Teknologji

Qindra modele Dell nën rrezik nga hakerët

Publikuar

Nëse keni një kompjuter Dell, edhe nëse i ka mbaruar suporti, ekziston mundësia që të jetë në listën e kompjuterëve të prekur.

Dell ka lëshuar përditësimin e parë të firmware që prej 2009 i cili përmban adresimin e pesë problemeve të sigurisë sipas hulumtuesve të sigurisë.

Këto probleme sigurie shumë serioze mendohet të prekin miliona kompjuterë.

Bëhet fjalë për pesë dobësi sigurie të cilat kolektivisht njihen si CVE-2021-21551. Katër prej tyre mund të përdoreshin për të marrë nën kontroll kompjuterët ndërsa një prej tyre mund të shfrytëzohej për sulme DDoS.

Raportohet për të paktën 380 probleme sigurie nga modelet e fundit Alienware tek Dell. Nëse keni një kompjuter Dell, edhe nëse i ka mbaruar suporti, ekziston mundësia që të jetë në listën e kompjuterëve të prekur.

Ende nuk ka prova se problemet e sigurisë po shfrytëzohen nga hakerët. Sipas udhëzimeve dhe informacioneve të Dell, një haker duhet të ketë akses lokal në kompjuter për të realizuar sulmin.

Detajet e plota po mbahen të fshehura në mënyrë që përdoruesit të përditësojnë dhe informacionet të mos vien në duar të gabuar. Për të mësuar nëse kompjuteri juaj preket ndiqni këtë lidhje. /PCWorld Albanian

Vazhdo të lexosh

Lajmet

Aplikacionet kineze mund të përballen shkresa gjyqësore dhe ndalime nën urdhrin e Biden

Publikuar

nga

WeChat, TikTok, dhe aplikacione të tjera të synuara nga Trump janë në rishikim nga ekipi i Biden, thonë burimet.

Urdhri ekzekutiv i Presidentit të SHBA Joe Biden që synon ruajtjen e të dhënave të ndjeshme të amerikanëve do të detyrojë disa aplikacione kineze të marrin masa më të ashpra për të mbrojtur informacionin privat nëse duan të qëndrojnë në tregun amerikan, thanë burimet për agjencinë e lajmeve Reuters.

Qëllimi është që të mos lejojnë që kundërshtarët si Kina dhe Rusia të kenë qasje në sasi të mëdha informacioni personal dhe pronësor të biznesit.

Departamenti i Tregtisë i ShBA-së mund të lëshojë shkresa gjyqësore për mbledhjen e informacionit në lidhje me disa aplikacione të softuerëve të smartphone, tablet dhe kompjuter desktop. Pastaj, agjencia mund të negociojë kushtet për përdorimin e tyre në Shtetet e Bashkuara ose të ndalojë aplikacionet, sipas burimeve.

Urdhri i Biden i 9 qershorit zëvendësoi ndalimet e Donald Trump në vitin 2020 kundër aplikacioneve të njohura kineze WeChat, në pronësi të Tencent Holdings Co dhe TikTok të ByteDance Ltd. Gjykatat e ShBA-së shfuqizuan këto ndalime.

Zyrtarët amerikanë ndajnë shumë nga shqetësimet që Trump përmendi në urdhrin e tij për ndalimin e TikTok, sipas burimit. Sidomos, ata kanë frikë se Kina mund të gjurmojë vendndodhjet e punonjësve të qeverisë amerikane, të ndërtojë dosje të informacionit personal për shantazhe dhe të kryejë spiunazh të korporatave.

Zyrtarët amerikanë kanë filluar të flasin me aleatët për miratimin e një qasje të tillë, tha një burim. Shpresa është që vendet partnere të bien dakord për aplikacionet që duhet të ndalohen.

Sekretarja e Tregtisë e ShBA-së, Gina Raimondo, do të vendosë se cilat aplikacione të synojë për ti prekur urdhëri qeveritar, por që ato fillimisht duhet të plotësojnë disa kritere.

Nëse ajo vendos që një aplikacion paraqet një rrezik të papranueshëm, ajo “ka diskrecionin për të njoftuar palët” direkt ose për të publikuar informacionin në botimin zyrtar ditor të qeverisë, tha një zëdhënës i Departamentit të Tregtisë.

Kompanitë do të kenë 30 ditë për të kundërshtuar ose propozuar masa për të siguruar më mirë të dhënat, tha zëdhënësi i Tregtisë.

Aplikacionet nga Kina ka shumë të ngjarë ta gjejnë veten në mesin e Departamentit të Tregtisë duke pasur parasysh tensionet e përshkallëzuara midis Uashingtonit dhe Pekinit, aftësinë e qeverisë kineze për të ushtruar kontroll mbi kompanitë dhe numrin e aplikacioneve kineze të përdorura nga amerikanët.

Objektivat e Trump përfshinin gjithashtu aplikacionin e pagesave mobile Alipay të Ant Group, WeChat Pay, QQ Wallet të Tencent Holdings Ltd, Tencent QQ, CamScanner, SHAREit, etj.

Disa prej aplikacioneve të emëruara nga Trump kanë probleme serioze për mbrojtjen e të dhënave, ndërsa është e paqartë pse të tjerët paraqesin një rrezik për sigurinë kombëtare, sipas burimeve të Reuters.

Urdhri do të zbatohet për aplikacionet e biznesit, duke përfshirë ato që përdoren në bankë dhe telekomunikacion, si dhe konsumatorin.

Ndërkohë, aplikacionet e lidhura me kundërshtarë të tjerë të SHBA, të tilla si Irani ose Venezuela, janë bllokuar tashmë nën sanksione më të gjera./UBTNews

Vazhdo të lexosh

Lajmet

Kompanisë ByteDance i dyfishohen të ardhurat nga TikTok-u

Publikuar

nga

ByteDance, kompania kineze prapa aplikacionit të videove TikTok, dyfishoi të ardhurat vitin e kaluar. Të ardhurat totale të firmës u rritën për 111% në 34.3 miliardë në vitin 2020, (nga 24.7 miliardë).

Këto shifra janë dëshmi për rritjen e popullaritetit të vazhdueshëm të aplikacionit TikTok. Kjo vjen ndërsa ByteDance dhe disa gjigantë të tjerë të teknologjisë kineze janë nën presion në rritje nga qeveritë në të gjithë botën.

Fitimi bruto i kompanisë ByteDance u rrit më 93% në 19 miliardë dollarë, ndërsa raportohet se kompania pësoi humbje prej 45 miliardë dollarë në të njëjtën periudhë.

Po ashtu, sipas këtij hulumtimi, ByteDance kishte rreth 1.9 miliard përdorues aktiv në muaj në të gjitha platformat e saj që nga dhjetori i vitit të kaluar./UBTNews

Vazhdo të lexosh

Teknologji

Të dhënat financiare tregojnë përmasat globale që ka marrë TikTok

Këto humbje nuk kishin të bënin me operacionet e kompanisë por një humbje e cila i atribuohet një ndryshimi në financat e kompanisë.

Publikuar

nga

ByteDance, kompania Kineze pas aplikacionit TikTok të videove me metrazh të shkurtër që u bë hit gjatë pandemisë, shikoi fitimet të dyfishohen vitin e kaluar.

Një memo e brendshme e ndarë me stafin tregonte se të ardhurat u rritën me 115% në 34.3 miliardë dollarë për 2020-ën.

Statistika është një tregues i popullaritetit të TikTok në mbarë botën. Edhe pse fitimet e kompanisë ishin 93% më të larta në 19 miliardë dollarë, humbje si rezultat i shpenzimeve u llogaritën në 45 miliardë dollarë për të njëjtën periudhë.

Këto humbje nuk kishin të bënin me operacionet e kompanisë por një humbje e cila i atribuohet një ndryshimi në financat e kompanisë.

Në memo tregohet se ByteDance ka 1.9 miliardë përdorues aktivë në muaj në të gjitha platformat. /PCWorld Albanian

Vazhdo të lexosh

Teknologji

Facebook lançon reklamat në Instagram Reels

Këto reklama janë të disponueshme në mbarë botën nga dita e sotme.

Publikuar

nga

Facebook lançoi ditën e Enjte reklamat në klonin e TikTok, quajtur Instagram Reels. Kompania e medias sociale e cila po kërkon të bëjë para nga videot me metrazh të shkurtër, filloi testimin e reklamave në Reels në disa vende të botës në muajin Prill me brende si BMW, Louis Vuitton, Netflix dhe Uber.

Kompania tha se tani reklamat do të shfaqen mes Reels individuale dhe do të jenë deri në 30 sekonda të gjata. Këto reklama janë të disponueshme në mbarë botën nga dita e sotme.

Brendet dhe bizneset tashmë mund të përfitojnë nga avantazhet që sjell ky format i ri kreativ i cili po argëton njerëzit më shumë se çdo lloj formati tjetër aktualisht. /PCWorld Albanian

Vazhdo të lexosh

Të kërkuara