Sport

Reagimi interesant i Ronaldos pas fitores ndaj Villarrealit

Cristiano Ronaldo ishte realizuesi i njërit prej dy golave të “Djajve të Kuq”.

Published

5 years ago

November 24, 2021

UBT news

Manchester United ka marrë një fitore shumë të rëndësishme ndaj Villarrealit në Ligën e Kampionëve si rezultat i së cilës edhe e ka siguruar fazën e eliminimit direkt të këtij kompeticioni.

Kjo ishte njëkohësisht një fitore e madhe edhe për Michael Carrick i cili zhvilloi ndeshjen e parë si trajner i kësaj skuadre pas shkarkimit të Ole Gunnar Solskjaer, përcjellë KosovaPress.

Cristiano Ronaldo ishte realizuesi i njërit prej dy golave të “Djajve të Kuq” dhe duket se ky gol kishte një rëndësi speciale për Ronaldon pasi në reagimin e tij pas ndeshjes Ronaldo ka shprehur ngazëllimin e madh që e dnejn kur shënon një gol në tokën spanjolle, aty ku pati një periudhë fantastike me Real Madridin.

“Gjithmonë mrekulli për të luajtur në Spanjë, mrekulli për të fituar në Spanjë, shumë kënaqësi për të shënuar në Spanjë, një vend ku jam ndjerë gjithmonë i veçantë… Urime djemve për një fitore të madhe që na vendos aty ku na takon! Ne jemi Man. United dhe ne kurrë nuk do të ndalemi së luftuari për këtë klub! Le të shkojmë tutje, Djajtë!”, ka shkruar ylli portugez.

Sport

Briken Calja shkëlqen në Taranto, shpallet kampion dhe thyen rekorde

Published

9 hours ago

September 1, 2026

UBTNews

Reprezentuesi i Shqipërisë, Briken Calja, është shpallur kampion i Lojërave Mesdhetare “Taranto 2026”, pas një paraqitjeje të jashtëzakonshme në peshëngritje.

Sportisti i Team Albania dominoi garën në kategorinë deri në 75 kilogramë, duke treguar formë të shkëlqyer.

Në stilin e shkëputjes, Calja realizoi tri prova të suksesshme, duke ngritur 147, 152 dhe 154 kilogramë. Me rezultatin maksimal prej 154 kilogramësh, ai fitoi medaljen e artë dhe njëkohësisht vendosi tri rekorde mesdhetare.

Edhe në stilin e shtytjes, Calja vazhdoi me paraqitje mbresëlënëse. Ai ngriti 184 kilogramë, duke vendosur rekordin mesdhetar në këtë stil dhe duke fituar medaljen e bronztë.

Kjo është një tjetër paraqitje e madhe e peshëngritësit shqiptar, i cili i ka dhuruar Shqipërisë një medalje të artë në “Taranto 2026”.

Me suksesin e Caljas, Shqipëria numëron tashmë gjashtë medalje në këto Lojëra: dy të arta, një të argjendtë dhe tri të bronzta.

D.L

Lajmet

Islam Selmani i artë, medalja e 7-të për Kosovën

Published

10 hours ago

September 1, 2026

UBTNews

Islam Selmani ka shkëlqyer në Lojërat Mesdhetare “Taranto 2026”, duke fituar medaljen e artë dhe duke i sjellë Kosovës medaljen e shtatë në këto Lojëra.

Karateisti kosovar triumfoi në finale dhe u shpall kampion, duke shkruar një faqe të rëndësishme për karatenë e Kosovës.

Kjo është medalja e parë e artë për Kosovën në karate në “Taranto 2026” dhe medalja e shtatë e delegacionit kosovar.

Një paraqitje fantastike e Islam Selmanit, i cili tashmë është kampion i Lojërave Mesdhetare.

D.L

Sport

Briken Calja i artë në “Taranto 2026”, Shqipëria fiton medaljen e dytë të artë

Published

12 hours ago

September 1, 2026

UBTNews

Briken Calja i ka sjellë Shqipërisë medalje të artë në Lojërat Mesdhetare “Taranto 2026”.

Peshëngritësi shqiptar garoi të martën paradite në kategorinë deri në 75 kilogramë, duke shkëlqyer në stilin e shkëputjes.

Calja fitoi medaljen e artë në shkëputje, pasi ngriti me sukses peshën maksimale prej 154 kilogramësh.

Në stilin e shtytjes, shqiptari u rendit i treti, duke fituar medaljen e bronztë me një peshë maksimale prej 184 kilogramësh.

Me këtë sukses, Calja ka kontribuar në një paraqitje të mirë të Shqipërisë në “Taranto 2026”, ku deri tani ka fituar dy medalje të arta, një të argjendtë dhe dy të bronzta.

Foto: euronews

D.L

Sport

Sigurohet medalja e shtatë për Kosovën, Islam Selmani në finale

Published

13 hours ago

September 1, 2026

UBTNews

Islam Selmani ka siguruar medaljen e shtatë për Kosovën në Lojërat Mesdhetare “Taranto 2026”, duke shkruar njëkohësisht histori për karatenë kosovare.

Karateisti ynë ka triumfuar në gjysmëfinale dhe është kualifikuar në finale, duke i siguruar Kosovës medaljen e parë në karate në këto Lojëra Mesdhetare.

Selmani tani do të luftojë për medaljen e artë, me synimin për ta kurorëzuar paraqitjen e tij me titullin e kampionit.

D.L