Lajmet

Radhë të gjata për t’u vaksinuar në sallën “1 Tetori”

Published

on

Numër i madh i personave të moshës mbi 65-vjeçare janë duke pritur në radhë për t’u vaksinuar në sallën “1 Tetori”, në Prishtinë. Qytetarët nuk janë të kënaqur me mënyrën e organizimit të vaksinimit, pasiqë sipas tyre po hyjnë shumë persona pa rend.

Shukrije Binaku, edhe pse tha se është në gjendje të rëndë shëndetësore, askush nuk po e merr në konsideratë dhe për t’i dhënë përparësi në vaksinim.

“Protezë edhe s’marrin në dorë hiç, nuk po më lejojnë as me u afruar”, deklaroi ajo.

Kurse Fatmire Sadriu është shprehur e pakënaqur me mënyrë e organizimit të vaksinimit pasiqë tha se shumë persona janë futur pa rend. Ajo tha se ka aplikuar në platformën e-Kosova, por megjithatë nuk ka pasur përparësi në vaksinim.

“S’kam pas frikë. E kam problem se kallaballëk, interesimin po e shoh si gjë pozitive dhe nuk ka të keqe, por organizimi është dashur me qenë më ndryshe. Kam aplikuar në e-Kosova dhe nuk ka përparësi, kanë hyrë plot njerëz pa rend”, tha ajo.

Nexhmi Berisha tha se është duke pritur që nga ora 07:30 e mëngjesit derisa shtoi se nuk ka frikë për t’u vaksinuar.

Edhe Hysen Dërvisholli është shprehur tejet i zhgënjyer pasiqë tha i kanë bashkuar katër komuna, që personat e moshës 65-vjeçare të vaksinohen në sallën “1 Tetori”.

Ministria e Shëndetësisë ka njoftuar se nga e mërkura fillon vaksinimi i personave mbi moshën 65-vjeçare. Përmes një njoftimi për media, MSh-ja ka bërë të ditur se fillimisht do të vaksinohen personat nga komunat e rajonit të Prishtinës.

“Nga sot, 12 maj 2021, procesi i vaksinimit kundër COVID-19 fillon për personat e moshës mbi 65 vjeç,v(me prioritet personat e regjistruar në platformën e-Kosova), fillimisht me komunat e Rajonit të Prishtinës për të vazhduar me komunat e tjera pastaj sipas orarit të bashkëlidhur”, thuhet në njoftim.

Lajmet

Filmi i shkurtër i profesorit të UBT-së, Alban Muja, nominohet për Çmimet Evropiane të Filmit

Published

on

By

Një tjetër sukses i rëndësishëm për kinematografinë kosovare në arenën ndërkombëtare. Filmi i shkurtër “I Believe the Portrait Saved Me” me regji të profesorit të UBT-së, Alban Muja, është nominuar për Çmimet Evropiane të Filmit (European Film Awards) nga juria e Festivalit të Filmit të Shkurtër në Hamburg.

Filmi, i cili pati premierën botërore në Berlinale, trajton në mënyrë të ndjerë dhe artistike fuqinë e kujtesës, identitetit dhe simbolikës së portretit si një formë shpëtimi në situata ekstreme. Ai është prodhuar nga 038STUDIO në bashkëprodhim me AsfaltFilms dhe është mbështetur nga Qendra Kinematografike e Kosovës.

Nominimi për EFA konsiderohet një ndër vlerësimet më të larta në fushën e filmit evropian, dhe përbën një njohje të drejtpërdrejtë të cilësisë dhe origjinalitetit që sjell ky projekt filmik.

Alban Muja, përveçse regjisor i filmit, është edhe artist i njohur ndërkombëtarisht dhe ligjërues në Fakultetin e Artit dhe Dizajnit në UBT. Në karrierën e tij shumëvjeçare, ai ka prezantuar veprat e tij në bienalet dhe ekspozitat më të njohura të artit bashkëkohor, ndërsa kjo vepër e fundit shënon edhe një përkushtim të tij në format filmike të rrëfimit.

“I Believe the Portrait Saved Me” vjen si një dëshmi e fuqisë së tregimeve personale që tejkalojnë kufijtë gjeografikë dhe kulturorë, duke e pozicionuar edhe një herë Kosovën në hartën e krijimtarisë filmike evropiane.

Continue Reading

Lajmet

Studentët e programit Menaxhment, Biznes dhe Ekonomi në UBT zhvillojnë vizitë studimore në kompanitë Elnor Furniture dhe Ukaj Home – statistikat në funksion të menaxhimit efikas

Published

on

By

Në kuadër të lëndës “Metodat Statistikore për Biznes”, studentët e programit Menaxhment, Biznes dhe Ekonomi në UBT, nën udhëheqjen e profesorëve Mic Ukaj dhe Diellza Kukaj, realizuan një vizitë studimore në dy nga kompanitë e suksesshme në tregun vendor – Elnor Furniture dhe Ukaj Home.

Gjatë kësaj vizite, studentët patën mundësinë të eksplorojnë nga afër ambientet prodhuese dhe të njihen me praktikat e menaxhimit dhe optimizimit të proceseve në industrinë e mobilieve. Vizita shërbeu si një urë lidhëse ndërmjet teorisë dhe praktikës, duke i pajisur studentët me përvojë reale në mjedisin e biznesit.

Fokus i veçantë iu kushtua zbatimit të teknikave statistikore në proceset vendimmarrëse, me theks në analizën e të dhënave për rritjen e efikasitetit dhe menaxhimin optimal të burimeve. Studentët diskutuan me drejtuesit e kompanive për mënyrat konkrete se si të dhënat statistikore ndihmojnë në matjen e performancës, identifikimin e trendeve dhe parashikimin e zhvillimeve të ardhshme në treg.

Kjo përvojë praktike jo vetëm që i forcoi njohuritë akademike të studentëve, por gjithashtu theksoi rëndësinë e statistikave si mjet kyç në zhvillimin profesional dhe menaxhimin strategjik të bizneseve.

Programi Menaxhment, Biznes dhe Ekonomi në UBT ofron një qasje moderne dhe të integruar, duke kombinuar teorinë me përvojat reale të tregut, për të përgatitur profesionistë të gatshëm për sfidat e ekonomisë globale. Me vizita të tilla studimore dhe qasje praktike, studentët marrin vlera të shtuara në arsimimin e tyre dhe krijojnë lidhje të drejtpërdrejta me industrinë.

Continue Reading

Lajmet

Stafi i UBT-së prezanton në Pragë rreth “Transforming Underused Public Spaces Through Ephemeral Architecture”

Published

on

By

Stafi i Fakultetit të Arkitekturës dhe Planifikimit Hapësinor në UBT, Dr. Lulzim Beqiri dhe Guri Berisha, morën pjesë në Konferencën e 13-të Ndërkombëtare “Regional Development Between Theory and Practice”, e organizuar nga Masaryk Institute of Advanced Studies në kuadër të Czech Technical University në Pragë.

Konferenca e sivjetme, me temën “Addressing Socio-Economic Disparities in Times of Uncertainty”, mblodhi akademikë, studiues dhe ekspertë nga vende të ndryshme për të trajtuar sfidat dhe mundësitë e zhvillimit rajonal në periudha të pasigurisë socio-ekonomike.

Në këtë ngjarje të rëndësishme ndërkombëtare, profesori Beqiri dhe Guri Berisha prezantuan punimin shkencor me titull: “Transforming Underused Public Spaces Through Ephemeral Architecture: The Case of the Istog Marketplace”.

Punimi trajton një qasje inovative për rigjallërimin e hapësirave të nënshfrytëzuara publike përmes arkitekturës efemere, me fokus të veçantë në tregun e qytetit të Istogut si një rast studimi. Ky hulumtim paraqet një model të aplikueshëm për zhvillimin e qëndrueshëm urban dhe aktivizimin e hapësirave në shërbim të komunitetit.

Profesori Lulzim Beqiri, njëherësh edhe anëtar i komitetit shkencor të konferencës për të tretin vit me radhë, vazhdon të japë një kontribut të çmuar në nivel ndërkombëtar në fushën e planifikimit hapësinor dhe zhvillimit rajonal. Pjesëmarrja e tij në komitetin shkencor është një dëshmi e reputacionit profesional dhe cilësisë së lartë të ekspertizës që UBT përfaqëson.

Pjesëmarrja e vazhdueshme e profesorëve të UBT-së në konferenca ndërkombëtare si kjo, jo vetëm që promovon dijen dhe eksperiencën e tyre, por njëkohësisht forcon pozicionin e UBT-së si institucion lider në arsimin e lartë dhe kërkimin shkencor në Kosovë dhe rajon.

UBT mbetet e përkushtuar në mbështetjen e stafit akademik për të qenë pjesë aktive e rrjeteve ndërkombëtare të dijes dhe inovacionit, duke ndikuar drejtpërdrejt në zhvillimin e qëndrueshëm të vendit përmes ideve të reja dhe qasjeve bashkëkohore.

Continue Reading

Lajmet

Studentët e Juridikut në UBT simulojnë mbledhje qeveritare për miratimin e një akti normativ – një hap më afër realitetit profesional

Published

on

By

Në kuadër të programit Juridik në UBT dhe konkretisht në lëndën “Shkrimi Ligjor 1”, u zhvillua një aktivitet praktik jashtëzakonisht domethënës me temën: “Simulimi i procesit të miratimit të aktit normativ – Mbledhje qeveritare e simuluar nga studentët”.

Ky aktivitet u organizua nga Grupi i studentëve të Juridikut, dhe kishte për qëllim të fuqizojë njohuritë teorike të fituara në ligjërata përmes një përvoje praktike dhe interaktive, duke i përgatitur studentët për sfidat konkrete të profesionit juridik.

Studentët morën rolet përkatëse si anëtarë të Kabinetit Qeveritar, duke simuluar një mbledhje të mirëfilltë të qeverisë ku u prezantua, u diskutua dhe më pas u miratua një akt normativ. Ata u përballën me të gjitha fazat e procesit ligjvënës, nga propozimi fillestar e deri tek votimi përfundimtar, duke demonstruar aftësi të shkëlqyera të komunikimit juridik, argumentimit ligjor dhe bashkëpunimit institucional.

Ky simulim shërbeu jo vetëm si një ushtrim praktik, por edhe si një platformë për zhvillimin profesional të juristëve të ardhshëm, të cilët përmes metodologjisë inovative të mësimdhënies në UBT, ndërlidhin ngushtë teorinë me praktikën.

UBT, si institucion lider në fushën e arsimit të lartë në Kosovë dhe rajon, vazhdon të krijojë hapësira kreative për studentët e programit Juridik, duke i përgatitur ata për një karrierë të suksesshme në sistemin e drejtësisë, administratës publike, sektorin privat dhe organizatat ndërkombëtare.

Continue Reading

Të kërkuara