Lajmet

Raporti i mbrojtjes së Japonisë: Lufta e Rusisë mund të krijojë precedent në Tajvan

Qeveria japoneze e quajti luftën e Rusisë “shkelje të rëndë të së drejtës ndërkombëtare”.

Published

4 years ago

July 24, 2022

Betim Gashi

Japonia paralajmëroi se pushtimi rus i Ukrainës mund të krijojë precedent për ambiciet e Kinës në Tajvan, të cilën Pekini e sheh si një provincë renegate që do të ribashkohet me kontinentin.

Në raportin vjetor të mbrojtjes që u publikua të premten, qeveria japoneze e quajti luftën e Rusisë “shkelje të rëndë të së drejtës ndërkombëtare” që ka degëzime të gjera.

“Rivalitetet politike, ekonomike dhe ushtarake midis kombeve janë të qarta, dhe sfida që i paraqitet rendit ndërkombëtar është një çështje globale”, thuhej në raport.

Raporti e identifikoi Rusinë si një prej kërcënimeve kryesore për rendin ndërkombëtar, krahas Kinës dhe Koresë së Veriut. Sipas raportit, pushtimi rus i Ukrainës rrezikon t’u dërgojë mesazhin vendeve të tjera “se një përpjekje për të ndryshuar në mënyrë të njëanshme status quo-në me forcë është e pranueshme”.

Gjithashtu paralajmëroi se Rusia mund të mbështetet gjithnjë e më shumë në kapacitetin e saj bërthamor si një parandalues, gjë që mund të nënkuptojë një rritje të aktivitetit rreth Japonisë, ku nëndetëset bërthamore ruse janë në mënyrë rutinore aktive.

Kryeministri japonez, Fumio Kishida pritet të rrisë fondet e mbrojtjes muajin e ardhshëm, ku aktualisht Japonia ka raportin më të ulët të shpenzimeve ushtarake ndaj PBB-së në mesin e vendeve të G7-ës, plus Australia dhe Korea e Jugut.

Në përgjigje të raportit, Ministria e Jashtme e Kinës tha të premten se ai “ngre akuza dhe njollos politikën e mbrojtjes së Kinës, zhvillimin ekonomik të tregut dhe aktivitetet legjitime detare”./UBTNews/

Vendi

Mot me diell dhe temperatura deri në 29°C sot në Kosovë

Published

18 minutes ago

May 26, 2026

UBTNews

Sot në Kosovë pritet të mbajë mot kryesisht me diell dhe me vranësira të pakta.

Temperaturat minimale do të lëvizin ndërmjet 9 dhe 13 gradë Celsius, ndërsa maksimalet pritet të arrijnë nga 25 deri në 29 gradë Celsius.

Era do të fryjë nga verilindja me shpejtësi prej 1 deri në 5 metra në sekondë.

Lajmet nga UBT

Nesër në UBT mbahet konferenca mbi sigurinë në komunikacionin rrugor

Published

10 hours ago

May 25, 2026

ubtnews

Fakulteti i Inxhinierisë së Ndërtimit në UBT, përkatësisht Departamenti i Trafikut dhe Transportit, do të organizojë nesër konferencën me temë “Siguria në Komunikacionin Rrugor”, një aktivitet akademik dhe profesional që synon të trajtojë sfidat dhe rëndësinë e sigurisë në trafikun rrugor.

Konferenca do të mbahet më 26 maj 2026, në kampusin e UBT-së në Lipjan, duke filluar nga ora 11:30, dhe do të mbledhë përfaqësues institucionalë, ekspertë të fushës së komunikacionit, profesorë, studentë dhe profesionistë të industrisë.

Përmes organizimit të aktiviteteve të tilla, UBT vazhdon të kontribuojë në avancimin e dijes profesionale dhe në trajtimin e temave me rëndësi shoqërore dhe institucionale, duke lidhur akademinë me praktikat reale dhe sfidat e kohës.

Vendi

Dizajni, moda dhe identiteti kulturor në fokus të webinarit ndërkombëtar në UBT

Published

12 hours ago

May 25, 2026

ubtnews

Në kuadër të Ditëve të Artit dhe Dizajnit, që po zhvillohen në UBT me mbi 30 aktivitete të ndryshme artistike, kreative dhe akademike, u organizua webinari ndërkombëtar me temën “Design, Memory and Identity in Contemporary Culture”, i udhëhequr nga Prof. Cennet Lika.

Ky aktivitet bëri bashkë në formatin online profesorë, artistë, dizajnerë dhe studentë nga vende të ndryshme, duke krijuar një platformë bashkëkohore diskutimi mbi rolin e dizajnit, kujtesës dhe identitetit në kulturën moderne. Përmes një qasjeje ndërdisiplinore, webinari trajtoi mënyrën se si moda, arti, kultura vizuale dhe identiteti kulturor ndërthuren në realitetin bashkëkohor dhe ndikojnë në formësimin e shoqërisë moderne.

Në panel morën pjesë emra të njohur vendorë dhe ndërkombëtarë, si: Elisa Poli – Program Leader Senior në NABA, Itali, Phlox Van Oppen – dizajnere tekstili nga Holanda, Tiina Burton – artiste dhe Senior Digital Fashion Lecturer në Cambridge, si dhe ligjëruesit e UBT-së, Dukagjin Muhaxheri dhe Dardan Luta.

Diskutimet sollën perspektiva të ndryshme mbi zhvillimet më të fundit në art, dizajn, modë dhe kulturë digjitale, duke i njohur studentët me praktikat dhe trendet bashkëkohore ndërkombëtare në industrinë kreative.

Përmes aktiviteteve të tilla, UBT vazhdon të dëshmojë përkushtimin në avancimin e programeve të artit dhe dizajnit, duke u ofruar studentëve mundësi të drejtpërdrejta bashkëpunimi me profesionistë vendorë dhe ndërkombëtarë, si dhe qasje në tema aktuale që ndërlidhen me kreativitetin, inovacionin dhe industrinë moderne kreative.

Ditët e Artit dhe Dizajnit në UBT po vazhdojnë me ekspozita, punëtori, ligjërata, diskutime dhe aktivitete të shumta interaktive, duke e shndërruar kampusin në një qendër të rëndësishme të artit, dizajnit dhe inovacionit kulturor.