Sport

Refuzoi në verë blerjen e ‘bomberit’ suedez, Luis Enrique ‘lodh’ presidentin e PSG-së

Published

2 years ago

on

Rezultatet jo të kënaqshme të PSG-së, veçanërisht në Ligën e Kampionëve, kanë filluar të vënë në dyshim qëndrueshmërinë e Luis Enrique si trajner i klubit francez. Mediat franceze raportojnë për tensionet e brendshme që po shfaqen mes trajnerit spanjoll dhe drejtuesve të klubit, ndërsa presidenti i PSG-së, Nasser Al-Khelaifi, është përballur me disa shqetësime për mënyrën se si Enrique po menaxhon situatën.

Sipas portalit “Footmercato”, ka pasur një farë “lodhjeje” nga ana e Al-Khelaifi ndaj kërkesës së Luis Enrique për kufizimin e ndërhyrjeve në çështjet e transferimeve dhe kontrollin e plotë mbi lirinë e veprimit në këtë fushë. Enrique ka insistuar për të pasur një rol të fuqishëm në menaxhimin e merkatos dhe të ketë fjalën e fundit për çdo transferim të mundshëm.

Një shembull konkret i tensioneve mes Enrique dhe drejtuesve të PSG-së është refuzimi i tij për blerjen e sulmuesit suedez Viktor Gyökeres gjatë merkatos së verës. Sipas “Footmercato”, Luis Campos, këshilltari sportiv i PSG-së, kishte propozuar transferimin e Gyökeres nga Sportingu i Lisbonës. Megjithatë, Enrique i refuzoi planet për këtë transferim, duke argumentuar se sulmuesi do të kishte shumë pak minuta loje nëse do të vishte fanellën e PSG-së.

Aktualisht, në dispozicion të Luis Enrique për rolin e sulmuesit qendror janë Kolo Muani dhe Gonçalo Ramos, i cili sapo është rikthyer nga një dëmtim i rëndë. Ky vendim ka ngritur më tej pikëpyetje në lidhje me menaxhimin e skuadrës dhe prioritetet e trajnerit spanjoll në merkato, ndërkohë që rezultatet në fushë nuk janë në nivelin e pritur nga klubi./UBTNews/

Related Topics:
Continue Reading

Sport

Finalja e superkupës së Kosovës

Published

10 minutes ago

on

September 29, 2026

By

Sot, nga ora 19:00, Trepça dhe Bashkimi përballen në finalen e ProCredit Superkupës së Kosovës në basketboll.

Ndeshja zhvillohet në palestrën “Mizahir Isma” në Rahovec, ku dy skuadrat do të synojnë trofeun e Superkupës.

D.L

Continue Reading

Lajmet

Shqipëria kërkon fitoren e radhës ndaj San Marinos pas triumfit kundër Bjellorusisë

Published

1 hour ago

on

September 29, 2026

By

Pas suksesit dhe fitores ndaj Bjellorusisë, Kombëtarja e Shqipërisë zbret sonte në fushë me synimin e qartë për të marrë tri pikët e radhës përballë San Marinos.

Kuqezinjtë synojnë të vazhdojnë momentin pozitiv dhe të bëjnë një tjetër hap të rëndësishëm në këtë ecuri.

Përballja mes San Marinos dhe Shqipërisë do të zhvillohet sonte, e martë, 29 shtator, duke filluar nga ora 20:45. /E.A/

Continue Reading

Sport

Dardanët rikthehen në stërvitje në Debrecen, fokusi te Izraeli

Published

21 hours ago

on

September 28, 2026

By

Përfaqësuesja e Kosovës i është rikthyer sot stërvitjeve në Debrecen, duke nisur përgatitjet për ndeshjen e radhës ndaj Izraelit.

Pas përballjes së mbrëmshme me Austrinë, futbollistët që nuk u aktivizuan si titullarë zhvilluan seancën e plotë stërvitore në fushë.

Ndërkohë, lojtarët që e nisën ndeshjen ndaj Austrisë nga minuta e parë iu nënshtruan programit të rigjenerimit në palestër.

“Dardanët” tashmë e kanë kthyer fokusin te sfida e radhës, ku të enjten në Hungari do të përballen me Izraelin.

D.L

Continue Reading

Sport

Vozinha: “Nuk kam më privatësi, ose të paktën shumë më pak se më parë”

Published

1 day ago

on

September 28, 2026

By

Vozinha ka folur për ndryshimin e jetës së tij pas rritjes së famës, duke treguar se tashmë përballet shpesh me kërkesa për fotografi dhe autografe, por edhe me situata kur njerëzit e filmojnë pa leje.

“Nuk kam më privatësi, ose të paktën shumë më pak se më parë. Tani, kur dal apo shkoj në restorante, gjithmonë është dikush që dëshiron të bëjë një foto me mua ose të kërkojë një autograf. Ose, edhe më keq, dikush më filmon”, ka thënë ai.

Vozinha ka treguar gjithashtu se gjatë Kupës së Botës kishte interes të madh nga kompani dhe marka të ndryshme për bashkëpunime me të.

“E di që gjatë Kupës së Botës, shumë kompani dhe marka donin të bashkëpunonin me mua. Por, gjatë kohës që garonim, bëra vetëm një bashkëpunim promocional, me UFL Mobile”, u shpreh ai.

Ai theksoi se aktualisht nuk dëshiron të bashkëpunojë me kompani që lidhen me duhanin, alkoolin apo bastet sportive.

“Për momentin, nuk dua të punoj me marka të duhanit, alkoolit apo basteve”, deklaroi Vozinha.

Në fund, ai pranoi se, pavarësisht famës dhe mundësive të reja, do të preferonte jetën që kishte para se të bëhej kaq i njohur.

“Të jem i sinqertë, nëse do të më jepnin jetën që kam sot ose jetën që kisha më parë, do të zgjidhja atë që kisha më parë”, përfundoi ai.

D.L

Continue Reading

Të kërkuara