Lajmet

Qytetarët të shqetësuar me 2€ false, kërkojnë të intervenojnë institucionet

Ata kërkojnë që edhe bizneset të kenë pajisje që mund t’i verifikojnë parat false.

Published

2 years ago

on

Qytetarët po kërkojnë nga institucionet që të intervenojnë në mënyrë që të evitohen nga qarkullimi monedhat prej 2 euro false. Kryeqytetasit shprehen të shqetësuar me këtë dukuri, madje kërkojnë që edhe bizneset të kenë pajisje që mund t’i verifikojnë parat false.

Synavere Llapaj tha se bizneset nuk duhet që t’i maltretojnë qytetarët, por që nëse e dinë sigurt që s’janë false t’i marrin 2 euro.

“Deri tash nuk e kam pasur problem po ndoshta mundem me pas problem edhe marketet duhet mos me i pranuar ato nëse e kanë me shikuar cila është fals edhe cila nuk është false edhe mos me na i dhënë as neve, mos me na maltretuar”, deklaroi ajo.

Qerim Krasniqi tha se ka filluar që t’i refuzojë këto monedha, duke kërkuar që të bëhen ndryshime në formën e parave metalike.

“Unë po i refuzoj hiç ma larg se sot thashë kthemi kusur katër ka 50 centë nuk dashta me i pranuar 2 euro kusur çka është problemi nuk po kuptoj. unë mendoj që në Evropën e mëhershme është 1 euro, 2 euro, 5 euro, metal pa unazë e ma merr mendja që duhet me bë ndryshim”, deklaroi ai.

Shemsedin Hoxhaj tha se shteti duhet të ndërhyjë në mënyrë që kjo cështje të zgjidhet njëherë e përgjithmonë.

Fetih Azemi tha se nuk po i pengon që shitësit po i kontrollojnë këto monedha a janë false a po jo.

“I kontrollojnë nuk ka problem hale nuk më ka rënë në dorë false”, deklaroi ai.

Qarkullimi i monedhës 2 euro false ka bërë që institucionet të ndërmarrin masa, madje edhe janë arrestuar disa persona e janë konfiskuar një sasi e madhe e të hollave.

Related Topics:
Continue Reading

Lajmet

Osmani krah Zelenskyt në Kopenhagë: Siguria e Evropës është e ndërlidhur ngushtë me sigurinë e Ballkanit Perëndimor

Published

55 minutes ago

on

October 3, 2025

By

Presidentja e Kosovës, Vjosa Osmani po merr pjesë në Samitin e Liderëve të EPC-së në Kopenhagë.

Përmes një postimi në Facebook, Osmani ulur afër presidentit ukrainas, Zelensky thotë se ka theksuar rëndësinë e sigurisë së Ballkanit Perëndimor për Evropën.

Osmani tha se Evropa duhet të përqendrojë vëmendjen e saj në këtë rajon, duke investuar në parandalimin e taktikave destabilizuese të Serbisë, si hap kyç për një siguri të qëndrueshme dhe afatgjatë.

“Në Samitin e Liderëve të EPC-së në Kopenhagë, në tryezën me liderë evropianë të fokusuar në temën e sigurisë, theksova se siguria e Evropës është e ndërlidhur ngushtë me sigurinë e Ballkanit Perëndimor.Prandaj, Evropa duhet të përqendrojë vëmendjen e saj në këtë rajon, duke investuar në parandalimin e taktikave destabilizuese të Serbisë, si hap kyç për një siguri të qëndrueshme dhe afatgjatë“, ka shkruar Osmani./D.B/KP

Continue Reading

Lajmet

Shpaloset lista e Shqipërisë për ballafaqim me Serbinë

Published

1 hour ago

on

October 3, 2025

By

Kombëtarja shqiptare do të rikthehet në aksion për ndeshjen e radhës kualifikuese të Kupës së Botës 2026 ndaj Serbisë dhe për sfidën miqësore ndaj Jordanisë.

Grumbullimi zyrtar do të nisë më 6 tetor, ndërsa shpallja e listës së lojtarëve të grumbulluar nga trajneri Sylvinho është programuar për ditën e sotme.

Gjithashtu sot në orën 11:00, do të mbahet edhe konferenca për shtyp e trajnerit në ambientet e “Shtëpisë së Futbollit”.

Seanca e parë stërvitore e Kombëtares do të zhvillohet më 6 tetor.

Ndeshja Serbi-Shqipëri do të luhet më 11 tetor, në stadiumin “Gradski stadion Dubočica” në Leskovac, në orën 20:45.

Ndërsa, miqësorja Shqipëri-Jordani do të zhvillohet më 14 tetor, në stadiumin “Air Albania”, në orën 19:00./S.K/KP/

 

Continue Reading

Lajmet

​Shaqiri shkëlqen në fitoren e Baselit ndaj Stuttgartit

Published

1 hour ago

on

October 3, 2025

By

FC Basel ka marrë fitoren e parë këtë sezon në fazën e grupeve të Europa League, duke mposhtur Stuttgartin me rezultat 2-0.

Albian Ajeti zhbllokoi ndeshjen që në minutën e tretë pas një gabimi në mbrojtjen gjermane. Stuttgart pati mundësinë të barazonte me penallti në minutën e 35-të, por Marwin Hitz priti goditjen e Ermedin Demirović.

Në pjesën e dytë, Xherdan Shaqiri vulosi fitoren e zviceranëve me një gol nga afërsia, duke i dhënë fund serisë prej tre ndeshjesh pa fitore të Baselit në Evropë.

Stuttgart humbi pas tri fitoreve radhazi dhe në ndeshjen e ardhshme do të udhëtojë në Stamboll për t’u përballur me Fenerbahçen./S.K/KP/

Continue Reading

Lajmet

Zhduket një person në Suharekë, Policia: Doli nga shtëpia me 1 tetor 25

Published

2 hours ago

on

October 3, 2025

By

Zhduket një person në Suharekë. Sipas raportit të policisë, viktima mashkull ka dalë nga shtëpia dhe nuk dihet për vendndodhjen.

“Është raportuar se viktima mashkull kosovar ka dalë nga shtëpia dhe nuk dihet për vendndodhjen e saj. Rasti nën hetime”, thuhet në raportin 24 orësh të Policisë së Kosovës./D.B/KP

Continue Reading

Të kërkuara