Lajmet

Reciprociteti për targat serbe, profesori Reka: Dy mesazhet që Kosova i përcolli Brukselit

Reka: Bashkimi Evropian duhet t’i kërkojë Serbisë zbatimin e marrëveshjes.

Published

on

Aplikimi i reciprocitetit të Kosovës për targat e automjeteve serbe ka prodhuar debate mes Prishtinës dhe Beogradit si dhe ka nxitur reagime nga Brukseli.

Blerim Reka, ish-ministër i Integrimit Europian të Kosovës u shpreh për “Balkan Talks” se Serbia është përgjegjëse për prodhimin e krizave dhe përplasjeve të tilla në Ballkanin Perëndimor.

Sipas tij, Ballkani Perëndimor nuk mund të ketë prosperitet për aq kohë që Serbia nuk ndryshon mentalitetin e saj të shekujve të kaluar.

“Edhe në dekadën e dytë të shekullit 21, ne kemi një problem, që po i gjeneron këto kriza, po krijon më tepër kriza dhe kjo është Serbia, Një Ballkan demokratik, civilizues, pro-perëndimor euroatlantik nuk mund të bëhet me një Serbi, me një mentalitet serb të shekullit 19”, tha ai.

Profesori Reka thotë se Presidenti i Serbisë, Aleksandër Vuçiç po përpiqet të bëjë akte të ngjashme me ato të Sllobodan Millosheviçit, që sipas tij synonte të bashkonte Ballkanin nën kupolën e ish-Jugosllavisë.

“Kur e them këtë, kam parasysh, që tani establishmenti shtetëror serb me në krye Vuçiçin po tenton ta bëjë atë që provoi Millosheviç në fund të vitet 1990 të shekullit 20, bashkimin e Ballkanit nën kupolën serbe, por me luftë pushtuese, tani ky po e bën me një strategji të re, atë që e quan “Bota serbe”, tha ai.

Ai thotë se me vendosjen reciprocitetit Kosova bëri atë që do bënte çdo shtet tjetër sovran, që zbaton ligjin në territorin e tij.

Gjatë intervistës me gazetarin Franko Egro, z. Reka thotë se Bashkimi Evropian duhet t’i kërkojë Serbisë zbatimin e marrëveshjes, që e ka firmosur me praninë e tyre në tryezën e dialogut.

“Qeveria e Kosovës bëri atë që do bënte çdo shtet sovran, i cili zbaton ligjin në tërë territorin e vet. BE, i cili në vend që tu drejtohet dy palëve, duhet t’i drejtohet njërës palë, Serbisë, e cila ka nënshkruar që ta zbatojë marrëveshjen dhe ta pranojë atë që ka nënshkruar”, tha ai.

I pyetur për mesazhet që Kosova u ka dërguar kancelerive evropiane me vendosjen e reciprocitetit me targat, profesor Reka bën këtë arsyetim:

Përveç mesazhit teknik, që ka të bëjë me reciprocitetin në targa, reciprociteti nuk është shpikur nga Kosova është një parim nga më normalët dhe më funksionalet për marrëdhëniet ndërshtetërore bilaterale. Qeveria e Kosovës emetoi mesazh të qartë politik drejt Brukselit, duke treguar më se nuk do të vazhdonte me të ashtuquajturin dialog të Brukselit dhjetë vjeçar, në formën e negociatave asimetrike dhe qeveria e Kosovës nuk do të pranojë të qenit një palë e trajtuar ndryshe nga Serbia”, shtoi ai.

Continue Reading

Aktualitet

Parashikimi i motit

Published

on

Sot në vendin tonë do të mbajë mot kryesisht i vranët ka njoftuar Instituti Hidrometeorologjik i Kosovës.

Sipas IHMK-së, temperaturat minimale do të sillen mes 4 dhe 7 gradë Celsius, ndërsa ato maksimale mes 11 dhe 15 gradë Celsius.

Era do të fryjë kryesisht nga perëndimi, e lehtë deri mesatare. /S.K/KP/

Continue Reading

Lajmet

Vazhdon sot procesi gjyqësor në Hagë

Published

on

E përditësuar:

07:45

Vazhdon edhe sot procesi gjyqësor ndaj ish-krerëve të Ushtrisë Çlirimtare të Kosovës. Në këtë seancë do të vazhdojë paraqitja e provave, nga dëshmitarët që janë ftuar nga ana e mbrojtjes.

Seanca parashihet të nisë nga ora 09:00.

Gjatë dy javëve të kaluar kanë dëshmuar tre dëshmitarë të thirrur nga Mbrojtja. John Duncan ishte dëshmitari i tretë i cili ishte një ish-punonjës i shërbimit diplomatik të Britanisë së Madhe, ku ai dha dëshmi kryesisht në seancë publike.

Në çështjen gjyqësore Thaçi dhe të tjerët për krime lufte, Trupi Gjykues më 18 shtator urdhëroi vazhdimin e paraburgimit për Rexhep Selimin, Kadri Veselin dhe Jakup Krasniqin, duke konstatuar se vazhdojnë të ekzistojnë rreziqet që të akuzuarit mund të pengojnë ecurinë e procesit ose të kryejnë vepra penale të tjera.

Trupi Gjykues gjykoi se lirimi i të akuzuarve në posedim të informacionit të ndjeshëm nuk do të ndihmonte mbrojtjen efikase të dëshmitarëve që kanë dhënë dëshmi tashmë ose të atyre që mund të dëshmojnë në procese paralele. Në rastin e z. Selimi, Trupi Gjykues rikujtoi se duket se z. Selimi nxori informacion konfidencial për palë të treta të paautorizuara, çka përforcoi konstatimin e Trupit Gjykues se ekziston rreziku që z. Selimi të pengojë ecurinë e procesit.

Sipas mendimit të Trupit Gjykues, rreziqet e identifikuara mund të zvogëlohen vetëm përmes kornizës për monitorimin e komunikimeve që zbatohet në objektin e paraburgimit të Dhomave të Specializuara./S.K/EO/

Continue Reading

Lajmet

​Flet drejtori i KH Rahovecit: Vendimi për të na përjashtuar nga palestra i pakuptimtë

Published

on

Klubi i hendbollit Rahoveci ka njoftuar se të dyja ndeshjet ndaj ekipit nga Luksemburgu, Dudelange, në kuadër të garave evropiane, do të zhvillohen në Luksemburg.

Shkak për këtë është bërë fakti se palestra Mizahir Isma në Rahovec, për shkak të zgjedhjeve, kalon nga nesër në menaxhim të KQZ-së dhe rrjedhimisht nuk mund të shfrytëzohet për ndeshje sportive.

Drejtori Sportiv i këtij klubi, Afrim Deliu, thotë se vendimi për t’i përjashtuar klubet nga palestrat është krejtësisht i pakuptueshëm.

“Sigurisht që është problematike, tereni është një lojtar shtesë në fushë, ajo nuk diskutohet por përveç kësaj janë edhe shumë probleme të tjera sepse palestra kalon në menaxhimin e KQZ-s nga nesër dhe përveç tereni që duhet të zhvillohet ndeshja jashtë, ne e kemi problem edhe stërvitjet t’i vazhdojmë. DO të thitë është shumë problem kjo pjesa dhe sinqerisht nuk e kuptoj se si mund të merret një vendim që palestra të lirohen nga klubet ose të mos kenë mundësi t’i zhvillojnë stërvitjet. Pra përveç lojës, problem tjetër shumë i madh është edhe stërvitjet ku do t’i zhvillojmë”, tha Deliu.

Ai ka shtuar se me këtë problematikë përballen sa herë që në Kosovë ka zgjedhje.

“Edhe në zgjedhjet e kaluara ka qenë i njëjti problem dhe e kemi ditur që nuk ka mundësi të arrihet asgjë nga kjo marrëveshje dhe menjëherë kemi kontaktuar me ekipin kundërshtar dhe kemi kërkuar që t’i zhvillojmë dy ndeshjet sepse e dimë që kjo nuk mund të realizohet, nuk është problem vetëm Rahoveci por e gjithë Kosova…Nuk është se kemi tentuar të shkojmë edhe ne KQZ direkt por e kemi ditur se është e pamundur sepse jo vetëm për Rahovecin por edhe për të gjitha klubet tjera ka qenë e pamundur”, shtoi Deliu.

Përveç hendbollit, me telashe të njëjta po përballet edhe sporti i volejbollit dhe ai i basketbollit./S.K/KP/

Continue Reading

Lajmet

​Bashkimi kërkon suksesin historik në Evropë

Published

on

Bashkimi pas fitores shumë të rëndësishme përballë Anwil-it kërkon për herë të parë të jetë pjesë e grupeve në FIBA Europe Cup.

Për të arritur suksesin historik për klubin më të vjetër në Kosovë, prizrenasit duhet të ruajnë epërsinë e pikëve nga fitorja e parë.

Sfida në Prizren përfundoi 80:75 për Portokallezinjtë, derisa në grupe do të hyjë skuadra që është më e mirë nga dy ndeshjet.

Nënkampionët për herë të parë janë në kualifikimet e FIBA Europe Cup, ndërsa nëse kalojnë pengesën në Poloni, atëherë do t’i bashkoheshin kampiones së Kosovës, Trepçës, si dhe PAOK-ut të Greqisë dhe Braunschëeig të Gjermanisë në Grupin F.

Anwil është një nga skuadrat më të forta polake në vitet e fundit, ku para dy vitesh kishte triumfuar në FIBA Europe Cup, kurse edicionin e kaluar ishte ndalur në Raundin e 1/16-tes.

Ndeshja zhvillohet të mërkurën në Poloni nga ora 18:30./S.K/KP/

Continue Reading

Të kërkuara