Kulturë
Restaurim i disa monumenteve kulturore në qarkun e Gjirokastrës
Drejtoria Rajonale e Trashëgimisë Kulturore në Gjirokastër ka realizuar ndërhyrjen më të madhe në ruajtjen dhe restaurimin e pasurisë kulturore të qytetit dhe qarkut, duke e cilësuar këtë vit si një periudhë me projekte të rëndësishme. Restaurimi i monumenteve të trashëgimisë kulturore ka marrë një vëmendje të veçantë, me qëllim ruajtjen dhe promovimin e pasurive të çmuara historike, që janë një identitet i çmuar për Gjirokastrën dhe rrethin përkatës.
Për momentin, janë në proces disa projekte restaurimi në monumente kulture të Kategorisë I, duke përfshirë ndërhyrje të rëndësishme si restaurimi i Urës së Mesit, pjesë e Tri Urave të Vogla mbi përroin e Zerzebilit, dhe restaurimi i Urës së Kollorcës, Glinës dhe Haskovës. Po ashtu, po kryhen ndërhyrje emergjente për restaurimin e Urës mbi Përroin e Benjës dhe restaurimi i murit perëndimor të “Banesës Fico”, një tjetër monument me rëndësi të veçantë. Këto projekte synojnë ruajtjen e vlerave historike dhe arkitektonike, si dhe rinovimin e infrastrukturës që mbështet zhvillimin e turizmit në këtë zonë të pasur me histori.
Në vijim të këtyre projekteve, pritet të nisin edhe disa restaurime të tjera që do të përfshijnë monumente të rëndësishme. Mes tyre është restaurimi i Kishës së Manastirit të Shën Mëri Spilesë, banesës së Angonatëve, si dhe Sarajet e Myfit Beut në Libohovë. Po ashtu, do të restaurohet kisha e Manastirit të Shpërfytyrimit, në fshatin Çatistë. Në bashkëpunim me CHWB, po realizohet restaurimi i disa kishave në Luginën e Drinos, si Manastiri i Shën Qirjakut dhe Julitës në Dhuvjan, dhe Manastiri i Ungjëllizimit në fshatin Vanistër. Ndërsa në bashkinë Përmet, përfundon restaurimi i kishës së “Shën e Premtes”, një tjetër monument që do të kontribuojë në vlerësimin e trashëgimisë fetare të zonës.
Sipas Drejtorisë Rajonale të Trashëgimisë Kulturore Gjirokastër, ruajtja dhe restaurimi i këtyre monumenteve kanë një rëndësi të jashtëzakonshme, jo vetëm për mbrojtjen e identitetit kulturor, por edhe për rritjen e tërheqjes turistike në këtë rajon, duke kontribuar në zhvillimin e qëndrueshëm të tij. Restaurimi i këtyre pasurive do të mundësojë një prezantim më të mirë të trashëgimisë kulturore të Gjirokastrës, duke i dhënë mundësi qytetarëve dhe vizitorëve të njohin më thellë vlerat historike të kësaj zone unike në Shqipëri./UBTNews/
Ambasadori Jonathan Hargreaves organizoi në rezidencën e tij një ekspozitë fotografike kushtuar punës së fotografit të natyrës, Arian Mavriqi.
Ekspozita paraqiti një panoramë të pasur të florës dhe faunës së Kosovës, ndërsa Mavriqi rrëfeu historitë pas çdo fotografie.
Ngjarja shërbeu gjithashtu si platformë për të diskutuar rëndësinë e mbrojtjes së natyrës dhe për të shkëmbyer ide me ekspertë të trashëgimisë natyrore.
Ambasadori Hargreaves theksoi se natyra mbetet një nga pasuritë më të mëdha të Kosovës, me potencial të konsiderueshëm ekonomik, shëndetësor dhe mjedisor—potencial që mund të shfrytëzohet vetëm përmes ruajtjes dhe planifikimit të qëndrueshëm. /A.Z/UBT News/
Në kuadër të Javës Kombëtare të Kulturës, në Tiranë u promovua libri “Libri im i kujtimeve” i kompozitorit, dirigjentit dhe muzikologut të njohur Rafet Rudi, me pjesëmarrjen e personaliteteve të shumta nga fusha akademike dhe artistike.
Ceremonia u hap me fjalën e Kryetarit të Akademisë së Shkencave të Shqipërisë, Skënder Gjinushi, e dorëzoi çmimin “Nderi i Akademisë”.
Vlerësimi u shoqërua me një motivacion të detajuar, ku theksohej kontributi i jashtëzakonshëm i tij në muzikën mbarëshqiptare, roli i rëndësishëm në jetën kulturore që nga vitet ’70, si dhe angazhimi i tij në forcimin e bashkëpunimeve mes Kosovës dhe Shqipërisë.
Rudi u përshkrua si figurë kyçe në interpretimin e veprave të kompozitorëve shqiptarë në skenat ndërkombëtare, si mbështetës i brezave të rinj dhe si themelues i festivalit prestigjioz muzikor ReMusica.
Në panel morën fjalën muzikologia Prof. Zana Shuteriqi, kompozitori dhe nënkryetari i Akademisë së Shkencave Prof. Vasil S. Tole, muzikologia Prof. Rreze Kryeziu dhe ushtruesi i detyrës së drejtorit të Filharmonisë së Kosovës, Dardan Selimaj.
Gjatë aktivitetit u interpretua vepra “Preludium – Këmbanat Arbëreshe” nga pianistja Ardita Bufaj, duke i dhënë promovimit një dimension artistik të veçantë. Ngjarja u organizua në kuadër të Javës Kombëtare të Kulturës, me mbështetjen e Akademisë së Shkencave të Shqipërisë.
Java Kombëtare e Kulturës mbyllet sot me koncertin e ansamblit “Zánat”, që zhvillohet nga ora 19:00 në Hollin Koncertor të TKOB-it. /A.Z/UBT News/
Rektori Hajrizi pjesëmarrës në ceremoninë e ndezjes së dritave në Crown të Texas-it
Rexhaj: Bizneset shqiptaro-gjermane, një bashkëpunim shumë i frytshëm
Rektori i UBT-së zhvilloi vizitë zyrtare në Texas me ftesë të Sam Houston State University
Trump: Evropa përballet me rrezikun e një zhdukjeje civilizuese
Thellimi i bashkëpunimit strategjik Shqipëri-SHBA, Spiropali takon Hanrahan
Netflix bëhet pronar i Warner Bros dhe HBO pas marrëveshjes gjigante
Gjenerali i lartë amerikan i NATO-s: Evropa do të mbijetojë edhe me më pak ushtarë amerikanë
Policia moldave gjen prova për grupin që dyshohet se u trajnua në Serbi për nxitjen e trazirave në Moldavi
Sonte bllokohet sërish aksi rrugor Kakavijë-Janinë shkaku i protestës së fermerëve grekë
-
Aktualitet1 month agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni2 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Rajoni2 months agoUBT shpall thirrjen për Konferencën Ndërkombëtare të Gjuhës dhe Kulturës 2025
-
Lajmet3 months agoUBT hap thirrjen për abstrakte në Konferencën Ndërkombëtare të Stomatologjisë