Një person ka sulmuar nënën e tij në Lipjan.

Sipas Policisë së Kosovës, “është arrestuar i dyshuari mashkull kosovar-me probleme psikike, pasi që kishte sulmuar fizikisht nënën e tij”.

Viktima ka pranuar tretman mjekësor. Me vendim të prokurorit i dyshuari është dërguar në mbajtje.

Pas hapësirave rreth shkollave, droga po gjen shtrirje edhe në hapësirat rreth institucioneve të tjera, si ato shëndetësore, për shembull. Një rast i tillë është regjistruar në oborrin e Qendrës Klinike Universitare të Kosovës.

“Është arrestuar i dyshuari mashkull kosovar, pasi që gjatë kontrollit i janë gjetur dhe sekuestruar 24.8 gramë substancë narkotike e llojit kokainë, 1.3 gramë substancë narkotike e llojit marihuanë dhe 1100€. Me vendim të prokurorit i dyshuari është dërguar në mbajtje”, njoftoi Policia.

Policia e Kosovës ka njoftuar për një rast personi të zhdukur në Fushë Kosovë.

“Raportohet se viktima mashkull kosovar është larguar nga shtëpia dhe nuk është kthyer më. Dyshohet se viktima ka probleme mendore. Rasti është duke u hetuar”, njoftoi Policia.

Një person i dehur ka fyer dhe ka kanosur policët në Viti.

“Policia gjatë patrullimit kanë takuar-hasur të dyshuarin mashkull kosovar duke i fyer-ofenduar qytetarët, ndërkohë i njëjti ka filluar t’i fyej dhe kanosur  edhe zyrtarët policorë. I dyshuari (nën ndikim të alkoolit) është arrestuar dhe me vendim të prokurorit është dërguar në mbajtje”, ka njoftuar Policia e Kosovës.

Një rast tjetër i kanosjes së zyrtarëve policorë ka ndodhur edhe në Gjakovë.

“Është arrestuar i dyshuari mashkull kosovar, pasi që pas pranimit të një tikete për kundërvajtje, ka kanosur zyrtarin policor. I dyshuari është intervistuar dhe me vendim të prokurorit është dërguar në mbajtje”, njoftoi Policia.