Lajmet

Rama: Ballkani i hapur, njësi e zbatimit të procesit të Berlinit

Rama: Procesi i Berlinit është vizioni dhe korniza e madhe, Ballkani i hapur është zbatimi.

Published

on

Kryeministri Edi Rama deklaroi sot se, Ballkani i hapur, është njësia e zbatimit të projektit të Procesit të Berlinit.

I pyetur në një emision televiziv për nismën “Ballkani i hapur”, Rama tha se, “edhe një vend po të mbetet unë jam i bindur që kjo është rruga e padiskutueshme për të pasur një të ardhme, më të mirë, më të begatë, ne shqiptarët, njëherë. Pastaj sigurisht ne shqiptarët përmes hapjes rajonale. Edhe një po të mbetet”.

“E dyta, Ballkani i hapur, ose Open Balkan është thjesht njësia e zbatimit të projektit të Procesit të Berlinit. Procesi i Berlinit është vizioni dhe korniza e madhe, Ballkani i hapur është zbatimi”, u shpreh Rama.

“Tani në dhjetor janë një sërë gjërash që janë konkrete që do firmosen. Po shikoja shifrat para disa javësh. Janë 139 kompani shqiptare që eksportojnë në Serbi. Janë rreth 300 e ca, 400 që eksportojnë në Maqedoninë e Veriut dhe për të gjitha këto që janë njëherë  si fillim është një çlirim i jashtëzakonshëm. Dhe pjesa më e madhe e kompanive eksportojnë produkte bujqësore dhe u nxihet jeta dhe për ta do jetë rruga e lirë”, theksoi Rama.

Rama shprehu bindjen se të gjithë vendet e rajonit do t’i bashkohen Ballkanit të hapur, por shtoi ai, “ajo që më duket më absurdja është mungesa e Kosovës. Sepse ishte një kohë kur Kosova, pasi ishte njohur si shtet, nuk çonte dot në tryezë një të nivelit të tretë se serbët iknin. Nuk uleshin serbët as në nivelin e tretë me kosovarët. Sot kur ti ke mundësi të vish të ulesh në tryezë ku është presidenti i Serbisë dhe ti ulesh aty dhe je kryeministri a presidenti i Kosovës, si nuk vjen ti, çfarë problemi ke ti që s’vjen?”

I pyetur  për ndryshimin e kufijve mes Kosovës dhe Serbisë, Rama tha se kufijtë nuk ndryshojnë dot fshehtas.

“Që të ndryshosh kufijtë në rast se e marrim të mirëqenë që kishte një iniciativë për të ndryshuar kufijtë, nuk është diçka që bëhet dot fshehurazi dhe nuk është diçka që mbaron aty ku e bisedojnë njerëzit”, theksoi Rama.

Continue Reading

Lajmet

​Gjykata spanjolle liron Dani Alves-in

Published

on

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

 

Continue Reading

Lajmet

Caktohet data, Pogba rikthehet në fushë

Published

on

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/

Continue Reading

Lajmet

Aksident me fatalitet në Blagaj të Pejës

Published

on

By

Aksident i rëndë me fatalitet ka ndodhur sot në fshatin Blagaj të Pejës.

Raportohet nga mediat se në aksident janë përfshirë një veturë dhe një katërçikletë.

Si pasojë e këtij aksidenti raportohet se janë lënduar dy persona ndërsa një tjetër ka ndërruar jetë.

Në vendin e ngjarjes kanë dalë njësitet policore, teksa të lënduarit janë dërguar me urgjencë për trajtim në emergjencën e Spitalit Rajonal të Pejës.

KosovaPress ka kontaktuar me Policinë e Kosovës për të marrë më shumë informacione lidhur me rastin./D.B/KP

Continue Reading

Lajmet

​Legjenda e Barcelonës njofton pensionimin nga futbolli

Published

on

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

 

Continue Reading

Të kërkuara