Lajmet

Reshjet e fuqishme shkaktojnë përmbytje të rënda në Evropën Qendrore

Published

2 years ago

on

Reshjet e dendura që kanë përfshirë Evropën Qendrore kanë shkaktuar përmbytje masive dhe probleme të mëdha për komunitetet lokale. Zëvendëskryeministri i landit Niederösterreich, Stephan Pernkopf, i tha agjencisë austriake të lajmeve APA se “reshjet e dendura kanë shkaktuar dhe pritet të shkaktojnë edhe më shumë përmbytje në të gjithë rajonin.”

Niederösterreich, toka është bërë tepër e lagësht, duke rritur rrezikun e rrëshqitjeve të dheut. Shumë rrugë janë mbuluar nga uji, dhe disa fshatra janë izoluar nga pjesa tjetër e vendit. Në këtë land, i cili përfshin zonën përreth Vjenës dhe ka rreth 1,7 milion banorë, është raportuar për një të vdekur nga përmbytjet. Një punonjës zjarrfikës humbi jetën kur po përdorte një pompë thithëse të ujit në një qilar, sipas njoftimit të shtabit të krizës.

Në natën që i parapriu ditës së diel, zjarrfikësit kanë kryer gati 4500 aksione emergjente. Në disa komuna në veri të Vjenës, njerëzit janë bllokuar nëpër shtëpitë e tyre nga përmbytjet, dhe ekipet e emergjencës kanë përdorur helikopterë dhe gomone për shpëtimin e tyre. Shumë banorë pranë lumenjve janë njoftuar për të evakuuar shtëpitë e tyre.

Gjendja është kritike edhe në zonat e lumenjve Kamp dhe Krems, të cilët derdhen në Danub. Ky fenomen ka shtuar shqetësimet për përmbytje të mëtejshme në këto zona.

Përveç Austrisë, edhe Republika Çeke është prekur rëndë nga përmbytjet. Ekipet e shpëtimit janë vënë në gjendje emergjence, dhe katër persona konsiderohen të humbur pasi janë rrëmbyer nga masa e ujit. Rajoni më i prekur është lindja e vendit, në kufi me Poloninë. Kryebashkiaku i Cesky Tesin ka urdhëruar evakuimin e mijëra banorëve nga qendra e qytetit, për shkak të rrezikut që lumi Olsa, një degë e Oderit, të përmbyset jashtë shtratit të tij./UBTNews/

 

 

Related Topics:
Continue Reading

Vendi

Mbi 100 gramë kokainë dhe marihuanë kapen në Vërmicë

Published

12 hours ago

on

June 19, 2026

By

Dogana e Kosovës, në bashkëpunim me Policinë e Kosovës, ka zbuluar dy raste të substancave narkotike gjatë kontrolleve në Pikën Kufitare të Vërmicës.

Në rastin e parë, gjatë kontrollit të një automjeti që po hynte në Kosovë, janë gjetur 104.90 gramë substancë e dyshuar si kokainë, e fshehur në çantën personale të një udhëtari.

Ndërkaq, në rastin e dytë janë zbuluar 5.53 gramë substancë e dyshuar si marihuanë, e fshehur në bagazhin e një automjeti. Gjatë kontrollit është gjetur edhe një thikë kuzhine e padeklaruar.

Rastet janë proceduar për hetime të mëtejshme nga autoritetet kompetente.

/A.K/

Continue Reading

Vendi

Mbyten dy vajza të mitura në Tale

Published

13 hours ago

on

June 19, 2026

By

Një ngjarje e rëndë ka ndodhur mesditën e sotme në plazhin e Tales, ku dy vajza të mitura, të moshës 11 dhe 9 vjeçe, janë mbytur në det.

Sipas njoftimit zyrtar të Policisë, tragjedia ka ndodhur rreth orës 12:50. Pas marrjes së informatës, zyrtarët policorë kanë dalë menjëherë në vendngjarje dhe, në bashkëpunim të ngushtë me pushuesit e tjerë, kanë bërë të mundur gjetjen dhe nxjerrjen e trupave të pajetë në breg.

“Në bashkëpunim me pushuesit, është bërë e mundur gjetja dhe nxjerrja e trupave të pajetë në breg“, thuhet në njoftimin e policisë.  /E.A/

Continue Reading

Vendi

Dyshime për cilësinë: Bllokohen mbi 1 mijë e 400 infuzione në Spitalin e Mitrovicës

Published

14 hours ago

on

June 19, 2026

By

Shërbimi Spitalor Klinik dhe Universitar i Kosovës (ShSKUK) ka njoftuar se ka bllokuar përkohësisht 1,432 njësi të një produkti mjekësor në Spitalin Rajonal “Sami Haxhibeqiri” në Mitrovicë, pas dyshimeve se ai mund të mos jetë brenda specifikave të kërkuara të cilësisë.

Bëhet fjalë për infuzionet e llojit Compound Sodium Lactate (500 ml). Alarmi u ngrit fillimisht nga farmacistja përgjegjëse e spitalit, gjë që vuri në lëvizje Inspektoratin Farmaceutik dhe Agjencinë e Kosovës për Produkte dhe Pajisje Medicinale (AKPPM).

Pas një inspektimi të dytë të kryer më 17 qershor, autoritetet urdhëruan bllokimin e menjëhershëm të këtij kontingjenti deri në pranimin e rezultateve nga analizat laboratorike. ShSKUK ka njoftuar opinionin publik se ky është një masë parandaluese dhe se mbetet e përkushtuar për të garantuar sigurinë e plotë të pacientëve dhe cilësinë e barnave nëpër spitalet publike. /E.A/

Continue Reading

Lajmet

KQZ gati për rezultatet përfundimtare: Përfundon rinumërimi i 185 vendvotimeve

Published

16 hours ago

on

June 19, 2026

By

Komisioni Qendror i Zgjedhjeve (KQZ) ka përmbyllur zyrtarisht procesin e rinumërimit për të gjitha 185 vendvotimet e kontestuara. Sipas zëdhënësit të KQZ-së, Valmir Elezi, procesi ka përfunduar sot në orën 12:00 dhe të dhënat e reja tashmë janë përditësuar në platformën zyrtare të rezultateve.

Me këtë hap, KQZ-ja ka mbyllur teknikisht të gjitha aktivitetet e administrimit të votave dhe është gati për shpalljen e rezultateve përfundimtare të zgjedhjeve të 7 qershorit.

Megjithatë, përpara shpalljes zyrtare, duhet të respektohen afatet ligjore për ankesat e mundshme. Elezi sqaroi se sot përfundon afati për ankesat lidhur me administrimin e numërimit nga dita e mërkurë (17 qershor), ndërsa po ashtu do të pritet nëse do të ketë ankesa për procesin e rinumërimit të përmbyllur sot.

Për më tepër, para se të procedohet tutje, KQZ-ja do të kërkojë një konfirmim zyrtar nga Paneli Zgjedhor për Ankesa dhe Parashtresa (PZAP) për të vërtetuar nëse ka ndonjë ankesë tjetër ende në shqyrtim.

Në fund, Qendra e Numërimit dhe Rezultateve (QNR) do të hartojë një raport të detajuar për gjetjet në secilin prej 185 vendvotimeve. Ky raport synon të konfirmojë se procesi i parë i numërimit nëpër komuna është zhvilluar me saktësi dhe në përputhje të plotë me vullnetin e shprehur të qytetarëve, raporton Ekonomia Online. /Ekonomia Online/ /E.A/

Continue Reading

Të kërkuara