Lajmet

Radev: HEMUS 2022 shfaq potencialin e industrisë dhe shkencës së mbrojtjes së Bullgarisë

Më shumë se 100 kompani, gjysma e tyre bullgare, po shfaqin produktet dhe shërbimet e tyre

Published

on

Presidenti i Bullgarisë, Rumen Radev, sot tha se ekspozita HEMUS 2022 – Mbrojtja, Antiterrorizmi dhe Siguria do të shfaqë potencialin e madh të industrisë dhe shkencës së mbrojtjes bullgare.

Ai këto komente i bëri në hapje të Ekspozitës së 15 Ndërkombëtar të Pajisjeve dhe Shërbimeve të Mbrojtjes në Plovdiv, e cila do të qëndrojë e hapur deri më 4 qershor.

Radev tha se si president e kishte traditë të marrë pjesë në ekspozitën e specializuar, të nxitur jo vetëm nga kurioziteti apo nga aspektet sociale dhe ekonomike të industrisë së mbrojtjes dhe rëndësia e saj në rritje për ruajtjen e sigurisë dhe stabilitetit.

Falë takimeve që organizuam në edicionet e mëparshme midis ministrive të mbrojtjes dhe ekonomisë dhe industrisë bullgare të mbrojtjes, Forcat e Armatosura i janë drejtuar gjithnjë e më shumë kësaj të fundit jo vetëm për pajisje, por edhe për zhvillimin e teknologjive të reja në procesin e modernizimit”, tha ai.

Edicioni i këtij viti është një hap i madh drejt zgjerimit të partneriteteve brenda Fondit Evropian të Mbrojtjes dhe Fondit të Inovacionit të NATO-s, tha gjithashtu Presidenti.

Ministri i Mbrojtjes Dragomir Zakov tha se ekspozita ka qenë gjithmonë një vend për takime, kontakte dhe fillimin e projekteve të reja të mbrojtjes.

“Bota nuk është ajo që ishte. Pandemia ka ndërprerë zinxhirët e furnizimit, duke shkaktuar mungesë të teknologjive jetike. Në të njëjtën kohë, lufta e Rusisë në Ukrainë ka treguar se modernizimi i armëve nuk ka alternativë, se siguria do të thotë forca të forta të armatosura. dhe armët”, tha Zakov.

Ai shtoi se kjo është një kohë për të kuptuar nevojën e një industrie mbrojtëse e cila është “mjaft e qëndrueshme për të na mbështetur gjatë një pandemie, si dhe kur ka një luftë pranë nesh”.

Më shumë se 100 kompani, gjysma e tyre bullgare, po shfaqin produktet dhe shërbimet e tyre dhe 22 vende marrin pjesë.

Continue Reading

Lajmet

​Gjykata spanjolle liron Dani Alves-in

Published

on

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

 

Continue Reading

Lajmet

Caktohet data, Pogba rikthehet në fushë

Published

on

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/

Continue Reading

Lajmet

Aksident me fatalitet në Blagaj të Pejës

Published

on

By

Aksident i rëndë me fatalitet ka ndodhur sot në fshatin Blagaj të Pejës.

Raportohet nga mediat se në aksident janë përfshirë një veturë dhe një katërçikletë.

Si pasojë e këtij aksidenti raportohet se janë lënduar dy persona ndërsa një tjetër ka ndërruar jetë.

Në vendin e ngjarjes kanë dalë njësitet policore, teksa të lënduarit janë dërguar me urgjencë për trajtim në emergjencën e Spitalit Rajonal të Pejës.

KosovaPress ka kontaktuar me Policinë e Kosovës për të marrë më shumë informacione lidhur me rastin./D.B/KP

Continue Reading

Lajmet

​Legjenda e Barcelonës njofton pensionimin nga futbolli

Published

on

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

 

Continue Reading

Të kërkuara