Sport

Reagon Varane mbi situatën e Mbappes te Kombëtarja e Francës

Franca do të zhvillojë nesër ndeshje me Kombëtaren e Belgjikës me fillim nga ora 20:45.

Published

3 years ago

October 6, 2021

Betim Gashi

Raphael Varane ka thënë që Kombëtarja e Francës do të qëndrojë e bashkuar në momente të mira dhe në ato të këqija, pasi që bashkëkombësi i tij Kylian Mbappe është duke e konsideruar një pushim nga futbolli me kombëtare, pas paraqitjeve jo të mira të Francës në Euro 2020.

Mbappe e humbi penalltinë e fundit në ndeshjen ku Franca u eliminua në raundin e eliminatoreve nga Kombëtarja e Zvicrës në Euro 2020.

Tani, raportohet se Mbappe dëshiron të largohet për ca kohë nga Kombëtarja e Francës, për shkaqe se ylli 22 vjeçar ndjehet sikur nuk e ka përkrahjen e skuadrës.

Rreth kësaj situate foli mbrojtësi i Manchester United Raphael Varane, ku tregoi që pavarësisht komenteve të fundit Kombëtarja e Francës do të qëndrojë e bashkuar.

“Unë mendoj që në grupin që kemi, është shumë e qartë dhe ishte e qartë edhe pas ndeshjes, që ne jemi të bashkuar. Kur gjërat shkojnë mirë dhe kur kemi edhe zbatica, ne e marrim përgjegjësinë të gjithë së bashku, dhe nuk e lëmë askënd anash”, tha Varane.

“Kështu do të qëndrojmë si grup, dhe ky është mentaliteti jonë që kemi. Filozofia jonë. Ne nuk do ta ndryshojmë këtë gjë”, shtoi mbrojtësi francez.

Franca do të zhvillojë nesër ndeshje me Kombëtaren e Belgjikës me fillim nga ora 20:45, ndeshje kjo e vlefshme për fazën gjysmëfinal të Ligës së Kombeve.

Related Topics:Franca Kombetarja e Frances

Up Next

Norvegjia U19 – Kosova U19, ja formacionet zyrtare

Don't Miss

Ky është ylli i Milanit që po mahnit botën me golat e tij

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.