Regjistrohet rekord i skautëve në ndeshjen mes Benficas dhe Barcelonës

Pavarësisht këtij numri rekord të skautëve, ende nuk dihet se për cilin lojtar është fjala.

Published

5 years ago

October 1, 2021

Betim Gashi

Në kuadër të xhiros së dytë të Grupit E të Ligës së Kampionëve, gjatë kësaj jave skuadra e Benficas regjistroi fitore me rezultat 3:0 kundër gjigantit katalunas Barcelona.

Të pranishëm në këtë ndeshje, në stadiumin “Da Luz”, ishin gjithsej 29 mijë e 454 tifozë, ku përveç tyre kishte edhe skautë të disa skuadrave të mëdha evropiane.

Në fakt, në ndeshjen mes Benficas e Barcelonës u regjistrua një rekord i ri, ku të pranishëm në stadium ishin gjithsej 35 skautë nga klubet e tyre përkatëse.

Disa nga klubet të cilat raportohet se kanë qenë të pranishme me ekspertët e tyre në stadium janë edhe gjigandët evropianë si Liverpooli, Chelsea, Manchester City e Bayern Munich.

Pavarësisht këtij numri rekord të skautëve, ende nuk dihet se për cilin lojtar është fjala.

Related Topics:barcelona Benfica ndeshje

Up Next

PSG synon transferimin e Lewandowskit

Don't Miss

PSG, futet në garë për sulmuesin e Dortmundit

Akil Gjakova mbyll garën pa medalje në Abu Dhabi

Published

3 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

3 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

3 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/