Lajmet

Qytetarët në përkrahje të ish-drejtuesve të UÇK-së: Do të dalin të pafajshëm

Ata kërkojnë gjykim të drejtë.

Published

2 years ago

on

Qytetarët të cilët janë mbledhur në Hagë për të treguar përkrahjen e tyre ndaj ish-krerëve të UÇK-së, kërkojnë gjykim të drejtë dhe presin që Hashim Thaçi, Kadri Veseli, Jakup Krasniqi dhe Rexhep Selimi të dalin të pafajshëm nga Gjykata Speciale.

Në qytetin holandez, ku është selia e Gjykatës Speciale, të hënën janë parë flamuj kuq e zi si asnjëherë më parë.

Shqiptarë nga vende të ndryshme të Evropës, por edhe nga Kosova, pleq, të rinj e fëmijë, janë mbledhur disa kilometra larg gjykatës duke kërkuar “drejtësi për çlirimtarët”.

Shyhrete Bytyqi ka ardhur nga Prizreni me familjen e saj dhe thotë se Serbia është ajo që ka kryer krime.

“Kemi dalë me e përkrah ushtrinë çlirimtare që ka luftuar për vatan e për popull. (Ish-krerët e UÇK-së) tash po mbahen padrejtë në Hagë, në vend se me qenë serbët çka na kanë bërë, nuk ka drejtësi. Kemi ardhur prej Prizreni vetëm për Hashim Thaçin, Kadri Veselin, Jakupin e kemi kushëri, po na djeg zemra për ta por nuk po kemi çka me bë, do Zoti sa më lehtë e kalojnë këtë gjykimin e tyre”, thotë ajo.

Ndërsa Sylejman Rexhepi nga Frankfurti shpreson në lirimin sa më të shpejtë të ish-pjesëtarëve te UÇK-së.

“Kemi ardhur në përkrahje të Hashimit, Kadriut, Krasniqit dhe Rexhepit, po mbahen padrejtësisht dhe presim sa më shpejt që të lirohen, kriminelët janë në Serbi dhe jo këtu në Kosovë”, ka thënë ai.

Nga Gjermania ka ardhur edhe Shemsi Hyseni.

“Kemi dalë në mbështetje të krerëve të UÇK-së, si gjithmonë edhe gjatë luftës edhe pas luftës jemi me çlirimtarët… Gjykimi vetëm vonesë sepse këta janë të pafajshëm, ne kemi bërë luftë në vendin tonë, nuk kemi shkuar në Serbi ta bëjmë luftën”, ka thënë ai.

Protestuesit u mblodhën në kohën kur në gjykatore filloi gjykimi kundër Thaçit dhe të tjerëve.

Katërshja e UÇK-së edhe njëherë u deklaruan të pafajshëm për të gjitha pikat e aktakuzës.

Prokuroria e Speciales pretendon se të njëjtit kanë kryer krime lufte.

Pas fjalimeve, shpërndarja e protestuesve po bëhet nën tingujt e muzikës kushtuar luftës së UÇK-së dhe ish-pjesëtarëve të saj.

Related Topics:
Continue Reading

Lajmet

Erdogan: Në Shqipëri e gjithë bota do të thërrasë zërin e paqes

Published

1 hour ago

on

May 16, 2025

By

Presidenti i Turqisë, Recep Tayyip Erdogan ka mbërritur në Samitin e Komunitetit Politik në Tiranë, ku është pritur nga kryeministri Edi Rama.

Ai u shpreh për mediat se priten vendime pozitive nga Samiti që po mbahet sot në kryeqytetin shqiptar.

“Çfarë është ajo që prisnim, presim shumë gjëra me vëllan tim shqiptar. Në Shqipëri e gjithë bota do të thërrasë zërin e paqes”, ka thënë në turqisht Erdogan./atsh

Continue Reading

Lajmet

Meloni: Të këmbëngulim për armëpushim të pakushtëzuar mes Ukrainës dhe Rusisë

Published

1 hour ago

on

May 16, 2025

By

Kryeministrja e Italisë, Giorgia Meloni ka mbërritur në Samitin Politik Evropian të Tiranës ku u prit nga kryeministri Edi Rama.

Në një prononcim të shkurtër për mediet lidhur me agresionin rus në Ukrainë, Meloni tha se “mendoj se nuk do të kërkojmë alternativa, por duhet të këmbëngulim për një armëpushim të pakushtëzuar”.

“Të këmbëngulim për marrëveshje serioze paqeje që të ketë garanci dhe siguri edhe për Ukrainën. Po vazhdojmë të punojmë edhe në këtë format për këtë objektiv”, tha meloni

E pyetur nëse do të vizitojë qendrën e emigrantëve në Gjadër, Meloni tha se nuk ka pasur kohë.

“Puna po vazhdon, kjo tregon edhe shpejtësinë e funksionimit duke dëshmuar siç kishim premtuar jemi në rrugën e duhur”, theksoi ajo.

Continue Reading

Lajmet

Starmer: Putini nuk është serioz sa i takon paqes, po i tërheq gjërat zvarrë

Published

2 hours ago

on

May 16, 2025

By

Kryeministri i Britanisë së Madhe, Keir Starmer deklaroi sot nga Tirana se “Putini nuk është serioz sa i takon paqes dhe po i tërheq gjërat zvarrë”.

Në një prononcim për mediet pas pritjes nga Kryeministri Edi Rama në kuadër të Samitit të Komunitetit Politik Evropian që mbahet sot në Tiranë, i pyetur lidhur me agresionin rus në Ukrainë, Starmer tha se “ajo çfarë pamë dje është një tjetër provë që vërteton se Putini nuk është serioz sa i takon paqes dhe po tërheq gjërat zvarrë”.

“Është e nevojshme për rrjedhojë që ne të kemi unitet absolut me aleatët tanë dhe do ta diskutojmë edhe sot për të qenë të qartë që të ketë një armëpushim. Për të qenë të qartë gjithashtu nëse nuk veprojmë së bashku për sansksionet nuk do të ketë armëpushim”, deklaroi ai.

Starmer u shpreh se “sot është një mundësi e rëndësishme, e vërtetë, për të punuar me kolegët që të jemi të bashkuar tërësisht, presidenti Zelensky do të jetë këtu do ta diskutojmë me të”.

I pyetur lidhur si po shkojnë bisedimet lidhur me rivendosjen e Brexit, kryeministri britanik u shpreh se “në fakt keni parë dy javët e fundit një marrëveshje tregtare me Indinë me SHBA, që është shumë e rëndësishme, mendoj që do të vazhdojë. Të hënën do të ketë diçka do të jetë një moment shumë i rëndësishëm për të përmirësuar jetën e njerëzve që punojnë. Kjo është shumë pozitive për të pritur edhe Samitin e të hënës”./atsh

Continue Reading

Lajmet

Kancelari gjerman Merz: Bashkëpunim më i ngushtë mes të gjitha shteteve të pranishme në Tiranë

Published

2 hours ago

on

May 16, 2025

By

Kancelari i Gjermanisë, Friedrich Merz foli sot përpara fillimit të Samitit të Komunitetit Politik Evropian në Tiranë.

“Jam i lumtur që jam këtu për herë të parë për këtë takim. Pres të takohem me shumë liderë evropianë dhe pres të thellojmë bashkëpunimin mes nesh. Qëllimi im është të kemi një bashkëpunim më të ngushtë mes vendeve të Bashkimit Evropian dhe përtej mes të gjitha shteteve që janë të pranishme në këtë takim. Jam shumë i lumtur që jam këtu”, tha Merz në një prononcim për mediet.

Merz po viziton Shqipërinë për herë të parë në kuadër të Samitit të Komunitetit Politik Europian që po mbahet në Tiranë./atsh

Continue Reading

Të kërkuara