Lajmet

Raporti 24 orësh i Policisë së Kosovës

Published

3 months ago

on

Në raportin e fundit 24 orësh nga Policia e Kosovës, në disa qytete të Kosovës ka pasur incidente kriminale dhe shifra të larta të gjobave të shqiptuara në kundërvajtje.

AKSIDENTE TRAFIKU DHE GJOBA

Gjatë 24 orëve të fundit janë shqiptuar 2284 tiketa trafiku, janë shkaktuar 85 aksidente me dëme materiale dhe 38 aksidente me të lënduar. Zyra e Informimit nga PK ka njoftuar se 31 persona janë arrestuar, kurse 14 janë dërguar në mbajtje.

INCIDENTET KRIMINALE-PRISHTINË

 SHKAKTIM I RREZIKUT TË PËRGJITHSHËM

Rr. Lasgush Pogradeci, Prishtinë 18.08.2025 – 00:02. Është raportuar për të shtëna me armë, në vendin e ngjarjes policia ka hasur katër persona dy femra dhe dy meshkuj kosovarë, por gjatë kontrollit të tyre nuk është gjetur asgjë. Në vendin e ngjarjes janë sekuestruar pesë (5) gëzhoja, por arma nuk është gjetur. Të dyshuarit janë sjellë në stacion dhe me urdhër të prokurorit pas intervistimit janë liruar në procedurë të rregullt.

 POSEDIM & PËRDORIM I PAAUTORIZUAR I ARMËS 

Rr. Astrit Rrushi, Prishtinë 18.08.2025 – 19:07.  Njësitet policore pas pranimit të informatës lidhur me rastin, kanë dalë në vendin e ngjarjes dhe kanë takuar e intervistuar disa dëshmitarë të cilët kanë deklaruar se pas një përleshje në mes dy të rinjve, ka pasur shkëmbim me armë zjarri në mes tyre dhe të njëjtit janë arratisur. Sipas informatave nga vendi i ngjarjes të lënduar nuk ka, por janë gjetur e konfiskuare dy gëzhoja të armës së zjarrit dhe një thikë. Lidhur me rastin është informuar edhe prokurori, ndërsa njësitet policore janë duke hetuar rastin.

 HETIM MBI VDEKJEN

Obiliq 18.08.2025 – 06:15. Viktima mashkull kosovar, në një shtëpi ishte gjetur pa shenja jete, vdekjen e ka konstatuar mjeku në vendin e ngjarjes. Prokurori kujdestar ka dalë në vendin e ngjarjes dhe me urdhër të tij trupi i pa jetë është dërguar në IML për obduksion.

DHUNIM

Prishtinë 12.08.2025 – 19:43. Viktima femër kosovare, ka raportuar se pa dëshirën e saj  është dhunuar nga i dashuri i saj me të cilin janë në lidhje dashurie. Është njoftuar prokurori dhe ai ka urdhëruar që të bëhen ekzaminimet e nevojshme në lidhje me viktimën. Rasti është duke u hetuar.

 AKSIDENT TRAFIKU ME FATALITET

Fsh. Llapushnik / Rr. Nacionale Prishtinë-Pejë 18.08.2025 – 20:50. Ka ndodhur aksident në trafik në të cilin kanë qenë të përfshira dy vetura udhëtarësh njëra me targa vendore dhe tjetra me targa të huaja, me drejtues meshkuj kosovarë. Si pasojë e aksidentit, lëndime vdekjeprurëse kanë pësuar dy viktimat dhë një ka pësuar lëndime. Me urdhër të prokurorit trupat e pajetë janë dërguar në IML për obduksion, ndërsa i lënduari  është dërguar në QKUK për tretman mjekësor.

INCIDENTET KRIMINALE-GJILAN

SHKAKTIM I RREZIKUT TË PËRGJITHSHËM

Rr. Fatmir Ratkoceri, Ferizaj 18.08.2025 – 02:27. Është raportuar për të shtëna me armë zjarri nga një veturë. Njësiti policor ka dalë në vendin e ngjarjes dhe kanë marrë informatë se shoferi i një automjeti në lëvizje kishte shtënë me armë disa here. Në vendin e ngjarjes janë gjetur dhe sekuestruar dy gëzhoja dyshohet të armës me gaz. Nuk raportohet për të lënduar. Rasti është duke u hetuar.

 Fsh. Llabjan, Novobërd 17.08.2025 – 13:10. Është raportuar se një fëmijë rreth 12 vjeç ka marrë veturën e babait dhe ka filluar ta ngasë atë në oborrin e shtëpisë. Motra e tij ka tentuar ta ndalojë, por ajo është goditur me veturë dhe ka pësuar lëndime trupore, e njëta është dërguar në QKUK për tretman mjekësor.

 ASGJËSIMI, DËMTIMI OSE HEQJA E PAJISJEVE MBROJTËSE DHE RREZIKIMI I SIGURISË NË VENDIN E PUNËS

 Rr. Metush Krasniqi, Gjilan 18.08.2025 – 12:00. Viktima mashkull kosovar, punëtor i një kompanie deri sa kishte qenë duke punuar në një objekt te kompanisë kishte ardhur në kontakt fizik me rrymën dhe ishte alivanosur. Ndihma mjekësore i është dhënë në Qendrën Emergjente Gjilan dhe më pas është transferuar në QKUK-Prishtinë për tretman të mëtutjeshëm mjekësor. Lidhur me rastin është arrestuar pronari i kompanisë dhe pas intervistimit me vendim të prokurorit është dërguar në mbajtje.

INCIDENTET KRIMINALE-FERIZAJ

NGACMIM

Kaçanik 18.08.2025 – 14:30. Është arrestuar i dyshuari mashkull kosovar, për shkak të dyshimit se kishte hapur llogari në rrjetin social facebook duke keqpërdorur të dhënat e viktimës femër kosovare, si emrin, mbiemrin, fotografi etj. Pas intervistimit, me vendim të prokurorit i dyshuar është dërguar në mbajtjes.

MASHTRIM

Kaçanik 31.07.2025. Me datë 18.08.2025 është arrestuar i dyshuari shtetas i Shqipërisë, nën dyshimin se i njëjti ka mashtruar viktimën mashkull kosovar, të cilit sipas marrëveshjes kishte për t’ia kthyer me datën e cekur  dy makina të cilat ia kishte dhënë në shfrytëzim të dyshuarit, por i dyshuari nuk i kishte kthyer as pas kësaj date. Me vendim të prokurorit i dyshuari pas intervistimit është dërguar në mbajtje.

SULM SEKSUAL

Ferizaj 18.08.2025 – 12:30. Në rast janë të përfshirë një femër e mitur dhe një i dyshuar i panjohur. Lidhur me rastin është njoftuar prokurori kujdestar i cili ka sugjeruar të mirën të gjitha veprimet hetimore për identifikim e të dyshuarit dhe rastit në përgjithësi.

DHUNË NË FAMILJE

Ferizaj 18.08.2025 – 15:00. Është arrestuar i dyshuari mashkull kosovar, nën dyshimin se i njëjti bashkë me nënën e tij, kanë ushtruar presion ndaj viktimës (gjyshit). Me vendim të prokurorit, e dyshuara pas intervistimit është liruar, ndërsa i dyshuari është dërguar në mbajtje.

INCIDENTET KRIMINALE-PRIZREN

KEQPËRDORIM I POZITËS APO AUTORITETIT ZYRTAR

Prizren 18.08.2025 – 14:50. Është arrestuar i dyshuari mashkull kosovar, teknik i pylltarisë në Agjensionin Pyjor të Kosovës, me dyshimin se duke shfrytëzuar detyrën zyrtare i ka tejkaluar kompetencat e tij me qëllim që të përfitojë dobi pasurore për vete, duke marrë para nga qytetarët e ndryshëm të rajonit të Prizrenit. Lidhur me rastin me vendim të prokurorit i dyshuari është dërguar në mbajtje për 48 orë.

POSEDIM & PËRDORIM I PAAUTORIZUAR I ARMËS

Fsh. Lubizhdë e Hasit, Prizren 18.08.2025 – NN. Është arrestuar i dyshuari mashkull kosovar, nën dyshimin se i njëjti gjatë një ahengu familjar ka shtënë me armë zjarri. Njësitet policore në vendin e ngjarjes te i dyshuari kanë gjetur dhe konfiskuar një pistoletë me gaz, 7-fishekë dhe 4-gëzhoja. Me vendim të prokurorit i dyshuari pas intervistimit është dërguar në mbajtje.

VJEDHJE E AUTOMJETIT

Fsh. Reshtan, Suharekë 18.08.2025 – 12:30. Ankuesi mashkull kosovar, ka lajmëruar se i është vjedhur automjeti me targa vendore. Sipas ankuesit vetura i është vjedhur nga persona të panjohur më datë 16.08.2025 rreth orës 04:00 nga oborri i shtëpisë. Rasti nën hetime.

PERSON I ZHDUKUR

Rr. Selajdin Berisha, Prizren 18.08.2025 – 17:00. Ankuesja femër kosovare, ka raportuar se vëllai i saj ka dalë nga shtëpia dhe nuk dihet vendndodhja e tij. Lidhur me rastin është informuar edhe prokurori, ndërsa njësitet policore janë duke hetuar rastin.

INCIDENTET KRIMINALE-PEJË

HETIM I VDEKJES

Fsh. Cerkolez, Istog 18.08.2025 – 15:14. Është raportuar se viktima mashkull kosovar, ishte gjetur pa shenja jete në automjetin e tij, vdekjen e të cilit e ka konstatuar mjeku. Me urdhër të prokurorit trupi i pa jetë është dërguar në IML për obduksion. Rasti është duke u hetuar.

DHUNË NË FAMILJE & ARMËMBAJTJE PA LEJE

Pejë 18.08.2025 – 00:30. Të përfshirë në rast kanë qenë një femër kosovare dhe bashkëshorti i saj. Policia nga i dyshuari mashkull kosovar, ka konfiskuar një armë me katër fishekë. Me vendim të prokurorit i dyshuari është arrestuar dhe është dërguar në mbajtje.

DHUNË NË FAMILJE

Klinë 15.08.2025 – 22:00. Është raportuar se viktima femër kosovare me 18.08.2025, ka raportuar se në vazhdimësi ajo dhe fëmijët e saj janë duke përjetuar dhunë psikike dhe fyerje  nga bashkëshorti i saj. Pas intervistimit të palëve me urdhër të prokurorit rasti procedohet në procedurë të rregullt.

ARMËMBAJTJE PA LEJE

Klinë 18.08.2025 – 02:00. Është konfiskuar një armë pistoletë me një karikator dhe pesë fishekë e cila është gjetur në banesën e një femre kosovare për të cilën ajo ka deklaruar se nuk i përket asaj, por pasi që kishte hyrë në banesë  armën e kishte vërejtur në kuzhinë. Me urdhër të prokurorit rasti është iniciuar dhe vazhdon të hetohet.

ASGJËSIM APO DËMTIM I PASURISË

Junik, 17.08.2025, 15:10, Lidhur me rastin janë identifikuar dy fëmijë. Është njoftuar prokurori për të mitur dhe QPS.

PERSON I ZHDUKUR

Istog 17.08.2025 – 07:20. Ankuesi mashkull kosovar, ka raportuar se vëllai i tij ka dalë nga shtëpia dhe ende nuk dihet gjë për vend-ndodhjen e tij. Rasti është duke u hetuar.

INCIDENTET KRIMINALE-GJAKOVË

DHUNË NË FAMILJE

Gjakovë 18.08.2025 – 09:00. Janë arrestuar dy të dyshuara femra kosovare, të cilat pas një mosmarrëveshje gjatë një konfliktit verbal kanë pasur edhe kontakt fizik me viktimën femër. Lidhur me rastin viktima ka pranuar tretman mjekësor dhe e njëjta ka refuzuar strehimin ne shtëpinë e sigurt dhe është kthyer në shtëpi tek nëna e saj. Pas intervistimit me urdhër të prokurorit të dyshuarat janë liruar në procedurë të rregullt.

Gjakovë 18.08.2025 – 15:30. Është arrestuar e dyshuara për shkak se e kishte kanosur me viktimën mashkull kosovar, me të cilin kishte qenë duke bashkëjetuar. E dyshuara pas intervistimit me vendim të prokuronit është dërguar në mbajtje.

Gjakovë 18.08.2025 – 19:30.  Është arrestuar i dyshuari mashkull kosovar, nën dyshimin se i njëjti në gjendje të dehur ka keqtrajtuar bashkëshorten e tij. Viktimës i është ofruar tretman mjekësor, ndërsa i dyshuari me vendim të prokurorit është dërguar në mbajtje.

ARMËMBAJTJE PA LEJE

Rr. Ahmet Jashari, Malishevë 18.08.2025 – 07:50. Është arrestuar i dyshuari mashkull kosovar, pasi që më datë 17.08.2025 në një aheng familjar kishte shtënë me armë në ajër. Nga i dyshuari është konfiskuar një pistoletë me gaz me karikator dhe dy fishekë. Pas intervistimit me urdhër të prokurorit i dyshuari është liruar në procedurë të rregullt.

DHUNIM

Gjakovë 10.08.2025 – NN. Lidhur me rastin e lartcekur, më datë 18.08.2025 është arrestuar i dyshuarit mashkull kosovar dhe i njëjti pas intervistimit me vendim të prokurorit është dërguar në mbajtje për 48 orë.

SHKAKTIM I RREZIKUT TË PËRGJITHSHËM

Fsh. Damjan, Gjakovë 17.08.2025 – 01:32. Më 18.08.2025 janë identifikuar tre te dyshuar meshkuj kosovarë, të cilët me datë 17.08.2025 në një aheng familjar kishin shtënë me armë zjarri. Nga të dyshuarit janë konfiskuar: një pistoletë me dy karikator dhe 120 fishekë, një leje e armës, një armë automatike AK 47 dhe një pistoletë. Pas intervistimit me urdhër të prokurorit të dyshuarit janë liruar në procedurë të rregullt.

INCIDENTET KRIMINALE-MITROVICË JUG

VDEKJE E DYSHIMTË

Fsh. Prekaz i Poshtëm,Skenderaj  18.08.2025 – 10:08. Pas pranimit të informatës nga njësiti policor është gjetur një person mashkull pa shenja jete. Në vendin e ngjarjes përveç njësive policore ka dalë autoambulanca dhe nga mjeku është konfirmuar se viktima ishte pa shenja jete. Me urdhër të prokurorit është dërguar në IML për obduksion.

SHKAKTIM I RREZIKUT TË PËRGJITHSHËM

Rr. Mbretëresha Teutë, Mitrovicë Jug 18.08.2025 – 06:00. Ankuesi mashkull kosovar, ka raportuar se në market një person i dyshuar fillimisht ka thyer xhamin me një mjet të fortë pastaj brenda ka hedhur një shishe mollotov me qëllim për ta djegur marketin. Nuk ka pasur persona në market, ndërsa një kalimtar i rastit ka lokalizuar zjarrin. Policia ka dalë në vendin e ngjarjes dhe po heton rastin.

Rr. Mujë Krasniqi, Skenderaj 18.08.2025 – 14:00. Ankuesi mashkull kosovar, ka lajmëruar se pasi ka ardhur nga mërgata ka vërejtur se në katin e parë të shtëpisë janë të dëmtuara roletat e plastikës në disa vende dhe sipas tij dyshohet nga predha e armës së gjuetisë pasi që në vendin e ngjarjes nga njësiti policor  janë gjetur dhe konfiskuar dy sfera te fishekut të armës së gjuetisë. Rasti nën hetime.

LËNDIM I RËNDË TRUPOR

Vushtrri, 20.05.2025, Drejtoria për Hetimin e Krimit të Organizuar dhe Krimeve të Rënda, Sektori për Krime të Rënda, lidhur me rastin e datës 20 maj 2025, që ka të bëjë me veprën penale “Lëndim i rëndë trupor” më 18.08.2025, ka zbatuar urdhëresën e leshura nga Gjykata Themelore në Mitrovicë, Dega e Gjykatës në Vushtrri, ku është kryer kontrolli në një lokacion në Vushtrri, gjatë kontrollit si prova materiale janë sekuestruar dy telefona celular.

Pas kontrollit i dyshuari është shoqëruar në polici për intervistim, i njëjti në prezencën e avokatit të tij mbrojtës është intervistuar në cilësinë e të dyshuarit dhe pas intervistimit me vendim të prokurorit të çështjes  është dërguar në mbajte për 48 orë.

INCIDENTET KRIMINALE-MITROVICË VERI

VDEKJE E DYSHIMTË

Rr. Mbreti Pjetër, Zveqan 18.08.2025 – 06:00. Është raportuar se një mashkull është gjetur pa shenja jete në rrethojat e shtëpisë së tij. Njësitë policore kanë dalë në vendin e ngjarjes si dhe mjekësia ligjore të cilët me urdhër të prokurorit kanë marrë trupin e pa jetë dhe dërguar në IML për obduksion. Rasti është duke u hetuar.

INCIDENTET KRIMINALE-DEPARTAMENTI I POLICISË KUFITARE

TREGTI E NDALUAR

Fsh. Shkozë, Prizren 18.08.2025 – 15:50. Njësiti policor  ka ndaluar një automjet me targa vendore të cilin kishte qenë duke e drejtuar i dyshuari mashkull kosovar. Gjatë kontrollit është  konstatuar se në automjet i dyshuari kishte tekstil të llojeve të ndryshme për të cilin mall nuk posedonte ndonjë dokument. Me urdhër të prokurorit  rasti procedohet në procedurë të rregullt, ndërsa inspektorët mbetet që të dalin ne vendin e ngjarjes për regjistrimin dhe vlerën e mallit.

POSEDIM I PAAUTORIZUAR I NARKOTIKËVE

Maja e Zezë, Pejë 18.08.2025 – 21:30. Njësitet policore gjatë patrullimit kanë ndaluar të dyshuarin mashkull kosovar, i cili ishte duke drejtuar veturën dhe tek i njëjti gjatë kontrollit në një çantë kanë gjetur dhe konfiskuar rreth 2-gramë substanca të dyshuara narkotike të llojit marihuanë. Në konsultim me prokurorin i dyshuari pas intervistimit është liruar në procedurë të rregullt.

ARMËMBAJTJE PA LEJE

Fsh. Vermicë, Prizren 17.08.2025 – 20:30. Lidhur me rastin me 18.08.2025 gjatë  kontrollit në automjetin e të dyshuarit janë gjetur dhe sekuestruar katër armë zjarri të llojeve të ndryshme, rreth 128 fishekë të kalibrave të ndryshëm si dhe pjesë tjetra të armëve. I dyshuari mashkull kosovar, është arrestuar dhe me vendim të prokurorit është dërguar në mbajtje.

 

Related Topics:
Continue Reading

Lajmet

Fillojnë afatet për aplikim online të subjekteve politike për certifikim

Published

9 minutes ago

on

November 24, 2025

By

Ka filluar afati për aplikim të subjekteve politike për certifikim për pjesëmarrje në zgjedhje e parakohshme të Kuvendit të Kosovës që do të mbahen me 28 dhjetor.

Komisioni Qendror i Zgjedhjeve ka njoftuar se afati do të përfundojë me 30 nëntor.

Kjo periudhë do të zhvillohet në dy afate të ndryshme:

I.    Afati për aplikim të subjekteve politike për certifikim për pjesëmarrje në zgjedhje, i cili ka filluar më 24 nëntor, do të përfundojë më 30 nëntor 2025; dhe

II.   Afati për dorëzimin e listës së kandidatëve të subjekteve politike, i cili ka filluar më 24 nëntor, do të përfundojë më 7 dhjetor 2025.

Me qëllim të lehtësimit të procesit të aplikimit, KQZ ka funksionalizuar platformën elektronike, e cila do t’iu shërbejë subjekteve politike për të paraqitur aplikimin e tyre online për certifikim dhe të listës së kandidatëve për zgjedhjet e parakohshme për Kuvendin e Kosovës.

Të gjitha partive politike të regjistruara aktualisht në Republikën e Kosovës, KQZ, përmes Zyrës për Regjistrim, Certifikim dhe Kontrollin Financiar të Subjekteve Politike (ZRCKFSP) iu ka krijuar dhe dërguar ‘userët’, përmes të cilëve mund të qasen në platformë dhe të ngarkojnë aplikimin e tyre.

Gjithashtu, KQZ, përmes Zyrës, do të krijojë ‘userët’ edhe për të gjitha subjektet politike (koalicionet, iniciativat dhe kandidatët e pavarur) që kërkojnë të aplikojnë për certifikim për pjesëmarrje në zgjedhje./EO

 

Continue Reading

Lajmet

“Me 28 dhjetori le ta mbajnë këta festën”, punëtorët e “Trafikut Urban” i bëjnë thirrje Kurtit e Muratit: Dilni edhe takona

Published

26 minutes ago

on

November 24, 2025

By

Operatorët privatë dhe ata të ndërmarrjes së “Trafikut Urban” u bënë bashkë te Komuna e Prishtinës për të kërkuar pagën e tyre, por aty iu bashkua kryetari i Prishtinës, Përparim Rama dhe së bashku shkuan te objekti i Qeverisë së Kosovës, nga ku i bënë thirrje kryeministrit në detyrë por edhe ministrit në detyrë të Financave që t’i presin në takim.

Kryetari i Komunës së Prishtinës, Përparim Rama ka thënë se qëllimshëm nga qeveritarët nuk u bë alokimi i mjeteve, që siç thotë ai po mbahen peng nga Ministria e Financave.

“Faleminderit për punën që ka bërë Trafiku Urban deri tash poashtu edhe sektori privatë përkundër faktit të vështirësive buxhetore tash e sa muaj që i kemi si rezultat i mosalokimit të mjeteve, të hyrave vetanake të kryeqytetit të cilat me Ligj të Buxhetit i dedikohen kryeqyteti. Janë të hyrat tona, vetanake të qytetarëve e të cilat në mënyrë jo ligjore mbahen peng këtu në Ministrinë e Financave duke u arsyetuar me arsyetime të kota e jo ligjore. Ne kemi bërë edhe kallëzim penal ndaj Ministrit Hekuran Murati dhe tre zyrtarëve të cilët nuk e kanë kryer punën profesionale…Kjo është sikur paratë e juaja që i keni në bankë me vendos mos me ua dhënë sepse iu ka tekë. Kjo është tentim me iu hedh hi syve”, tha Rama.

Përfaqësuesi i “Trafikut Urban” u ka bërë lutej zyrtarëve qeveritarë që

“Kërkojë nga zyrtarët me na prit e me pasë një takim për ta hedhur të drejtën në sy. Ftojë qytetarët e Kosovës që të festojnë veç me 1 janar por jo edhe me 28 dhjetor nuk kemi me festu, le ta mbajnë këta festën. I ftojë qytetarët të i hapin sytë para kutive të votimit, se për këtë formacion që ka qenë më parë nuk i kisha votuar asnjë. Le të dalin dhe të mbizotërojë arsyeja, asnjë punëtorët e Trafikut Urban nuk ka me dalë te kutitë, familjet tona me mbetë pa bukë. Po bllokohet Prishtina, shkolla e çerdhet. Ju lutem dilni dhe arsyetojeni veten, nëse nuk është këtu ne shkojmë kërkojmë kudo që është zgjidhja për ne”, tha përfaqësuesi./EO

Continue Reading

Lajmet

24 nëntori – Dita Ndërkombëtare e Mbjelljes së Drunjve: Çdo pemë, një jetë më shumë

Published

1 hour ago

on

November 24, 2025

By

Çdo vit, më 24 nëntor, shënohet Dita Ndërkombëtare e Mbjelljes së Drunjve, një datë me rëndësi të veçantë që synon të rrisë ndërgjegjësimin për rolin jetësor që pyjet dhe pemët kanë në planetin tonë.

Kjo ditë shërben si një thirrje botërore për të reflektuar mbi marrëdhënien mes njeriut dhe natyrës, duke theksuar se mjedisi nuk është thjesht një trashëgimi që marrim, por një përgjegjësi që duhet mbrojtur me përkushtim.

Mbjellja e pemëve nuk është vetëm një akt simbolik; ajo është një ndër ndërhyrjet më të fuqishme dhe më të thjeshta për t’u realizuar në luftën kundër ndryshimeve klimatike.

Pemët absorbojnë dioksidin e karbonit, pastrojnë ajrin nga ndotësit, stabilizojnë tokën dhe ndikojnë në rregullimin e temperaturave.

Çdo fidan i ri përkthehet në më shumë oksigjen, më shumë hije, më shumë jetë.

Pyjet përbëjnë një nga sistemet më të rëndësishme ekologjike në botë: Sigurojnë oksigjenin që thithim, duke vepruar si “mushkëritë e planetit”. Përmbajnë 80% të biodiversitetit tokësor, duke ofruar habitat për miliona specie bimore e shtazore. Mbrojnë tokën nga erozioni, veçanërisht në zonat malore e bregdetare. Ndikojnë në ciklin e ujit, duke mundësuar reshje të rregullta dhe furnizim të burimeve ujore.

Krijojnë mundësi ekonomike, nga agro-pyjetaria e qëndrueshme te turizmi natyror.

Në shumë vende të botës, Dita e Mbjelljes së Drunjve është shndërruar në festë e aktivizmit qytetar, ku mijëra njerëz bashkohen për të krijuar hapësira të reja të gjelbra, për të rikthyer pyje të degraduara dhe për t’i dhënë natyrës atë që i është marrë ndër vite.

Në këtë ditë simbolike, ftojmë çdo qytetar, shkollë, organizatë dhe institucion që të ndërmarrë hapa konkretë:

të mbjellë një pemë në oborr, në lagje apo në një zonë të degraduar,

të kujdeset për pemët ekzistuese,

të marrë pjesë në fushata të pastrimit dhe gjelbërimit,

të promovojë kultura mjedisore më të qëndrueshme në përditshmëri.

Sepse çdo pemë e mbjellë sot është një premtim për të ardhmen – për një planet më të gjelbër, ajër më të pastër, klimë më të qëndrueshme dhe komunitete më të shëndetshme.

Le ta shfrytëzojmë 24 nëntorin si një mundësi për të bërë një ndryshim të vogël, por me ndikim të madh. Në fund të fundit, mbrojtja e natyrës fillon me veprime të thjeshta, por të vazhdueshme – dhe një pemë mund të jetë fillimi i gjithçkaje. /A.Z/UBT News/

Continue Reading

Lajmet

Punëtorët e autobusëve mblidhen te Komuna e Prishtinës, kërkojnë pagat e tyre

Published

1 hour ago

on

November 24, 2025

By

Transportuesit privatë dhe atë të ndërmarrjes së “Trafikut Urban” janë duke mbledhur para objektit të Komunës së Prishtinës.

Ata po protestojnë pasi kanë pezulluar të gjitha linjat, meqenëse nuk kanë marrë pagat e tyre.

Në një njoftim të dielën ndërmarrja theksoi se kriza nuk lidhet me gjendjen e saj financiare të brendshme, por me vonesat e komunës.

“Dëshirojmë të sqarojmë se ndërmarrja ka bilanc pozitiv dhe stabilitet financiar; megjithatë, vonesat e Komunës së Prishtinës në shlyerjen e obligimeve ndaj nesh kanë krijuar këtë situatë të paqëndrueshme. Edhe një herë, u kërkojmë ndjesë qytetarëve për ndërprerjen e shërbimit të transportit publik, i cili do të mbetet i pezulluar deri në lëshimin e mjeteve”, thuhej në njoftim.

Për çështjen e trafikut një ditë më parë foli edhe kryetari i Komunës së Prishtinës, Përparim Rama.

“Sapo e përfundova takimin me ndërmarrjen e transportit publik dhe, që nga nesër, transporti publik fatkeqësisht do të ndalet. Me keqardhje të thellë e them se nuk e kam besuar se qytetarët e këtij vendi do të viheshin në rrezik për shkak të çështjeve të biznesit”, u shpreh kryetari i Prishtinës./EO

Continue Reading

Të kërkuara