Lajmet

Rama: Tensionet në veri të Kosovës të zgjidhen krah për krah me botën demokratike

“Rajoni duhet të hyjë në një marrëdhënie të re me BE-në”, ka shkruar ai.

Published

on

Kryeministri i Shqipërisë, Edi Rama deklaroi sot se tensionet në veri të Kosovës duhet të zgjidhen krah për krah me botën demokratike.

Ai, gjatë një takimi me presidenten e Komisionit Evropian, Ursula von der Leyen, në të cilën ishte i pranishëm edhe presidenti serb, Aleksandar Vuçiq u shpreh se tensionet në veri duhet të zgjidhen, duke arritur marrëveshjen e normalizimit dhe njohjes së ndërsjellë Kosovë-Serbi.

“Rajoni duhet të hyjë në një marrëdhënie të re me BE-në, ndërkohë që konflikti në Veriun e Kosovës duhet të zgjidhet krah për krah me botën demokratike, duke u dhënë fund absurdit kërcënues e duke finalizuar marrëveshjen e normalizimit dhe njohjes së ndërsjellë mes Kosovës e Serbisë”, shkroi Rama në Facebook.

Protestuesit serbë po kundërshtojnë hyrjen e kryetarëve shqiptarë në ndërtesat komunale.

Situata në këto komuna është tensionuar të premten e 26 majit kur kryetarët e betuar janë detyruar të hyjnë në zyrat e tyre të punës nën asistencën e Policisë së Kosovës.

Të hënën (29) protestuesit me maska e edhe ata pa maska kanë ushtruar dhunë ndaj pjesëtarëve të KFOR-it, Policisë së Kosovës dhe gazetarëve. Ata kanë hedhur gjësende të ndryshme në drejtim të paqeruajtësve, derisa kanë dëmtuar vetura të mediave, duke e djegur tërësisht veturën e një televizioni.

Si pasojë e protestave të dhunshme, janë plagosur 30 ushtarë të KFOR-it, ndërkohë që serbët kanë sulmuar edhe Policinë e Kosovës dhe gazetarët.

Shtetet e Bashkuara kanë kritikuar Kosovën për përshkallëzimin e tensioneve me Serbinë, derisa anuluan edhe pjesëmarrjen e vendit në një stërvitje ushtarake të NATO-s “Defender 23”, pasi Prishtina refuzoi t’i tërheqë kryetarët e komunave dhe forcat e saj policore nga veriu i vendit.

Lajmet

Dogana kap produkte të falsifikuara të “Apple”

Published

on

By

Dogana e Kosovës, ka ndaluar produkte me markën tregtare “Apple”, të cilat dyshohen se shkelin të drejtat e pronësisë intelektuale.

Bëhet e ditur se gjatë kontrollit të detajuar, janë ndaluar 2,000 copë mbushës telefoni dhe 20 ora të mençura (smartwatch) që bartnin shenjat dalluese të markës “Apple”.

Ky veprim është pjesë e angazhimeve të vazhdueshme të Doganës së Kosovës për mbrojtjen e pronësisë intelektuale, luftimin e mallrave të falsifikuara, si dhe mbrojtjen e konsumatorëve dhe bizneseve të ligjshme në tregun e vendit”, thonë nga Dogana.

Continue Reading

Lajmet

Minatorët kërkojnë rritje pagash dhe vlerësim për punën e tyre

Published

on

By

Sindikata e Pavarur e Minatorëve të Trepçës, kanë bërë një apel të hapur për rritje pagash dhe vlerësim të sakrificës së tyre, duke theksuar se puna e tyre ka kontribuar dukshëm në rritjen e prodhimit gjatë vitit të fundit.

Në një deklaratë për media, Kryesia e Sindikatës së Minatorëve, thotë se minatorët po e ndjejnë çdo ditë rritjen e çmimeve dhe vështirësitë në jetën ekonomike.

Të gjithë po ndjejmë çdo ditë rritjen e çmimeve, rritjen e inflacionit dhe vështirësitë në jetën ekonomike. Ne, minatorët, prej shumë vitesh kemi punuar me durim dhe solidaritet për ndërmarrjen tonë, duke shpresuar që gjendja të përmirësohet, dhe kemi duruar pa kërkuar rritje pagash, edhe pse sektorë të tjerë kanë pasur lëvizje dhe përmirësime. Tani që qeveria ka paralajmëruar rritje pagash për sektorët publikë dhe ka premtuar pagën e 13-të, është normale dhe e drejtë që edhe menaxhmenti i ndërmarrjes sonë të bëjë hapa konkretë për rritje të pagave të minatorëve”, thuhet në reagimin e tyre.

Tutje, theksohet se “Gjatë vitit të fundit, puna jonë ka sjellë rritje të dukshme të prodhimit”.

Ky sukses nuk do të kishte ndodhur pa përkushtimin e minatorëve. Prandaj, kërkojmë që puna dhe sakrifica jonë të vlerësohen dhe të shpërblehen me rritje pagash, po ashtu siç po ndodh në sektorët e tjerë publikë dhe privatë. Çdo ditë rrezikojmë jetën dhe shëndetin duke punuar në kushte të vështira dhe pa mjete të mjaftueshme”, vijon reagimi.

Sindikata e Pavarur e Minatorëve të Trepçës shton se “Pa një ligj të veçantë që na mbron, detyrohemi të vazhdojmë punën edhe kur rreziku është i lartë”./EO

Continue Reading

Lajmet

Basha: Shpresoj që opozita t’i thërret arsyes dhe ta votojë Glauk Konjufcën

Published

on

By

Kryetari Kuvendit të Kosovës, Dimal Basha, ka kërkuar nga partitë ish opozitare që ta votojnë për kryeministër Glauk Konjufcën.

Pas propozimit të Konjufcën për mandatar për kryeministër, Basha theksoi nevojën e formimit të qeverisë së re, siç tha për votimin e buxhetit për vitin 2026.

Kemi buxhetin e shtetit, kemi buxhetin e tri komunave dhe kemi mbi 700 punonjës që presin t’i marrin pagat e tyre. Për këtë na duhet një Kuvend dhe qeveri funksionale. Uroj dhe shpresoj që opozita t’i thërret arsyes dhe ta votojë Glauk Konjufcën”, tha ai pas përfundimit të mbledhjes së Këshillit të Përgjithshëm të LVV-së.

Kujtojmë se Kuvendi i Kosovës u konstituua me 10 tetor, tetë muaj pas zgjedhjeve nacionale të 9 shkurtit./KP

Continue Reading

Lajmet

Konjufca: Një qeveri pa Kurtin kompromisi më i madh që mund të bëjë LVV

Published

on

By

I propozuari i Lëvizjes Vetëvendosje për kryeministër të Kosovës, Glauk Konjufca, ka thënë se populli pret që lideri partiak, njëherësh kryeministër në detyrë, Albin Kurti, të rikthehet edhe më i fuqishëm në zgjedhjet e ardhshme, pas dështimit të tij për ta formuar qeverinë e re.

Ai para anëtarëve të Këshillit të Përgjithshëm të LVV-së, pasi u propozua për kryeministër, tha se e pranoi si obligim propozimin për t’u kandiduar për kryeministër për ta miratuar buxhetin për vitin e ardhshëm.

Një qeveri pa Albin Kurtin është kompromisi më i madh që mund të bëjë Lëvizja Vetëvendosje”, tha ai.

Kurti gjatë prezantimit të Konjufcës për kryeministër, tha se në kabinetin e ardhshëm qeveritar nëse sigurohen votat në Kuvend, ai do të marrë postin e ministrit të Punëve të Jashtme./KP

Continue Reading

Të kërkuara