Futbollisti i Prishtinës, Kreshnik Uka është operuar me sukses dhe tashmë është liruar nga spitali ku do të vazhdojë me rikuperimin e tij, edhe pse ka fare pak shpresë që ai të luajë ndonjë ndeshje të mbetur të këtij sezoni.

Uka ka thënë se ka thyer brinjët dhe ka dëmtuar mushkëritë dhe kjo do të bëjë që ai të jetë jashtë fushës për katër deri në pesë javë.

“Për momentin jam mirë, sot kam ardhur nga spitali, në QKUK jam trajtuar pas një lëndimi që pata në anën e majtë të brinjëve ku sipas analizave dhe rezonancave që i kam bërë në spitalin e Gjilanit më doli që i kam pasur një brinj të thyer dhe pak mushkëritë e dëmtuara. Ndërsa, menjëherë më kanë dërguar me ambulancë në Prishtinë dhe me kanë trajtuar duke e bërë një gjysmë operimi ku nga dita e mërkurë deri sot më kanë mbajtur aty, ndërsa sot më kanë liruar, kështu që për momentin jam mirë dhe po ndihem mirë. Sipas doktorëve dhe ekspertëve që kanë qenë në spital duku deri në katër apo pesë javë duhet pushim pastaj të fillojmë më stërvitje”, tha Uka.

Uka ka shtuar se do të dëshironte që të ishte në fushë për t’i ndihmuar bashkëlojtarët, por shprehet i bindur se fitorja ndaj Dritës në gjysmëfinalen e Kupës së Kosovës i ka motivuar lojtarët për të qenë në formë të lartë në ndeshjet e fundit të kampionatit, e sidomos për finalen e kupës kundër Ballkani.

“Normalisht dëshiroj të jem në fushë për t’iu ndihmuar lojtarëve, mirëpo besoj që loja me Dritën, gjysmëfinalja që arritëm të shkojmë në finale na jep motiv shtesë për këto ndeshjet e fundit në kampionat, ndërsa në finale me Ballkani presim që të fitojmë dhe të shkojmë në Evropë”, theksoi Uka.

Ndryshe, Prishtina synon që të dal në garat evropiane vetëp përmes Kupës së Kosovës, pasi në kampionat ka pak gjasa. Bardhekaltërit kanë 43 pikë në vendin e pestë, nëntë më pak se Malisheva e vendit të katërt.

Sot (e martë) në program për t’u zhvilluar është ndeshja e parë e gjysmëfinales në kuadër të Ligës së Kampionëve ndërmjet Bayern Munich dhe Real Madrid.

Dy javë nga çerekfinalet, tani është koha për ndeshjet gjysmëfinale dhe sonte zhvillohet një përballje e zjarrtë.

Bavarezët presin madrilenët në “Allianz Arena” në ndeshjen e madhe që pritet të zhvillohet në me fillim nga ora 21:00.

Dy ekipet janë të motivuara për të kaluar tutje pasi vijnë nga fitoret e mëdha në çerekfinale nga Arsenalit dhe Manchester City.

Ndeshja kthyese në Santiago Bernabeu do të të zhvillohet me datë 8 maj./UBTNews/

Thiago Silva do të largohet nga Chelsea këtë verë pas katër vitesh. Braziliani u bashkua me anglezët si transferim i lirë në gusht të vitit 2020 dhe ka bërë 151 paraqitje me fanellën blu, duke fituar Ligën e Kampionëve, Kupën e Botës për Klube dhe Superkupën e UEFA-s.

“Chelsea do të thotë shumë për mua. Erdha këtu me qëllimin që të qëndroj vetëm për një vit dhe përfundova në katër vjet. Jo vetëm për mua, por edhe për familjen time. Djemtë e mi luajnë për Chelsean kështu që është një burim krenarie e madhe të jesh pjesë e kësaj familje. Shpresoj që ata të mund të vazhdojnë karrierën e tyre këtu në këtë klub fitimtar ku shumë lojtarë dëshirojnë të jenë pjesë.” –  u shpreh Silva në një mesazh emocionues për tifozët.

Në anën tjetër, ai nuk e përjashtoi mundësinë që një ditë të jetë sërish pjesë e Chelseat në ndonjë rol tjetër.

“Unë mendoj se në gjithçka që kam bërë këtu gjatë katër viteve, kam dhënë gjithmonë gjithçka. Por, për fat të keq, çdo gjë ka një fillim, një mes dhe një fund. Kjo nuk do të thotë se ky është një fund përfundimtar. Shpresoj që pasi të largohem. dera hapet që në një të ardhme të afërt të mund të rikthehem, edhe pse në një rol tjetër këtu, por…është një dashuri e papërshkrueshme”, – shtoi ndër tjerash ai.

“Lamtumirat janë për ata që ikin dhe nuk kthehen më. Kam ndërmend të kthehem një ditë” – përfundoi Silva.

Çmimi “Ylli i javës” për javën e 31-të në Albi Mall Superligë i ka takuar sulmuesit të Llapit, Muhamet Hyseni.

Vlerësimi i më të mirit të javës është bërë nga Komisioni i veteranëve të futbollit në përbërje: Skender Krapa, Fatmir Mehmeti dhe Fisnik Ademi.

Ky komision vendosi që çmimi “Ylli i Javës” për xhiron e 31-të t’i takoj Muhamet Hysenit, i cili shënoi të dy golat për fitoren e skuadrës nga Podujeva në udhëtim ndaj Prishtinës.

Pasi mori këtë çmim, Hyseni u shpreh i lumtur që u vlerësua si më i miri i javës.

“Ndihem jashtëzakonisht mirë pasi që për herë të pestë shpallem “Ylli i Javës”, çmim ky që vjen pas paraqitjeve shumë të mira në vazhdimësi të të gjithë ekipit. Kjo po më ndihmon edhe mua të realizoj gola dhe të fitoj këtë çmim. Tek Llapi kemi një atmosferë fantastike dhe jemi shumë të bashkuar, andaj besoj që do ta mbyllim sezonin me trofeun e kampionit që e kemi si synim. Na mbetet që edhe këto pesë ndeshjet e fundit të japim maksimumin dhe t’i gëzojmë gjithë tifozët llapjanë dhe “Legjendat” – u shpreh Hyseni për faqen zyrtare të FFK-së.