Tashmë janë kompletuar klubet që do të luajnë në fazën gjysmëfinale të Kupës së Kosovës në futboll.

Drita e ka mposhtur Prishtinën e Re me rezultat të pastër 4-0. Golat për skuadrën gjilanase i realizuan Broja, Selmani, Zylfiu dhe Manaj.

Në ndeshjen tjetër, Prishtina e ka mposhtur me shumë lehtësi Vëllaznimin duke triumfuar me rezultat 4-0. Për bardhekaltërit shënuan Najeeb Yakubu, Rron Raqi, Bytyqi dhe Shillova.

Ndërsa të mërkurën gjymsëfinalen e siguruan edhe Llapi dhe Drenica.

Liverpooli është në rrugë të duhur për ta fituar titullin e Premierligës. “Reds” shënuan fitore ndaj Newcastle, duke e mposhtur pastër 2:0 në shtëpi, në kuadër të javës së 27-të në elitën e futbollit anglez.

Szoboszlai kaloi vendasit në epërsi në minutën e 11-të, pas asistimit nga Luis Diaz.

E Mac Allister shënoi për 2:0 në minutën e 63-të, i asistuar nga Mohamed Salah.

Me këtë fitore, Liverpooli shkon në kuotën e 67 pikëve në vendin e parë, 13 më shumë se Arsenali ku kanë mbetur edhe 11 xhiro deri në fund.

Në anën tjetër, Newcastle mbetet i gjashti me 44 pikë të grumbulluara.

Do të zhvillohen edhe sot dy ndeshje mjaftë interesante në kuadër të fazës çerekfinale të Kupës së Kosovës në futboll.

Prishtina dhe Drita do të kërkojnë kalimin në gjysmëfinale të kësaj gare. Skuadra nga Gjilani do të ballafaqohet me Prishtinën e Re, kurse ajo nga kryeqyteti përballet me Vëllaznimin e Gjakovës.

Ndërsa ditën e djeshme gjysmëfinalen e siguruan Llapi dhe Drenica që triumfuan ndaj Malishevës, përkatësisht Ferizajt.

Federata e Futbollit të Kosovës ka nisur procedurë disiplinore kundër klubit të futbollit ‘Liria’ për ndeshjen kundër Vëllaznimit në Ligën e Parë ku pas përfundimit të ndeshjes tifozët vendas hynë në fushë dhe sulmuan lojtarët e skuadrës mysafire.

“Pas shënimit të golit të vendasve në minutën e 47-të tifozët vendas hedhin fishekzjarre në fushë duke ndërprerë ndeshjen për disa minuta si dhe pas përfundimit të ndeshjes, disa tifozë të FC “ Liria” kalojnë rrethojat dhe hyjnë në fushë për të festuar fitoren, mirëpo disa prej tyre sulmojnë lojtarët dhe stafin teknik të mysafirëve. Si pasojë dy lojtarë të KF “Vllaznimi” kanë pësuar lëndime. Vlen të përmendet se tifozët vendas prej fushës gjuajnë me mjete të forta tifozët mysafirë të cilët ishin në tribuna. Sipas raportit të personave zyrtar dhe xhirimit televiziv në ndeshjen Liria-Vëllaznimi”, thuhet në njoftimin e FFK-së.