Lajmet
Rektori Hajrizi pjesë e panelit për ndryshimet klimatike
Hajrizi: Studimet në UBT janë plotësisht të ndërlidhura me objektivat globale të zhvillimit të qëndrueshëm.
Rektori i UBT-së, prof.dr. Edmond Hajrizi, ishte pjesë e panelit debatues për ndryshimet klimatike, të organizuar nga Zyra e Koordinatores së Kombeve të Bashkuara në Kosovë, Ambasada e Britanisë së Madhe dhe Ambasada e Italisë në Kosovë.
Para një audience të zgjedhur, midis të cilëve ambasadori britanik, Nicholas Abbott, ambasadori italian, Antonello de Riu, Koordinatorja për Zhvillim e Kombeve të Bashkuara në Kosovë, Ulrika Richardson, përfaqësuesve nga Presidenca, Qeveria dhe shoqëria civile, Rektori Hajrizi foli për rolin e universiteteve në sigurimin e të dhënave të sakta për ndryshimet klimatike.
Ai tha se UBT është plotësisht e përkushtuar që të kontribuojë si institucion akademik e shkencor në sensibilizimin e opinionit për ndryshimet klimatike, e gjithashtu edhe për krjimin e databazës së monitorimit dhe pasqyrimit të saktë të të dhënave që ndërlidhen me këtë sfidë lokale e globale, mbi bazën e të cilave do të bazoheshin edhe veprimet konkrete në kuadër të përpjekjeve për reduktimin e dioksidit të karbonit dhe ruajtjes së planetit në përgjithësi.
“Studimet në UBT janë plotësisht të ndërlidhura me objektivat globale të zhvillimit të qëndrueshëm, e ku përfshihen edhe ndryshimet klimatike”, u shpreh Hajrizi, duke pasqyruar para kësaj audience të zgjedhur programet dhe specializimet e veçanta që ofron ky institucion arsimor në fushën e efiçiencës së energjisë, mjedisit, agrikulturës, bujqësisë, shkencave mjekësore e atyre kompjuterike e të cilat ndërlidhen me secilin prej 17 objektivave globale për zhvillim të qëndrueshëm të njohura si SDG.
Ndër të tjerash, Rektori Hajrizi tregoi për punën e UBT-së dhe çmimet e fundit ndërkombëtare për impakt real dhe arritje të SDG-ve. Gjithashtu, ai theksoi se UBT përpos kontribuimit përmes hulumtimeve shkencore mbi temën e ndryshimeve klimatike, UBT si institucion lider i edukimit në vend, po shkon përtej duke u zgjëruar edhe në impakt shoqëror përmes zhvillimit të shembujve Small Scale duke ju referuar qytetit të mençur të UBT-së, “UBT Smart CIty” për të testuar dhe hulumtuar tutje mekanizmat që promovojnë dhe mundësojnë zhvillimin e qëndrueshëm.
Gjatë diskutimit, Rektori Hajrizi i dha rëndësi edhe bashkëpunimit me të gjithë palët e interesit që të krijohen sa më shumë mundësi dhe platforma për zhvillim të qëndrueshëm përshkak se sipas tij, Kosova ka potencial dhe mund të ketë pozitë të rëndësishme në këtë fushë.
Diskutimet u përmbyllen me shfaqjen e dokumentarit me autor Sir David Attenborough – “Breaking Boundaries”, në këtë dokumentar shfaqen shkaktarët e vërtetë të ndryshimeve klimatike dhe bëhet thirrje urgjente për ndërmarrjen e veprimeve konkrete në shpëtimin e planetit.
Ky aktivitet u organizua në kuadër të fushatës Kosovo Climate Action Campaign – Climate Change, pjesë e së cilës është edhe UBT dhe si event për t’i paraprirë Konferencës së Kombeve të Bashkuara për Ndryshimet Klimatike që do të mbahet nga 31 tetori deri më 12 nëntor në Galsgow të Skocisë.
UBT, po ashtu, është ftuar për të marrë pjesë në forumin botëror për ndryshimet klimatike – Climate Impact Forum të organizuar nga revista prestigjioze Times Higher Education në bashkëpunim me programin e Kombeve të Bashkuara për Mjedisin.
Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.
Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.
Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.
Exit Polli e nxjerrë fitues Përparim Ramën në Prishtinë
Dilema e perdeve: cilat i përshtaten më mirë ambientit tuaj?
Publikohet traileri i filmit biografik për Michael Jackson
5 gabime që bëjmë pas ngrënies së drekës
Hilary Duff rrëfen pse nuk u bë mentore për Selena Gomez dhe Demi Lovato
Plaçkitet shtëpia e yllit të Interit
5 ushqime që njerëzit konsumojnë që nga kohët e lashta
Mos e merrni stresin në shtëpi: Si të mos mendoni për punën në fundjavë?
Rektori Hajrizi viziton UniMarconi në Romë
-
Lajmet3 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 weeks agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni2 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën