Sport

Reja: E merituam fitoren ndaj Hungarisë

Published

on

Kombëtarja shqiptare mori një fitore me peshë ndaj Hungarisë për kualifikueset e Botërorit 2022 që e ngjit atë në vendin e tretë në Grupin I, duke qenë plotësisht në garë për vendin e dytë.

Trajneri Edi Reja pas ndeshjes theksoi se kjo ndeshje nuk ishte e lehtë dhe se skuadra e tij e meritoi këtë fitore

“Në radhë të parë dua t’i bëj komplimente Hungarisë që bëri të mundur që ndeshja të mbetej e gjallë për 90 minuta sepse është një skuadër që ka cilësi, e pamë në Evropian. por luajti përballë një skuadre që ka shumë motivime. Ne jemi një skuadër që luajmë me zemër dhe këtë radhë luajtëm edhe me inteligjencë. Megjithatë kemi bërë edhe ndonjë gabim sepse kur të jepet mundësia, duhet të mbyllësh ndeshjen. përballë kishim një skuadër të fortë fizikisht, të mirë organizuar dhe nuk ishte e lehtë të depërtoje. mendoj se e merituam fitoren e kësaj ndeshjeje për shanset që krijuam”, u shpreh Reja.

Edhe Klaus Gjasula vuri në dukje rëndësinë e kësaj fitoreje të kombëtares shqiptare.

Në sfidën me Hungarinë bëri debutimin e tij edhe Nedim Bajrami, që më në fund fitoi të drejtën për të veshur fanellën kuqezi pas vendimit të CAS me futbollistin që nuk e fshehu aspak kënaqësinë e tij për këtë debutim

Kombëtarja shqiptare do të mbyllë kualifikueset e botërorit 2022 të muajit shtator, mbrëmjen e së mërkurës me ndeshjen ndaj San Marinos, edhe kjo një sfidë që do të luhet në Elbasan Arena dhe që do të transmetohet në platformën Digitalb. /Tch

Sport

Al Nassr deklarohet për çështjen e kontratës së Cristiano Ronaldos

Published

on

Klubi nga Arabia Saudite, Al Nassr është deklaruar sa i përket çështjes së kontratës së Cristiano Ronaldos.

Yllit portugez do t’i skadojë kontrata me klubin nga Saudi Pro League shumë shpejt dhe ende nuk ka asgjë konkrete rreth vazhdimit, përpos që përmenden shuma stratosferike.

“CR7” në statusin e fundit la të kuptohet që do të largohet nga Al Nassr me një postim që dukej të ishte i lamtumirës, por që klubi saudit po shpreson ende.

“Jemi në kontakt për ta rinovuar kontratën e Cristiano Ronaldos dhe ne me të vërtetë shpresojmë që ai të vazhdojë me ne këtu në Al Nassr.”

“Prezenca e Ronaldos që në fillim është projekt kombëtar. ‘CR7’ është një fenomen i madh në historinë e futbollit, ai e ndihmoi Ligën Saudite të rritet.”

“Çdo ditë në media shfaqet një klub i ri i interesuar për Ronaldon, por ne shpresojmë që ai të qëndrojë këtu.”

Sot, tifozët e Real Madridit përmes një baneri të shfaqur, kërkuan nga Florentino Perez ta rikthejë në skuadër 40 vjeçarin, të paktën për Botërorin e Klubeve, i cili do të mbahet nga 15 qershori deri më 13 korrik.

Continue Reading

Sport

Napoli, mbrojtja më e mirë e Europës

Published

on

Napoli fitoi titullin kampion në Serie A dhe një nga repartet që spikati ishte mbrojtja e skuadrës së Contes, që pësoi 27 gola në 38 ndeshje të luajtura në kampionat.

Shifra të rëndësishme, Napoli u shpall mbrojtja më e mirë në kampionatin italian dhe në Evropë dhe faqja zyrtare e Serie A donte ta festonte me një postim të publikuar në rrjetet sociale.

Në foto shfaqen vetëm lojtarët titullarë, nga Meret te Di Lorenzo, Rrahmani, Buongiorno dhe Olivera, pa futur në lojë lojtarët e tjerë.

Continue Reading

Sport

Çeku: Kurrë më parë nuk është investuar kaq shumë në infrastrukturën e futbollit

Published

on

By

Ministri në detyrë i Ministrisë për Kulturë, Rini dhe Sport, Hajrulla Çeku ka thënë se në infrastrukturën e futbollit po punohet dhe investohet si asnjëherë më parë deri më tani.

Në një postim në ‘Facebook’, Çeku ka shkruar se me këto investime, po ndërtohet një infrastrtukturë moderne e cila u shërben brezave të rinj, klubeve vendore, përfaqësueses sonë dhe ngjarjeve të mëdha ndërkombëtare, si Lojërat Mesdhetare Prishtina 2030.

“Asnjëherë më parë nuk është investuar kaq shumë dhe kaq seriozisht në infrastrukturën e futbollit në vendin tonë. Po ndërtojmë infrastrukturë moderne që u shërben brezave të rinj, klubeve vendore, përfaqësueses sonë dhe ngjarjeve të mëdha ndërkombëtare, si Lojërat Mesdhetare Prishtina 2030”, ka shkruar Çeku, duke renditur pastaj stadiumet në të cilat është duke u punuar.

Të përfunduar dhe në realizim:

Stadiumi “Fadil Vokrri”, Prishtinë

Stadiumi “Liman Gegaj”, Malishevë

Stadiumi “Adem Jashari”, Mitrovicë

Stadiumi i qytetit, Shtime

Stadiumi i qytetit, Gjakovë

Stadiumi i Gjilanit

Stadiumi i Hogoshtit, Kamenicë

Stadiumet ndihmëse në Komoran, Bërnicë, Gjilan, Raushiq, Studençan

Në procedurë:

Stadiumi “Shahin Haxhiislami”, Pejë

Stadiumi i qytetit, Ferizaj

Stadiumi “Përparim Thaçi”, Prizren

Stadiumi i qytetit, Rahovec

Stadiumi “Ferki Aliu”, Vushtrri

Stadiumi “Rexhep Rexhepi”, Drenas

Stadiumi i qytetit, Suharekë

Stadiumi i qytetit, Han i Elezit

Stadiumi “Zahir Pajaziti”, Podujevë

KosovaPress

Continue Reading

Sport

Zyrtare: Prishtina e blindon me kontratë të re Ardian Mujën

Published

on

FC Prishtina ka vazhduar me rinovimet e kontratave, ku i radhës që ka vazhduar bashkëpunimin është Ardian Muja.

Anësori mitrovicas do të mbetet në kryeqytet edhe për dy vite të tjera, pasi ka nënshkruar kontratë deri në qershor 2027.

Ka qenë faqja zyrtare e FC Prishtinës që ka njoftuar se Muja ka vazhduar kontratën dhe do të mbetet në kryeqytet.

Njoftimi i plotë nga FC Prishtina:

Muja +2

Ardian Muja, ka zgjatur kontratën, duke konfirmuar përkushtimin e tij ndaj ekipit edhe për dy sezone në vijim.

Me shpirtin luftarak dhe kontribut të vazhdueshëm në fushë, Muja është një nga shtyllat kryesore të skuadrës. 

Continue Reading

Të kërkuara