

Sport
Reja: San Marino kundërshtar aspak i lehtë
Published
4 years agoon
By
Betim GashiNesër me fillim nga ora 20:45, Kombëtarja e Shqipërisë do të zhvillojë ndeshje në stadiumin “Air Albania” kundër San Marinos.
“Kuq e Zinjtë” gjenden në Gurpin I të kualifikimeve për në “Katar 2022” së bashku me kombëtaret e tjera si ajo e Polonisë, Anglisë, Hungarisë, Andorrës dhe San Marinos, përcjell KosovaPress.
Para ndeshjes me San Marinon, trajneri i Shqipërisë Edy Reja dhe mbrojtësi i krahut të djathtë Elseid Hysaj dolën në një konferencë për media, duke treguar pikat kyçe para ndeshjes së nesërme.
Fillimisht, ishte Hysaj ai i cili e hapi këtë konferencë, duke treguar për vetëbesimin e skuadrës që ka për ta vazhduar ëndrrën për kualifikim tutje.
“Ky vetëbesim duhet, e kemi që nga përpara por jemi duke e përforcuar akoma shumë. Si të them, me të vërtetë jemi një skuadër shumë e fortë, dhe besoj që Shqipëria nuk ka pasur kaq shumë futbollistë që luajnë në nivelin evropian dhe janë të aktivizuar nëpër skuadrat që luajnë tani. Kështu që duhet ta kemi besimin në vetvete se jemi një skuadër shumë e fortë, që duhet thjeshtë të shkojmë në fushë me vetëbesimin që mund të bëjmë më mirë, siç e pamë edhe me Hungarinë sepse me të vërtetë luajtëm mirë dhe kishim raste për të shënuar shumë gola dhe për të ardhmen kjo na duhet, besimi në vetveten tonë qe jemi një skuadër e fortë dhe mund të garojmë me të gjitha ekipet”, tha Hysaj.
Po ashtu, Hysaj foli edhe për ndeshjet e kthimit të Shqipërisë kundër Kombëtareve si ajo e Polonisë, Hungarisë dhe e San Marinos.
“Unë besoj që kemi mundësi, kemi shumë mundësi që të marrim ndonjë pikë ndaj Polonisë dhe ndaj Hungarisë. Si thua për San Marinon, me të vërtetë është një ekip që ne jemi të favorizuar dhe besoj që duhet të jemi në konvercion që jemi të fortë, dhe jemi më të fortë se ata , dhe tre pikëshi duhet të jetë e jona se s’bën. Kurse për Poloninë dhe Hungarinë janë dy ndeshje që jemi duke e pritur besoj me zor sepse me të vërtetë, me Poloninë na ka mbetur pak inati sepse ndeshjen e bëmë ne”, tha Hysaj.
Pas mbrojtësit të skuadrës italiane Lazio Hysaj, fjalën morri trajneri i “Kuq e Zinjëve” Edy Reja, i cili fillimisht shfrytëzoi rastin që të flas për kundërshtarin e nesërm, San Marinon.
“Për mendimin tim ndaj San Marinos do të jetë ndeshje shumë e vështirë nuk është aspak ashtu për ne pra, nuk e marrim si një rivalë të lehtë, pavarësisht rezultateve qe ka marrë në eliminatore San Marino është një rivalë për mendimin tim i vështirë dhe i organizuar. Ne thjesht duhet të kemi frymën e duhur kur të hymë në fushë pra të kemi shpirtin e duhur të garës dhe të jemi të përqendruar në maksimum dhe të bëjmë një lojë të mirë”, tha Reja.
Po ashtu, Reja foli edhe për gjasat e Shqipërisë që të përfundojë në pozitën e dytë të Grupit I.
“Sigurisht që kemi konkurrencë shumë të fortë në këtë grup në eliminatore. Kemi Hungarinë që e kemi parë tashmë është një skuadër shumë e fortë shumë e përgatitur fizikisht. Edhe Polonia po ashtu është një rival shumë i fortë, sidomos në aspektin kualitativ, pra ka individualitete shumë të mira. Por ne kemi treguar gjatë gjithë periudhës së fundit që kemi pasur rritje dhe kemi bërë paraqitje shumë të mira në vazhdimësi”, tha Reja.
Trajneri Reja pastaj tregoi se a do të ketë ndryshim të formacionit ndaj ndeshjes me San Marinon duke marrë parasysh mungesat si ajo e Abrashit dhe Gjasulës.
“Sigurisht që do të ketë risi në ndeshjen ndaj San Marinos. Kemi dy lojtarë të cilët janë skualifikuar dhe nuk do të jenë të gatshëm për këtë ndeshje, siç e thamë pra Abrashi i dëmtuar dhe Gjasula i skualifikuar. Por nuk duhet të zhbalancohemi shumë sepse më duhet të shoh edhe sistemin e lojës pra mënyrën se si do të luajmë ndaj San Marinos, për të marrë një vendim sa i përket formacionit”, tha Reja.
Për fund, trajneri i Kombëtares së Shqipërisë tregoi se a do të ketë goleadë ndaj San Marinos, duke e cilësuar si rivalë të fortë, dhe se në pyetje janë vetëm tre pikët.
“Për të marrë pikët ne duhet të bëjmë një ndeshje të madhe. Gjithsesi sigurisht ju përmendët rezultatet e Polonisë dhe Anglisë, por unë do të them që Polonia dhe Anglia janë shumë më të forta se sa ne, dhe patjetër që kanë bërë fitore me goleada, por në këtë ndeshje mua më interesojnë vetëm tre pikët. Nuk më intereson më shumë loja e bukur se sa më interesojnë tre pikët. Është diçka vendimtare. Sigurisht nuk e marrim lehtë ne e vlerësojmë San Marinon për vlerat që ka. Jemi të favorizuar pra po themi në letër por ajo që më intereson janë thjesht pikët dhe asgjë tjetër në këto momente”, tha Reja.
Nesër me fillim nga ora 20:45, Shqipëria do të zhvillojë ndeshjen e xhiros së gjashtë të Grupit I kundër San Marinos si vendase në stadiumin “Air Albania”.
Sport
Real Madridi po përgatit largimin e njërit prej yjeve të tij më të mëdhenj
Published
17 hours agoon
September 6, 2025By
UBT News
Një nga yjet e tyre më të mëdhenj mund të largohet nga Real Madridi në ditët në vijim, në vendet ku ende nuk është mbyllur afati kalimtar.
Qendërmbrojtësi i Real Madridit, David Alaba ka a tërhequr interes në Turqi në ditët e fundit të tregut të transferimeve. Më 12 shtator, ai mund të jetë pranë një largimi surprizë nga Real Madridi.
Besiktasi, një nga klubet më të mëdha, po e ndjek me vëmendje situatën e mbrojtësit austriak e ka nisur hapat për ta afruar në radhët e veta.
Alaba, figurë kyçe në mbrojtjen e Realit në vitet e fundit, ka ruajtur formë të lartë pavarësisht konkurrencës dhe prurjeve të reja në skuadër.
Përvoja, lidershipi e shkathtësia në pozita mbrojtëse e bëjnë atë një objektiv tërheqës për Besiktasin, që kërkon të forcojë repartin mbrojtës për të qenë konkurrues në arenën vendase dhe ndërkombëtare. Propozimi i klubit turk përfshin një kontratë të rëndësishme financiarisht dhe një projekt sportiv ambicioz, me garanci për më shumë minuta loje dhe rol lideri në skuadër.
Kjo e bën ofertën joshëse për Alabën, që mund të konsiderojë një sfidë të re në ligë dinamike dhe me tifozë të zjarrtë si ajo turke.
Real Madridi është i vetëdijshëm për interesimin, por nuk ka vendosur ende për një largim të mundshëm.
Klubi nuk ka urgjencë për të ndarë rrugët me një nga lojtarët më me përvojë, por është i gatshëm të negociojë nëse oferta është në interes të palëve. Ditët në vijim priten të jenë vendimtare për të mësuar nëse David Alaba do të transferohet në Superligën turke apo do të vazhdojë të mbetet pjesë e Real Madridit edhe për sezonin aktual.
Sport
Conor McGregor, “ylli” i UFC-së, kërkon të bëhet president!
Published
20 hours agoon
September 6, 2025By
UBT News
‘Ylli’ i UFC-së, Conor McGregor, synon të kandidojë për president të Irlandës, por përballë tij qëndron një pengesë e madhe: ai nuk ka përmbushur ende kriteret ligjore për t’u futur në listën e kandidatëve.
Kandidatura e tij, e bazuar në një platformë populiste dhe kundër immigracionit, kërkon mbështetjen e drejtpërdrejtë të qytetarëve që të kontaktojnë këshilltarët lokalë për t’i siguruar nominimin.
McGregor publikoi një video jashtë ndërtesave qeveritare në Dublin, ku rikonfirmoi qëndrimet kundër politikave aktuale të vendit dhe premtimin për të adresuar rritjen e fëmijëve pa strehë në Irlandë nëse zgjidhet president.
Në mesazhin e shoqëruar me videon, ai u bëri thirrje mbështetësve të kontaktojnë këshilltarët lokalë për t’ia siguruar nominimin.
Sipas ligjit zgjedhor irlandez, çdo qytetar duhet të jetë të paktën 35 vjeç dhe të nominohet nga të paktën 20 anëtarë të Oireachtas (parlamenti i Irlandës) ose nga të paktën katër autoritete lokale për t’u futur në listën zgjedhore.
Yamal shqetëson Barcelonën, dëmtohet në ndeshjen me Spanjën. McGregor, i cili deklaroi se kishte siguruar nominimin, kërkon ndihmë publike për ta arritur këtë. Ai u shpreh se këshilltarët lokalë janë shtylla kurrizore e komuniteteve dhe duhet të përfaqësohen më mirë.
Lajmet
Irlanda e Veriut triumfon ndaj Maltës në kualifikuese të Botërorit 2026
Published
2 days agoon
September 5, 2025By
UBT News
Një fitore miqësore 3-0 ndaj Maltës erdhi nga Irlanda e Veriut në kualifikuese të Kupës së Botës 2026, ku Jordan Jones, Gavin Whyte dhe Ali McCann shënuan në Austri.
Pjesa më e madhe e ndeshjes u zhvillua në një mënyrë tipike miqësore të fundsezonit dhe nuk pati lojtarë që të spikasnin gjatë gjithë 90 minutave.
Dallasi arriti një fitore si kapiten i Irlandës së Veriut në mungesë të Steven Davis dhe kjo është një përvojë jetësore për lojtarin në formë të mirë të Leeds.
Jones shfrytëzoi mbrojtjen e dobët për të shënuar një gol të hershëm përpara se Josh Magennis të shihte penalltinë e tij të pritej nga portieri i Maltës, Henry Bonello, në një pjesë të parë kryesisht të çrregullt.
Irlanda e Veriut u përmirësua në pjesën e dytë me dy gola në tre minuta.
Fitorja në 90 minuta më në fund erdhi për trajnerin e Irlandës së Veriut, por ishte e pakëndshme ta shikoje në pjesën e parë pavarësisht golit të hershëm.
Pasimi i gabuar i Ferdinando Apap i dha mundësinë Jones dhe anësori i Rangers e shfrytëzoi me një gjuajtje të ulët që e rrëzoi Bonellon përpara se të fluturonte drejt portës.
Bonello u ul për të pritur penalltinë e Magennis në minutën e 21-të – e akorduar për faullin e Kurt Shaw ndaj Whyte – dhe humbja e penalltisë përmblodhi një fillim të vështirë prej 45 minutash nga Irlanda e Veriut.
Malta hyri në ndeshje 127 vende poshtë kundërshtarëve të saj në renditjen botërore, por ata e kaluan pjesën e parë me Joseph Mbong dhe Luke Montebello që u afruan shumë.
Irlanda e Veriut kishte më shumë shpejtësi dhe vendosmëri në rifillimin e ndeshjes dhe Whyte shënoi me shpejtësi nga një pasim i Stuart Dallas për ta bërë rezultatin 2-0 pas 53 minutash.
Pastaj u pasua shpejt nga numri tre, pasi McCann u kap nga Paddy McNair dhe ai dha një gjuajtje të shkathët përtej Bonellos për ta çuar ndeshjen përtej një skuadre të Maltës që po shkatërrohej./S.K/BBC/
Lajmet
Lautaro tejkalon Maradonën me gola për Argjentinën
Published
2 days agoon
September 5, 2025By
UBT News
Kapiteni i Interit, Lautaro Martinez, shënoi si zëvendësues për Argjentinën në fitoren 3-0 ndaj Venezuelës mbrëmë, duke tejkaluar Diego Armando Maradonën dhe duke u bërë golashënuesi i pestë më i mirë me ekipin kombëtar.
Lautaro Martinez kontribuoi në fitoren 3-0 të Argjentinës ndaj Venezuelës mbrëmë, duke shënuar vetëm dy minuta pas futjes së tij nga stoli në pjesën e dytë.
Kapiteni i Nerazzurrëve gjeti rrjetën me një gjuajtje me kokë, duke shënuar golin e tij të 33-të ndërkombëtar dhe duke tejkaluar legjendën e Argjentinës dhe Napolit , Maradonën, i cili kishte shënuar 32 gola.
Siç e vuri në dukje me krenari Interi në faqen e tyre të internetit, vetëm Lionel Messi (114 gola), Gabriel Omar Batistuta (55), Sergio Agüero (41) dhe Hernan Crespo (35) kanë shënuar më shumë gola për Argjentinën sesa Lautaro./S.K/KP/

Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën

Reese Witherspoon bën thirrje që gratë ta përdorin AI-në

Doni një mëlçi më të shëndetshme? Kjo perime bën mrekulli

Real Madridi po përgatit largimin e njërit prej yjeve të tij më të mëdhenj

Nepali drejt bllokimit të Facebook, X, YouTube dhe platformave tjera

Ja filmat që ju duhen! Shtatori është muaji ku rikthehet atmosfera e kinemasë

Një tjetër surprizë! Justin Bieber publikon albumin e ri

Conor McGregor, “ylli” i UFC-së, kërkon të bëhet president!

Projekti i fundit i David Bowie, një muzikal i shekullit XVIII
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Aktualitet2 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës