Kronikë e zezë

Raportohet dhunë në familje në Prizren, sekuestrohet një pistoletë

Personi i dyshuar është i moshës 82-vjeçare.

Published

3 years ago

on

Policia në Prizren ka njoftuar se është raportuar për një rast ‘dhunë në familje’ në rr. ‘Srebrenica’.

Është identifikuar personi i dyshuar A. P. (82 vjeç), i cili edhe është arrestuar për shkak të dyshimit se ka ushtruar dhunë kundër familjareve të tij.

Gjatë ndërmarrjes së veprimeve të mëtejme ligjore nga ana e hetuesve policorë, respektivisht gjatë intervistimit të të dyshuarit, i njëjti pohon se djali i tij posedon në shtëpi një armë zjarri. Policia ka identifikuar të i dyshuarin T. P. (51 vjeç), i cili më pas shoqërohet në Polici. Të njëjtit i gjendet në posedim dhe më pas i sekuestrohet në cilësi të dëshmisë një armë zjarri – pistoletë me gjashtë fishekë.

“Me datën 30 nëntor 2022 rreth orës 19:00, në Stacionin Policor Prizren raportohet për një rast ‘dhunë në familje’ në rr. ‘Srebrenica’. Rastit të raportuar në vendin e ngjarjes i përgjigjen njësitë relevante policore, të cilët i ndërmarrin masat e duhura. Identifikohet personi i dyshuar A. P. (82 vjeç), i cili arrestohet për shkak të dyshimit se i njëjti ka ushtruar ‘dhunë’ kundër familjareve të tij. Kundër të dyshuarit është iniciuar procedura penale për veprën penale ‘dhunë në familje’. Lidhur me këtë njoftohet prokurori i Shtetit, me aktvendim me shkrim të të cilit të dyshuarit i shqiptohet masa e ndalimit policor për 48 orë. Gjatë ndërmarrjes së veprimeve të mëtejme ligjore nga ana e hetuesve policorë, respektivisht gjatë intervistimit të të dyshuarit, i njëjti pohon se djali i tij posedon në shtëpi një armë zjarri. Lidhur me këtë informatë dhe pas njoftimit të prokurorit të Shtetit, identifikohet i dyshuari T. P. (51 vjeç), i cili më pas shoqërohet në Polici. Të njëjtit i gjendet në posedim dhe më pas i sekuestrohet në cilësi të dëshmisë një armë zjarri – pistoletë me gjashtë fishekë. Me vendim të prokurorit të Shtetit rasti vazhdon në procedim të rregullt, kurse i dyshuari pas intervistimit lirohet ndërsa kundër tij ngritet kallëzim penal për veprën ‘mbajtja në pronësi, kontroll ose posedim të paautorizuar i armëve’”, thuhet në njoftimin e policisë së Kosovës.

Related Topics:
Continue Reading

Lajmet

Skenderaj – Sekuestrohet armë, municion dhe thikë te dy nxënës brenda ambientit të shkollës

Published

2 hours ago

on

May 21, 2026

By

Në Skenderaj, më 20.05.2026 rreth orës 11:30, gjatë një kontrolli të realizuar në ambientin e një shkolle në rrugën “Osman Geci”, janë zbuluar dy nxënës të dyshuar meshkuj kosovarë në posedim të armës dhe mjeteve të tjera të rrezikshme.

Sipas raportit të Policisë së Kosovës, gjatë kontrollit te të dyshuarit janë gjetur dhe sekuestruar një pistoletë, një karikator, 19 fishekë, një gëzhojë, një predhë arme dhe një thikë.

Menjëherë pas gjetjes së këtyre mjeteve, të dyshuarit janë shoqëruar në procedurë policore dhe janë intervistuar në prani të prindërve, në përputhje me procedurat ligjore që aplikohen për të miturit.

Me vendim të prokurorit kompetent, pas intervistimit, të dy të dyshuarit janë liruar në procedurë të rregullt, ndërsa rasti është dërguar në hetime të mëtejshme nga organet kompetente.

Continue Reading

Lajmet

Një i arrestuar për dyshime për falsifikim dokumentesh dhe keqpërdorim të detyrës zyrtare

Published

2 hours ago

on

May 21, 2026

By

Sipas raportit të Policisë së Kosovës, në koordinim me prokurorin për krime të rënda, janë realizuar kontrolle në dy lokacione të ndryshme në rajonin e Prishtinës dhe Mitrovicës, me qëllim të sigurimit të provave lidhur me dyshimet për veprën penale të falsifikimit të dokumenteve.

Gjatë këtij operacioni, janë shoqëruar dy të dyshuar meshkuj kosovarë, të cilët dyshohet se në bashkëveprim kanë kryer falsifikim të dokumenteve, si dhe keqpërdorim të pozitës apo autoritetit zyrtar.

Si prova materiale janë sekuestruar një laptop, telefona mobilë, para në euro dhe dokumentacione të ndryshme.

Me vendim të prokurorit kompetent, njëri nga të dyshuarit është arrestuar dhe dërguar në mbajtje, ndërsa i dyshuari tjetër është liruar në procedurë të rregullt.

Rasti po vazhdon të hetohet nga organet kompetente.

Continue Reading

Lajmet

Sekuestrohen ar dhe argjend i padeklaruar në Prizren

Published

4 hours ago

on

May 21, 2026

By

Sipas raportit të Policisë së Kosovës, në Prizren janë zhvilluar kontrolle në gjashtë biznese dhe tri shtëpi banimi, nën dyshimin për shmangie nga pagesa e tarifave të detyrueshme doganore dhe shmangie nga tatimi lidhur me shitjen e arit.

Në koordinim me prokurorin, gjatë kontrolleve janë identifikuar katër të dyshuar (një femër dhe tre meshkuj shtetas të Kosovës), tek të cilët është gjetur dhe sekuestruar ari i padeklaruar me peshë rreth 3,775.33 gram, argjend i padeklaruar me peshë rreth 4,204.98 gram, si dhe një armë pa leje.

Të dyshuarit janë shoqëruar në stacionin policor dhe pas intervistimit, me vendim të prokurorit, rasti është iniciuar dhe po vazhdon në procedurë të rregullt.

Continue Reading

Lajmet

Tre raste brenda 24 orëve të dhunës në familje

Published

4 hours ago

on

May 21, 2026

By

Sipas raportit të fundit të Policisë së Kosovës, janë regjistruar tre raste të dhunës në familje në Graqanicë, Malishevë dhe Skenderaj, ku në një rast është evidentuar edhe armëmbajtje pa leje.

Në Graqanicë, më 19.05.2026,  dyshohet se pas një mosmarrëveshjeje verbale, viktima femër është sulmuar fizikisht nga bashkëshorti i saj, i cili i kishte kërkuar të largohej nga shtëpia. Viktima ka pësuar lëndime dhe ka pranuar tretman mjekësor, ndërsa i dyshuari është arrestuar dhe me vendim të prokurorit është dërguar në mbajtje.

Ndërkaq dje në Malishevë, është arrestuar një i dyshuar mashkull pasi dyshohet se kishte sulmuar fizikisht vajzën e tij. Me vendim të prokurorit është kryer bastisje në shtëpinë e tij, ku është gjetur dhe sekuestruar një pistoletë me një karikator dhe një fishek. Pas intervistimit, i dyshuari është dërguar në mbajtje.

Në Skenderaj, po të njëjtën ditë, pas një mosmarrëveshjeje, viktima mashkull është sulmuar fizikisht nga bashkëshortja e tij. Viktima ka pranuar tretman mjekësor, ndërsa e dyshuara është shoqëruar në stacion policor dhe pas intervistimit rasti është proceduar në procedurë të rregullt.

Continue Reading

Të kërkuara