Universi i UBT

QKRMT dhe UBT mbajtën konferencën mbi traumën ndërbrezore “Transgenerational trauma: Evidence-based research on transgenerational trauma, the psychological and social impact of the trauma”

Në këtë konferencë është paraqitur një hulumtim të bazuar në fakte për mbi traumën ndërbrezore, ndikimin psikologjik dhe social të traumës.

Published

3 years ago

on

Në bibliotekën inovative të Parkut Shkencor Inovativ të UBT-së, në Lipjan, me organizim të Qendrës Kosovare për Rehabilitimin e të Mbijetuarve të Torturës dhe Fakultetit të Psikologjisë në UBT, është mbajtur konferenca: “Transgenerational trauma: Evidence-based research on transgenerational trauma, the psychological and social impact of the trauma”.

Pjesëmarrës në këtë konferencë ishin rektori i UBT-së, prof.dr. Edmond Hajrizi, drejtoresha ekzekutive e Qendrës Kosovare për Rehabilitimin e të Mbijetuarve të Torturës, Feride Rushiti, psikanalistja, Wiola Rebecka, hulumtuesja në Institutin Danez kundër Torturës “DIGNITY”, Sharlen Wang, profesoresha e asocuar në psikologjinë sociale dhe të traumave, njëherit bashkë-udhëheqëse e grupit të kërkimit të traumave, izolimit social dhe shëndetit mendor në Nottingham Trent University, Blerina Kellezi, si dhe pjesëmarrës të tjerë.

Në këtë konferencë është paraqitur një hulumtim i bazuar në fakte për mbi traumën ndërbrezore, ndikimin psikologjik dhe social të traumës, ku profesorë të njohur dhe profesionistë të psikologjisë diskutuan dhe shkëmbyen mendimet e tyre rreth kësaj çështje dhe këtij hulumtimi.

Rektori i UBT-së, prof.dr. Edmond Hajrizi, ka uruar Qendrën Kosovare për Rehabilitimin e të Mbijetuarve të Torturës për 22-vjetorin e themelimit, për punën, si dhe për angazhimin përgjatë gjithë këtyre viteve në rehabilitimin e të mbijetuarve të torturës.

“Dua të uroj fillimisht Qendrën Kosovare për Rehabilitimin e të Mbijetuarve të Torturës për 22-vjetorin e themelimit dhe t’i përgëzojë për punën e mirë dhe të madhe që e kanë bërë përgjatë viteve, duke u marrë me trajtimin e njërës prej plagëve më të dhimbshme të luftës, që të ndihmojë të mbijetuarit e torturës, veçanërisht të mbijetuarit e dhunës seksuale gjatë luftës, përmes shërbimeve të ndryshme rehabilituese, mjekësore, psikosociale, si dhe sigurime të qasjes në drejtësi”, ka thënë fillimisht rektori Hajrizi.

Ai ka shtuar se kjo qendër është pikë referente për raste të tilla dhe që sipas tij ka krijuar një ndërlidhje të dijes që në të ardhmen mund të përdoret edhe për raste studimore.

“Emri i qendrës dhe i zonjës Feride ka qenë pika kryesore referente, dhe mendoj se kjo ka krijuar një ndërlidhje të dijes, njëlloj knowledge generation që mund ta përdorim edhe për studime, edhe për raste të së ardhmes që mund t’i njoftojmë dhe prezantojmë për rrethana tjera, qoftë për edukim, qoftë për hulumtim, qoftë për trajnim klinik, në mënyrë që të kemi sa më pak gjëra të tilla në të ardhmen”, ka thënë rektori i UBT-së, prof.dr. Edmond Hajrizi.

Drejtoresha dhe themeluesja e Qendrës për Rehabilitimin e të Mbijetuarve të Torturës, Feride Rushiti është ka thënë sot janë në një situatë të atillë me më shumë informacione, me raste që po vazhdojnë të trajtohen, duke u përkrahur vazhdimisht e më shumë nga të gjitha kategoritë e njerëzve.

“Është hera e parë që 22-vjetorin e Qendrës Kosovare për Rehabilitimin e të Mbijetuarve të Torturës po e shënojmë në bashkëpunim me një kolegj tani që është i njohur brenda dhe jashtë vendit, pra me UBT-në. Qendra ndër vite ka grumbulluar informacione, ka prodhuar njohuri profesionale, dhe këto njohuri profesionale, po ashtu do të jenë pjesë edhe e akademisë dhe pjesë e këtij institucioni dhe studentëve të cilët marrin dije pranë këtij institucioni të arsimit të lartë”, ka thënë Rushiti.

Rreth asaj se pse i bashkoi sot UBT-në dhe Qendrën Kosovare për Rehabilitimin e të Mbijetuarve të Torturës, ajo ka shtuar se trauma është vërtetuar se bartet ndërbreza, dhe për këtë duhet hulumtim më të gjerë dhe trajtim për këtë kategori.

“Studime të ndryshme psikologjike e kanë vërtetuar se trauma bartet ndër breza, mirëpo studime shkencore epigjenetike janë të rralla, pasi që edhe ato shumë vonë janë realizuar, që pothuajse janë në pesëvjeçarin e fundit, dhe fatkeqësisht nuk kemi arritur të gjejmë ndonjë studim ku si grup të interesit i ka vetëm viktimat e dhunës seksuale të konfliktit apo të luftës”, ka potencuar, drejtoresha e Qendrës Kosovare për Rehabilitimin e të Mbijetuarve të Torturës, Feride Rushiti.

Në fund të konferencës, u mbajt edhe një panel, ku pjesëmarrësit: Wiola Rebecka, Sebahate Pacolli-Krasniqi dhe Selvi Izeti-Krasniqi kanë diskutuar me të pranishmit e tjerë për njohuritë praktike dhe të bazuara në dëshmi të ekspertëve brenda fushës së traumave, traumave të gjeneratave, psikologjisë sociale, si dhe shërimit të traumave.

Psikanalistja, Wiola Rebecka, ndër të tjera, për të pranishmit dhe pjesëmarrësit e tjerë, shtjelloi detaje të librit të saj të titulluar: “Rape: A History of Shame, Diary of Survivors”, që ndërlidhej me aspektin psikosocial të të mbijetuarve të torturës, teksa më gjerësisht ka diskutuar rreth pasojave të traumave në kontekstin më të gjerë socio-ekonomik, si dhe për mënyrën e shërimit të tyre, në mënyrë që kjo gjë të mos kaloj ndër-breza.

Related Topics:
Continue Reading

Lajmet nga UBT

Zëvendës Ambasadori i Britanisë në Kosovë, Dr. Paul O’Connor, flet për mundësitë e punës përmes gjuhës angleze me studentët e UBT-së

Published

21 hours ago

on

January 14, 2025

By

Në ambientet e UBT-së, u mbajt një ligjëratë tematike nga Zëvendës Ambasadori i Lartë i Ambasadës Britanike në Kosovë, Dr. Paul O’Connor, mbi temën: “Rëndësia e Studimeve të Gjuhës Angleze për të Punuar nëpër Ambasada”. Ky aktivitet kishte për qëllim promovimin e gjuhës angleze si një mjet esencial për ndërtimin e një karriere ndërkombëtare dhe për të frymëzuar studentët që të konsideronin mundësinë e një karriere diplomatike.

Dr. O’Connor theksoi se gjuha angleze është gjuha universale e diplomacisë, politikës ndërkombëtare dhe marrëdhënieve ndërkulturore. Ai theksoi gjithashtu se njohja e saj ofron mundësi punësimi, jo vetëm në ambasada, por edhe në organizata ndërkombëtare dhe institucione të tjera globale. Përmes përvojës së tij personale si i diplomuar në Letërsi Angleze, Dr. O’Connor ndau shembuj frymëzues për studentët, duke treguar se studimet në këtë fushë e kishin pajisur me aftësi kritike, analitike dhe të komunikimit, të cilat janë thelbësore për një zyrtar të lartë në diplomaci.

Ligjërata e tij theksoi disa kompetenca kyçe që duhet të zhvillojnë studentët për të ndjekur karrierën diplomatike. Aftësia për të komunikuar qartë dhe me ndikim, njohuria mbi kulturat dhe sistemet ndërkombëtare, si dhe mendimi kritik dhe aftësitë analitike, janë disa nga cilësitë më të rëndësishme për një profesionist në këtë fushë.

Dr. O’Connor inkurajoi studentët të angazhohen plotësisht në studimet e tyre dhe të shfrytëzojnë mundësitë për praktika dhe përvoja ndërkombëtare, që mund të jenë thelbësore për zhvillimin e karrierës së tyre. Ai gjithashtu u kujtoi studentëve se diplomacia kërkon angazhim të vazhdueshëm dhe përkushtim për të mësuar dhe përmirësuar aftësitë e tyre.

Pas ligjëratës, u zhvillua një sesion pyetje-përgjigje, ku studentët ngritën pyetje mbi rrugëtimin e Dr. O’Connor në profesionin e tij, mundësitë për punësim në ambasadat ndërkombëtare për studentët kosovarë dhe zhvillimin e aftësive për karrierën diplomatike. Dr. O’Connor ofroi përgjigje të detajuara dhe inkurajuese, duke ofruar një perspektivë praktike dhe motivuese për studentët që janë të interesuar për karrierën diplomatike.

Ky aktivitet u prit me shumë interes nga studentët dhe stafin akademik të UBT. Ligjërata ishte një mundësi e jashtëzakonshme për ta kuptuar rëndësinë e gjuhës angleze si një mjet strategjik në diplomaci dhe për të marrë frymëzim nga përvoja e një profesionisti të suksesshëm. Pas këtij aktiviteti, studentët u ndihmuan të kuptojnë më mirë mundësitë që ofron karriera diplomatike dhe rolin e gjuhës angleze në ndihmën e zhvillimit të tyre profesional./UBTNews

Continue Reading

Lajmet nga UBT

Në UBT u promovua libri i profesorit, gazetarit dhe publicistit Musa Sabedini, me titullin “Etika, mburojë e gazetarisë profesionale”

Published

22 hours ago

on

January 14, 2025

By

Në prani të rektorit të UBT-së, Prof. Dr. Edmond Hajrizi, profesorëve dhe studentëve të UBT-së, si dhe pjesëmarrësve të tjerë, është mbajtur promovimi i librit të profesorit të UBT-së, gazetarit dhe publicistit Musa Sabedini.  

Rektori i UBT-së, Prof. Dr. Edmond Hajrizi ka përgëzuar profesorin Musa Sabedini për punën e tij duke u shprehur se promovimi i këtij libri është një lajm shumë i mirë, duke shtuar se është për tu befasuar se deri tani ka munguar një libër i tillë në Kosovë.  

“Gazetaria ka ende shumë hapësirë për përmirësim, sidomos në aspektin e literaturës dhe mbulimit të tematikave të rëndësishme për arritjen e kompetencave të nevojshme. Publikimi i një libri mbi etikën gazetareske është një lajm pozitiv, pasi është hera e parë që kemi një vepër të tillë deri në vitin 2025. Është interesante që kemi pritur kaq gjatë për një libër mbi etikën në këtë fushë. Etika ka fituar një rëndësi të madhe në akademi gjatë 20 viteve të fundit dhe mbetet një komponent kyç. Mendoj se ky botim do t’u ofrojë lexuesve një mundësi për të reflektuar dhe do të kontribuojë në rritjen e vlerës së gazetarisë”, u shpreh Rektori Hajrizi.  

Recensenti i librit, profesori Safet Zejnullahu, ka thënë se ky është një libër voluminoz, duke shtuar se promovimi i këtij libri vjen në një kohë kur gazetaria është e rrezikuar nga gazetaria jo profesionale.  

“Është një punë voluminoze, që do të kërkonte një ekip të tërë për të mbledhur gjithë atë material, autorë të huaj dhe shembuj, pa një periudhë dy-tre vjeçare hulumtimi të vazhdueshëm. Profesori ka bërë pikërisht këtë. Siç thotë dhe kolegu Musa, ‘etika është mburoja e gazetarisë profesionale’, ndërsa unë do ta quaja ‘saç mbi kokë’; po nuk punove mirë, të djeg. Besoj se ky ‘saç’ ka qëndruar mbi kokën e profesorit edhe gjatë shkrimit të librit, duke përzgjedhur me kujdes shembujt, autorët dhe literaturën. Rezultati është një libër voluminoz, një sfidë për studentët tanë të rinj që kanë humbur kulturën e leximit. Në kohën e internetit, gazetaria është më e rrezikuar se kurrë, dhe etika është ndoshta më e rrezikuara brenda saj. Libri i profesorit dhe ligjëratat tona nuk mund të shpëtojnë gazetarinë, por mund të na mësojnë si të mbrohemi nga shkeljet, sidomos ato etike”, tha Zejnullahu. 

Ndërsa, profesori dhe publicisti, Musa Sabedini, është shprehur se i janë dashur 15 vite punë, deri në promovimin e këtij libri, duke shtuar më tutje se ky libër do jetë një udhërrëfyes për të gjithë ata që kanë dëshirë të bëjnë një gazetari profesionale.  

“Ky libër nuk është rezultat i punës së sotme apo të një, dy, apo tre viteve; libri përfaqëson një rrugëtim timin 15-vjeçar. Etikën e kam dashur gjithmonë, dhe në gazetari, etika është disiplina e verifikimit. Nëse një media, gazetar, apo studiues nuk respekton etikën e verifikimit, ai gjithmonë do të ketë probleme me etikën. Gazetaria jonë shpesh është e stërkeqe, jo e saktë, jo precize, me mangësi. Jam shumë i lumtur nëse ky libër shihet seriozisht nga studentët, lexohet me vëmendje dhe kompetencë. Ai përmban rreth 700 referenca, citime dhe linqe. Ky libër do të jetë një udhërrëfyes për këdo që dëshiron të shkruajë me etikë dhe disiplinë, dhe të largohet nga gazetaria e keqe, gazetaria e showbizit”, u shpreh autori Sabedini.  

Në përmbyllje, autori shpreh se ky libër nuk do jetë i fundit, por që vepra e tij e ardhshme do të fokusohet në gazetarinë hulumtuese, fushë ku profesori i UBT-së, Musa Sabedini, është veçanërisht i njohur./UBTNews/ 

Continue Reading

Lajmet nga UBT

Mundësi e artë për nxënësit e klasave të 9-ta: Testi Provues në UBT International Smart Schools!

Published

1 day ago

on

January 14, 2025

By

Zhvillimet teknologjike dhe nevoja për edukim të cilësisë së lartë po rritet, UBT International Smart Schools ka njoftuar organizimin e një Testi Provues të Arritshmërisë për nxënësit e klasave të 9-ta. Ky test, që do të zhvillohet më 22 shkurt 2025, është një mundësi e shkëlqyer për ata që duan të bëhen pjesë e gjeneratës Smart, duke siguruar një bursë shkollimi që mund të shkojë nga 25% deri në 100%.

Kërkesat për edukim ndërkombëtar janë gjithnjë e më të larta dhe ky test ofron mundësinë për nxënësit të testojnë aftësitë e tyre dhe të hapin rrugën drejt një të ardhmeje më të lehtë  dhe më  të ndritshme. Sipas organizatorëve, kjo është një mundësi që nuk duhet lënë pas dore, pasi fituesit e bursave do të kenë mundësinë të ndjekin një arsim të nivelit ndërkombëtar në një nga shkollat më të njohura të rajonit, duke u përgatitur për të qenë liderët e së nesërmes.

Një nga avantazhet kryesore të këtij testi është se ai do të zhvillohet online dhe falas, duke e bërë pjesëmarrjen të mundshme për nxënësit nga çdo cep i Kosovës dhe rajonit. Ky format i ofron mundësi të barabarta të gjithë nxënësve që dëshirojnë të provojnë aftësitë e tyre, pa pasur nevojë të udhëtojnë ose të ndërmarrin hapa të tjerë të vështirë për t’u regjistruar.

Për të aplikuar, nxënësit mund të vizitojnë linkun Apliko tani, ndërkohë që për çdo informacion shtesë mund të kontaktojnë në numrin 044 332 233.

UBT International Smart Schools është një nga institucionet më cilësore të edukimit në Kosovë dhe rajon, e cila ofron një arsimim të nivelit ndërkombëtar dhe të integruar me teknologjinë. Me kurrikula ndërkombëtare dhe edukim 4.0, UBT është një shkollë që synon të përgatisë nxënësit për sfidat e së ardhmes, duke i pajisur ata me njohuri dhe aftësi që do t’i ndihmojnë të jenë liderë dhe inovatorë në fusha të ndryshme.

Ky është një hap i rëndësishëm për të gjithë nxënësit e klasave të 9-ta që duan të zhvillojnë karrierën e tyre dhe të jenë pjesë e një shkolle që ofron mundësi të pafundme për të ardhmen./UBTNews/

Continue Reading

Lajmet nga UBT

Studentët e UBT-së në ligjëratën e KFOR-it amerikan mbi punën ekipore dhe sigurinë ndërkombëtare

Published

1 day ago

on

January 14, 2025

By

Tradita e bashkëpunimit mes Përfaqësuesve të Ushtrisë Amerikane dhe Programit të Studimeve të Sigurisë në UBT vazhdon të forcohet dhe të ofrojë mundësi të shumta për studentët e këtij programi. Në kuadër të ligjëratave të organizuara nga Prof. Arian Kadriu, studentët e Studimeve të Sigurisë patën mundësinë të mirëprisnin një ligjëratë tematike të zhvilluar nga CPT. Eckstein dhe Sgt. Robinson, të cilët janë pjesë e KFOR-it amerikan.

Kjo ligjëratë ishte një mundësi e shkëlqyer për të thelluar njohuritë e studentëve në fusha të ndryshme të sigurisë ndërkombëtare dhe të përfshinte ekspertizën e Ushtrisë Amerikane në këto çështje.

Gjatë ligjëratës, CPT. Eckstein trajtoi aspektin juridik të sigurisë ndërkombëtare nga prizmi i Ushtrisë Amerikane, duke ndarë me studentët mendimet dhe përvojat e tij mbi rregullat dhe ligjet që rregullojnë operacionet ushtarake ndërkombëtare. Ndërsa, Sgt. Robinson u përqëndrua në aspektet e vlerave që Ushtria Amerikane mbron dhe promovon, duke u ndalur në rëndësinë e integritetit, altruizmit dhe punës ekipore.

Ai theksoi se këto vlera janë të domosdoshme për suksesin gjatë ekspeditave ushtarake dhe se janë gjithashtu thelbësore për formimin e ekipeve efektive dhe arritjen e objektivave të përbashkëta. Ligjërata u shërbeu si një shembull i shkëlqyer për studentët, duke u mundësuar atyre të kuptojnë se sa të rëndësishme janë këto aspekte për punën në ekip, si në fushën ushtarake ashtu edhe në atë akademike dhe profesionale. Ligjërata ishte një mundësi për studentët që të mësojnë nga praktika dhe përvoja të drejtpërdrejta, duke i përgatitur ata për sfidat e mundshme që mund të hasin në karrierën e tyre të ardhshme./UBTNews/

Continue Reading

Të kërkuara