Kronika e zezë

Refuzuan të përshëndeten, pastaj rrihen – gjykata cakton masën paraburgim për dy persona

Publikuar

3 vjet më parë

më

Gjykata Themelore në Ferizaj – Dega Kaçanik, ka aprovuar kërkesën e Prokurorisë Themelore të Ferizajt, për caktimin e masës me nga një muaj paraburgim ndaj shtetasve kosovarë F.V. dhe V.V., për shkak të dyshimit të bazuar se në bashkëkryerje kanë kryer veprën penale lëndim i rëndë trupor.

Rasti ka ndodhur më 1 gusht 2021 në një lokal në Kaçanik, kur të pandehurit në bashkëkryerje me të B.V., për momentin në arrati, kanë përdorur force fizike ndaj të dëmtuarve Q.T., Gj.T. dhe A.T., në atë mënyrë që përderisa të dëmtuarit ishin duke qëndruar në lokal, aty shkojnë të pandehurit ku fillimisht i pandehuri B.V. ia kishte zgjatur dorën për t’u përshëndetur Q. T., por i njëjti kishte refuzuar dhe si shenjë hakmarrje e godet me kokë në ballë, e pas tij edhe i pandehuri F.V. e kishte goditur me shishe të birrës në kokë.

Gjatë përleshjes kishte ndërhyrë Gj. T. dhe A.T., por Gj.T. e kishte goditur i pandehuri V.V. me grusht, shishe dhe gotë të qelqit në hundë, ku si pasojë e goditjeve të dëmtuarit pësojnë lëndime të rënda trupore, për të cilat posedojnë raporte mjekësore.

Palët njoftohen se ankesa kundër këtij aktvendimi nuk e shtyn ekzekutimin e tij.

Etiketa
Vazhdo të lexosh

Kronika e zezë

Arrestohet një person i dyshuar për sulm seksual në Ferizaj

I njëjti ishte në lidhje dashurie me viktimën e moshës se mitur tani e një vit.

Publikuar

5 orë më parë

më

25 Prill, 2024

nga

Prokuroria Themelore në Ferizaj, me vendim të Prokurorit të Shtetit, ka ndaluar një person të dyshuar, në kohëzgjatje prej 48-orësh për shkak të dyshimit të veprës penale “Sulmi seksual” sipas KPRK-së.

Në njoftim thuhet se ekziston dyshimi se i njëjti ishte në lidhje dashurie me viktimën e moshës se mitur tani e një vit, andaj me këto veprime dyshohet se ka kryer veprën penale “Sulmi seksual” nga neni 229 të Kodit Penal të Republikës së Kosovës.

“Prokuroria Themelore në Ferizaj, ndaj të dyshuarit Xh.I., brenda afatit ligjor do të parashtrojë kërkesë për caktimin e masës së paraburgimit në Gjykatën kompetente”, thuhet në komunikatë.

Vazhdo të lexosh

Kronika e zezë

Gjuajtje me armë në Prishtinë pas një mosmarrëveshje në komunikacion

Rasti është duke u hetuar.

Publikuar

1 ditë më parë

më

24 Prill, 2024

nga

Policia e Kosovës ka dhënë detaje për të shtënat me armë zjarri në Hajvali. Siç bën të ditur policia në raportin 24-orësh pas një mosmarrëveshjeje në komunikacion, një person ka shtënë me armë zjarri në drejtim të tjetrit.

Në vendin e ngjarjes njësia e hetimeve dhe krimteknikës ka sekuestruar një gëzhojë. Rasti është duke u hetuar.

 “Rr. Brigada 153, Hajvali, Prishtinë. Ankuesi mashkull kosovar ka njoftuar se pas një mosmarrëveshje në komunikacion, një i dyshuar nga një veturë ka shtënë me armë zjarri në drejtim të tij. Në vendin e ngjarjes njësia e hetimeve dhe krimteknikës kanë sekuestruar një gëzhojë. Rasti duke u hetuar”, thuhet në raportin e Policisë së Kosovës.

Vazhdo të lexosh

Kronika e zezë

U nis për në shkollë e nuk u kthye më, babai njofton se i është zhdukur vajza në Pejë

E konfirmon Policia e Kosovës.

Publikuar

2 ditë më parë

më

23 Prill, 2024

nga

Policia e Kosovës njofton se dje një 12-vjeçare është raportuar e zhdukur në Pejë. Sipas raportit të fundit të policisë, vajza ishte nisur në shkollë dhe nuk është kthyer më.

“Rr. Nëna Terezë, Pejë 22.04.2024 – 07:45. Ankuesi mashkull kosovar, ka njoftuar policinë se vajza e tij 12 vjeçare ka dalë nga shtëpia për të shkuar në shkollë dhe nuk është kthyer. Rasti në hetime”, thuhet në raportin 24-orësh të policisë.

Vazhdo të lexosh

Kronika e zezë

​Policia konfiskon dy armë të gjata, një elektroshok dhe një sasi të municionit në veri

Kështu është bërë e ditur nga Policia e Kosovës.

Publikuar

4 ditë më parë

më

21 Prill, 2024

nga

Dy armë zjarri të llojit AK-47, disa karikatorë, një sasi e municionit dhe një elektroshok janë sekuestruar në Zveçan. Kështu është bërë e ditur nga Policia e Kosovës.

“Policia e Kosovës posedon informacione lidhur me personin e dyshuar mashkull serb të cilit i përket shtëpia e banimit, e i cili dyshohet se gjendet në Serbi”, thuhet në njoftimin e Policisë.

Tutje bëhet e ditur se ky rast nuk ndërlidhet me procesin e votimit, për apo kundër largimit nga funksioni i Kryetarëve të Komunave të Mitrovicës së Veriut, Zubin Potokut, Leposaviqit dhe Zveçanit.

Vazhdo të lexosh

Të kërkuara