Lajmet

Qytetarët kërkojnë ndryshim rrënjësor pas zgjedhjeve

Published

on

Punësim, zhvillim ekonomik e mirëqenie më të mirë po kërkojnë qytetarët pas zgjedhjeve që do të mbahen. Kosova sipas tyre ka nevojë për ndryshim rrënjësor, e jo premtime për liberalizim të vizave. Ata tregojnë edhe nëse do të dalin të votojnë në zgjedhjet që janë në horizont.

Nazmi Haziraj nga Prishtina thotë se shteti ka nevojë të rregullohet, prandaj apelon qytetarët që të votojnë për njeriun, siç e quan ai, më të mirë.

“Me ndryshua, me rregullua shtetin si duhet, me punua qysh duhet e jo me këso dallaveresh, e jo me kësi pis’hane që po bëjnë. Kërkoj dhe apeloj të gjithë popullin që ta zgjedhin njeriun më të mirë”, thotë ai.

E dikush tjetër po mendon se nevojitet ndryshim rrënjësor, duke filluar prej shoqërisë kosovare.

“Patjetër që do të dalim në zgjedhje, është obligim qytetar që të dalim në zgjedhje. Pritjet tona janë një ndryshim pozitiv, është shumë e qartë. I nevojitet Kosovës një ndryshim shumë i madh. Duhet të ndërrojë krejt shoqëria kosovare”, thotë ai.

Faton Dvorani jeton në Zvicër, por thotë se do të bëjë përpjekje që të votojë nga aty ku jeton.

“Unë mendoj se me ndryshua duhet shumë, shpresoj se do të vjen dikush që të merret pak me jetën e qytetarit. Jo për shembull me këqyr me u pasurua vet, por me i këqyr pak brengat e qytetarëve, se çfarë i mungon. Duke filluar prej seneve elementare, punësim, zhvillim, jo liberalizim, andej e këndej e në fund asgjë”, thekson ai.

Valon Selimi pret shumë nga zgjedhjet e reja, meqë sipas tij tash e 22 vjet nuk ka ndryshuar asgjë.

“Me dal duhet, presim shpresoj më mirë diçka. Se tybe që 22 vjet po bëhet send në dritë nuk kena qitë. Ndoshta inshAllah me qito zgjedhjet e ardhshme presim diçka më mirë. Kisha dashur me punësua më shumë njerëz, ju kisha bërë thirrje mos me dalë jashtë rinia. Mos me lënë vendin e vet, me ndejt këtu me qel vende të punës. Edhe besoj që bëhet më mirë”, thotë ai.

Agim Fushtica nga Prishtina bën thirrje që të gjithë të dalin të votojnë në zgjedhjet kurdo që do të mbahen.

“Kam dëshirë me ndryshua shumë, por krejt po varet prej situatës politike. Unë do të dalë, edhe duhet me dalë për një ndryshim të mirë pozitiv. Po kush mundet të bëjë atë ndryshim pozitiv, inshAllah mbledhin mend se nuk janë kurrkund hiç. Së pari e kanë interesin e tyre personal, pastaj popullit. A me dal në zgjedhje, duhet me dalë. Krejt duhet me dalë”, thekson ai.

Në muajin e fundit të këtij viti, Gjykata Kushtetuese vendosi që Qeveria Hoti është zgjedhur në mënyrë jo-kushtetuese, për shkak të votës së ish-deputetit Etem Arifi, i cili ka probleme me drejtësinë. Kështu, Kushtetuesja rekomandoi shpalljen e zgjedhjeve të reja. 

Lajmet

Albulena Haxhiu shkon në Institut të Mjekësisë, thotë se po renovohet për herë të parë që nga 2005

Published

on

By

Ministrja në detyrë e Drejtësisë, Albulena Haxhiu, ka shpërndarë fotografi nga objekti i Institutit të Mjekësisë Ligjore, i cili është në renovim.

Ajo ka thënë se renovimi është në vlerë prej rreth 1 milion euro.

Sot nga afër përcjellëm punimet e renovimit të objektit të Institutit të Mjekësisë Ligjore. Për herë të parë që nga viti 2005 po bëhen renovimet në objektin e Institutit të Mjekësisë Ligjore, në vlerë prej rreth 1 milion euro.  Shpreh mirënjohjen time për secilin që ka kontribuar në jetësimin e këtij projekti madhor dhe aq të rëndësishëm. Renovimi po realizohet në përputhje të plotë me standardet më të larta profesionale dhe teknike, me qëllim të krijimit të kushteve moderne për punë, si dhe ofrimin e shërbimeve më cilësore në fushën e mjekësisë ligjore.”

Continue Reading

Lajmet

Prokuroria kërkon paraburgim për të dyshuarit për vrasjen e policit Lika

Published

on

By

Prokuroria e Ferizajt i ka kërkuar të martën gjykatës të urdhërojë një muaj paraburgim për gjashtë të dyshuarit e arrestuar një ditë më parë në lidhje me vrasjen e rreshterit të Policisë së Kosovës, Muhamed Lika.

Të dyshuarit, të cilët u identifikuan nga prokuroria vetëm me inicialet H.B., R.M., V.Ç., E.L., Sh.K., dhe D.G., vijnë nga Kaçaniku në jug të Kosovës.

Muhamed Lika u vra natën e 1 prillit në shkallët e ndërtesës ku jeton në Kaçanik, derisa po kthehej në banesën e tij nga puna.

Ai u vra pasi u qëllua mbrapa shpinës nga një i mitur, i cili veproi në bashkëkryerje me pesë të dyshuarit e tjerë, rreth mesnatës së 1 prillit pak pasi kishte hyrë në ndërtesën ku jeton, tha prokuroria.

Që të gjashtë të dyshuarit u arrestuan të hënën gjatë një operacioni të gjerë policor në Kaçanik dhe u dërguan në mbajtje për 48 orë.

Drejtori i Policisë së Kosovës, Gazmend Hoxha dhe kryeprokurori i Prokurorisë Themelore në Ferizaj, Burim Çerkini, thanë gjatë një konference për media në Ferizaj se dyshimet e para janë se motivet e vrasjes kanë të bëjnë me punën e rreshterit si zyrtar policor.

Dyshimet e tona të deritanishme janë se vrasja e rreshterit tonë ka ndodhur për shkak të detyrës së tij zyrtare. Megjithatë, motivet do të qartësohen edhe pas intervistimit të personave të dyshimtë dhe pas ekzaminimit të dëshmive të gjetura. Kjo mbetet të vërtetohet”, tha Hoxha.

Hoxha dhe Çerkini thanë se disa prej tyre kanë të kaluar kriminale dhe se Lika kishte punuar në zgjidhjen e disa rasteve ku ata dyshoheshin për vepra penale.

“Disa nga të arrestuarit kanë pasur të kaluar kriminale dhe kanë qenë të arrestuar në të kaluarën për raste në lidhje me prirje ekstremiste”, tha Hoxha.

Policia kreu bastisje në nëntë lokacione në Kaçanik dhe në një fshat të Klinës të hënën, duke sekuestruar dy vetura, telefona mobilë, disa laptop, një armë zyrtare, maska, tyta armesh dhe fishekë./REL/

Continue Reading

Lajmet

Gatishmëria për emergjenca, AME hap javën e aktiviteteve

Published

on

By

Agjencia e Menaxhimit Emergjent ka hapur javën e aktiviteteve, ku janë ekspozuar pajisjet e zjarrfikësve, ekipit të barrierave dhe ekipit për shuarjen e zjarreve malore nga toka.

Drejtori i AME-së, Genc Metaj tha se misioni i tyre është udhëheqja dhe koordinimi i përpjekjeve shtetërore në parandalim, gatishmëri, reagim dhe rimëkëmbje në rastet e emergjencave.

Qëllimi ynë është që të ndikojmë në vetëdijesim dhe ndërgjegjësim, që të jemi afër qytetarëve, të promovojmë rolin dhe rëndësinë e agjencisë, të njësive profesioanle të zjarrfikjes dhe shpëtimit, strukturave të mbrojtjes, shpëtimit dhe ndihmës, si dhe masat që duhet të ndërmerren në rast të fatkeqësive, e veçanërisht të fokusohemi në parandalimin e tyre”, deklaroi ai.

Continue Reading

Lajmet

KDI: Kosova ka bërë përparim të moderuar në zbatimin e obligimeve të Procesit të Berlinit

Published

on

By

Kosova ka bërë përparim të moderuar në zbatimin e Planit të Veprimit për Tregun e Përbashkët Rajonal të Procesit të Berlinit.

Kështu thuhet në raportin e Institutit Demokratik të Kosovës (KDI), i cili u publikua të martën.

Hulumtuesja në KDI, Violeta Haxholli, tha se fokusi i raportit është në fushën e digjitalizimit dhe agjendës së gjelbër.

Sipas saj, në kuadër të agjendës së reformave evropiane, Kosova ka bërë përparim në zhvillimin e rrjetit 5G si pjesë e agjendës digjitale 2030, mirëpo shtoi se duhet angazhim më i madh në kuadër të agjendës së gjelbër.

Si mangësi ajo përmendi mungesën e aftësive digjitale, sidomos në sektorin e arsimit.

Në anën tjetër, ajo tha se Kosova ka vendosur objektivat për energjinë dhe klimën deri në vitin 2030, ku përfshinë rritjen e pjesës së energjisë së ripërtërishme deri  32 për qind dhe reduktimin e gazrave serë deri në 16.3 për qind.

Te pjesa e digjitalizimit mund të them se ka pasur progres në përmirësimin e infrastrukturës dhe konektivitetit. Kosova ka arritur një shtrirje të internetit 100 për qind që e tejkalon edhe mesataren e BE-së. Ky është zhvillimi më pozitiv nga pjesa e digjitalizimit, ndërkaq pjesa e siç kemi marrë obligime dhe që kërkohet nga BE-ja që Kosova  të bëjë përpjekje për të zbatuar edhe teknologjinë 5G që është duke zhvilluar por duhet edhe tutje. Hap tjetër pozitiv është miratimi i Strategjisë së Agjendës Digjitale i cili ngërthen shumë aspekte të zhvillimit digjital dhe objektivave që Kosova ia ka vendosur vetës për të arritur tutje në avancim drejt zhvillimit digjital të vendit… Kosova ka vendosur objektivat për energjinë dhe klimën deri në vitin 2030, ku përfshinë rritjen e pjesës së energjisë së ripërtërishme deri  32 për qind dhe reduktimin e gazrave serë deri në 16.3 për qind. Ka miratuar edhe ligje që duhet të vijnë në Kuvend dhe të miratohen sa më parë, po ashtu janë edhe marrëveshje që duhet të ratifikohen në Kuvend”, tha ajo.

Continue Reading

Të kërkuara