Shëndet
REL: Mosrespektimi i protokolleve në QKUK rrit infeksionet
Dy pacientë kanë humbur jetën brenda më pak se një muaji në Qendrën Klinike Universitare të Kosovës (QKUK), dhe familjarët pretendojnë se shkaku nuk ishte vetëm sëmundja, por infeksionet që i morën pikërisht aty ku kërkuan shërim.
Në njërin prej rasteve, pacienti me kancer ishte në gjendje stabile deri në momentin kur, sipas familjarëve, u infektua me një bakter brenda QKUK-së.
“Kjo më pas i shkaktoi sepsë”, thotë shkurtimisht për Radion Evropa e Lirë një i afërm që kërkon të mbetet anonim.
Përkundër përpjekjeve, REL-i nuk arriti të merrte një konfirmim nga mjekët, sepse, sipas tyre, infeksionet brendaspitalore si shkak vështirë se dokumentohen në mënyrë të saktë.
Këto, megjithatë, nuk janë raste të izoluara. Në hapësirat e QKUK-së, rreziku i padukshëm i infeksioneve brendaspitalore kanos vazhdimisht pacientët.
Radio Evropa e Lirë ka siguruar të dhëna shqetësuese nga dy klinika: në Qendrën e Mjekimit Intensiv, infeksionet brendaspitalore kanë prekur mbi 70% të pacientëve gjatë disa muajve të këtij viti, ndërsa në Neonatologji, ku trajtohen foshnjat më të brishta, përqindja ka kaluar 20.
Drejtori i Klinikës së Anesteziologjisë dhe Mjekimit Intensiv, Gazmend Spahiu, e pranon hapur problemin: “Njësia Intensive ka përqindjen më të lartë të infeksioneve, për shkak të gjendjes së rëndë të pacientëve që shtrohen aty”.
Ai thotë se janë marrë disa masa të reja teknike për zvogëlimin e infeksioneve të rrugëve respiratore, si: pajisje të mbyllura për aspirim, tubusa me aspirim subglotik, higjienë më rigoroze, por pranon se mungesa e infermierëve e dobëson çdo përpjekje.
Mendim të ngjashëm ndan edhe drejtori i Klinikës Torakale, Nazmi Kolgeci.
“Ne, si personel, kemi kujdes dhe marrim masa preventive kundër infeksioneve. Ato nuk i bartin as pacientët, por shoqëruesit e tyre”, thotë ai për Radion Evropa e Lirë.
Prania e shoqëruesve është shndërruar në pjesë të kulturës së QKUK-së, pasi mungesa kronike e stafit mjekësor, e sidomos infermierëve, e ka bërë të pamundur që shumë shërbime bazike të ofrohen nga vetë spitali.
Për këtë arsye, familjarët shpesh bëjnë punët që duhet t’i bëjnë infermierët – qoftë të kujdesen për higjienën e pacientit, t’i japin ushqim apo të transportojnë analiza.
Për pasojë, dhomat dhe korridoret e spitalit janë të mbushura me familjarë që hyjnë e dalin pa kontroll higjienik, duke e kthyer institucionin në një hapësirë të pambrojtur nga infeksionet.
Klinika Torakale është ndër të paktat në QKUK që ka një dhomë të posaçme izolimi.
Në derën e dhomës numër 234 shkruan: “Kujdes! Dhomë Septike – Infeksion”. Brenda saj, paraditen e 4 dhjetorit, ishin tre pacientë të sëmurë rëndë, të ndarë nga të tjerët, me mjekë e infermierë që hynin vetëm me pajisje mbrojtëse.
Në dhomën pranë, atë ditë, ishte edhe G. Paçarizi. I shtruar për një sëmundje të mushkërive, ai i tha REL-it se është prekur edhe nga një virus që mjekët nuk e kanë identifikuar ende.
Në dhomën e tij, familjarët lëviznin lirshëm – pa doreza, pa maska dhe pa ndonjë kontroll.
Por, këto shkelje të supozuara të protokollit nuk i bënin vetëm ata.
REL-i vëzhgoi edhe mjekë e infermierë që dilnin jashtë klinikave me uniforma spitalore, ecnin nëpër oborr, shkonin në kuzhinën disa metra larg dhe më pas ktheheshin në hapësirat e trajtimit, pa u ndërruar.
Zyrtarë të Drejtorisë së Shërbimit Spitalor Klinik dhe Universitar të Kosovës – institucionit që mbikëqyr QKUK-në – pranuan shkurtimisht se “kodi i veshjes nuk respektohet”.
E, nga Ekipi për Kontrollin e Infeksioneve brenda QKUK-së thanë se kanë evidentuar shkelje pothuajse në të gjitha klinikat: thonj të gjatë, stoli, uniforma të papërshtatshme – elemente këto të ndaluara me çdo standard të kontrollit të infeksioneve.
Pjesëtarë të këtij ekipi, që folën në kushte anonimiteti për Radion Evropa e Lirë, thanë se shkelësit më të mëdhenj “janë kryeinfermieret dhe mjekët”.
REL-i kërkoi për disa ditë raportin e këtij ekipi dhe përgjigje nga shefja e tij, Hatixhe Gashi. Edhe pse ajo tha se i ka dërguar ato te drejtoria e QKUK-së, kjo e fundit u përgjigj vetëm me një deklaratë të përgjithësuar:
“Ekipi kryen inspektim dhe monitorim të përditshëm në të gjitha klinikat e QKUK-së. Infeksionet më të shpeshta janë ato të rrugëve respiratore, si pneumonitë ventilatore”.
“Pas çdo hulumtimi që bëhet, me qëllim të verifikimit të gjendjes higjienike, merren mostrat dhe në bazë të rezultateve, merren masat e duhura në bashkëpunim me klinikat përkatëse dhe institucionet tjera”, thuhet në përgjigje – pa ndonjë detaj më shumë.
Raportet e mëparshme të këtij ekipi kanë evidentuar deri në 600 raste të infektimeve brendaspitalore brenda një viti dhe ato kanë shkuar, kryesisht, duke u rritur.
Sipas SHSKUK-së, numri i pacientëve të shtrirë në klinikat e QKUK-së dhe në spitalet e përgjithshme ka kaluar 162 mijë në vitin 2024.
Rekomandimet e vazhdueshme të Ekipit për Kontrollin e Infeksioneve, përfshijnë: rritjen e nivelit të higjienës, klimatizimin qendror në salla të operacionit dhe menaxhimin e mbeturinave sipas standardeve.
Inspektorati Sanitar i Ministrisë së Shëndetësisë konfirmon për Radion Evropa e Lirë se po zhvillon disa kontrolle lidhur me infeksionet brendaspitalore – madje disa raste janë edhe duke u riinspektuar.
“Jemi në fazën e inspektimit dhe pasi ta kryejmë këtë punë, do të përgatisim një raport”, thotë udhëheqësi i departamentit, Ibrahim Tërshnjaku.
Naser Gjonbalaj, nga Oda e Mjekëve të Kosovës, e përkufizon situatën me një fjali: “Vetë fakti që në vitin 2025 ende flasim për infeksione brendaspitalore, është shqetësues.”
Ai shton se mungesa e stafit, mungesa e shërbimeve cilësore dhe prania e shoqëruesve në çdo hap të spitalit janë ndër shkaktarët kryesorë të përhapjes së infeksioneve, që mund të çojnë edhe në sepsë.
Pavarësisht kësaj, QKUK-ja nuk mban statistika të sakta për numrin e vdekjeve të lidhura me këtë komplikim.
Sipas Organizatës Botërore të Shëndetësisë, infeksionet e marra gjatë trajtimit shëndetësor janë ndër problemet më të shpeshta që ndodhin brenda spitaleve, pothuajse kudo në botë.
Mesatarisht, 1 në 10 pacientë preket nga këto infeksione.
Në vendet me të ardhura të ulëta ose të mesme, si dhe te pacientët më të rrezikuar – sidomos ata në kujdes intensiv – kjo përqindje është edhe më e lartë, sipas OBSH-së.
Por, brenda QKUK-së në Prishtinë, infeksionet e tilla janë vetëm një prej shumë problemeve.
REL-i ka dokumentuar vazhdimisht sfida brenda institucionit: mungesë të mjekëve dhe infermierëve në shumë klinika; lista pritjesh që zgjasin me vite; familjarë që detyrohen të marrin rolin e infermierëve; dhe kushte bazike që mungojnë – nga çarçafët deri te sapunët./REL
Rajoni
United Hospital po ndryshon fytyrën e shëndetësisë në Kosovë: Spitali ku teknologjia moderne takon ekspertizën mjekësore
Prishtinë – Në një kohë kur qytetarët e Kosovës për vite me radhë janë detyruar të kërkojnë trajtim jashtë vendit për shërbime më cilësore dhe më të avancuara, United Hospital po shfaqet si një revolucion i vërtetë në sistemin privat shëndetësor, duke sjellë standarde që deri dje konsideroheshin luks i spitaleve euro-perëndimore.
Që nga momenti kur pacienti hyn në ambientet e United Hospital, krijohet përshtypja se ndodhet në një institucion modern evropian të shëndetësisë, ku profesionalizmi, teknologjia dhe kujdesi njerëzor funksionojnë në harmoni të plotë. Me aparatura të avancuara diagnostikuese si CT e trurit, MRI, radiologji moderne dhe laboratorë të standardeve bashkëkohore, ky spital tashmë ka fituar epitetin e një qendre elitare mjekësore në Kosovë dhe rajon.
Por forca më e madhe e United Hospital nuk qëndron vetëm te teknologjia, ajo që e veçon realisht është stafi i jashtëzakonshëm profesional, ekipet multidisiplinare dhe menaxhimi adekuat që kanë ndërtuar një sistem funksional sipas standardeve euro-perëndimore.
Mjekë me renome, specialistë të dëshmuar dhe ekspertë të profileve të ndryshme mjekësore punojnë çdo ditë me përkushtim maksimal për t’u ofruar pacientëve trajtim cilësor, siguri dhe besim. Pikërisht kjo ndërthurje e ekspertizës njerëzore me teknologjinë moderne po e shndërron United Hospital në simbol të një shëndetësie të avancuar dhe dinjitoze për qytetarët e Kosovës.
I ndërtuar me infrastrukturë moderne dhe i pajisur me teknologjinë më të avancuar mjekësore “state of the art”, United Hospital tashmë është kthyer në një nga institucionet më të kompletuara shëndetësore në rajon.
Nga emergjenca 24-orëshe deri te ndërhyrjet kirurgjikale më komplekse, pacientët po gjejnë në këtë spital atë që për vite ka munguar në sistemin shëndetësor kosovar: siguri, profesionalizëm dhe trajtim dinjitoz.
Në zemër të këtij institucioni qëndron një ekip i fuqishëm ekspertësh dhe specialistësh nga fusha të ndryshme të mjekësisë, kirurgë, kardiologë invazivë, gjinekologë, anesteziologë, internistë, pediatër, ortopedë, nefrologë, hematologë dhe staf profesional laboratorik e radiologjik, të cilët ofrojnë kujdes të pandërprerë 24 orë në ditë.
Një nga pikat më të forta të spitalit është repartit i emergjencës, i projektuar për t’u përballur me çdo situatë kritike, nga rastet akute deri te komplikimet më të rënda shëndetësore. Po ashtu, laboratori modern dhe radiologjia e avancuar me CT dhe diagnostikim preciz i japin pacientëve mundësinë të marrin shërbim të shpejtë dhe të saktë në një vend të vetëm.
Në aspektin kirurgjikal, United Hospital ka ngritur kapacitete që rrallë gjenden në rajon, duke mbuluar kirurgjinë e përgjithshme, kardiake, vaskulare, torakale, maksillo-faciale, ORL dhe kirurgjinë pediatrike. Ndërsa në repartet internistike, spitali po avancon veçanërisht në kardiologjinë invazive, ku laboratori funksionon 24 orë pa ndërprerje.
Për drejtuesit dhe stafin e këtij institucioni, misioni nuk është vetëm trajtimi i pacientëve, por rikthimi i besimit të qytetarëve në shërbimet shëndetësore brenda Kosovës. Dhe pikërisht ky vizion po e bën United Hospital një nga adresat më të besueshme dhe më moderne për kujdesin shëndetësor në vend.
United Hospital – Spitali privat që po vendos standarde të reja në shërbimet shëndetësore në Kosovë
United Hospital po konsiderohet si një nga institucionet më moderne dhe më të kompletuara spitalore në Kosovë. Si spitali i përgjithshëm privat më i madh në vend, United Hospital ofron shërbime mjekësore 24 orë, duke garantuar kujdes të vazhdueshëm dhe profesional për pacientët nga të gjitha trevat e Kosovës.
Ky institucion shëndetësor veçohet për stafin e tij të përzgjedhur profesional, të përbërë nga ekspertë dhe specialistë me përvojë në fusha të ndryshme të mjekësisë. Në përbërje të ekipit janë kirurgë, gjinekologë, mjekë familjarë, internistë, laborantë të specializuar dhe profesionistë të profileve të tjera, të cilët çdo ditë janë në shërbim të pacientëve me përkushtim dhe standarde të larta etike e profesionale.
United Hospital ka investuar jo vetëm në resurset njerëzore, por edhe në teknologji moderne diagnostikuese dhe trajtuese, duke ofruar një gamë të gjerë shërbimesh mjekësore nën një kulm të vetëm. Nga diagnostikimi laboratorik dhe ekzaminimet specialistike, deri te ndërhyrjet kirurgjikale dhe trajtimet emergjente, spitali synon të jetë adresë besimi për çdo pacient që kërkon kujdes të sigurt dhe efikas.
Pacientët që kanë marrë shërbime në këtë institucion vlerësojnë qasjen profesionale të stafit, korrektësinë, pastërtinë, organizimin dhe përkushtimin ndaj çdo rasti, duke e konsideruar United Hospital si një model modern të kujdesit shëndetësor në Kosovë.
Me shërbim të pandërprerë 24 orë dhe me një staf të përgatitur profesionalisht, United Hospital vazhdon të forcojë pozitën e tij si një nga institucionet më të besueshme dhe më të avancuara private në sektorin e shëndetësisë në vend.
Edmond Hajrizi merr drejtimin e United Hospital, vizioni që synon ta kthejë Kosovën në adresë të shërbimeve moderne shëndetësore
Pas revolucionit që bëri në arsimin universitar dhe inovacionin akademik në Kosovë, Edmond Hajrizi tashmë ka marrë një tjetër sfidë madhore: avancimin dhe transformimin e United Hospital në një qendër moderne shëndetësore me standarde evropiane.
Me ardhjen e Hajrizit në menaxhimin dhe drejtimin strategjik të këtij gjiganti shëndetësor, United Hospital po hyn në një fazë të re zhvillimi, ku fokusi kryesor mbetet siguria e pacientit, profesionalizmi, teknologjia moderne dhe shërbimet e avancuara mjekësore.
I njohur si një nga figurat më inovative në fushën e arsimit dhe menaxhimit në Kosovë, Hajrizi po sjell në sektorin shëndetësor të njëjtën filozofi që e bëri të suksesshëm në universitet: modernizim, standarde ndërkombëtare dhe orientim drejt nevojave reale të qytetarëve.
Sipas tij, investimet e fundit në United Hospital nuk janë të rastësishme, por të ndërtuara mbi analizimin konkret të nevojave dhe ankesave të pacientëve kosovarë, të cilët për vite me radhë janë detyruar të kërkojnë trajtim jashtë vendit.
“Kam bërë gjithçka që arsimi në Kosovë të ketë progres dhe të ecë paralel me botën. Tani po bëj përpjekje që tërë këtë dituri, eksperiencë dhe ndikim pozitiv ta ofroj edhe në avancimet shëndetësore. Do të mundohem që pacienti kosovar të mos bredhë rrugëve të spitaleve të rajonit e as të Evropës, sepse teknologjinë evropiane ua kemi sjellë në Kosovë me të gjitha aparaturat moderne”, ka deklaruar Edmond Hajrizi për Rajonipress.
Hajrizi vlerëson se zhvillimi i qëndrueshëm i një shoqërie moderne nuk mund të kuptohet pa dy shtyllat themelore: arsimin dhe shëndetësinë.
Sipas tij, këto dy sektorë nuk funksionojnë të ndarë, por ndërtojnë një ekosistem të ndërlidhur që përcakton nivelin e zhvillimit dhe perspektivën e një populli.
“Mendoj se arsimi dhe mjekësia janë bazamenti kryesor për zhvillimin e një populli dhe perspektivën e tij. Ato e ndihmojnë njëra-tjetrën dhe si të tilla krijojnë ekosistemin e nevojshëm për një mjekësi moderne dhe të kërkuar në ditët e sotme”, ka deklaruar Hajrizi.
Me këtë filozofi, ai synon që përvoja e tij në transformimin e arsimit universitar të reflektohet tashmë edhe në avancimin e shërbimeve shëndetësore, duke krijuar institucione që ecin paralel me standardet më të zhvilluara evropiane.
Ndryshe nën drejtimin e tij, United Hospital tashmë po konsiderohet një nga institucionet më të avancuara private në vend, i pajisur me teknologji të sofistikuar diagnostikuese dhe trajtuese, përfshirë CT moderne, MRI, laboratorë të specializuar dhe pajisje të standardeve bashkëkohore evropiane.
Me këtë qasje të re menaxheriale dhe me investimet e vazhdueshme në teknologji dhe ekspertizë, United Hospital synon jo vetëm të trajtojë pacientë, por të rikthejë besimin e qytetarëve se edhe në Kosovë mund të marrin shërbime shëndetësore të nivelit evropian.
United Hospital sjell revolucionin e diagnostikës në Kosovë – prezantohet MRI më e avancuar në rajon me Inteligjencë Artificiale
United Hospital po vazhdon të vendosë standarde të reja në shëndetësinë moderne, duke sjellë në Prishtinë një nga teknologjitë më të sofistikuara diagnostikuese që ekziston aktualisht në Evropë dhe rajon. Në një investim që konsiderohet hap revolucionar për sistemin shëndetësor në Kosovë, United Hospital ka instaluar sistemin më të avancuar MRI – Philips MR 5300 BlueSeal, duke u bërë spitali i parë në rajon që operon me këtë teknologji të gjeneratës së fundit.
Ky investim strategjik nuk përfaqëson vetëm avancim teknologjik, por një transformim të mënyrës së diagnostikimit dhe trajtimit të pacientëve në Kosovë. Pajisja moderne MRI 1.5T është e pajisur me teknologjinë inovative BlueSeal, një sistem inteligjent që funksionon me sasi minimale heliumi dhe eliminon nevojën për rimbushje, duke rritur ndjeshëm sigurinë, stabilitetin dhe efikasitetin operacional.
Ajo që e bën këtë sistem unik është integrimi i Inteligjencës Artificiale (AI), e cila mundëson skanime deri në 50 për qind më të shpejta dhe me saktësi shumë më të lartë diagnostikuese. Për pacientët kjo nënkupton më pak kohë pritjeje, ekzaminime më komode dhe rezultate më precize, ndërsa për mjekët përkthehet në diagnostikim më të avancuar dhe vendimmarrje më të sigurt klinike.
Me rezolucion ultra të lartë të imazhit dhe teknologji të standardeve më të avancuara globale, kjo pajisje e vendos United Hospital në nivelin e qendrave moderne evropiane të diagnostikës dhe trajtimit.
Realizimi i këtij projekti është bërë në bashkëpunim me Unicare, përfaqësuese zyrtare e Philips Healthcare, kompani që njihet botërisht për inovacionet në teknologjinë mjekësore.
Duke operuar ekskluzivisht me pajisje të markës Philips dhe duke investuar vazhdimisht në teknologji moderne, United Hospital po e shndërron Kosovën në një qendër ku pacientët mund të marrin shërbime të standardeve euro-perëndimore pa pasur nevojë të kërkojnë trajtim jashtë vendit.
Ky investim konsiderohet një tjetër dëshmi se sistemi privat shëndetësor në Kosovë po hyn në një epokë të re, ku teknologjia, ekspertiza profesionale dhe kujdesi modern për pacientin po ecin paralel me zhvillimet më të avancuara globale./rajonipress/
Tërmeti i fuqishëm në Filipine lë të paktën 16 viktima, qindra të lënduar
KQZ përmbyll numërimin e votave 100%
Arsi Bako fiton “Festivalin e Pranverës” me këngën “Humb”
Ditari: Lajmet kryesore që shënuan datën 8 qershor 1993-1998?
Tentim vrasje në Klinë, arrestohet i dyshuari
Koncert Koral në Kuadër të Javës së Artit dhe Dizajnit dhe 25-Vjetorit të UBT-së
Aksident fatal në Vushtrri, humb jetën një person
Kosova e mbyll turneun e parë në Bosnje e Hercegovinë
Të shtëna me armë pas një mosmarrëveshjeje në Pejë, një person ndalohet për 48 orë
-
Aktualitet5 days agoStudentët e vitit të tretë në UBT prezantojnë ekspozitën përfundimtare “The Graduets”
-
Lajmet3 months agoProf. Dr. Marigona Bekteshi Ferati, recensuese e 20 punimeve shkencore në revista ndërkombëtare të indeksuara në Web of Science dhe Scopus (Q1)
-
Live3 months agoUji dhe Gjinia” – Shtytës i Zhvillimit të Qëndrueshëm
-
Vendi2 months agoUnited Hospital prezanton pajisjen më të avancuar MRI në rajon