Lajmet

Radev: Bullgaria dhe Greqia dëshmuan se dy vende mund të lënë pas çështjet e së kaluarës

Poashtu ai shtoi se ato mund të zhvillojnë një partneritet strategjik të bazuar në vlera evropiane.

Published

4 years ago

on

Bullgaria dhe Greqia kanë dëshmuar se dy vende dhe dy popuj mund të lënë pas çështjet e së kaluarës dhe të zhvillojnë një partneritet strategjik të bazuar në vlerat tona evropiane, tha presidenti Rumen Radev në një konferencë pasi i dha presidentes greke Katerina Sakellaropoulou, Urdhrin e Vargmalit Ballkanik, për shërbimet e saj në zhvillimin e marrëdhënieve dypalëshe.

Sakellaropoulou ndodhet për një vizitë zyrtare në Bullgari me ftesë të Rumen Radev.

“Vizita e sotme e presidentes së Greqisë është theksim i marrëdhënieve jashtëzakonisht dinamike mes dy vendeve tona gjatë vitit të kaluar dhe shprehje e nivelit të shkëlqyer të bashkëpunimit mes Bullgarisë dhe Greqisë”, tha Radev.

Sipas fjalëve të presidentit, zhvillimi i marrëdhënieve dypalëshe është i një rëndësie strategjike për sigurinë, paqen dhe prosperitetin në të gjithë rajonin.

Sipas Radev, Bullgaria dhe Greqia kanë bërë përparim në shumë fusha gjatë viteve të fundit.

“Edhe në vitet e pandemisë, vetëm në tri vjetët e fundit tregtia e dyanshme është rritur me më shumë se 1 miliard euro”, tha kreu i shtetit.

Tregtia mes dy vendeve ka arritur në 4.5 miliardë euro, theksoi presidenti. Më tej ai foli për kontributin e rëndësishëm të dy vendeve në zhvillimin e lidhjes energjetike në rajon.

“Ajo që Bullgaria dhe Greqia kanë bërë duke ndërtuar vetë dhe në nivelin më të lartë të teknologjisë, interkoneksionin e gazit midis Greqisë dhe Bullgarisë, ka kontribuar jo vetëm në ngritjen e imazhit, aftësive teknologjike të vendeve tona, por edhe në diversifikimin real të furnizimet me gaz për rajonin e Evropës Qendrore dhe Lindore”, tha presidenti.

Bullgaria është shumë e interesuar dhe po bën përpjekje së bashku me Greqinë që terminali i gazit të lëngshëm në Aleksandropolis të përfundojë në kohë dhe ky vend të mund të marrë gaz të lëngshëm nga ky terminal vitin e ardhshëm, tha presidenti.

Ai kujtoi se Bullgaria ka 20% të aksioneve në terminal. Greqia merr mbi 30% të energjisë elektrike nga Bullgaria, si dhe mbi 45% të importeve të grurit, shtoi Radev.

“Për ne është qenësore të rifillojmë projektin e harruar prej kohësh të tubacionit të naftës midis Burgasit dhe Aleksandropolisit, por këtë herë të ndryshojmë drejtimin – nga Aleksandrupolis në Burgas. Kjo do të mundësojë furnizimin nga një burimi qenësor jo vetëm për Bullgarinë, por edhe për Rumaninë, Ukrainën dhe vendet e tjera të gjirit të Detit të Zi”, tha ai./BTA

Related Topics:
Continue Reading

Lajmet

Justina Shiroka-Pula merr zyrtarisht detyrën e presidentes

Published

14 hours ago

on

October 7, 2026

By

Justina Shiroka-Pula ka marrë zyrtarisht detyrën e presidentes së Republikës së Kosovës.

Në ceremoninë e inaugurimit, ushtruesja e detyrës së presidentes, Albulena Haxhiu, ia ka dorëzuar Kushtetutën presidentes së re.

Justina Shiroka-Pula mori 81 vota në Kuvend, në votimin që u zhvillua në mesnatën mes të martës dhe të mërkurës, në fund të afatit kushtetues që e caktoi 6 tetorin si datë të fundit për zgjedhjen e presidentit. Detyrën e siguroi pas dakordimit të Vetëvendosjes dhe Partisë Demokratike të Kosovës./A.K/

Continue Reading

Lajmet

BE-ja shqetësohet për ndryshimet në Ligjin për Dhomat e Specializuara

Published

14 hours ago

on

October 7, 2026

By

Bashkimi Evropian ka shprehur shqetësim të thellë për miratimin nga Kuvendi i Kosovës të Projektligjit për ndryshimin dhe plotësimin e Ligjit për Dhomat e Specializuara të Kosovës.

Në një përgjigje për KOHËN, një zëdhënës i BE-së ka thënë se ndryshimet e miratuara janë në kundërshtim me obligimet ndërkombëtare të Kosovës ndaj Bashkimit Evropian.

“Partneriteti ynë nënkupton jo vetëm interesa të përbashkëta, por edhe përgjegjësi të përbashkëta”, thuhet në përgjigje.

BE-ja ka theksuar se vazhdimisht ka mbështetur punën e Dhomave të Specializuara të Kosovës si institucion të pavarur gjyqësor, të themeluar përmes vendimeve të Kuvendit në vitet 2014–2015 dhe të përcaktuar në Kushtetutën e Kosovës.

Sipas BE-së, mandati dhe pavarësia e Dhomave të Specializuara duhet të respektohen plotësisht, ndërsa drejtësia duhet të vazhdojë të bazohet në parimin e përgjegjësisë penale individuale.

BE-ja i ka bërë thirrje Kosovës që t’u përmbahet obligimeve të saj ndërkombëtare dhe të garantojë pavarësinë gjyqësore të Dhomave të Specializuara, si dhe llogaridhënien dhe drejtësinë për viktimat dhe familjet e tyre nga të gjitha komunitetet në Kosovë.

Projektligji u miratua në Kuvend të martën, pak para përfundimit të afatit për zgjedhjen e Presidentit, pas një marrëveshjeje mes Lëvizjes Vetëvendosje dhe Partisë Demokratike të Kosovës.

Miratimi i tij u shoqërua me protesta në Kosovë, ndërsa kundërshtimi ndaj Dhomave të Specializuara është rritur pas aktgjykimit të 16 shtatorit ndaj Hashim Thaçit, Kadri Veselit, Jakup Krasniqit dhe Rexhep Selimit./A.K/

Continue Reading

Lajmet

Schuebel uron presidenten e re, mbështetja e BE-së do të mbetet e palëkundur

Published

17 hours ago

on

October 7, 2026

By

Ambasadori i Bashkimit Evropian në Kosovë, Dirk Schuebel, ka uruar Justina Shiroka-Pulën për zgjedhjen e saj në postin e Presidentes së Republikës së Kosovës.

Schuebel ka shprehur shpresën për rikthimin e stabilitetit politik dhe institucional në vend, duke theksuar gatishmërinë për të bashkëpunuar me presidenten e re, institucionet e Kosovës dhe spektrin politik.

“Me shpresën për ripërtëritjen e stabilitetit politik dhe institucional, pres me kënaqësi të punoj me Presidenten Shiroka-Pula, institucionet e Kosovës dhe spektrin e gjerë politik për ta afruar vendin më pranë Bashkimit Evropian”, ka deklaruar Schuebel.

Ai ka theksuar gjithashtu se mbështetja e Bashkimit Evropian për Kosovën do të vazhdojë të jetë e palëkundur.

Justina Shiroka-Pula u zgjodh Presidente e Kosovës në raundin e parë të votimit, duke marrë 81 vota në seancën e Kuvendit që kishte nisur më 6 tetor. Votimi përfundoi pak pas mesnate, ndërsa numërimi i votave përfundoi rreth 15 minuta më vonë.

Me zgjedhjen e Shiroka-Pulës, Kosova tashmë ka presidenten e re, ndërsa mesazhi i BE-së vjen me theks të veçantë te stabiliteti institucional dhe vazhdimi i rrugëtimit të vendit drejt Bashkimit Evropian.

D.L

Continue Reading

Lajmet

15 milionë euro për subvencionimin e faturave të energjisë për familjet në nevojë

Published

17 hours ago

on

October 7, 2026

By

Ministri për Punë, Familje dhe Vlerat e Luftës Çlirimtare, Andin Hoti, ka bërë të ditur se janë ndarë 15 milionë euro për mbështetjen e familjeve për faturat e energjisë elektrike, përmes Programit për Mbrojtjen e Konsumatorëve të Cenueshëm të Energjisë Elektrike 2026–2027.

Hoti ka njoftuar se programi është miratuar në mbledhjen e pestë të Qeverisë dhe synon subvencionimin e faturave për familjet që plotësojnë kriteret për përfitim.

Ai ka thënë se në ditët në vijim do të nënshkruajë vendimin që përcakton kushtet dhe kriteret për përfituesit, pas së cilës pritet të hapet thirrja për aplikim.

Sipas Hotit, programi lidhet edhe me obligimet e Kosovës në kuadër të procesit të integrimit evropian dhe zbatimit të Planit të Rritjes për Ballkanin Perëndimor, veçanërisht për identifikimin dhe mbështetjen e konsumatorëve të cenueshëm.

“15 milionë euro mbështetje. Drejtpërdrejt në faturat e familjeve”, ka shkruar Hoti./A.K/

Continue Reading

Të kërkuara