Ekonomi

Qytetarët ankohen për rritje të çmimeve – Gërxhaliu e konsideron goditje për ekonominë

Published

4 years ago

on

Ngritjen e çmimeve të produkteve bazë në tre mujorin e fundit po e sheh si pasojë të pandemisë ish-kryetari i Odës Ekonomike Kosovare (OEK), Safet Gërxhaliu.

Gërxhaliu ka thënë në një intervistë për Ekonomia Online se rritja e çmimeve bazë për 1.2 për qind në muajt e fundit, do ta godet edhe më shumë ekonominë familjare të qytetarëve kosovarë.

 “Në aspektin ekonomik po e shihni që vërtetë është një krizë që ka goditur tërë botën dhe kjo po reflektohet në Kosovë dhe çka e vështirëson edhe më tepër ekonominë kosovare në veçanti ekonominë familjare është inflacioni i importuar, vetë fakti që kemi rritje të importeve, kemi mbyllje të ekonomive vendore dhe nuk kemi mbështetje direkte për qytetarët e Kosovës, apo nuk kanë pasur mundësi qytetarët të shijojnë dorën e shtetit ndikon në rritje të këtij fenomeni që do ta godet edhe më tepër qytetarin e Kosovës”, është shprehur ai.

Sipas Gërxhaliut qytetarët janë të frustruar nga ky ndryshim çmimesh të produkteve ushqimore, sepse atë që mund ta blinin më 100 euro tani nuk mund ta blejnë as më 130 euro.

“Është e vërtetë që Kosova pas pandemisë Covid do të ballafaqohet me pandemi sociale dhe ekonomike dhe në këtë drejtim shteti duhet të gjejë mekanizma si ta ndalojë rritjen e infloacionit nga importi, si të jetë më afër qytetarëve dhe si ta ketë prioritet politikën sociale. Në këtë drejtim besoj që qytetarët e Kosovë janë të frustruar nga fakti se ata që kanë mundur ta blejnë vitin e kaluar me 100 euro nuk mund ta blejnë këtë vit me 130 euro dhe ky është një fenomen që është duke futur frikë dhe në veçanti kur shihet që agjenda politike është dominante në Kosovë dhe për aspektin ekonomik dhe social ka shumë pak hapësirë” ka shtuar ai.

Gërxhaliu konsideron se Kosova ka fuqi blerëse të dobët, por që ata po e kalojnë këtë krizë falë remitencave të bashkatdhetarëve.

“Prandaj duhet të analizohen modalitete se si të mbështetet qytetari dhe si të ndalohet hovi i rritjes së floacionit, sepse sa më shumë rritet floacioni kemi fuqi më të dobët blerëse në Kosovë dhe e gjithë kjo gjeneron efekte negative që do të reflektohen. Për momentin falë remitancave dhe kursimeve të qytetarëve mund të tejkalohet por në periudhë kohore afatmesme dhe afatgjatë do të jetë mjaftë sfiduese” ka përfunduar ai për EO.

Hajdin Zeqiri, pensionist, është ankuar se me këtë rritje edhe të ushqyerit do të bëhet i vështirë.

“Për çmimet që janë rrit ato nuk po pranojmë asnjë por nuk po kemi zgjidhje. Me një pension çka mundet të bëjë njeriu”.

“As bukë nuk mund të hash siç duhet. Nuk po na pyesin neve po bëjnë si po duan. Është e vështirë shumë, s’ka punësim, pensionet e vogla çka me bë me to”.

Ndërsa Blerim Gashi ka thënë se ekonomia e vendit është shkatërruar, por qw për shkak të krizës me pandeminë e sheh të paarsyeshëm rritjen e çmimeve.

“Për shkak të krizës nuk është e arsyeshme por edhe ata i kanë interesat e veta. Ekonomia e Kosovës është e shkatërruar, por duhet me mbijetuar s’kemi çfarë të bëjmë” është shprehur ai.

Bajram Shala, nga Prishtina ka thënë se beson se do të punohet në zbutje të kësaj krize dhe rritjes së çmimeve, raporton EO.

“Është një ngarkesë pak e buxhetit familjar, por çmimet janë të arsyeshme ndoshta e duhet të shtrenjtohet. Unë besoj që e kemi një kryeministër shumë vigjilent e largpamës edhe në mundësitë e tij do ta zbutë këtë krizë e këtë shtrenjtimi, këtë infloacion”, ka thënë ai për EO.

40% e të ardhurave në ekonomitë familjare kosovare, shkojnë për konsum ditor.

Kështu tregojnë të dhënat e Agjencisë së Statistikave të Kosovës, bazuar në raportin për rritjen e çmimeve për tre mujorin parë të këtij viti.

Related Topics:
Continue Reading

Aktualitet

Masteri që hap dyert e liderëve të menaxhmentit, biznesit dhe ekonomisë – Studio në UBT

Published

6 days ago

on

September 1, 2025

By

Për të gjithë ata që kërkojnë një program të avancuar studimi, që kombinon menaxhimin, biznesin dhe ekonominë, UBT ofron programin Master në Menaxhment, Biznes dhe Ekonomi (MBE) – një prej programeve më gjithëpërfshirëse dhe inovative në Kosovë dhe rajon.

Ky program është krijuar për të përgatitur gjenerata të reja profesionistësh të aftë të drejtojnë organizata, të ndërmarrin iniciativa të reja biznesi dhe të kontribuojnë në zhvillimin ekonomik vendor dhe ndërkombëtar.

Një program gjithëpërfshirës dhe praktik

MBE ofron njohuri të thelluara në fusha si:

  • ekonomia dhe financat,
  • menaxhimi strategjik dhe operativ,
  • marketingu dhe shitjet,
  • prokurimi publik dhe logjistika,
  • ndërmarrësia dhe inovacioni,
  • promovimi i investimeve dhe zhvillimi ekonomik.

Duke u bazuar në kombinimin e teorisë me praktikën, programi u mundëson studentëve të zhvillojnë aftësi analitike, kritike dhe krijuese për të zgjidhur probleme reale të tregut dhe të organizatave.

Misioni dhe vizioni i programit

Misioni i MBE-së është në harmoni të plotë me vizionin e UBT-së: të ofrojë një edukim cilësor, bashkëkohor dhe gjithëpërfshirës, që vë studentin në qendër. Ky program synon të formojë udhëheqës të rinj, të përgatitur për të marrë përgjegjësi në biznes, industri, sektorin publik dhe akademi.

Studentët do të mësojnë në një ambient modern me laboratorë të pajisur me teknologjinë më të fundit, duke kombinuar ligjëratat teorike me punën praktike, kërkimin shkencor dhe projektet reale të biznesit.

Orientimet e programit

Në semestrin e tretë, studentët kanë mundësinë të zgjedhin orientimin e tyre profesional:

  • Financa, Banka dhe Kontabilitet – fokus në raportim financiar, analiza, auditim dhe tregje ndërkombëtare.
  • Marketing dhe Shitje – nga marketingu digjital deri te strategjitë e avancuara të shitjes dhe sjellja e konsumatorit.
  • Menaxhment, Ndërmarrësi dhe Inovacion – krijimi i bizneseve të reja, menaxhimi i inovacionit dhe zhvillimi ndërkombëtar.
  • Logjistika dhe Menaxhimi i Prokurimit – zinxhiri i furnizimit, prokurimi elektronik dhe praktikat moderne të logjistikës.

Këto orientime e bëjnë programin fleksibil dhe të përshtatur për tregun e punës, duke u dhënë studentëve mundësinë të specializohen sipas interesave dhe objektivave të tyre të karrierës.

Përputhje me standardet ndërkombëtare

Programi është hartuar duke respektuar Kornizën Kombëtare dhe Evropiane të Kualifikimeve, gjë që siguron se diplomat e studentëve njihen dhe vlerësohen edhe në nivel ndërkombëtar.

Pas diplomimit, studentët e MBE-së do të jenë të përgatitur jo vetëm për tregun vendor të punës, por edhe për të vazhduar studimet në nivel doktorature ose për të ndjekur karrierë akademike dhe kërkimore.

Objektivat kryesore të programit

Formimi i kompetencave të avancuara në fushën e menaxhimit, biznesit dhe ekonomisë.

Aftësi analitike për mbledhjen dhe interpretimin e të dhënave.

Qasje kritike dhe profesionale për zgjidhjen e problemeve komplekse.

Përdorimi i teknologjisë moderne në menaxhimin organizativ.

Aftësia për të zhvilluar strategji të suksesshme biznesi dhe lidership inovativ.

APLIKO TANI ONLINE!

Continue Reading

Ekonomi

Komercialja pezullon daljen në tregun e lirë të energjisë për pesë kompani, OEK ka apel për ZRrE-në

Published

2 months ago

on

July 15, 2025

By

Gjykata Komerciale ka pezulluar vendimin e ZRrE-së për daljen në tregun e lirë të energjisë për pesë kompani, pas padive individuale të tyre.

Si rezultat, Oda Ekonomike e Kosovës kërkon nga ZRrE të tërheqë këtë vendim, për të mbrojtur konkurrencën, bizneset dhe ekonominë e vendit.

”Oda Ekonomike e Kosovës njofton për aktvendimin e radhës të Gjykatës Komerciale, e cila ka pezulluar vendimin e ZRrE-së për daljen në tregun e lirë të energjisë për pesë kompani të tjera që kanë ushtruar padi individuale ndaj këtij vendimi të ZRrE-së. Siç kemi theksuar edhe më herët, legjislacioni aktual nuk parasheh padi në formë grupore ose kolektive, prandaj vetëm paditë individuale po trajtohen dhe po pranohen nga gjykata. Këto pesë kompani kanë fituar të drejtën e tyre ligjore përmes këtij mekanizmi” ,thuhet në njoftim.

Oda Ekonomike e Kosovës i bën thirrje ZRrE-së që të anulojë vendimin për daljen e dhunshme në tregun e lirë të energjisë, në mënyrë që të mos dëmtohet konkurrenca, bizneset, qytetarët dhe ekonomia e vendit”, thuhet në reagimin e OEK-së./Ekonomia Online

Continue Reading

Ekonomi

882 milionë euro të bllokuara për shkak të moskonstituimit të Kuvendit thotë IKD

Published

2 months ago

on

July 15, 2025

By

Ismet Kryeziu nga Instituti i Kosovës për Demokraci (IKD) ka ngritur shqetësimin se vendi tash e tre muaj ndodhet pa Kuvend funksional, dhe sipas tij, për shkak të kësaj bllokade institucionale, Kosova nuk po arrin të përfitojë nga fondet e Planit të Rritjes së Bashkimit Evropian.

“882 milionë euro të bllokuara për shkak të një Kuvendi që nuk po bëhet. Dëm i interesave të ngushta partiake”, ka shkruar Kryeziu në një postim në Facebook.

Plani i Rritjes së BE-së për Ballkanin Perëndimor parasheh disbursimin e këtyre fondeve, por ato mund të kalojnë vetëm pasi të ratifikohen marrëveshjet përkatëse në Kuvendin e Kosovës, ndërkaq pa funksionalizimin e tij, procesi mbetet i bllokuar./ Ekonomia Online

Continue Reading

Ekonomi

Alarm nga Ruzhdi Kurtishaj: Shqipëria po e vret vetë turizmin me çmime të çmendura

Published

2 months ago

on

July 15, 2025

By

Pronari i Sharr Travel, Ruzhdi Kurtishaj, kompanisë më të madhe turistike në Kosovë, ka ngritur një alarm serioz për atë që po ndodh me turizmin në Shqipëri. Ai paralajmëron se nëse vazhdohet me këtë trend të rritjes ekstreme të çmimeve, Shqipëria rrezikon të humbë përfundimisht shqiptaret e Kosovës, ata që sipas tij deri më tani kanë qenë shtylla kryesore e sezonit veror.

Sipas Kurtishajt, çmimet në hotele dhe resorte shqiptare kanë dalë jashtë çdo logjike, duke shkuar në nivele që nuk arsyetohen as me cilësinë e shërbimit dhe as me kushtet që ofrohen.

“Të paguash 300 euro nata për një dhomë pa shërbim të denjë dhe me produkte të lira në paketën all inclusive, është tallje me shqiptaret e Kosovës”, thotë ai.

Kurtishaj e quan këtë një autogol ekonomik nga ana e Shqipërisë, që po e shndërron një destinacion të dashur për kosovarët në një terren të papërballueshëm dhe të zhgënjyeshëm. Ai paralajmëron se nëse nuk ndërhyhet urgjentisht, Kosova do ta kthejë sytë drejt Greqisë, Turqisë apo Bullgarisë, ku çmimi dhe cilësia ecin paralelisht.

“Shqipëria po e vret vetë turizmin e vet. Me këtë ritëm, sezoni tjetër mund të jetë shumë më i varfër dhe më i zbrazët,” përfundon Kurtishaj, duke i bërë thirrje autoriteteve dhe pronarëve të hoteleve që të reflektojnë para se të jetë tepër vonë.

Më tutje Kurtishaj tregon se gjatë muajit qershor Shqipëria pat një fillim jashtëzakonisht të mirë, duke u bazuar në ofertat e qershorit të cilat ishin jashtëzakonisht të favorshme, të pranueshme, të arsyeshme, në aspektin ekonomik për qytetarët e Kosovës./Ekonomia Online

 

Continue Reading

Të kërkuara