen e industrisë ushtarake, avancimin e projekteve të Korridorit VIII dhe zhvillimin e Portit të Ri të Durrësit, shkruan rtsh.al.

“Në takimin me Komandantin e Forcave Detare të Shteteve të Bashkuara në Europë dhe Afrikë, Admiralin Stuart B. Munsch, në kuadër të hapave që Shqipëria po ndërmerr për rilindjen e industrisë ushtarake, si edhe për ecurinë e projekteve të Korridorit VIII dhe Portit të Ri të Durrësit”, shkruan Edi Rama në rrjetin e tij social, në Facebook.

I pranishëm në këtë takim ishte edhe ministri i Mbrojtjes Pirro Vengu, i cili thekson se është diskutuar për modernizimin e ushtrisë shqiptare.

Një tjetër pikë e rëndësishme e diskutimit ishte përparimi i projektit të Korridorit VIII, një arterie e rëndësishme infrastrukturore që lidh Detin Adriatik me Detin e Zi, duke kaluar përmes Shqipërisë, Maqedonisë së Veriut dhe Bullgarisë.

Korridori VIII konsiderohet një projekt strategjik për zhvillimin ekonomik dhe sigurinë rajonale, duke lehtësuar tregtinë, transportin dhe bashkëpunimin ushtarak mes vendeve të NATO-s dhe partnerëve të tjerë.

Projekti synon të rrisë ndërveprimin ekonomik dhe ushtarak mes vendeve të rajonit, duke e bërë Shqipërinë një nyje të rëndësishme logjistike në Ballkan./S.K/KP/