Lajmet

Raste të dhunës në familje dhe vjedhje të raportuara në disa rajone të vendit

Published

on

Përgjatë 24 orëve të fundit, në disa qytete të Kosovës janë regjistruar një sërë incidentesh kriminale, që sipas raportit të përditshëm të Policisë së Kosovës, përfshijnë raste të shumta të dhunës në familje, sulme fizike si dhe vjedhje të rënda të pronës private. Incidentet janë shënuar kryesisht në qytetet si Prishtina, Podujeva, Mitrovica, Peja, Prizreni dhe Shtimja, ndërkohë që autoritetet kanë ndërmarrë masa konkrete për secilin rast.

Një përleshje fizike është raportuar në Rrethin e Flamurit në Prishtinë, ku tre burra, një shtetas kosovar dhe dy shtetas të Maqedonisë së Veriut, janë përleshur fizikisht. Njëri prej tyre ka pësuar lëndime trupore dhe është dërguar në QKUK për trajtim mjekësor. Policia ka arrestuar të dyshuarin kosovar, ndërsa dy të tjerët janë liruar në procedurë të rregullt.

Raportohet se tre të dyshuar meshkuj, një kosovar dhe dy shtetas të Maqedonisë së Veriut, janë përleshur fizikisht në mes vete. Si pasojë, njeri prej tyre pëson lëndime trupore dhe dërgohet për tretman mjekësor në QKUK. Lidhur me rastin me vendim të prokurorit i dyshuari mashkull kosovar, është arrestuar dhe pas intervistimit dërgohet në mbajtje, ndërsa dy të tjerët lirohen në procedurë të rregullt.” thuhet në njoftim.

Në rrugën “Skënderbeu” në Podujevë, dy burra janë arrestuar për sulm ndaj një qytetari.

Janë arrestuar dy të dyshuar meshkuj kosovarë, pasi që të njëjtit kanë sulmuar fizikisht viktimën mashkull kosovar. Viktima ka pranuar tretman mjekësor , ndërsa të dyshuarit me vendim të prokurorit dërgohen në mbajtje.” thuhet në njoftim.

Ndërsa në rrugën “Arbër Xhaferi” në Prishtinë një burrë është ndaluar pasi ka sulmuar vëllain e tij. Të gjithë të përfshirët kanë pranuar trajtim mjekësor dhe të dyshuarit janë dërguar në mbajtje.

Është arrestuar i dyshuari mashkull kosovar, pasi që i njëjti ka sulmuar fizikisht vëllain e tij viktimën mashkull kosovar. Viktima ka pranuar tretman mjekësor, ndërsa i dyshuari me vendim të prokurorit është dërguar në mbajtje.” thuhet në njoftim.

Një rast i dhunës në familje është raportuar në orët e para të mëngjesit në Prishtinë, ku një grua është sulmuar nga bashkëshorti dhe vajza e saj. Pas ndërhyrjes së policisë, i dyshuari është arrestuar dhe më pas liruar në procedurë të rregullt. Viktima dhe vajza janë strehuar në një institucion mbrojtës.

Është raportuar se viktima femër kosovare, pas një mosmarrëveshje është sulmuar fizikisht nga vajza dhe bashkëshorti i saj. I dyshuari është arrestuar dhe pas intervistimit me vendim të prokurorit është liruar në procedurë të rregullt, ndërsa viktima me vajzën e saj është dërguar në strehimore.” thuhet në njoftim.

Në rrugën “Isa Kastrati”, është raportuar një vjedhje e rëndë ku persona të panjohur kanë hyrë në një banesë dhe kanë marr bizhuteri dhe një armë zjarri. Policia ka nisur hetimet për zbardhjen e rastit.

Ankuesi mashkull kosovar, ka njoftuar se persona të panjohur kanë hyrë në banesën e tij dhe nga aty kanë vjedh bizhuteri dhe një armë  zjarri. Rasti është duke u hetuar.” thuhet në njoftim.

Ndërsa në fshatin Arllat, një burrë ka raportuar se nipi i tij, i mitur, është larguar nga shtëpia dhe nuk dihet vendndodhja e tij që nga data 18 korrik. Policia po zhvillon hetime për rastin.

Ankuesi mashkull kosovar, ka raportuar se nipi i tij (djali i djalit), i mitur është larguar nga shtëpia dhe nuk dinë për vend ndodhjen e tij. Rasti nën hetime.” ka njoftuar Policia e Kosovës.

Në komunën e Shtimes, një burrë është arrestuar pasi ka sulmuar fizikisht nënën e tij. I dyshuari është dërguar në mbajtje me urdhër të prokurorit.

Është arrestuar i dyshuari mashkull kosovar, pasi që i njëjti ka sulmuar fizikisht nënën e tij. Me vendim të prokurorit, i dyshuari është dërguar ne mbajtje. ” thuhe në njoftim.

Në lagjen “Dardania” në Prizren, policia ka ndaluar një automjet ku ka gjetur 3 gram marihuanë dhe 9.4 gram hashash. I dyshuari është arrestuar dhe më pas liruar në procedurë të rregullt.

Është arrestuar i dyshuari mashkull kosovar, pasi që gjatë kontrollit në veturën e tij janë gjetur dhe konfiskuar 3 gramë substancë e dyshuar narkotike e llojit marihuanë dhe 9.4 gram hashash. Me vendim të prokurorit, pas intervistimit i dyshuari lirohet në procedurë të rregullt.” njoftoi Policia.

Në Istog, një grua ka raportuar dhunë të vazhdueshme fizike dhe psikike nga bashkëshorti i saj. I dyshuari është shoqëruar në polici dhe më pas liruar.

Ankuesja femër kosovare, ka raportuar se bashkëshorti i saj i dyshuari mashkull kosovar, në vazhdimësi ushtron dhunë fizike dhe psikike ndaj saj. I dyshuari është shoqëruar në stacionin policor dhe pas intervistimit me vendim të prokurorit është liruar në procedurë të rregullt.” thuhet në njoftim.

Ndërkohë në Pejë, gjatë një kontrolli, është gjetur një pistoletë me fishekë në veturën e një të dyshuari.

Është arrestuar i dyshuari mashkull kosovar, pasi që gjatë kontrollit në veturën e tij është gjetur dhe konfiskuar një armë zjarri pistolete me një karikator me katër fishekë të kalibrit 7.65mm. Me vendim të prokurorit, pas intervistimit i dyshuari lirohet në procedurë të rregullt.” thuhet në njoftim.

Në Klinë, policia ka identifikuar një person që kishte postuar në rrjete sociale foto me armë zjarri. Arma, e cila kishte leje, u konfiskua te një i afërm i tij. Të dy rastet janë proceduar në mënyrë të rregullt.

Me datë 23.07.2025 njësit e hetuesisë kanë identifikuar të dyshuarin mashkull kosovar, i cili kishte postuar në rrjete sociale foto me armë zjarrit. Pas intervistimit me vendim të prokurorit arma me leje është gjet dhe konfiskuar, tek djali i dajës së të dyshuarit. Rasti shkon në procedurë të rregullt.” njoftoi Policia e Kosovës.

Në Vushtrri, një burrë është shoqëruar nga policia pasi ka kanosur një gjyqtar pas një seance gjyqësore. Rasti është dërguar në procedurë të rregullt.

Është shoqëruar në stacionin policor  i dyshuari mashkull kosovar, pasi që i njëjti në Gjykatën Themelore pas përfundimit të seancës gjyqësorë, kishte kanosur viktimën  mashkull kosovar, gjyqtar. Me vendim të prokurorit, pas intervistimit rasti shkon në procedurë të rregullt.” thuhet në njoftim.

Në Mitrovicë të Jugut dhe Vushtrri janë raportuar dy raste dhune në familje, në një rast kunata ka sulmuar fizikisht viktimën, ndërsa në rastin tjetër, bashkëshorti shtetas i Shqipërisë ka ushtruar dhunë dhe më pas është larguar. Të dy rastet janë në hetim.

Ankuesja femër kosovare, ka raportuar se pas një mosmarrëveshje është sulmuar fizikisht nga e dyshuara femër kosovare, kunata e saj. E dyshuara është shoqëruar në stacionin policor dhe pas intervistimit me vendim të prokurorit rasti shkon në procedurë të rregullt.” thuhet në njoftim.

Viktima femër kosovare, ka raportuar se është sulmuar fizikisht nga bashkëshorti i saj i dyshuari mashkull shtetas i Shqipërisë, i cili më pas është larguar në drejtim të panjohur. Nuk raportohet për të lënduar. Rasti nën hetime.” thuhet në njoftim.

Policia ka realizuar urdhër kontrolli për një rast të vjedhjes së ndodhur në mars në Vushtrri. Dy persona janë arrestuar dhe janë konfiskuar dy telefona. Me vendim të prokurorit, të dy janë dërguar në mbajtje.

Lidhur me rastin është realizuar urdhër kontrolli në dy lokacione të ndryshme ku janë arrestuar dy të dyshuarit meshkuj kosovarë, dhe nga të njëjtit janë konfiskuar dy telefona. Me vendim të prokurorit, pas intervistimit të dyshuarit janë dërguar në mbajtje.” thuhet në njoftim.

Në fshatin Kajkovë, një qytetar ka raportuar se është kanosur me mesazhe nga një person tjetër. Në një rast tjetër, në rrugën “Kolashini” në Mitrovicë Veriore, janë vjedhur dërrasa ndërtimore në vlerë prej 750 euro. Të dy rastet janë në hetime.

Ankuesi mashkull kosovar, ka raportuar se i dyshuari mashkull kosovar, i kishte dërguar mesazhe kërcënuese. Rasti nën hetime.” njoftoi Policia e Kosovës.

Ankuesi mashkull K-Shqiptar, ka raportuar se persona të panjohur i kanë vjedhur disa materiale punuese(dërrasa) në vlerë rreth 750 euro. Rasti nën hetime.” thuhet në njoftim./UBTNews/

Lajmet

Fakulteti i Studimeve të Sigurisë në UBT organizon ligjëratë të përbashkët me përfaqësues të KFOR-it Amerikan dhe Polak

Published

on

Në kuadër të fillimit të semestrit të ri akademik, Fakulteti i Studimeve të Sigurisë në UBT organizoi një ligjëratë të veçantë me dy folës ndërkombëtarë nga KFOR — përfaqësues nga kontingjenti Amerikan dhe ai Polak — të cilët ndanë me studentët njohuri të vlefshme mbi sigurinë ndërkombëtare dhe bashkëpunimin shumëpalësh.

Ngjarja, e organizuar nga Prof. Arian Kadriu, Prodekani i Fakultetit të Studimeve të Sigurisë, përfshiu Captain Jared T. Blackburn, një nga Avokatët Ligjorë të KFOR-it 35 në Rajonin e Komandës Lindore (RC-E), dhe Lieutenant Ciachera, Këshilltarin Ligjor Polak (LEGAD) për Kontingjentin Polak (POL COY) në RC-E KFOR.

Captain Blackburn, duke përfaqësuar KFOR-in Amerikan, diskutoi rolin kritik të përfaqësuesve ligjorë në operacionet shumëkombëshe, duke u fokusuar në përgjegjësitë e tij në ligjin operativ, ligjin fiskal, kërkesat ligjore dhe asistencën ligjore brenda misionit paqeruajtës. Ai theksoi se si ligji ndërkombëtar ndikon në operacionet e sigurisë dhe sfidat komplekse me të cilat përballen profesionistët ligjorë në ushtrinë amerikane. Studentët u angazhuan në një diskutim dinamik, duke bërë pyetje të thelluara që pasuruan kuptimin e tyre mbi ndërveprimin midis ligjit, politikës dhe operacioneve ushtarake në misionet e NATO-s.

Ndërsa Lieutenant Ciachera, përfaqësues i KFOR-it Polak, trajtoi rolet në zhvillim të grave në forcat e armatosura dhe mbrojtjen e të miturve në zonat e konflikteve, duke theksuar rëndësinë e të drejtave të njeriut në operacionet paqeruajtëse dhe të stabilizimit.

Ky aktivitet theksoi angazhimin e vazhdueshëm të UBT-së për të ndërtuar partneritete ndërkombëtare dhe për t’u ofruar studentëve të Studimeve të Sigurisë një arsimim të bazuar në përvojë praktike, ekspertizë profesionale dhe perspektiva globale.

 

Continue Reading

Lajmet

Ekipi përfaqësues i Kosovës gati për sfidën ndërkombëtare në Panama

Published

on

Ekipi përfaqësues i Kosovës ka filluar përgatitjet për garën ndërkombëtare më të madhe të robotikës, First Global Challenge, që do të mbahet këtë muaj në Panama. Për disa muaj, ata kanë punuar intensivisht në laboratorët e mekatronikës në UBT për të përfaqësuar Kosovën në këtë kompeticion prestigjioz.

Përmes mbështetjes së UBT-së, Kosova do të jetë pjesë e një gare me mbi 180 shtete nga e gjithë bota. Ky ekip i pasionuar, i përbërë nga të rinj të talentuar në shkencë, teknologji, inxhinieri dhe matematikë, do të testojë aftësitë e tij në fushën e robotikës.

Mentorja e ekipit, Elita Hajrizi, tregon se përgatitjet janë në fazën përfundimtare dhe se ekipi ka ndërtuar robotin inovativ që do të prezantohet në First Global Challenge 2025.

“Pjesëmarrja e Kosovës në këtë garë ndërkombëtare është një ndjenjë e jashtëzakonshme. Të shohësh vendin tënd të përfaqësuar në një event kaq të madh është një moment krenarie, dhe tani që jemi në fazën përfundimtare të përgatitjeve, po e shijojmë çdo hap të këtij udhëtimi emocionues”, tha Elita Hajrizi, mentore e ekipit.

Tema e këtij viti do të fokusohet në zhvillimin e zgjidhjeve për ruajtjen e ekuilibrit të biodiversitetit dhe për luftimin e ndryshimeve klimatike, duke kontribuar kështu në përpjekjet globale për mbrojtjen e mjedisit.

Për më tepër, UBT është vlerësuar me medalje të artë për kontributin e tij në First Global Challenge, si dhe për mbështetje të vazhdueshme për zhvillimin e STEM (Shkencë, Teknologji, Inxhinieri dhe Matematikë) në të gjithë botën.

Continue Reading

Rajoni

UBT organizon Konferencën Ndërkombëtare të Dizajnit të Integruar – ICID 2025

Published

on

UBT do të organizojë Konferencën Ndërkombëtare të Dizajnit të Integruar (ICID 2025), një ngjarje prestigjioze që mbledh profesionistë, studiues dhe krijues nga mbarë bota për të ndarë ide, përvoja dhe risitë më të fundit në fushën e dizajnit bashkëkohor.

Kjo konferencë do të shërbejë si një platformë ndërdisiplinare ku krijimtaria, kërkimi shkencor dhe teknologjia ndërthuren për të formësuar të ardhmen e dizajnit dhe të mendimit kreativ.

Një nga qëllimet kryesore të ICID 2025 është promovimi i rolit të studentëve si gjenerata e re e dizajnerëve, duke i përfshirë ata aktivisht në diskutime, prezantime dhe sesione interaktive që nxisin mendimin kritik, bashkëpunimin dhe inovacionin.

Në kuadër të konferencës, pjesëmarrësit do të kenë mundësi të ndjekin:

  • Diskutime inspiruese me ekspertë të njohur vendorë dhe ndërkombëtarë
  • Prezantime të punimeve shkencore e profesionale
  • Mundësi rrjetëzimi për bashkëpunime akademike dhe profesionale

ICID 2025 pritet të jetë një ngjarje që frymëzon, lidh dhe nxit zhvillimin e dizajnit të integruar në nivel global, duke e pozicionuar UBT-në edhe një herë si qendër lidere të inovacionit dhe edukimit bashkëkohor në rajon.

Continue Reading

Lajmet

Rektori Hajrizi në takim me drejtuesit e Shkollës së Aviacionit, SevenAir

Published

on

Në një takim të rëndësishëm, Rektori i UBT-së, Prof. Dr. Edmond Hajrizi, dhe z. Alexandre Alves, Administrator i Shkollës së Aviacionit SevenAir, diskutuan për mundësitë e bashkëpunimit mes dy institucioneve.

Fokus i veçantë ishte instalimi i avionëve simulues në Kosovë, si dhe certifikimi dhe trajnimet profesionale për mirëmbajtjen e avionëve.

Rektori Hajrizi theksoi rëndësinë e zhvillimit të këtij programi të përbashkët, i cili do të ndihmojë në përgatitjen e pilotëve të rinj në përputhje me kërkesat e mëdha të tregut të punës në këtë profesion të fisnik.

Ndërkohë, z. Alves shprehu interesin e tij dhe të kompanisë SevenAir për të krijuar një marrëdhënie specifike me UBT në fushën e aviacionit dhe mirëmbajtjes së pajisjeve aeronautike, duke shprehur besimin se ky bashkëpunim do të sjellë rezultate të jashtëzakonshme!

Continue Reading

Të kërkuara