Milani hyn në çerekfinalet e Kupës së Italisë me synimin për të shkundur shijen e hidhur të humbjes ndaj rivalëve të tyre, Interit, pas një barazimi të vonshëm 1-1 të dielën e kaluar. Pas katër ndeshjeve pa fitore, skuadra e trajnerit Sergio Conceicao ka shënuar vetëm dy fitore në pesë ndeshje të fundit, dhe përballja me Romën është shumë e rëndësishme për ta, pasi kërkojnë të rikthejnë ritmin fitues.

Nga ana tjetër, Roma ka qenë në formë të shkëlqyer, duke ruajtur një rekord prej vetëm një humbjeje në dhjetë ndeshje të fundit (6 fitore dhe 3 barazime). Ndeshja e fundit për ta ishte një barazim 1-1 në shtëpi kundër liderëve të Serie A, Napolit. Skuadra e trajnerit Claudio Ranieri ka pritur me padurim suksesin në Kupën e Italisë, pasi e fitoi trofeun për herë të fundit në vitin 2008.

Ndeshja do të zhvillohet më 5 shkurt në “San Siro” me fillim nga ora 21:00, dhe pritet të jetë një përballje e fortë, me të dyja skuadrat që kërkojnë një fitore të rëndësishme.

Formacionet e mundshme për të dyja skuadrat janë:

Milani (4-2-3-1): Maignan; Walker, Tomori, Pavlovic, Theo; Fofana, Musah; Pulisic, Reijnders, Leao; Abraham

Roma (4-3-3): Svilar; Rensch, Hummels, Ndicka; Saelemaekers, Kone, Paredes, Pellegrini, Angelino; Dybala, Dovbyk

Sot është një ditë e veçantë për një nga futbollistët më të mirë të të gjitha kohërave e bëhet fjalë për Cristiano Ronaldo.

U lind më 5 shkurt 1985, në Funchal të ishullit portugez Madeira dhe sot ai mbush 40 vite jetë.

Duke qenë një nga emrat më të spikatur të botës së sportit, në karrierën e tij ka fituar shumë trofe e ka luajtur për disa skuadra të njohura si: Sporting Lisbona, Manchester United, Real Madrid, Juventus dhe së fundmi luan për skuadrën nga Arabia Saudite, Al Nassr.

Tre trofe të Premier League, dy të La Liga-s, dy të Serie A, pesë Champions League, katër trofe të Kupës së Botës për klube, tre Superkupa të Evropës, edhe me kombëtaren e Portugalisë, si kapiten i saj e ka fituar edhe një titull të Kampionatit Evropian.

Në aspektin individual, CR7, i ka hiç më pak se pesë “Topa të artë”. Ai i ka thyer thuajse të gjitha rekordet në botën e futbollit, lojtarin e vetëm që e ka fituar pesë herë Ligën e Kampionëve, golashënuesin më të mirë të Portugalisë, golashënuesin më të mirë të Real Madridit, dhe golashënuesin më të mirë në histori të futbollit. Deri më tash, 40-vjeçari i ka realizuar 923 gola në karrierën e tij profesionale.

Në një moshë kur shumë futbollistë vendosin t’i ‘varin’ këpucët, ai duket se është në top formë duke dominuar me paraqitjet aktive, si me skuadrën Al Nassr si me kombëtaren portugeze. Cristiano Ronaldo është i martuar me modelen Georgina Rodriguez, dhe i ka pesë fëmijë.

Në një natë të NBA-së, kampioni në fuqi Boston Celtics mposhti Cleveland Cavaliers me rezultatin 112-105, duke siguruar një fitore të rëndësishme ndaj ekipit që kryeson renditjen e kampionatit. Ndeshja ishte shumë e ekuilibruar, me dy skuadrat që luftuan fort deri në fund, por në fund, Celtics dolën fitimtarë. Jayson Tatum dhe Derrick White ishin më të shquarit për Bostonin, me nga 22 dhe 20 pikë, duke kontribuar në fitore, ndërsa për Cleveland, Darius Garland ishte më i miri me 31 pikë, por përpjekjet e tij nuk mjaftuan për të mundur kampionët.

Në derbin e Los Anxhelos, Los Angeles Lakers triumfuan me një fitore të thellë 122-97 ndaj Clippers. Edhe pse Anthony Davis nuk ishte në fushë dhe Luka Dončić nuk luajti, LeBron James udhëhoqi Lakers në fushë me një paraqitje mbresëlënëse, duke shënuar 26 pikë. Ai u mbështet nga Rui Hachimura dhe Austin Reaves, të cilët shënuan nga 20 pikë secili. Ky ishte fitorja e tretë radhazi për Lakers, që tani mbanin vendin e pestë në Konferencën Perëndimore.

Një fitore dramatike erdhi për Philadelphia 76ers, të cilët mundën Dallas Mavericks me rezultatin 118-116, me Tyrese Maxey që shkëlqeu në këtë ndeshje duke shënuar 33 pikë dhe duke udhëhequr Philadelphia-n në sekondat e fundit.

Chicago Bulls gjithashtu arritën një fitore të madhe, duke mundur Miami Heat 133-124. Dyshja e fuqishme e Bulls, Ayo Dosunmu dhe Patrick Williams, kontribuan me një total prej 48 pikësh për të siguruar fitoren.

Në një tjetër përballje interesante, New York Knicks mundën Toronto Raptors 121-115, ku Jalen Brunson dhe Karl-Anthony Towns ishin të pakapshëm me nga 28 dhe 27 pikë secili.

Rezultatet e plota të natës:

• Philadelphia – Dallas: 118-116
• Brooklyn – Houston: 99-97
• Cleveland – Boston: 105-112
• Toronto – New York: 115-121
• Chicago – Miami: 133-124
• Clippers – Lakers: 97-122
• Portland – Indiana: 112-89