Lajmet

Receta natyrale që duhet ta përdorin ata që vuajnë nga tiroidet

Gjëndra e tiroides janë të vendosura në pjesën e poshtme të qafës, nën mollën e Adamit dhe përfundon rreth laringut.

Published

on

Gjëndra tiroide është gjëndra më e madhe e sistemit endokrin, përgjegjëse për zhvillimin mendor dhe fizik të njeriut.

Gjëndra e tiroides janë të vendosura në pjesën e poshtme të qafës, nën mollën e Adamit dhe përfundon rreth laringut. Hormonet e prodhuara nga gjëndra tiroide janë shumë të rëndësishme pasi stimulojnë qelizat e metabolizmit.

Në artikullin e sotëm do ju propozojmë një recetë natyrale që kuron hipotiroidizmin që është ulja e funksionit të tiroides. Hipotiroidizmi prek 2-3 të popullatës. Ajo prek kryesisht gjininë femër në raportin 3 me 1 dhe shfaqet zakonisht pas të 30-ve.

Disa prej simptomave kryesore janë:

-Ndjenjë e lodhjes, plogështisë ose depresionit.

-Lëkurë e thatë dhe thonj të brishtë.

-Paaftësi për të duruar të ftohtit.

-Konstipacion (kapsllëk).

-Probleme me kujtesë dhe vështirësi në të menduarit e qartë.

-Menstruacione të forta ose të çrregullta.

Përbërësit: 40 kokrra arra të njoma, 1 kg mjaltë organik dhe 1 vazo qelqi. Këshillohet të përdorni arra të njoma në ngjyrë jeshile të cilat përmbajnë më shumë selen se arrat e bëra. Lajini mirë e mirë me ujë të rrjedhshëm dhe më pas ndajini në katër pjesë. Duke qenë se arrat janë akoma të njoma, lëkura e tyre do të pritet lehtësisht dhe do të tretet po aq lehtësisht.

Më pas vendosini në një enë qelqi dhe shtoni mjaltin. Mjalti duhet të jetë organik dhe të mos përmbajë sheqer të shtuar. Mbylleni enën hermetikisht dhe mbajeni në errësirë për 1 javë. Këshillohet të konsumoni dy lugë çaji nga përzierja e mësipërme në mëngjes esëll dhe një lugë çaji para se të flini. Rezultatet do ju habisin që javën e parë të përdorimit.

Lajmet

Sot vazhdon seanca ndaj të akuzuarve për vrasjen e Liridona Ademajt

Published

on

E përditësuar:

08:10

Do të vazhdojë edhe sot seanca e shqyrtimit gjyqësor ndaj Naim Murselit, Granit Plavës dhe Kushtrim Kokallës, të akuzuar për përfshirje në vrasjen e Liridona Ademajt.

Në këtë seancë pritet të dëgjohet raporti i autopsisë nga mjeku ligjor Naim Uka.

Ndryshe seanca e fundit u fokusua në dëgjimin e ekspertit të psikiatrisë, i cili kishte kryer ekzaminimin psikiatrik ndaj të akuzuarit Naim Murseli.

Eksperti kishte deklaruar në sallën e gjyqit se nga ekzaminimi i bërë nuk janë konstatuar çrregullime të shëndetit mendor te Naim Murseli, as në formë të përhershme e as të përkohshme. Ai tha se analizat janë kryer përmes dokumenteve të lëndës, bisedave të drejtpërdrejta me të akuzuarin, si dhe përmes vëzhgimit të sjelljes së tij gjatë ekzaminimit.

Liridona Ademaj u vra më 29 nëntor 2023, rreth orës 20:25, në rrugën “Dalip Alshiqi” në fshatin Bërnicë të Prishtinës./S.K/EO/

 

Continue Reading

Lajmet

​Kryeministri francez publikon përbërjen e qeverisë e re

Published

on

Kryeministri francez Sébastien Lecornu emëroi të dielën 18 ministra që do të përbëjnë qeverinë e tij të re.

Njëzet e gjashtë ditë pasi u emërua kryeministër nga presidenti Emmanuel Macron, ish-ministri i Mbrojtjes mbajti një strukturë të ngjashme me atë të paraardhësit të tij, François Bayrou, duke riemëruar 13 ministra në largim.

Një valë e dytë emërimesh në pozicione më të ulëta pritet në ditët në vijim për të kompletuar qeverinë.

Roland Lescure, një aleat i ngushtë i presidentit Emmanuel Macron, është emëruar ministri i ri Financave, njoftoi Pallati Elysee.

Ish-ministri i financave Bruno Le Maire u emërua ministër i Mbrojtjes. Disa ministra kyç mbajtën pozicionet e tyre, përfshirë Jean-Noel Barrot si ministër i Jashtëm, Bruno Retailleau ministër i Brendshëm dhe Gerald Darmanin ministër i Drejtësisë.

Lescure, i cili vjen nga e majta, dhe kryeministri i tij tani përballen me sfidën e arritjes së një kompromisi mbi buxhetin e vitit të ardhshëm në një parlament të fragmentuar përpara një afati në fund të vitit.

Negociatat mbi buxhetin kanë marrë një ton të tensionuar, ndërsa tre blloqe ideologjikisht të kundërta në parlament pa shumicë po kërkojnë lëshime të ndërsjella.

Dy nga paraardhësit e Lecornu u rrëzuan mes përpjekjeve për të frenuar deficitin buxhetor të Francës, më i madhi në Eurozonë, në një kohë kur agjencitë e vlerësimit të kreditit dhe investitorët po e ndjekin situatën nga afër.

Në një përpjekje për të fituar mbështetjen e socialistëve, Lecornu propozoi një taksë mbi të pasurit që e kërkonte e majta, ndërsa përjashtonte asetet e pronarëve të bizneseve prej saj për të mbrojtur bizneset dhe vendet e punës.

Ai gjithashtu përjashtoi përdorimin e të drejtave të veçanta kushtetuese për të kaluar buxhetin në parlament pa votim./S.K/KP/

Continue Reading

Lajmet

​Tifozët e Barcelonës kërkojnë largimin e legjendës nga klubi pas humbjes nga Sevilla

Published

on

Barcelona pësoi humbje të rëndë nga Seville me rezultat 1:4 në raundin e 8-të të La Ligës dhe humbi shansin për të marrë vendin e parë.

Ekipi vendas erdhi në epërsi në pjesën e parë me një goditje penalltie nga ish-lojtari i Barcelonës Alexis Sánchez, dhe pak më vonë Isaac Romero shënoi për 2:0.

Marcus Rashford e uli diferencën në 2:1 me golin e tij të tretë të sezonit, por kjo nuk e ndryshoi rrjedhën e ndeshjes.

Ndërkaq, Carmona dhe Adams shkatërruan ekipin katalanas me golat e shënuar në minutën 90 dhe minutën e gjashtë e kohës shtesë.

Paraprakisht, katalanasit patën shans të shkëlqyer për t’u rikthyer në minutën e 76-të. Atyre iu dha një penallti, por Robert Lewandowski humbi të gjithë kornizën e portës, duke kryer një kërcim para një gjuajtjeje në stilin e Jorginho.

Turma reagoi me fishkëllima dhe një valë pakënaqësie u zhvendos shpejt në rrjetet sociale./S.K/KP/

 

Continue Reading

Lajmet

Dy të vdekur ​12 të plagosur nga të shtënat me armë zjarri në Alabama

Published

on

Persona të armatosur hapën zjarr në mesin e një turme të madhe në qendër të Montgomery, Alabama (SHBA), duke lënë dy të vdekur, përfshirë një adoleshent, ndërsa lëndime pësuan 12 persona të tjerë.

Shefi i Policisë së Montgomery, James Graboys, tha se të shtënat me armë shpërthyen rreth orës 23:30 të së shtunës, në lagjen e jetës së natës së qytetit.

Policia beson se një nga viktimat ishte në shënjestër, por disa persona filluan të qëllonin në zonën e dendur të mbushur me njerëz pasi u dëgjuan të shtënat e para.

Shefi i Policisë së Montgomery, James Graboys, tha se tre nga të plagosurit u shtruan në spital me lëndime kërcënuese për jetën.

“Këto ishin dy palë të përfshira që praktikisht po qëllonin njëra-tjetrën në mes të një turme”, u tha Graboys gazetarëve.

Graboys identifikoi dy viktimat si 17-vjeçari Jeremiah Morris dhe Shalanda Williams, 43-vjeçe.

Të shtënat shpërthyen ndërsa qyteti tërhoqi mijëra njerëz për Panairin Shtetëror të Alabamës, festat e shikimit të futbollit dhe rikthimin në shtëpi të Universitetit Shtetëror të Alabamës. Asnjë nga këto ngjarje nuk kishte ndonjë përfshirje në të shtënat e fundjavës./S.K/KP/

 

Continue Reading

Të kërkuara