Sport

Reali merr vendim për të ardhmen e Asensios

Marco Asensios nuk do t’i ofrohet mundësia e rinovimit të kontratës së tij në “Santiago Bernabeu”, raporton “Marca”.

Publikuar

Gjiganti spanjoll, Real Madrid, si duket ka marrë një vendim sa i përket të ardhmes së sulmuesit spanjoll, Marco Asensio.

Marco Asensios nuk do t’i ofrohet mundësia e rinovimit të kontratës së tij në “Santiago Bernabeu”, raporton “Marca”.

Reprezentuesi spanjoll, i cili së fundmi ka qenë i lidhur me Arsenalin dhe Liverpoolin, tani duhet të vendosë nëse dëshiron të largohet këtë verë nga Reali apo të pres deri verën tjetër, dhe të largohet si lojtar i lirë.

Që prej kalimit nga Espanyoli te Real Madridi, Marco Asensio ka arritur të bëjë 235 paraqitje, duke regjistruar 49 gola dhe 24 asistime mbi emrin e tij.

Sport

Sterling: Nuk kthehem në Botëror pa u siguruar familja ime

Familja nuk u raportua se janë dëmtuar në këtë rast.

Publikuar

nga

Ylli i Chelseat dhe Anglisë, Raheem Sterling thotë se nuk do të kthehet në Kupën e Botës në Katar derisa familja e tij të jetë e sigurt pas një grabitjeje që ndodhi në shtëpinë e tij.

Sterling, i cili mungoi në fitoren 3-0 të “Tre Luanëve” ndaj Senegalit të dielën, është larguar nga kampi anglez i Kupës së Botës dhe është kthyer në Britani të Madhe pasi disa grabitës të armatosur hynë në shtëpinë e tij të shtunën mbrëma.

Familja nuk u raportua se janë dëmtuar në atë rast, por 27-vjeçari, një nga lojtarët më të besuar të Gareth Southgate nuk është ende gati të kthehet dhe aktualisht po ndihmon policinë me hetimin e tyre mbi rastin.

Sipas burimeve të “The Sun”, Raheem u ka thënë të gjithëve, “Nuk ka asnjë mënyrë që të shkoj diku nëse nuk jam 100 për qind i sigurt se familja ime do të jetë e mbrojtur”.

Shumë nga bashkëlojtarët e tij në Angli kanë dërguar mesazhe mbështetjeje pas lajmeve për incidentin, ndërsa sipas “The Telegraph”, disa lojtarë në skuadrën e Southgate kanë vënë roje të sigurisë në gatishmëri 24-orëshe nga frika se mund t’iu ndodhë edhe atyre.

Sterling shënoi në ndeshjen e parë të Anglisë në Kupën e Botës 2022, ndërsa skuadra e Southgate mposhti Iranin 6-2 me “Tre Luanët” rikthehen në aksion të shtunën, ndërsa përballen me Francën në çerekfinale.

Vazhdo të lexosh

Sport

​Ronaldo paralajmëron Zvicrën: Gati për të dhënë gjithçka

Fituesi i këtij dueli do ta rrëmbejë biletën e fundit për një vend në mesin e tetë skuadrave më të mira të këtij kompeticioni.

Publikuar

nga

Sonte me fillim nga ora 20:00 do të zhvillohet ballafaqimi tejet interesant i Kampionatit Botëror ku do të ndeshjen Portugalia me Zvicrën.

Fituesi i këtij dueli do ta rrëmbejë biletën e fundit për një vend në mesin e tetë skuadrave më të mira të këtij kompeticioni.

Përderisa Zvicra do të ketë pritjet më të mëdha nga kosovarët Xherdan Shaqiri e Granit Xhaka, portugezët i kanë të gjithë sytë te kapiteni Cristiano Ronaldo.

Pak orë para fillimit të ndeshjes, ylli portugez ka lëshuar një status në rrjete sociale përmes të cilit ka motivuar bashkëlojtarët e tij dhe ka premtuar se është i gatshëm për të dhënë maksimumin që vendi i tij të vazhdojë tutje në Kupën e Botës.

“Sot luan Portugalia. Sot është dita e ëndrrës që secili e kemi brenda nesh. Le të shkojmë dhe të japim gjithçka”, ka shkruar Ronaldo.

Në rast të kualifikimit tuje, Portugalia në çerekfinale do të ballafaqohej me fituesin e ndeshjes Maroku-Spanja.

Vazhdo të lexosh

Sport

​Alberto Gilardino emërohet trajner i skuadrës së njohur italiane

Genoa tani ka shkarkuar Blessinin pas 33 ndeshjeve dhe ka emëruar Gilardinon.

Publikuar

nga

Genoa ka shkarkuar trajnerin Alexander Blessin dhe ka emëruar përkohësisht trajnerin e Primaveras, Alberto Gilardino në krye të skuadrës.

Ekipi ligurian aktualisht ndodhet në vendin e 5-të në tabelën e Serisë B, nëntë pikë prapa liderit të ligës Frosinone. Ekipi pësoi rënie nën drejtimin e Blessin sezonin e kaluar pasi përfundoi në vendin e 19-të në Serie A dhe ata po përpiqen me të gjitha forcat për t’u rikthyer menjëherë në ligën elitare të futbollit italian.

Siç theksohet nga “Calciomercato.com”, Genoa tani ka shkarkuar Blessinin pas 33 ndeshjeve dhe ka emëruar Gilardinon, i cili ishte trajneri i Primaveras, në vend të tij. Është e paqartë nëse kjo do të jetë një zgjidhje afatgjate apo nëse do të sillet një trajner i ri.

Gilardino është lojtari i fundit i skuadrës fituese të Kupës së Botës 2006 të Italisë që trajnon një skuadër në Serinë B, duke iu bashkuar ish-shokëve të skuadrës si Pippo Inzaghi, Fabio Grosso, Fabio Cannavaro dhe Daniele De Rossi në kampionatet e divizionit të dytë.

Vazhdo të lexosh

Sport

​Portugali-Zvicër, Xhaka e Shaqiri në mision për ta eliminuar edhe Ronaldon

Ndeshja do të zhvillohet me fillim nga ora 20:00 në stadiumin “Lusail Iconic”.

Publikuar

nga

Portugalia dhe Zvicra do të jenë dy skuadrat e fundit që do të luftojnë për ta siguruar biletën e fundit për një vend në mesin e tetë skuadrave më të mira të Kupës së Botës e cila po zhvillohet në Katar.

Pasi e eliminuan Serbinë me paraqitje fantastike që bëri bujë të madhe, Xherdan Shaqiri dhe Granit Xhaka do të kenë mision për ta eliminuar edhe Portugalinë e kapiteni Cristiano Ronaldo, raporton KosovaPress.

Ndeshja do të zhvillohet me fillim nga ora 20:00 në stadiumin “Lusail Iconic”, ndërsa fituesi në çerekfinale do të ballafaqohet me fituesi e duelit ndërmjet Marokut dhe Spanjës.

Xhaka dhe Shaqiri pritet që të luajnë nga minuta e parë në formacionin e Zvicrës, ndërsa nga ana tjetër në fushë nga fillimit pritet të zbresë edhe Cristiano Ronaldo.

Këto janë formacionet e mundshme:

Portugalia: Costa, Cancelo,Pepe, Dias, Guerrero, Silva, Neves, Carvalho, Fernandes, Ronaldo, Felix

Zvicra: Sommer, Widmer, Elvedi, Akanji, Rodriguez, Xhaka, Freuler, Shaqiri, Sow, Vargas, Embolo

Vazhdo të lexosh

Të kërkuara