Lajmet

Rama në mbledhjen e Qeverive shqiptare: Ambicia jonë është heqja e kufirit

Published

5 years ago

October 2, 2020

Betim Gashi

Në Pallatin e Kongreseve në Tiranë po mbahet mbledhja e dy qeverive shqiptare. Në fjalën e tij, kryeministri i Shqipërisë, Edi Rama deklaroi se se ambicia e tyre është heqja e kufirit mes Kosovës dhe Shqipërisë.

“Ambicia jonë është heqja e kufirit në funksion të zbatimit të 4 lirive të BE-së në rajonin tonë duke nisur nga më e thjeshta dhe më kuptimplota heqja e kufirit mes Shqipërisë dhe Kosovës. Është e rëndësishme që të dyja ministritë e Brendshme e dy qeverive të intensifikojnë punën dhe të krijojnë një database të përbashkët për të mundësuar kontrollin në kohë reale të hyrjeve e daljeve në të gjitha pikat kufitare të perimetrit tonë të përbashkët që do na mundësonte hapjen përfundimtare të kufirit pa humbur asnjë centimetër në frontin e betejës kundër aktiviteteve të paligjshme dhe abuzimit me lirinë e lëvizjes”, deklaroi Rama.

Kreu i Qeverisë së Shqipërisë u shpreh se është e domosdoshme ndërtimi i hekurudhës mes dy vendeve, edhe pse do të marrë kohë për tu materializuar.

Rama ka folur edhe për portin e Durrësit, teksa u shpreh se do të ishte në funksion të të gjithë rajonit.

“Një port të përbashkët në Durrës, të Shqipërisë dhe të Kosovës dhe në funksion të të gjithë rajonit, që padiskutim e kërkon një lidhje të shumëfishtë. Së shpejti ne nisim, pas një odiseje të gjatë, ndërtimin e hekurudhës Tiranë-Durrës, dhe ky hap tjetër shkon në drejtimin e duhur, ashtu si shkon në drejtim të duhur korridori digjital Prishtinë-Tiranë, mbështetur në teknologjinë 5G”, deklaroi ai mes tjerash./UBTNews

Related Topics:Edi Rama kryesore mbledhja e qeverive

Up Next

Hoti për liberalizimin e vizave: Mos ta shajmë BE-në, por t’i mbajmë të plotësuara kriteret

Don't Miss

69 raste aktive me COVID-19 në Gjilan

Lajmet

Ambasada gjermane njofton për takimin Kurti-Rohde

Published

7 minutes ago

September 25, 2025

UBTnews

Ambasada gjermane ka njoftuar për takimin lamtumirës që pati ambasadori Jorn Rohde me kryeministrin në detyrë Albin Kurti në Kryeministri.

“Me rastin e lamtumirës së tij, Ambasadori Jörn Rohde u prit nga Kryeministri në detyrë Albin Kurti. Ai e falënderoi atë për pesë vitet e tij të shërbimit të përkushtuar”, tha ambasada.

Për këtë takim të para dy ditëve kishte njoftuar edhe Zyra e Kryeministrit.

“Kryeministri theksoi se Gjermania mbetet partner qendror i Republikës së Kosovës në bashkëpunim ekonomik dhe në rrugën tonë drejt integrimit evropian. Më tej, ai veçoi ndër të tjera bashkëpunimin e ngushtë në fusha si energjia, arsimi dhe mbrojtja e mjedisit. Gjatë bisedës, gjithashtu u përmend tema e sigurisë dhe bashkëpunimi me KFOR-in, si dhe liberalizimi i vizave për qytetarët e Republikës së Kosovës, si një arritje që u shënua gjatë mandatit të ambasadorit Rohde dhe kryeministrit Kurti. Kryeministri Kurti i uroi ambasadorit Rohde shëndet dhe fat në jetën e tij”, u tha në njoftim.

Rohde i shkoi në zyre Kurtit pas letrës së BE-së që të mos ketë takime më në zyrë te Kurti derisa të zgjidhet qeveria e re./D.B/EO

Lajmet

Arrestohet një 24-vjeçar, dyshohet për keqpërdorim me kartela bankare

Published

1 hour ago

September 25, 2025

UBTnews

Është arrestuar një 24 vjeçar në Prishtinë nën dyshimin se ka keqpërdorur kartelat bankare.

“Drejtoria e Policisë së Kryeqytetit pas një pune hetimore dhe operacionale ka arritur identifikimin dhe arrestimin e një personi të dyshuar, për disa raste që kanë të bëjnë me keqpërdorim të kartelave bankare. Njësiti i Hetimeve të Kryeqytetit ka realizuar me sukses punën hetimore, duke arrestuar të dyshuarën A.G, 24 vjeç dhe në koordinim me prokurorin është iniciuar rast për veprën penale “Lëshimi i çeqeve pa mbulesë ose të rremë dhe keqpërdorimi i kartelave të bankës apo të kreditit””, thuhet në njoftimin e policisë./D.B/EO

Lajmet

Osmani takon kryeministrin e Bangladeshit

Published

2 hours ago

September 25, 2025

UBTnews

Presidentja e Kosovës, Vjosa Osmani ka takuar kryeministrin e Bangladeshit, Muhammad Yunus.

Osmani përmes një postimi në profilin zyrtar në Facebook tha se me Yunus kanë diskutuar për forcimin e marrëdhënieve ndërmjet dy vendeve si dhe mbi përpjekjet e përbashkëta në skenën ndërkombëtare.

Osmani thotë se Kosova mbetet e përkushtuar për avancimin e bashkëpunimit ndërshtetëror dhe është thellësisht mirënjohëse për mbështetjen e palëkundur të Bangladeshit.

“Në takim me Kryeministrin e Bangladeshit, Muhammad Yunus, diskutuam për forcimin e marrëdhënieve ndërmjet dy vendeve tona, si dhe mbi përpjekjet e përbashkëta në skenën ndërkombëtare.Kosova mbetet e përkushtuar për avancimin e bashkëpunimit ndërshtetëror dhe është thellësisht mirënjohëse për mbështetjen e palëkundur të Bangladeshit“, ka shkruar Osmani.

Kujtojmë se Osmani ka udhëtuar në New York për të marrë pjesë në fillimin e punimeve të Asamblesë së Përgjithshme të Kombeve të Bashkuara./D.B/KP