Lajmet

Qytetarët në përkrahje të ish-drejtuesve të UÇK-së: Do të dalin të pafajshëm

Ata kërkojnë gjykim të drejtë.

Published

3 years ago

April 3, 2023

UBT news

Qytetarët të cilët janë mbledhur në Hagë për të treguar përkrahjen e tyre ndaj ish-krerëve të UÇK-së, kërkojnë gjykim të drejtë dhe presin që Hashim Thaçi, Kadri Veseli, Jakup Krasniqi dhe Rexhep Selimi të dalin të pafajshëm nga Gjykata Speciale.

Në qytetin holandez, ku është selia e Gjykatës Speciale, të hënën janë parë flamuj kuq e zi si asnjëherë më parë.

Shqiptarë nga vende të ndryshme të Evropës, por edhe nga Kosova, pleq, të rinj e fëmijë, janë mbledhur disa kilometra larg gjykatës duke kërkuar “drejtësi për çlirimtarët”.

Shyhrete Bytyqi ka ardhur nga Prizreni me familjen e saj dhe thotë se Serbia është ajo që ka kryer krime.

“Kemi dalë me e përkrah ushtrinë çlirimtare që ka luftuar për vatan e për popull. (Ish-krerët e UÇK-së) tash po mbahen padrejtë në Hagë, në vend se me qenë serbët çka na kanë bërë, nuk ka drejtësi. Kemi ardhur prej Prizreni vetëm për Hashim Thaçin, Kadri Veselin, Jakupin e kemi kushëri, po na djeg zemra për ta por nuk po kemi çka me bë, do Zoti sa më lehtë e kalojnë këtë gjykimin e tyre”, thotë ajo.

Ndërsa Sylejman Rexhepi nga Frankfurti shpreson në lirimin sa më të shpejtë të ish-pjesëtarëve te UÇK-së.

“Kemi ardhur në përkrahje të Hashimit, Kadriut, Krasniqit dhe Rexhepit, po mbahen padrejtësisht dhe presim sa më shpejt që të lirohen, kriminelët janë në Serbi dhe jo këtu në Kosovë”, ka thënë ai.

Nga Gjermania ka ardhur edhe Shemsi Hyseni.

“Kemi dalë në mbështetje të krerëve të UÇK-së, si gjithmonë edhe gjatë luftës edhe pas luftës jemi me çlirimtarët… Gjykimi vetëm vonesë sepse këta janë të pafajshëm, ne kemi bërë luftë në vendin tonë, nuk kemi shkuar në Serbi ta bëjmë luftën”, ka thënë ai.

Protestuesit u mblodhën në kohën kur në gjykatore filloi gjykimi kundër Thaçit dhe të tjerëve.

Katërshja e UÇK-së edhe njëherë u deklaruan të pafajshëm për të gjitha pikat e aktakuzës.

Prokuroria e Speciales pretendon se të njëjtit kanë kryer krime lufte.

Pas fjalimeve, shpërndarja e protestuesve po bëhet nën tingujt e muzikës kushtuar luftës së UÇK-së dhe ish-pjesëtarëve të saj.

Lajmet

Ahmeti reagon pas bllokadës në Trafikun Urban

Published

3 hours ago

November 25, 2025

UBTnews

Ish kryetari i Prishtinës, Shpend Ahmeti ka reaguar pas bllokadës financiare që e la të bllokuar transportin publik në kryeqytet.

Ahmeti përmes një postimi në Facebook tha se transporti publik falas për shumë kategori është barrë financiare për Komunën e Prishtinës duke thënë se “nuk mundesh me liru nga pagesa në fushatë e mas tre ditëve me met pa pare”.

“Kur dikush nga komuna thotë lirimi nga pagesa nuk ka ndikim – rren. Ti mundesh me liru kategori nga pagesa por dikush duhet të paguajë. Ne kemi liru nga pagesa penzionerë, por si komunë kemi paguar për secilin penzionist që kemi liruar, sepse modeli e kërkon. Nuk mundesh me liru nga pagesa në fushatë e mas tre ditëve me met pa pare“, ka shkruar Ahmeti.

Kujtojmë se Komuna e Prishtinës dhe Qeveria në detyrë përkatësisht Ministria e Financave i kanë vënë fajin njëra-tjetrës për alokimin e buxhetit të kryeqytetit./KP

Lajmet

Rahovec: Vajza e mitur largohet nga shtëpia, raportohet e zhdukur në polici

Published

3 hours ago

November 25, 2025

UBTnews

Një qytetar nga Rahoveci ka raportuar në polici se vajza e tij e mitur është larguar nga shtëpia dhe aktualisht nuk dihet vendndodhja e saj.

Rasti është paraqitur më 20 nëntor 2025, rreth orës 13:30, në stacionin policor në rrugën “Xhelal Hajda”. Sipas ankuesit, vajza është larguar nga shtëpia dhe deri tani nuk ka informacione se ku mund të ndodhet.

“Ankuesi mashkull kosovar, ka raportuar se vajza e tij e mitur është larguar nga shtëpia dhe nuk dihet asgjë për vendndodhjen e saj“, thuhet në raportin e Policisë së Kosovës.

Lajmet

Leposaviq: Arrestohet një person pasi sulmoi babanë e tij nën ndikim të alkoolit

Published

3 hours ago

November 25, 2025

UBTnews

Një rasti i dhunës në familje ka ndodhur mbrëmjen e 23 nëntorit në Leposaviq, ku një mashkull kosovar është arrestuar nga Policia e Kosovës pasi dyshohet se ka sulmuar fizikisht babanë e tij.

Sipas njoftimit zyrtar, sulmi ka ndodhur rreth orës 23:00, në momentin kur i dyshuari ishte nën ndikim të alkoolit. Pavarësisht incidentit, viktima – babai i tij – ka refuzuar që të marrë trajtim mjekësor.

Me vendim të prokurorit, i dyshuari është dërguar në mbajtje në stacionin policor deri në këndellje.

“Është arrestuar i dyshuari mashkull kosovar, pasi që nën ndikim të alkoolit kishte sulmuar fizikisht babanë e tij viktimën. Viktima ka refuzuar tretmanin mjekësor. Me vendim të prokurorit, i dyshuari do të ndalet në stacionin policor deri në këndellje dhe pastaj të intervistohet“, thuhet në raportin e Policisë së Kosovës./KP

Lajmet

Dhjetë raste të dhunës në familje raportohen brenda një dite, viktimë gratë

Published

3 hours ago

November 25, 2025

UBTnews

Gratë vazhdojnë të përjetojnë dhunën nga bashkëshortët e tyre. Një rast i rëndë u raportua të hënën ku në fshatin Gadime të Lipjanit një grua u sulmua me sëpatë nga ish-bashkëshorti, për çka policia ka njoftuar si rasti “vrasje në tentativë”.

Mirëpo në raportin 24 orësh, policia ka njoftuar edhe për dhjetë (10) raste të dhunës në familje e ku në shumë prej nëntë prej tyre viktimë janë gratë, në një rast tjetër që raportohet në Leposaviq viktimë ishte babai.

Në tri prej rasteve, të dyshuarit janë liruar në procedurë të rregullt

Rastet e dhunës në familje të raportuara vetëm brenda një dite

· Prishtinë 24.11.2025-02:00. Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

· Prishtinë 24.11.2025-05:00. Raportohet se viktima femër kosovare, ka pësuar dhunë nga bashkëshorti i saj. Me vendim të prokurorit, pas intervistimit palët janë liruar dhe rasti shkon në procedurë të rregullt.

· Fushë Kosovë 24.11.2025-16:00. Është arrestuar i dyshuari mashkull kosovar, pasi që i njëjti ka ushtruar dhunë fizike ndaj bashkëshortes se tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit lirohet në procedurë të rregullt.

· Prishtinë 23.09.2025-NN. Me 24.11.2025 ankuesi mashkull kosovar, ka raportuar se ka dhunë psikike të vazhdueshme nga ish bashkëshortja e tij edhe pse ka urdhër mbrojtës. E dyshuara është arrestuar dhe pas intervistimit me vendim të prokurorit është liruar në procedurë të rregullt.

· Podujevë 24.11.2025-20:00 . Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

DHUNË NË FAMILJE

· Gjilan 24.11.2025-09:15. Është arrestuar i dyshuari mashkull kosovar, pasi që kishte ushtruar dhunë fizike ndaj bashkëshortes së tij. Nuk raportohet për të lënduar, ndërsa me vendim të prokurorit, i dyshuari është dërguar në mbajtje.

· Gjilan 24.11.2025-14:30. Është arrestuar i dyshuari mashkull kosovar, pasi që kishte ushtruar dhunë ndaj bashkëshortes së tij. Viktima ka pranuar tretman mjekësor, ndërsa me vendim të prokurorit, i dyshuari është dërguar në mbajtje.

DHUNË NË FAMILJE

· Pejë 24.11.2025 – 07:30. Ankuesja femër kosovare, ka informuar se djali i saj i dyshuari mashkull kosovar, ka ushtruar dhunë psikike ndaj saj. Pas intervistimit me vendim të prokurorit palët janë liruar dhe rasti shkon në procedurë të rregullt.

· Pejë 24.11.2025-22:00. Është arrestuar i dyshuari mashkull kosovar, pasi që i njëjti nën ndikim të alkoolit ka kanosur bashkëshorten e tij, duke shkelur edhe urdhrin mbrojtës. Me vendim të prokurorit, i dyshuari është dërguar në mbajtje.

DHUNË NË FAMILJE

Leposaviq 23.11.2025-23:00. Është arrestuar i dyshuari mashkull kosovar, pasi që nën ndikim të alkoolit kishte sulmuar fizikisht babanë e tij viktimën. Viktima ka refuzuar tretmanin mjekësor. Me vendim të prokurorit, i dyshuari do të ndalet në stacionin policor deri në këndellje dhe pastaj të intervistohet.