Lajmet nga UBT

Rektori Hajrizi: Aplikimi i Kosovës për anëtarësim në BE – një hap i rëndësishëm dhe historik

Rektori Hajrizi ka thënë ndër tjerash se aplikimi i Kosovës për anëtarësim në BE shfaq vizionin dhe angazhimin e gjithsecilit qytetar të Kosovës, i cili ka qenë dhe është i barabartë me evropianët.

Publikuar

Rektori i UBT-së, Prof. Dr. Edmond Hajrizi ka mirëpritur dhe ka përshëndetur aplikimin e Republikës së Kosovës për anëtarësim në Bashkimin Evropian, duke thënë se ky është një hap i rëndësishëm për Kosovën drejt integrimit në BE.

Rektori Hajrizi ka thënë ndër tjerash se aplikimi i Kosovës për anëtarësim në BE shfaq vizionin dhe angazhimin e gjithsecilit qytetar të Kosovës, i cili ka qenë dhe është i barabartë me evropianët.

“Qytetarët e Kosovës, e sidomos të rinjtë kanë treguar se janë pro-evropianë dhe angazhimi dhe vizioni i tyre ka qenë gjithnjë drejt integrimit në Bashkimin Evropian. Aplikimi i Kosovës për anëtarësim në BE, është një hap i rëndësishëm dhe historik, dhe e vërteton ëndrrën, shpresën dhe bindjen e qytetarëve tanë të cilët e ndjejnë vetën evropian dhe të barabartë me qytetarët e BE-së”, është shprehur rektori Hajrizi.

Lajmet nga UBT

Ish-studenti i UBT-së, Redon Obrazhda është punësuar në institucionin mikrofinanciar “KosInvest”

Ai u punësua në pozitën Zyrtar Kreditor Junior në degën në Prizren.

Publikuar

nga

Ish-studenti i Fakultetit Menaxhment, Biznes dhe Ekonomi në UBT, Redon Obrazhda pas suksesit të arritur përgjatë studimeve në UBT, është punësuar në institucionin mikrofinanciar “KosInvest” në pozitën Zyrtar Kreditor Junior në degën në Prizren.

Ai ka theksuar se falë mbështetjes dhe angazhimit të profesorëve, infrastrukturës moderne, laboratorëve dhe sallave të pajisura me teknologjitë më të sofistikuara të kohës, ka arritur të përfitojë njohuritë e nevojshme dhe të jetë i gatshëm për tregun e punës.

“UBT ofron kushte cilësore dhe shumë të mira për studime. Falë përgatitjes së stafit akademik dhe administrativ, mbështetjes ndaj studentëve, si dhe falë njohurive që kam marr nga ta përgjatë studimeve, sot jam i përgatitur për punën që e bëj aktualisht”, ka thënë Obrazhda.

Programi i studimit Menaxhment, Biznes dhe Ekonomi në UBT, ofron njohuritë më të avancuara në të gjitha dimensionet e menaxhimit, biznesit dhe ekonomisë, duke ofruar arsim akademik në një mjedis lokal me ekspertizë ndërkombëtare për të krijuar një mjedis për të rritur bashkëpunimin midis studentëve, stafit mësimor, administratës dhe komunitetit.

Vazhdo të lexosh

Lajmet nga UBT

Aplikimi i teknologjisë digjitale në shkencën e historisë – rektori Hajrizi zhvilloi një diskutim të hapur me studentët dhe stafin akademik të Universitetin e Tiranës

Në kuadër të këtij diskutimi, rektori Hajrizi ka folur rreth aplikimit të teknologjisë digjitale në shkencën e historisë, rreth rritjes së qasjes dhe përdorimit të burimeve historike, si dhe mundësive për të sjellë ndryshime në mënyrën e të studiuarit të historisë.

Publikuar

nga

Rektori i UBT-së, Prof. Dr. Edmond Hajrizi ka qëndruar për vizitë në Universitetin e Tiranës, gjegjësisht në Fakultetin e Historisë dhe Filologjisë, Departamentit mbi Humanititetet Digjitale, me ç’rast është zhvilluar “History Lab 12”, një diskutim i hapur me studentë dhe profesorë të këtij fakulteti.

Në kuadër të këtij diskutimi, rektori Hajrizi ka folur rreth aplikimit të teknologjisë digjitale në shkencën e historisë, rreth rritjes së qasjes dhe përdorimit të burimeve historike, si dhe mundësive për të sjellë ndryshime në mënyrën e të studiuarit të historisë.

Ndër të tjera, rektori Hajrizi ka folur rreth projektit inovativ “History Lab 12”, të drejtuar nga UBT, ku përdoret teknologjia për të sjellë historinë në një mënyrë më të sofistikuar për nxënësit, studentët dhe profesorët, duke e bërë historinë më të qartë, të kuptueshme dhe të aksesueshme për të gjithë dhe duke krijuar mundësi të ndryshme për të mësuar dhe eksploruar atë.

Rektori Hajrizi njëherit ka zhvilluar një takim me dekanin e Fakultetit të Historisë dhe Filologjisë, Prof. Dr. Sabri Laçi, me zëvendës-dekanin, Andi Pinari dhe profesoreshën Valentina Duka, me të cilët ka folur rreth rritjes së bashkëpunimit, për të krijuar mundësi të reja për studentët dhe profesorët e këtyre dy institucioneve të arsimit të lartë.

Vazhdo të lexosh

Lajmet nga UBT

Oreta Ibrahimi – një nga studentët e shumtë të UBT-së që realizoi shkëmbimin semestral në Universitetin “Van Hall Larenstein” në Holandë

Ajo ka vlerësuar se nëpërmjet UBT-së, ka arritur që të përforcojë njohuritë e fituara përgjatë studimeve, të njihet me kultura të ndryshme dhe të krijojë eksperiencë të re në një shtet modern, siç është Holanda.

Publikuar

nga

Përmes partneriteteve të ndërtuara ndërvite me universitetet prestigjioze në Evropë dhe Amerikë, studentët e UBT-së kanë arritur të realizojnë qëllimet e tyre akademike, duke përfituar nga shkëmbimet semestrale, bursat dhe përvojat e veçanta në vende të ndryshme.

Njëra ndër to është edhe Oreta Ibrahimi, studente e Fakultetit Menaxhment, Biznes dhe Ekonomi në UBT, e cila ka realizuar një shkëmbim semestral në Universitetin “Van Hall Larenstein” në Holandë.

Ajo ka vlerësuar se nëpërmjet UBT-së, ka arritur që të përforcojë njohuritë e fituara përgjatë studimeve, të njihet me kultura të ndryshme dhe të krijojë eksperiencë të re në një shtet modern, siç është Holanda.

“Unë arrita që t’i zgjerojë njohuritë në fushën që studioj përmes mundësisë nga UBT për shkëmbim semestral në Holandë, në Universitetin Van Hall Larenstein. Kryesisht, më ka ndihmuar në zhvillimin profesional dhe më ka mundësuar përjetimin e një eksperience të mrekullueshme në shtetin modern holandez”, është shprehur Ibrahimi.

Oreta është shprehur tutje se profesionalizmi dhe serioziteti janë ndër gjërat kryesore që karakterizojnë studimet në UBT, duke krijuar kështu besueshmërinë dhe korrektësinë për zhvillimin profesional tek individët që përzgjedhin të studiojnë në këtë institucion.

Vazhdo të lexosh

Lajmet nga UBT

Qendra e Karrierës në UBT mbajti sesion informues në Gjimnazin “Dr. Shaban Hashani” dhe në Shkollën e Mesme të Mjekësisë “Elena Gjika” në Ferizaj

Nxënësit e Gjimnazit “Dr. Shaban Hashani” dhe të Shkollës së Mesme të Mjekësisë “Elena Gjika” në Ferizaj u njoftuan nga përfaqësuesit e Qendrës së Karrierës dhe profesorë të UBT-së lidhur me Parkun Shkencor Inovativ të UBT-së.

Publikuar

nga

Qendra e Karrierës në UBT, në bashkëpunim me Klubin e Karrierës të Gjimnazit “Dr. Shaban Hashani” dhe të Shkollës së Mesme të Mjekësisë “Elena Gjika” në Ferizaj, kanë zhvilluar një sesion informimi para nxënësve të këtyre shkollave, lidhur me mundësitë e shumta që ofron UBT drejt një karriere profesionale.

Nxënësit e Gjimnazit “Dr. Shaban Hashani” dhe të Shkollës së Mesme të Mjekësisë “Elena Gjika” në Ferizaj u njoftuan nga përfaqësuesit e Qendrës së Karrierës dhe profesorë të UBT-së lidhur me Parkun Shkencor Inovativ të UBT-së, që gjendet në Lipjan, si dhe për degët e tjera të UBT-së në Kosovë, nga ku patën rastin të mësojnë edhe për ekosistemin e këtij institucioni të arsimit që ndërlidh shkencën, teknologjinë dhe inovacion në një hapësirë tejet kreative.

Ndër të tjera ata u njohën edhe me programet e ndryshme që ofron UBT, të cilat kanë kurrikula multidisiplinare dhe gjithëpërfshirëse, njëherit janë të bazuara nga modelet e universiteteve më prestigjioze në Evropë dhe Amerikë, gjë që e përkufizon UBT-në një institucion lider për arsimin e lartë në Kosovë dhe më gjerë.

Vazhdo të lexosh

Të kërkuara