Policia e Kosovës, përkatësisht Drejtoria për Hetimin e Trafikimit me Narkotikë në Prishtinë, ka realizuar me sukses operacionin e koduar “Delivery”, i cili rezultoi me arrestimin e pesë personave dhe sekuestrimin e një sasie të konsiderueshme të drogës dhe pajisjeve teknologjike.

Sipas njoftimit, aksioni nisi pas një pune intensive operative që identifikoi dy persona të dyshuar për shpërndarjen e marihuanës dhe kokainës në kryeqytet.

Gjatë zbatimit të planit taktik mesditën e së mërkurës në Veternik, të dyshuarit, të cilët po lëviznin me një veturë Golf 8, tentuan t’i shmangen policisë duke nisur një ndjekje me shpejtësi të lartë që përshkoi Fushë-Kosovën, Podujevën dhe përfundoi në hyrje të Vushtrrisë, ku edhe u prangosën nga njësitet policore.

Gjatë kontrollit të veturës dhe përgjatë rrugës ku të dyshuarit kishin hedhur pako me lëndë narkotike gjatë ikjes, policia sekuestroi mbi 3.3 kilogramë marihuanë dhe sasi të kokainës të ndarë në 25 qese.

Operacioni u zgjerua me bastisje në katër lokacione të ndryshme në Prishtinë, ku u gjetën edhe dy peshore digjitale, mbi 4 mijë euro para të gatshme, valuta të huaja, dy vetura dhe katër telefona celularë.

Sipas komunikatës, forenzika rajonale ka dokumentuar të gjitha provat në vendin e ngjarjes, ndërsa hetimet po vazhdojnë në bashkëpunim me Prokurorinë e Shtetit.

Një detaj i rëndësishëm i këtij operacioni ishte zbulimi i një hapësire të modifikuar si “Call Center” në njërin nga lokacionet e bastisura, ku u sekuestruan pesë laptopë. Për shkak të dyshimeve për krime kibernetike, në rast u përfshinë edhe hetuesit e specializuar të kësaj fushe, të cilët ndaluan një person të pestë të përfshirë në këtë aktivitet.

Me urdhër të prokurorit kujdestar, të gjithë të dyshuarit janë dërguar në qendrën e mbajtjes për 48 orë, ndërsa Policia e Kosovës ka rikonfirmuar përkushtimin e saj në luftën kundër narkotikëve dhe krimit të organizuar.

 

26 mars 1993

Lajmet kryesore:

Serbët bëjnë gara me ekstremizëm ndaj Kosovës;

Dr.Sali Berisha: Kosova të vihet nën mbikëqyrjen e NATO-s;

Diplomatët bullgarë në Prishtinë;

Prani e ushtarakëve serbë në Llazicë të Malishevës;

Nga Norvegjia në burgun serb!;

U mbyll manastiri i Deçanit;

PEN Qendra Daneze organizoi debat me temën: “Çka pas Jugosllavisë?”;

Dejvid Ouen: Problemi i Bosnjës nuk mund të zgjidhet pa presion ushtarak kundër Serbisë;

Ushtria serbe mbajti tubim taktiko-teknik në Pejë;

Bullgaria i frikësohet luftës dhe pret ndihmë nga Turqia.

 

26 mars 1994

Lajmet kryesore:

Dr.Ibrahim Rugova: Kemi legjitimitetin e popullit dhe jemi të detyruar ta mbrojmë vullnetin e tij;

Serbët e lanë Kosovën sot pa gazetën “Bujku”;

Një delegacion i Dumës ruse u kërcënohet shqiptarëve në Kosovë;

Shaip Beqirit iu vërtetua dënimi prej dy muajsh burg;

KMDLNJ proteston kundër dënimit të Shaip Beqirit;

Si njoftojnë gazetat serbe për dënimin e Shaip Beqirit;

Dr. Zekeria Cana nxirret përsëri në gjyq të hënën;

Reagim i KMDLNJ kundër torturimit të të burgosurve shqiptarë në Burgun e Qarkut në Mitrovicë;

Akademik Rexhep Qosja u ndëshkua me marrje të pasaportës për 3 vjet;

Gjykata ushtarake në Nish dënoi Blerim Sejdiun me 5 muaj burg;

Në teatrin “Dodona” shfaqet premiera e filmit artistik “Era e mollës”;

Amnesty International: Jugosllavia – shqiptarët etnikë – gjykimet me kërbaç.

 

 

 

Represioni i policisë serbe në Kosovë

Vushtrri: – Më 24 mars, rreth orës 17, një ekspeditë e policisë serbe, nën pretekst të kërkimit të armëve bastisi familjet e Fehmi, Fadil dhe Faik Maxhunit dhe atë të Halim Aliut në fshatin Maxhunaj të Vushtrrisë. Policia serbe në shtëpinë e Fehmi Maxhunit gjeti një revole, ndërsa personat e lartëshënuar i urdhëroi që të paraqiten në stacionin e policisë në Vushtrri dje në orën 8.

Dje, policia serbe ndërhyri në shkollën fillore “Andon Zako Çajupi” në Vushtrri me ç’rast ndërpreu përvjetorin e ditës së shkollës, kurse të gjithë arsimtarët i futën në një koridor. Policia mori me vete drejtorin e kësaj shkolle, Izet Morinën të cilin e dërguan në Gjykatën komunale serbe në Vushtrri, me ç’rast e fyen në baza kombëtare.

Dje policia serbe arrestoi Isak Pllanën (33), kryetar i Aktivit të LDK-së në Balinc të Vushtrrisë. Isak Pllana po mbahet ende në arrest.

Podujevë: -Pardje rreth orës 11, një ekspeditë e polcisë serbe nën pretekst të kërkimit të armëve, bastisi familjen e Ali Jupollit në fshatin Shajkovc të Podujevës. Policia mori në rrugë disa kalimtarë të rastit, të cilët i detyroi që të hapin gropa në oborrin e Aliut, gjoja për t’i zbuluar armët e fshehura.

Pas dy orë bastisjeje, policia mori me vete Ali Jupollin, i cili ende gjendet në arrest.

Obiliq: Tash tetë ditë, Vehbi Mjeku nga Grabovci i Epërm i Obiliqit, po mbahet në Burgun e Qarkut në Prishtinë. Vehbi Mjeku u arrestua më 18 mars rreth orës 16, ndërsa Gjykata e instaluar serbe në Prishtinë, ende nuk ka dhënë kurrfarë shpjegimi lidhur me arrestimin e tij.

Dje, rreth orës 6 të mëngjesit, policia serbe bastisi familjen e Tahir Krasniqit nga fshati Shipitullë i Obiliqit. Pas bastisjes policia mori me vete djalin e tij, Muhamet Krasniqin dhe ai ende po mbahet në arrest.

Istog: Pardje, prej orës 8 deri në orën 9.40, policia serbe në Istog mori në pyetje Hazbi Bajrajn, anëtar i Kryesisë së Degës së LDK-së në Istog. Policia u interesua të dijë nga Hazbiu se kush e organizoi kontrollin mjekësor të nxënësve të kësaj komune, qeveria apo LDK.

Gjakovë: – Më 22 mars, rreth orës 5 të mëngjesit, forca të mëdha të policisë serbe rrethuan dhe bastisën familjen e Bajram Sh.Bajramit (63), Xhemë Rrustemit dhe ato të Idriz e Qazim Shabanit, në fshatin Babaj i Bokës të Gjakovës.

Pas bastisjes, personat e lartëshënuar u mbajtën mbi 30 orë në stacionin e policisë në Gjakovë dhe bëhet me dije se janë rrahur brutalisht.

Gllogovc: – Tash tre ditë, nën pretekst të dorëzimit të armëve po mbahet në polici, Istref Cakiqi nga fshati Tërstenik i Gllogovcit.

Dje, rreth orës 10, u mor në pyetje në stacionin e policisë në Gllogovc, Hajredin Gashi nga Vërbovci, nga i cili policia serbe kërkoi që të dorëzoi armë.

Skënderaj: – Sot rreth orës 5 të mëngjesit, policia serbe, bastisi familjen e Shaqir Hamzajt në Runik të Skënderajt. Në shtëpinë e Shaqir Hamzajt policët gjetën një revole.

Pas bastisjes, policia mori me vete vëllezërit Elmi dhe Ejup Hamzaj, të cilët ende po mbahen në arrest.

Pardje, në fshatin Plluzhinë të Skënderajt, policia serbe nën pretekst të kërkimit të armëve, bastisi familjen e Musli Sylës, Mehmet Bilallit, Rexhë Ferizit dhe Hasan Tahirit. Të lartëpërmendurve policia ua la ftesat që të paraqiten në stacionin e policisë në Skënderaj.

Bëhet me dije se bastisje nën pretekst të kërkimit të armëve pati edhe në fshatin Obri, me ç’rast u bastis familja e Halil Asllanajt, kurse në Makermal familja e Shaqir Asllanit.

Viti: – Pardje, rretrh orës 12, policia serbe bastisi familjen e Zylfi S.Agushit në fshatin Smirë të Vitisë. Meqë Zylfiu dhe bashkëshortja e tij nuk i shin në shtëpi, policët bastisën shtëpinë vetëm në praninë e fëmijëve të tij, me ç’rast thyen dhe demoluan shumë orendi, si dhe rrahën vajzën 9-të vjeçare Malësore Agushin, gjoja për të treguar se ku gjendet automatiku i babait të saj. Bëhet me dije se Malësorja dhe fëmijët tjerë të Zylfi Agushit kanë pësuar trauma nga dhuna e policisë serbe, si dhe nga mungesa e prindërve të tyre.

Të njëjtën ditë u bastis e dhe familja e Gani Agushit në të njëjtin fshat, me ç’rast policia serbe edhe në shtëpinë e tij theu e demoloi shumë orendi.

Mitrovicë: – Këto ditë në vendkalimin kufitar në Han të Elezit, policia serbe ia plaçkiti 2.300 marka gjermane, Bedrije Kurtajt nga Mitrovica.

Pardje, rreth orës 10, policia serbe hyri në shkollën fillore “Hivzi Sylejmani” në Mitrovicë, dhe kërkoi nga drejtori i kësaj shkolle, Isuf Maliqi që të paraqitet në stacionin e policisë në Mitrovicë në orën 11, së bashku me shtëpiakun e kësaj shkolle, Ferat Vidishiqin.

Dje rreth orës 12, policia serbe ishte në shtëpinë e Sejdi Bekës në fshatin Kçiç i Masdh, për të kërkuar Mexhid Bekën, kryetar i Nëndegës së LDK-së në Kçiç të Madh. Policia mori me vete Mexhid Bekën, me ç’rast e mori në pyetje rreth një orë dhe atë e liroi me kusht që të lajmërohet sërish në stacionin e polcisë në Mitrovicë më 28 shkurt në orën 8.

 

26 mars 1995

Lajmet kryesore:

Tubime madhështore të shqiptarëve në disa vende evropiane dhe në Australi e Kanada;

Fatmir Sejdiu: Tubimet e shqiptarëve flasin për këmbëngulësinë tonë për liri e pavarësi.

 

 

26 mars 1997

Lajmet kryesore:

Aktorja e njohur Liv Ulman rreth vizitës në Kosovë;

Avokates N. Kelmendi nuk iu lejua të vizitojë në burg Shukrie Rexhën;

Shtypi amerikan: Perëndimi nuk po e vëren grushtshtetin tinzar komunist;

Kamionët nga Shqipëria sërish dëmtojnë rrugët dhe infrastrukturën në Anë të Malit;

Ministri i Mbrojtjes i Shqipërisë u takua me komandantin e Flotës së gjashtë amerikane;

Tiranë: Policia arreston të ikur nga burgu dhe kryes të vrasjeve;

Ndërpritet vërshimi i refugjatëve shqiptarë në Itali;

UP dhe Universiteti i Trieshtës nënshkruan Marrëveshjen për bashkëpunim;

BI e Kosovës apelon të mos blehet oborri i medreses “Alaudin”;

Reagim i organeve dhe institucioneve të Gjilanit kundër ngritjes së kompleksit të qendrës tregtare.

 

Dhuna e përditshme në Kosovë

Podujevë: – Më 20 mars, me pretekst të kërkimit të armëve, policia bastisi shtëpitë e Sahit S.Gashit e Bajram H.Gashit në Dobërdol, si dhe kërkoi për të tretën herë në shtëpinë e tij në Dumnicë Ilmi Rexhepin.

Më 25 mars, në biseda informative u morën Nazlie, Skender, Ilir e Fatmir Haxhiu dhe Sadri Hoxha. Në polici ata u pyetën rreth rastit të plagosjes së pasqaruar të një polici serb që ndodhi të premtën e kaluar në Podujevë. Fatmiri u keqtrajtua fizikisht. Rreth këtij rasti në pyetje u mor edhe Rexhep Hoti nga Bradashi ndërsa, më 24 mars, me të njëjtin pretekst u keqtrajtua rëndë Ajet Rexhepi (19).

Më 25 dhe 26 mars, në bisedë informative u mor Bekim Restelica nga Podujeva.

Më 26 mars, u urdhërua që të paraqiten në polici Ismet e Fehmi Gashi dhe Mevlan Jusufi që kanë dyqanet në afërsi të vendit ku ndodhi plagosja e policit serb.

Më 25 mars, për herë të pestë u mor në pyetje nga inspektorët serb në Prishtinë, Mentor S.Sylejmani nga Sfeçla. Atij iu morën leja e njoftimit dhe pasaporta dhe u urdhërua që sot të paraqitet në polici së bashku me Avni Islamin nga Dumnica, i cili edhe më herët është marrë në pyetje dhe është keqtrajtuar.

Mentori dhe Avniu janë studentë të Fakultetit Xehetaro-Metalurgjik në Mitrovicë.

Mitrovicë: – Më 23 mars, policia serbe mori në shtëpinë e tij Isuf Barkun (20) në fshatin Vaganicë. Ai në stacionin e policisë në Mitrovicë u mbajt rreth tri orë dhe u keqtrajtua rëndë, me pretekst se një vijë e ujit që kalon përmes oborrit të tij e ka dëmtuar asfaltin.

Obiliq: – Po këtë ditë, policia serbe bastisi shtëpinë e Sadullah Zymberit në fshatin Bakshi për të kërkuar Hilmi Zymberin, i cili gjendet në botën e jashtme.

 

 

Në Siqevë afër Klinës u vranë dy shqiptarë e u plagos një tjetër

 Dje pasdite afër fshatit Siqevë të komunës së Klinës nga prita me pushkë automatike persona të panjohur vranë Isuf Halitajn dhe Fehmi Hazirajn, kurse plagosën Mehmet Gashin, shkruan gazeta serbe “D.telegraf”. Sipas kësaj gazete dy të vrarët dhe i plagosuri gjoja na qenkan të njohur si qytetarë lojalë të Serbisë dhe se atyre me muaj u janë kërcënuar “terroristët” me likuidim, sepse i paskan shpallë tradhtarë të popullit.

Sulmi u krye në një rrugë të fshatit afër Klinës nga pusia në të dy anët e rrugës. Në makinën që po kalonte u shtie me armë nga të dy anët dhe në vend mbetën të vdekur I.Halitaj dhe F. Haziraj, njofton kjo gazetë.

Burimet shqiptare në Klinë nuk kanë njoftuar asgjë për këtë rast. Përkujtojmë se disa javë më parë mediumet e Beogradit, duke u mbështetur në organet e instaluara serbe e patën shpallë si qytetar lojal ndaj Serbisë një person të vrarë në rrethana të pasqaruara në një fshat të Skënderajt. Kundër kësaj dezinformate, patën reaguar me sqarime familja e të ndjerit dhe aktivistët e LDK-së në fshat, duke e cilësuar atëherë dezinformatën si përpjekje për të futur përçarje në mesin e shqiptarëve.

 

Foto: Klina

Pas publikimit të aktgjykimit të plotë të Gjykatës Kushtetuese lidhur me dekretin e 6 marsit, ku u përcaktua një afat prej 34 ditësh për zgjedhjen e presidentit të ri para shpërndarjes automatike të Kuvendit, institucionet dhe krerët politikë kanë shprehur qëndrimet e tyre mbi rrugën që duhet ndjekur.

Presidenca e Kosovës, përmes një komunikate zyrtare, vlerësoi se ky vendim konfirmon ligjshmërinë e veprimeve të ndërmarra nga Vjosa Osmani.

“Presidentja e Republikës së Kosovës e mirëpret aktgjykimin e Gjykatës Kushtetuese, i cili i konfirmon argumentet juridike të dorëzuara nga Presidenca rreth këtij rasti, si dhe konfirmon se Presidentja Osmani nuk ka bërë asnjë shkelje kushtetuese”, thuhej në njoftim, duke shtuar se përgjegjësia për zgjedhjet e mundshme bie mbi organin legjislativ.

“Nuk është dekreti ai që e çon vendin në zgjedhje të reja, por është dështimi i Kuvendit për zgjedhjen e Presidentit të ri ai që i shkakton këtë proces”, potencoi Presidenca, duke u bërë thirrje deputetëve që urgjentisht të caktojnë seancën për votim.

Në anën tjetër, kryetari i Lidhjes Demokratike të Kosovës, Lumir Abdixhiku, deklaroi se vendimi ka sjellë qartësinë e nevojshme dhe duhet të shërbejë si udhërrëfyes për hapat e mëtutjeshëm, ndonëse theksoi se barra kryesore i takon pushtetit.

“Ky vendim nuk krijon epërsi për askënd. Ai e rikthen procesin në Kuvendin e Republikës dhe u jep deputetëve edhe një afat për të përmbushur detyrimin. Përgjegjësia kryesore mbetet te shumica parlamentare, e cila duhet të ofrojë zgjidhje sepse pa votat e saj ky proces nuk mund të përmbyllet”, shkroi Abdixhiku, duke shtuar se LDK-ja nuk do të bëhet “alibi e dështimeve të askujt”.

Ai insistoi se figura e re e presidentit nuk duhet të jetë një zgjatim i partisë në pushtet, por një profil që garanton balancë.

“Presidenti i Republikës duhet të jetë figurë bashkuese, që reflekton unitet, garanton balancë institucionale dhe nuk është zgjatim i shumicës”, përfundoi kreu i LDK-së.

Ndërkaq, nga radhët e Lëvizjes Vetëvendosje, Mimoza Kusari-Lila bëri thirrje për një qasje pragmatike në mënyrë që të shmanget bllokada totale e institucioneve.

Ajo nënvizoi se afati prej 34 ditësh duhet të shfrytëzohet për dialog mes forcave politike, pa e ndalur punën e përditshme të Kuvendit.

“Është shumë e rëndësishme që e para Kuvendi të vazhdojë punën, e dyta që të ketë një kompromis dhe dakordim mes forcave politike për zgjedhjen e presidentit” është shprehur Kusari-lila në një intervistë në emisionin “60 Minuta” në KTV.

Tutje ajo tha se “Derisa vazhdojnë negociatat për një person konsensual, besoj që mund të vazhdojmë me agjendën legjislative”, deklaroi Kusari-Lila, duke theksuar rëndësinë e stabilitetit në këtë fazë kritike.

Policia e Kosovës ka njoftuar për arrestimin e një personi në Deçan, i cili dyshohet se ka kryer veprën penale të dhunimit para disa javësh.

Sipas raportit zyrtar, bëhet fjalë për një të dyshuar burrë kosovar, i cili është vënë në pranga pas hetimeve lidhur me rastin e raportuar nga viktima femër kosovare.

Ndërsa me urdhër të prokurorit, viktima është dërguar në Institutin e Mjekësisë Ligjore (IML) për ekzaminime mjekësore gjinekologjike.

Pas intervistimit të të dyshuarit, prokurori ka nxjerrë vendim që ai të dërgohet në mbajtje për procedime të mëtejshme hetimore.