Sport

Rafael Nadal e pranon se është i shkatërruar mendërisht

Kjo pasi mbrojtja e titullit të tij përfundoi me lëndim dhe humbje nga amerikani, Mackenzie McDonald.

Published

2 years ago

January 18, 2023

UBT news

Tenisti i njohur, Rafel Nadal e pranoi se ndihej i shkatërruar mendërisht, pasi mbrojtja e titullit të tij në Australian Open përfundoi me lëndim dhe humbje nga amerikani, Mackenzie McDonald në raundin e dytë.

Nadal ishte tashmë në telashe në një set, dhe një aksion ndaj McDonaldit e pa atë të përkulej nga dhimbjet në ijën e tij të majtë.

Pas thirrjes për trajtim, spanjolli zgjodhi të vazhdonte, kështu duke e lënë të përlotur gruan e tij, teksa ajo shikonte se si mbaronte kërkimi i burrit të saj për një Australian Open të tretë, pas një fitoreje ndaj britanikut Jack Draper në raundin e parë.

“Nuk kam nevojë të flas dhe të shpjegoj ndjenjat. Nuk ishte momenti i duhur për të pasur diçka të tillë tani. Në fund, ju duhet të vazhdoni. Ndonjëherë është zhgënjyese. Ndonjëherë është e vështirë të pranosh. Ndonjëherë ndiheni shumë të lodhur për të gjitha këto gjëra për sa i përket lëndimeve”, tha Nadal.

“Në fund të fundit, nuk mund të ankohem fare për jetën time. Vetëm për sa i përket sportit dhe lëndimeve dhe momenteve të vështira, kjo është një gjë tjetër. Thjesht nuk mund të them që nuk jam i shkatërruar mendërisht në këtë kohë, sepse do të gënjej”, shtoi më tej tenisti spanjoll.

Nadal hyri në raundin e parë të turneut duke u përballur me britanikun Jack Draper, pasi kishte humbur gjashtë nga shtatë ndeshjet e tij të mëparshme.

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.