Sport

Reja: Shpresoj që Lewandoski të mos luajë si te Bayerni

Published

5 years ago

on

Edoardo Reja e di që Shqipërinë e pret një ndeshje shumë e vështirë në Varshavë përballë Polonisë së Lewandowskit, por kuqezinjtë do të hynë në këtë sfidë me moton “respekt po, frikë për kundërshtarin po”. Në konferencën për shtyp trajneri italian i Shqipërisë edhe pse vlerësoi kundërshtarin theksoi se drejton një skuadër me potencial që i ka të gjitha mundësitë të surprizojë polakët.

“Do jetë ndeshje shumë e fortë. Polonia ka traditë shumë të mirë në fushën e saj, nuk humbet prej shtatë vitesh. Ne e dimë se po rritemi, jemi paraqitur mirë kohët e fundit, jemi ekip kompakt. Në sulm kemi lojtarë në formë dhe në mbrojtje kemi marrë gjithmonë komplimente.Mund të luajmë shumë mirë në kundërsulm. Presingu nuk nis nga mbrojtja, por nga sulmi, që t’i hapim probleme Polonisë. Nuk na lejohet asnjë gabim, ata janë shumë të fortë nga krahët. Të mos i lëmë hapësira dhe t’i godasim në kundërsulm”.

“Për Lewandowskin duhet organizim shumë i mirë nga ne. Është i jashtëzakonshëm në zonë. Krijon probleme të mëdha. Mbrojtësi e ka në kontroll dhe pas 12 sekonde kthen kokën dhe nuk e gjen më. Duhet ta markojë gjithë mbrojtja, nuk mjafton një lojtar. T’i heqim sa më shumë hapësira. Shpresoj të mos jetë në ditën e tij. Te Polonia e ka të vështirë të japë rendimentin që jep te Bayerni, por vlerat e tij janë të padiskutueshme. Në një ndeshje nuk futesh asnjëherë me idenë e humbjes, por për të fituar apo marrë pikë”.

“Të japim më të mirën në këtë ndeshje. Që në nisje të kësaj faze kemi qenë të vendosur për të shkuar me synimin për të marrë pikë. Motoja jonë është ‘respekt për të gjithë, frikë për asnjë’. Me Souzan kemi raport të mirë dhe respekt me njëri-tjetrin. Në Europian Polonia nuk bëri mirë me të në drejtim. Shpresoj që ai të gjejë zgjidhje dhe të rikthehet në ditë të mira te Polonia, sigurisht pas ndeshjes së nesërme ndaj nesh. Ne jemi një skuadër e mirë dhe grup kompakt dhe nuk futemi në këtë ndeshje për të qëndruar në mbrojtje. Kemi armë të forta në sulm dhe mund të bëjmë keq. Nëse Polonia do na vërë në vështirësi do kthehemi, por kurrsesi nuk do futemi në fushë për të qëndruar në mbrojtje.”

Related Topics:
Continue Reading

Sport

Tri superndeshje në Botëror, sot në aksion Anglia, Belgjika dhe SHBA-ja

Published

4 hours ago

on

July 1, 2026

By

Faza me eliminim direkt e Kupës së Botës vazhdon edhe sot me tri ndeshje që pritet të sjellin emocione të mëdha.

Programi hapet në orën 18:00, kur Anglia do të përballet me Republikën Demokratike të Kongos në kërkim të një vendi në fazën tjetër të garës.

Në mbrëmje, nga ora 22:00, Belgjika do të luajë ndaj Senegalit në një duel që pritet të jetë shumë i luftuar.

Ndeshja e fundit e ditës zhvillohet pas mesnate, me orën e Kosovës. Në orën 02:00, Shtetet e Bashkuara të Amerikës do të përballen me Bosnje dhe Hercegovinën për biletën e radhës në fazën tjetër të Botërorit.

Të tria sfidat pritet të ofrojnë spektakël, pasi ekipet synojnë të vazhdojnë rrugëtimin drejt trofeut më të madh të futbollit botëror.

D.L

Continue Reading

Sport

Meksika mposht Ekuadorin dhe i jep fund pritjes 40-vjeçare në fazën eliminatore të Botërorit

Published

11 hours ago

on

July 1, 2026

By

Meksika ka siguruar kualifikimin në 1/8 e finales të Kupës së Botës, pasi mposhti Ekuadorin me rezultat 2:0 në ndeshjen e zhvilluar në orët e para të mëngjesit të së mërkurës.

Julian Quiñones zhbllokoi rezultatin në minutën e 22-të, ndërsa Raúl Jiménez dyfishoi epërsinë në minutën e 31-të, duke i siguruar Meksikës një fitore historike.

Ky është suksesi i parë i meksikanëve në fazën eliminatore të një Botërori pas plot 40 vjetësh. Fitorja e fundit në raundet nokaut datonte nga Botërori i vitit 1986, kur Meksika kishte mposhtur Bullgarinë në 1/8 e finales.

Nga viti 1994 deri në vitin 2018, Meksika u eliminua shtatë herë radhazi pikërisht në fazën e 1/8 së finales, ndërsa në Botërorin e Katarit më 2022 nuk arriti të kalonte fazën e grupeve, gjë që ndodhi për herë të parë që nga viti 1978.

Me fitoren ndaj Ekuadorit, Meksika vazhdon formën mbresëlënëse, duke regjistruar suksesin e 12-të radhazi në të gjitha garat.

Ndeshja nisi një orë më vonë se ishte paraparë për shkak të një stuhie, duke u bërë vetëm sfida e dytë e këtij Botërori që u ndikua nga kushtet atmosferike.

D.L

Continue Reading

Sport

Haaland: Kjo është histori, Norvegjia realizoi ëndrrën e Botërorit

Published

11 hours ago

on

July 1, 2026

By

Ylli i Norvegjisë, Erling Haaland, nuk e fshehu emocionin pas fitores 2:1 ndaj Bregut të Fildishtë, sukses që i siguroi përfaqësueses norvegjeze kualifikimin historik në 1/8 e finales të Kupës së Botës.

Haaland ishte vendimtar, duke shënuar golin e fitores në minutën e 86-të dhe duke e dërguar Norvegjinë për herë të parë në histori në fazën me eliminim direkt të Botërorit.

“Kjo është e pabesueshme, kjo është histori”, deklaroi Haaland pas ndeshjes.

Edhe Antonio Nusa, autor i golit të parë të Norvegjisë dhe lojtari më i mirë i ndeshjes, e cilësoi arritjen si një moment të veçantë.

“Është një ëndërr e bërë realitet. Jam shumë mirënjohës që jam këtu dhe që e kam ndihmuar Norvegjinë të shkruajë historinë”, u shpreh Nusa.

Përzgjedhësi i Norvegjisë, Ståle Solbakken, vlerësoi paraqitjen e skuadrës së tij, por njëkohësisht pranoi se përballja ishte shumë e vështirë.

“Në përgjithësi ishte një fitore e merituar. Megjithatë, kam keqardhje për trajnerin e tyre, sepse dallimi ishte shumë i vogël. Është e vështirë të përshkruhet me fjalë kjo arritje”, tha Solbakken.

Ai pati fjalë vlerësimi edhe për Bregun e Fildishtë, duke theksuar se përfaqësuesja afrikane dominoi në disa duele fizike dhe e vështirësoi maksimalisht ndeshjen.

Antonio Nusa kishte kaluar Norvegjinë në epërsi me një supergol në minutën e 39-të, ndërsa Amad Diallo barazoi shifrat në minutën e 74-të. Kur ndeshja po shkonte drejt fundit, Haaland realizoi golin vendimtar në minutën e 86-të, duke i dhënë Norvegjisë një fitore historike.

Me këtë gol, sulmuesi i Manchester Cityt arriti në kuotën e pesë golave në këtë Botëror, vetëm një më pak se Lionel Messi, që kryeson listën e golashënuesve me gjashtë.

Në minutat shtesë, Bregu i Fildishtë ishte pranë barazimit, por portieri Ørjan Nyland bëri një pritje vendimtare ndaj goditjes së Diallos, duke ruajtur avantazhin e norvegjezëve.

Në 1/8 e finales të Kupës së Botës, Norvegjia do të përballet me Brazilin më 5 korrik, në një tjetër sfidë historike për skandinavët.

D.L

Continue Reading

Sport

Mbappe në superformë, Franca e mposht Suedinë 3:0 në Botëror

Published

11 hours ago

on

July 1, 2026

By

Franca ka siguruar kualifikimin në 1/8 e finales të Kupës së Botës pasi mposhti bindshëm Suedinë me rezultat 3:0, në ndeshjen e zhvilluar në natën mes të martës dhe të mërkurës.

Ylli francez Kylian Mbappe ishte sërish vendimtar, duke realizuar dy gola, ndërsa Bradley Barcola vulosi fitoren me golin e tretë. Ousmane Dembele asistoi në golin e parë të Mbappes, ndërsa Michael Olise kontribuoi me asistime në dy golat e tjerë.

Me këtë paraqitje, Mbappe ka arritur në kuotën e gjashtë golave në këtë edicion të Botërorit, duke ndarë vendin e parë në listën e golashënuesve me Lionel Messin. Në total, sulmuesi francez ka shënuar 18 gola në Kampionatet Botërore, vetëm një më pak se rekordi prej 19 golash i Messit.

Franca konfirmoi edhe një herë statusin e saj si një prej favoriteve kryesore për triumfin në Kupën e Botës dhe në fazën e 1/8 së finales do të përballet me Paraguain.

D,L

Continue Reading

Të kërkuara