Lajmet

Reagon MINT: Mirëpresim hetimet, nuk ka ndodhur asnjë dëm në rezerva shtetërore

Sot janë arrestuar tre persona në lidhje me aferën e grurit dhe vajit.

Published

on

Ministria e Rozeta Hajdarit ka reaguar pas arrestimeve të sotme në MINT. MINT ka theksuar se mirëpret këtë hetim, ndonëse kanë shtuar se furnizimet me rezerva shtetërore janë bërë në përputhje me ligjin.

Sot janë arrestuar tre persona në lidhje me aferën e grurit dhe vajit. Në mesin e të arrestuarve është edhe Ridvan Muharremi, pronari i furrës/restoranit “Bukë e Zemër”.

Reagimi i plotë

Sot, në Ministrinë e Industrisë, Ndërmarrësisë dhe Tregtisë, erdhën njësia hetuese e Prokurorisë Speciale, me urdhër të prokurorit Valdet Gashi për kontroll në zyret e dy zyrtarëve të lartë të MINT, të Drejtorit të Departmentit për rezervat shtetërore, z. Hafiz Gara dhe Drejtorit të Deparmentit të integrimeve evropiane, z.Irfan Lipovica.

Për më tej Prokuroria Speciale ka bërë njoftimet për rastin që po hetohet nga ta.

Ministria e Industrisë, Ndërmarrësisë dhe Tregtisë mirëpret çdo hetim për rastin e blerjes së rezervës shtetërore anipse ne jemi të bindur që furnizimet dhe rezerva shtetërore janë në përputhje ligjet, planin dhe asnjë dëm apo dëmtim nuk ka ndodhur me to.

Për këtë çështje prej një kohë të gjatë e veçanërisht në muajt e fundit ka përpjekje të mëdha që të keqinformohet publiku në vendin tonë. Motivet dhe arsyet për këto veprime të nxitura dhe kordinuara nga palë të ndryshme të interesit duhet të jenë po ashtu pjesë e hetimit në këtë rast.

Ministria e Industrisë, Ndërmarrësisë, pret që organet e hetimit të kenë në vëmendje që krahas punës hetimore, të mos cënojnë në asnjë rrethanë sigurinë shtetërore, për sa kohë që bëhet fjalë për rezervën shtetërore të Republikës sonë, e klasifikuar sipas Ligjit për Rezervën Shtetërore dhe Ligjit për Mbrojtjen e Informacionit të Klasifikuar.

Ministria e Industrisë, Ndërmarrësisë dhe Tregtisë, i lut mediat që të përmbahen nga deklarime të pakonfirmuara nga ministria dhe siguron se procesi i furnizimit me mallra për Rezervën Shtetërore, me standarde dhe parametra të përcaktuara të cilësisë, është trajtuar dhe monitoruar sipas legjislacionit në fuqi.

Ministria është e përkushtuar të vazhdojë me rritjen e Rezervës Shtetërore edhe në këtë vit, sipas Ligjit mbi Ndarjet Buxhetore për Buxhetin e Republikёs sё Kosovёs pёr vitin 2023, me qëllim që të sigurojë qytetarët që në rrethana të jashtëzakonshme të kenë përkrahjen shtetërore në tejkalimin e situatave eventuale të krizës.

Lajmet

Rama pret Sanchez: Diskutuam mbështetjen e Spanjës ndaj rrugës tonë evropiane

Published

on

By

Pas kreut të NATO-s, kryeministri Edi Rama ka pritur në kryeministri edhe homologun spanjoll Pedro Sanchez. Rama shkruan se diskutuan për thellimin e marrëdhënieve mes dy vendeve, bashkëpunimin ekonomik dhe mbështetjen e vazhdueshme të Spanjës për integrimin evropian të vendit tonë.

Me kryeministrin e Mbretërisë së Spanjës, Pedro Sánchez, një takim miqësor e i rëndësishëm për thellimin e marrëdhënieve dypalëshe mes Shqipërisë dhe Spanjës, bashkëpunimin ekonomik, dhe mbështetjen e vazhdueshme të Spanjës për integrimin europian të Shqipërisë ”, shkruan Rama.

Kryeministri do të zhvillojë gjatë ditës takime dypalëshe me personalitetet pjesëmarrëse, në mjediset e dedikuara, duke nisur me Sekretarin e Përgjithshëm të NATO-s Mark Rutte e më pas me Kryeministrin e Spanjës Pedro Sanchez; Presidenten e Komisionit Evropian Ursula von der Leyen; Princin Sovran të Monakos Albertin II; Kancelarin e Austrisë Christian Stocker; Presidentin e Turqisë Recep Tayyip Erdoğan; Kryeministren e Italisë Giorgia Meloni; Presidentin e Qipros Nikos Christodoulides; Kryeministrin e Hollandës Dick Schoof; Kryeministrin e Belgjikës Bart de Wever, si dhe do të mirëpresë me takime duarsh të gjithë liderët e ftuar në Samit me të cilët do të ketë edhe një foto familjare.

Continue Reading

Lajmet

Rama zbulon imazhe të ‘Shtëpisë së Evropës’ që do presë 47 liderë

Published

on

By

Kryeministri Edi Rama ka ndarë imazhe nga Shtëpia e Evropës ambienti ku do të mbahet sot Komuniteti Politik Europian.

MIRËMËNGJES dhe me Shtëpinë e Evropës, krijuar me vizatimet e fëmijëve të Shqipërisë, ku sot ka zbritur e gjithë Europa e ku do të mbajë sytë e gjithë bota, ju uroj një ditë të mbarë”, shkroi Rama në Facebook.

Në kryeqytetin e Shqipërise mbërriten diten e djeshme shumica e lidereve pjesmarres në Komunitetit Politik Evropian përfshi kryeministri Britanik Kir Starmer, presidenti i Ukrainës Zelensky. Lideret e Ballkanit mes te cileve Vjosa Osmani dhe Aleksander Vuçiç drejtuesit e BE Antonio Kosta, Von der leyen Kaja Kallas etj.

Fokusi i samitit të sotëm të Komunitetit Politik Evropian (EPC) në Tiranë, Shqipëri, do të jetë intensifikimi i presionit ndaj Kremlinit, pas refuzimit të Putinit për të marrë pjesë në bisedimet për paqe të ndërmjetësuara nga SHBA-ja në Stamboll të enjten, më 16 maj\, thuhet në njoftimin e qeverisë britanike

Mbi 40 liderë do të mblidhen për të diskutuar sfidat e përbashkëta që i ndodhin Evropës, me një theks të veçantë në kërcënimin ndaj stabilitetit global dhe sigurisë që përfaqëson agresioni i Rusisë. Kjo vjen pas vizitës së Presidentit Zelensky në Turqi, ku ai shprehu gatishmërinë e Ukrainës për të angazhuar në bisedime paqësore me Rusinë me mirëbesim—një përpjekje që u minua nga mungesa e Putinit.

Samiti i sotëm do të shohë liderët që do të ribëjnë thirrje për një ndalesë të plotë dhe pa kushte të luftimeve dhe do të kërkojnë që Rusia të tregojë seriozitet në përpjekjet për të mbyllur luftën. Për më shumë se dy muaj, Rusia ka dështuar të përgjigjet në mënyrë të substancuar ndaj kërkesave të SHBA për një ndalesë 30-ditore të luftimeve dhe bisedime të vërteta paqeje.

Continue Reading

Lajmet

Osmani përfaqëson Kosovën në samitin e gjashtë të liderëve të Komunitetit Politik Evropian në Tiranë

Published

on

By

Presidentja e Republikës së Kosovës, Vjosa Osmani, do ta përfaqësojë Republikën e Kosovës në samitin e gjashtë të liderëve të Komunitetit Politik Evropian (EPC), i cili këtë edicion po mbahet në Tiranë, Shqipëri, dhe që do të mbledhë 45 liderë evropianë, përfshirë edhe ata të institucioneve të BE-së.

Presidentja Osmani do të pritet nga kryeministri Rama, gjersa përgjatë samitit, do të marrë pjesë në të dy seancat kryesore të Samitit të Komunitetit Politik Evropian, ndërsa së bashku me Kryeministrin e Kroacisë, Andrej Plenković, do të bashkëkryesojë tryezën e liderëve me temën “Një Evropë e hapur me kufij të sigurt”.

Kjo tryezë e liderëve do të trajtojë sfidat e sigurisë në kontinent dhe mundësitë që lidhen me migrimin dhe lëvizshmërinë, me theks të veçantë në fuqizimin e të rinjve, si dhe në shfrytëzimin e potencialit të mërgatës si motor për zhvillim ekonomik dhe stabilitet. Në këtë tryezë të bashkëkryesuar nga Presidentja Osmani do të marrin pjesë liderë nga mbarë Evropa, përfshirë kryeministrat e Italisë, Austrisë, Hungarisë, Belgjikës, ndër të tjerë.

Në kuadër të Samitit, Presidentja Osmani do të zhvillojë edhe takime bilaterale me liderë të tjerë evropianë.

Komuniteti Politik Evropian është një platformë për liderët evropianë që të diskutojnë çështjet kyçe me të cilat përballet kontinenti. E nisur në vitin 2022, EPC-ja synon të forcojë lidhjet politike dhe ekonomike në të gjithë Evropën, të ofrojë zgjidhje për sfidat e përbashkëta dhe të thellojë bashkëpunimin midis vendeve të BE-së dhe atyre jashtë saj.

Continue Reading

Lajmet

Tirana mirëpret sot Samitin e 6 të Komunitetit Politik Evropian, mblidhen 47 liderët

Published

on

By

Tirana është sot qendra e politikës evropiane, ndërsa mirëpret Samitin e gjashtë të Komunitetit Politik Evropian (KPE), i cili për herë të parë organizohet në një vend të Ballkanit Perëndimor. Samiti zhvillohet në Sheshin Skënderbej dhe mbledh së bashku liderët e 47 vendeve evropiane, si dhe drejtues të institucioneve kryesore ndërkombëtare.

Në mesin e figurave më të rëndësishme që marrin pjesë janë kryeministri britanik Keir Starmer, kancelari gjerman Friedrich Merz, presidenti francez Emmanuel Macron, kryeministrja italiane Giorgia Meloni, kryeministri spanjoll Pedro Sanchez, presidenti turk Recep Tayyip Erdogan, presidenti ukrainas Volodymyr Zelensky dhe Sekretari i Përgjithshëm i NATO-s, Mark Rutte.

Kryeministri Edi Rama do të nisë ditën me një sërë takimesh bilaterale, duke filluar me Sekretarin e Përgjithshëm të NATO-s, Mark Rutte, e më pas me kryeministrin spanjoll Pedro Sanchez. Në total, Rama pritet të zhvillojë 10 takime me liderë evropianë, ndër ta edhe me presidenten e Komisionit Evropian Ursula von der Leyen dhe presidentin turk Recep Tayyip Erdogan.

Samiti do të bashkëdrejtohet nga kryeministri Rama dhe presidenti i Këshillit Evropian, Antonio Costa. Tema kryesore e kësaj mbledhjeje është: “Evropa e re në një botë të re: Unitet, bashkëpunim, veprim i përbashkët”, duke reflektuar mbi rolin e kontinentit përballë sfidave globale.

Diskutimet do të organizohen në tri tryeza të rrumbullakëta me fokuse të ndryshme.

Punimet e samitit do të përmbyllen me një konferencë të përbashkët për shtyp mes kryeministrit Rama dhe kryeministres daneze Mette Frederiksen, vendi i cili do të jetë nikoqiri i samitit të ardhshëm të Komunitetit Politik Evropian.

Continue Reading

Të kërkuara