Lajmet nga UBT

Rektori Hajrizi shpalos para institucioneve vendore dhe ndërkombëtare platformën digjitale “PlanifikoVET”

Kjo formulë e financimit është zhvilluar nga UBT për programin ALLED2.

Published

4 years ago

on

Përmes platformës online, rektori i UBT-së, prof.dr. Edmond Hajrizi, ka prezantuar para pjesëmarrësve të institucioneve vendore dhe përfaqësuesve të tjerë, platformën digjitale “PlanifikoVET”, e cila është pjesë e formulës së financimit për arsimin profesional.

Rektori i UBT-së, prof.dr. Edmond Hajrizi ka thënë se ka qenë kënaqësi që UBT të jep kontributin dhe ekspertizën e saj në procesin e analizimit të financimit të arsimit profesional.

“Për ne ka qenë kënaqësi e veçantë të kemi mundësi të kontribuojmë në procesin e analizës së financimit të arsimit profesional, duke marrë parasysh se kjo formulë është shumë e rëndësishme, dhe gjithmonë e potencojmë si komponentë të rëndësishme të zhvillimit në përgjithësi, për krijimin e kompetencave por edhe ndikimin në zhvillimin e përgjithshëm dhe specifik ekonomik të Kosovës”, ka thënë rektori Hajrizi.

Rektori Hajrizi, para pjesëmarrësve, në mënyrë virtuale ka shtjelluar në detaje edhe formën se si kanë punuar dhe se si kanë ardhur deri tek kjo formulë e financimit, që nga kompletimi i zingjirit të furnizimit, ofrimi i tre skenariove, si dhe udhërrëfimin për mënyrën se si funksionon platforma “PlanifikoVET”, në mënyrë që të rritet cilësia e arsimit profesional.

“Në bazë të gjendjes kemi parë se mund të riorganizohet aspekti financiar pa dëmtuar aspektet ligjore, pa hyrë thellë në ligjet e financimit, prokurimit, komponentëve të ligjeve të arsimit, por me një adaptim, me një ndryshim, duke iu ofruar rrethanave të nevojshme të fushave të caktuara të arsimit profesional mundësi për kompletimin e financimit, në mënyrë që të jemi më cilësor në aspektin e ofrimit të këtij edukimi”, ka thënë rektori i UBT-së, prof.dr. Edmond Hajrizi.

Pjesëmarrës në këtë takim përveç përfaqësuesve të organizatave dhe institucioneve vendore dhe ndërkombëtare ishte edhe ministrja e Ministrisë së Arsimit, Shkencës, Teknologjisë dhe Inovacionit, Arbërie Nagavci, e cila përkrahu formulën e financimit për arsimin profesional si dhe platformën e zhvilluar, duke theksuar se tashmë duhet të merret një vendim për mënyrën se si do të shkojë tutje ky proces.

“Si Ministri e Arsimit, Shkencës, Teknologjisë dhe Inovacionit, sigurisht që i jemi shumë mirënjohës të gjithë donatorëve që na kanë mbështetur në këtë proces gjatë viteve, sidoqoftë mendojmë se tani është momenti kur pas shumë diskutimeve, propozimeve, trajtimit të ideve të ndryshme, të marrim vendimin për një zgjidhje konkrete të kësaj problematike sepse tashmë duhet të kemi një situatë më të mirë dhe një financim që mundëson mbarëvajtjen e punës në shkollat e arsimit dhe aftësimit profesional”, ka thënë ministrja Nagavci.

Kjo formulë e financimit është zhvilluar nga UBT për programin ALLED2, financuar nga Komisioni Evropian dhe Agjencia Austriake për Zhvillim, formulë në të cilën shtjellohen në detaje skenarët të cilët duhet ndjekur për një zgjidhje efektive, duke sjellë analiza dhe rekomandime të opsioneve të ndryshme të mundshme rreth financimit të AAP-së në Kosovë, brenda kornizës legjislative ekzistuese.

UBT vazhdimisht është shquar si institucion i arsimit të lartë për kontributin në arsimin profesional, veçanërisht në fushat që ndërlidhen me STEM (Science, Technology, Engineering and Mathematics), në ngritjen e infrastrukturës moderne, si dhe në ofrimin e praktikave më të mira austriake, gjermane, zvicerane, e të shteteve të ndryshme të botës

Related Topics:
Continue Reading

Lajmet

Workshop Online për validimin e profileve profesionale në sistemin e drejtësisë së të miturve

Published

2 days ago

on

January 14, 2026

By

Në kuadër të projektit CORE-ED ACADEMY, UBT, në bashkëpunim me universitete të tjera partnere, organizoi një workshop online për diskutimin dhe validimin e profileve profesionale në sistemin e drejtësisë së të miturve.

Workshopi u moderua nga Prodekanja Prof. Asoc. Egzone Osmanaj dhe pati pjesëmarrjen e përfaqësuesve nga:

  • Shërbimi Korrektues i Kosovës
  • Shërbimi Sprovues i Kosovës
  • Profesorë nga Fakulteti Juridik në UBT, etj.

Ky aktivitet synon të përmirësojë praktikën profesionale në trajtimin e çështjeve të të miturve dhe të fuqizojë bashkëpunimin ndërinstitucional në këtë fushë.

Continue Reading

Lajmet

Flamur Xhafa – CTO nga kompania Behamics, ndan përvojën nga industria me studentët e Sistemeve të Informacionit

Published

2 days ago

on

January 14, 2026

By

Në kuadër të lëndës “Analiza dhe Dizajnimi i Sistemeve të Informacionit (SI)”, në Fakultetin Sistemet e Informacionit në UBT, u mbajt një ligjëratë tematike me guest speaker Flamur Xhafa, CTO nga kompania Behamics.

Gjatë ligjëratës, Xhafa ndau me studentët përvojën e tij profesionale rreth industrisë së teknologjisë, mënyrës së realizimit të projekteve reale, si dhe praktikave që përdoren në punën e përditshme në kompani. Ai theksoi rëndësinë e mendimit analitik, punës në ekip dhe komunikimit të qartë në procesin e analizës dhe dizajnimit të sistemeve, duke i lidhur konceptet e lëndës me raste konkrete.

Në fokus të veçantë ishte edhe pjesa e këshillave dhe motivimit për studentët, ku u diskutua se si të përgatiten për tregun e punës, si të ndërtojnë profilin e tyre profesional, si të angazhohen në projekte praktike dhe si të shfrytëzojnë mundësitë për të hyrë sa më herët në një ambient real pune.

Ky bashkëpunim shërben si një urë lidhëse mes studentëve dhe industrisë, duke krijuar hapësirë për mundësi praktike, rrjetëzim profesional dhe një kuptim më të qartë të kërkesave të tregut.

 

Continue Reading

Lajmet

Studentët e vitit të parë të Menaxhmentit, Biznesit dhe Ekonomisë në UBT trajnohen në QuickBooks nga ekspert i fushës

Published

3 days ago

on

January 13, 2026

By

Studentët e vitit të parë, në kuadër të lëndës Hyrje në Kontabilitetin Financiar në Fakultetin Menaxhment, Biznes dhe Ekonomi në UBT, nën udhëheqjen e profesorit Mic Ukaj realizuan një ligjëratë praktike mbi aplikimin e softuerëve të kontabilitetit, me ligjërues mysafir Taulant Murati, kontabilist i certifikuar me përvojë shumëvjeçare në fushën e kontabilitetit, financave dhe auditimit.

Përmes softuerit Quickbooks, studentët patën mundësinë të njihen nga afër me proceset kryesore të përdorimit të softuerëve te kontabilitetit, duke filluar nga krijimi i politikave kontabël, regjistrimi i klientëve dhe furnitorëve, evidentimi i blerjeve dhe shitjeve, e deri te reflektimi i këtyre transaksioneve në pasqyrat financiare. Ligjërata u karakterizua nga një qasje shumë interaktive, me përfshirje aktive të studentëve në përdorimin praktik të softuerit.

UBT mbetet e përkushtuar në vazhdimin e misionit të saj për të ndërthurur dijen teorike me përvojën praktike, duke u ofruar studentëve mundësi konkrete për të zhvilluar kompetenca profesionale që përputhen me kërkesat e tregut të punës.

Continue Reading

Lajmet

Profesori i UBT-së, Kujtim Thaçi publikon artikull shkencor në revistën prestigjioze Frontiers in Immunology

Published

3 days ago

on

January 13, 2026

By

Profesori i UBT-së, Prof. Dr. Kujtim Thaçi, ka publikuar një artikull shkencor në revistën ndërkombëtare shumë prestigjioze Frontiers in Immunology, e cila renditet në Q1, me Impact Factor 5.9 dhe CiteScore 10.6, si dhe është e indeksuar në Web of Science dhe Scopus.

Artikulli është realizuar në bashkëpunim me Qendrën për Imunologji dhe Sëmundje Inflamatore të Spitalit të Massachusettsit dhe Fakultetin e Mjekësisë të Universitetit të Harvardit. Ky bashkëpunim shënon herën e parë të një bashkëpunimi shkencor ndërmjet Fakultetit të Mjekësisë të Universitetit të Harvardit dhe UBT-së, duke përfaqësuar një arritje të rëndësishme për UBT-në dhe komunitetin akademik në Kosovë.

Në këtë artikull shkencor, autorët theksojnë se funksioni i IgE-së dhe efekti i saj sinjalizues përmes receptorëve FcεR shtrihet përtej sëmundjeve klasike atopike, duke luajtur rol të rëndësishëm edhe në shumë mjedise inflamatore jo-atopike dhe në sëmundjet e ndërmjetësuara nga imuniteti. Një fokus i veçantë i studimit është ndryshimi i glikozilimit në vende specifike të molekulës së IgE-së, ndryshime që mund të ndihmojnë në karakterizimin molekular të sëmundjeve, në stratifikimin e pacientëve dhe në identifikimin e mundësive të reja terapeutike.

Ky hulumtim ka rëndësi të veçantë, pasi shumë strategji imunomoduluese dështojnë për shkak se pacientët, pavarësisht dallimeve molekulare, trajtohen si një grup homogjen. Zgjerimi i kuptimit të biologjisë së IgE-së përtej atopisë kontribuon në riformulimin e konceptit të sëmundjeve inflamatore dhe hap rrugë për ndërhyrje klinike më të targetuara dhe më efektive.

Artikulli i plotë mund të lexohet në linkun zyrtar të revistës Frontiers in Immunology.

Continue Reading

Të kërkuara