Lajmet

Qeveria ndan mbi shtatë milionë euro për garantimin e kredive

Published

11 months ago

November 13, 2024

UBTnews

Qeveria e Kosovës ka ndarë të mërkurën mbi shtatë milionë euro për garantimin e kredive në kuadër të masës 2.2 nga Pakoja e Ringjalljes Ekonomike.

Ministri i Financave, Punës dhe Transferve, Hekuran Murati ka thënë në mbledhjen e Qeverisë se këto mjete financiare kanë për qëllim që bizneset dhe eknomia e vendit të ketë qasje më të lehtë në financa, duke mos pasur nevojë që të ofrojë hipoteka si garanci.

“Në kuadër të mbështetjes së vazhdueshme që kemi për sektorin privat dhe për zhvillimin e ekonomisë së vendit në mënyrë të qëndrueshme, ne si qeveri kemi mbështetur Fondin për Garanci Kreditore duke shtuar kapitalin në vazhdimësi, pra për të mbuluar apo për të financuar dritaret e ndryshme që janë në kuadër të këtij Fondi. Në mënyrë që të vazhdojë rritja e granatimit të kredive dhe që bizneset dhe ekonomia e vendit të ketë qasje më të lehtë në financa, duke mos pasur nevojë që të ofrojë hipoteka si garanci, ne do të vazhdojmë edhe me transferin e radhës që është në vlerë prej 7 milionë e 368 mijë euro në kuadër të masës 2.2, në mënyrë që të rikapitalizohet Fondi Kosovar për Garantimin e Kredive dhe kështu të mundëoshet vazhdimi i kredidimit të biznesve”, tha Murati.

Në mbledhjen e Qeverisë, kryeministri i vendit, Albin Kurti deklaroi se Fondi Sovran është jetik për rritjen ekonomike dhe shtimin e investimeve. Ai, teksa foli për paralajmërimet opozitare që Gjykata Kushtetuese do ta hedhë poshtë Ligjin për Fondin Sovran, tha se duhet të “ndërpritet avazi i bllokimit të reformave pozitive e progresiste”.

Up Next

Qeveria i jep në shfrytëzim Komunës së Shtimes disa prona

Don't Miss

KQZ publikon listën e qendrave të votimit për zgjedhjet e 9 shkurtit

Lajmet

Një i lënduar nga aksidenti në autostradën Prishtinë-Prizren

Published

16 minutes ago

October 17, 2025

UBTnews

E përditësuar:

Një aksident i rëndë trafiku ka ndodhur sot në orët e mëngjesit në autostradën Prishtinë-Prizren.

Sipas policisë të përfshira ishin dy automjete, teksa një person ka kërkuar ndihmë mjekësore.

“Rreth orës 08:05, policia është njoftuar për një aksident trafiku. Njësia e trafikut (autostradës), njofton se në autostradën për Shqipëri, drejtimi Prishtinë-Prizren (km i 25), ka ndodhur aksident trafiku ku të përfshira kanë qenë dy automjete. Si pasojë e aksidentit, një person ka kërkuar ndihmë mjekësore”, thuhet në përgjigjje./KP

Lajmet

Përfundon numërimi i votave në Fushë Kosovë

Published

26 minutes ago

October 17, 2025

UBTnews

Procesi i numërimit të votave në QKN nga KQZ është drejt përfundimit.

Në Fushë Kosovë janë numëruar 100% të votave të teksa garën për kryetar e prin Valon Prebreza nga LVV me 45.12% i pasuar nga Besnik Osmani nga LDK me 36.62% me të cilin do të jetë në balotazh.

Ndërkohë edhe në numërimet e votave për Kuvend Komunal të Fushë Kosovës prin LVV me 33.97% e pasuar nga LDK me 29.10% dhe PDK me 20.01%./KP

Lajmet

Dyshohet se dhunoi një vajzë të mitur, arrestohet burri në Malishevë

Published

32 minutes ago

October 17, 2025

UBTnews

Një vajzë e mitur dyshohet të jetë dhunuar në Malishevë dy ditë më parë. Për këtë policia ka njoftuar se tashmë ka arrestuar të dyshuarin.

Sipas raportit 24 orësh të Policisë së Kosovës, i dyshuari me vendim të prokurorit është dërguar në mbajtje.

“Më 16.10.2025 është arrestuar i dyshuari mashkull kosovar, për shkak të dyshimit se ka kryer veprën e lart-cekur ndaj viktimës së mitur femër. I dyshuari me vendim të prokurorit është dërguar në mbajtje”, thuhet në raportin e Policisë.

Lajmet

Klinë, pas mosmarrëveshjes verbale i dyshuari sulmon fizikisht motrën

Published

47 minutes ago

October 17, 2025

UBTnews

Një rast i dhunës në familje ka ndodhur dje në Klinë.

Sipas raportit të policisë, një person ka sulmuar fizikisht motrën e tij pas një mosmarrëveshje paraprake, transmeton KosovaPress.

Viktima ka pranuar tretman mjekësor, kurse i dyshuari është dërguar në mbajtje me vendim të prokurorit.

“Klinë 16.10.2025, 17:00. Është arrestuar i dyshuari mashkull kosovar, pasi që i njëjti pas një mosmarrëveshje e kishte sulmuar fizikisht motrën e tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit është dërguar në mbajtje”, thuhet në raportin e Policisë së Kosovës.