

Lajmet
Qeveria ndan mbi 12 milionë euro në kuadër të pakos së ringjalljes ekonomike
Published
8 months agoon
By
Betim GashiQeveria ka ndarë mbi 12 milionë euro në kuadër të pakos së ringjalljes ekonomike, ku prej tyre janë mbi 1 milion euro për shëndetësi, 6.5 milionë euro për arsim dhe mbi 4 milionë euro për mbështetje të Trepçës. Në mbledhjen e sotme është vendosur që të shkarkohet bordi i drejtorëve të kompanisë rajonale “Hidrodrini” dhe emërimi i bordit të përkohshëm të drejtorëve.
Përveç kësj kryeministri Albin Kurti bëri të ditur se shuma për subvencionimin e teksteve shkollore është mbi shtatë milionë euro, për çka u votua propozimi për ndarjen e këtyre mjeteve.
“Ministria e Financave, Punës dhe Transfereve ka sjellë për aprovim kërkesën e Ministrisë së Arsimit, Shkencës dhe Teknologjisë dhe Inovacionit për ndarjen e mjeteve buxhetore në shumë prej 7 milionë e 375 mijë e 138 euro deri në 25 për qind të ndarjes së ndikuar negativisht për vitin 2024 për subvencionimin e teksteve shkollore dhe materialeve mësimore për vitin shkollor 2024/2025”, deklaroi ai.
Në mbledhjen e sotme të qeverisë janë ndarë mbi 12 milionë euro në kuadër të pakos së ringjalljes ekonomike.
“Kemi të bëjmë me një ndarje në vlerë prej 12.3 milionë euro, mjete që merren nga pako e ringjalljes ekonomike dhe zbatohen apo shfrytëzohen për zbatimin e masës 4.1 që është mbështetja e shëndetësisë, më saktësisht shuma prej 1,77 milionë euro në mënyrë që të mundësohet blerja e pajisjeve dhe investimet shtesë për funksionalizimin e Poliklinikës në Podujevë, gjithashtu 6. 5 milionë euro ndahen tek Ministria e Arsimit, Shkencës dhe Teknologjisë në kuadër të masës 4,2, pra mbështetja e arsimit, për subvencionimin e materialeve dhe teksteve shkollore si dhe pjesa tjetër prej 4 milionë e 14 mijë euro ndahet në Ministrinë e Ekonomisë në kuadër të masës 4.6, mbështetja e ndërmarrjeve publike përkatësisht minierat e Trepçës”,deklaroi ai.
Kabineti qeveritar në mbledhjen e sotme ka shkarkuar bordin e drejtorëve të kompanisë rajonale “Hidrodrini”, i cili ofron shërbime të ujit për Pejën, Istogun, Klinën, Deçan, Junik.
“Për shkak të veprimeve që vënë në pikëpyetje besueshmërinë e vendimmarrjes, Ministria e Ekonomisë propozon shkarkimin dhe zëvendësimin e bordit të drejtorëve”, tha ai.
Anëtarët e bordit të përkohshëm do të jenë: Qendresa Kukaj kryesuese, Mirjeta Heta anëtare, Samir Lleshi anëtar dhe Noli Carabreku anëtar.
Ministri i Financave, Hekuran Murati tha se rregullorja për procedurat dhe kriteret e vlerësimit dhe njohjes së statusit dhe të drejtave të personave paraplegjikë dhe tetraplegjikë është akt nënligjor i cili synon një procedurë më të shkurtër, të saktë dhe llogaridhënëse të vlerësimit për personat me aftësi të kufizuara.
“Ndryshimet që parashihen të sillen me këtë rregullore të përmbledhura mund të përmblidhen si në vijim: është procedura e vlerësimit e cila shkurtohet dhe vlerësimi duhet të kryhet më së largu deri në 45 ditë nga data e paraqitjes së kërkesës. Është gjithashtu edhe evitimi i ri-vlerësimeve për dallim nga rregullorja e kaluar ku njohja e statusit për personat paraplegjikë dhe tetraplegjikë bëhej për pesë ose tri vite dhe pastaj duhet rivlerësuar, tani më këto rivlerësime janë evituar, si dhe është edhe ndryshimi i komisionit vlerësues, i cili për dallim nga rregullorja e kaluar kur angazhimi i mjekëve nëpër komisione vlerësuese është bërë në mënyrë ad-hoc, tani nëpërmjet rregullores së re synohet themelimi i një trupe profesionale ku të njëjtit do të kenë kontinuitet të punës”, deklaroi Murati.
Në mbledhjen e sotme të kabinetit qeveritar është vendosur që të kërkohet nga presidentja për dhënien e autorizimit për ministren e Drejtësisë për nënshkrimin e marrëveshjes për ekstradim ndërmjet Kosovës dhe Francës.
Në mbledhjen e kabinetit qeveritar, po ashtu janë ndarë 1 milion e 999 mijë euro për përkrahjen e ndërmarrjeve mikro të vogla dhe të mesme për blerjen e makinerive prodhuese dhe përpunuese./UBTNews/
Lajmet
Eva Longoria pozon pranë yllit në Hollywood Walk of Fame, para premierës së filmit të ri
Published
2 hours agoon
March 29, 2025
Eva Longoria, 50 vjeçe, shkëlqeu teksa pozoi pranë yllit të saj në Hollywood Walk of Fame të mërkurën, pak para premierës së filmit të saj të ri “Alexander And The Terrible, Horrible, No Good, Very Bad Road Trip”, që transmetohet në Disney+ të premten.
Aktorja e “Desperate Housewives” u shfaq elegante me një fustan jeshil ulliri pa rripa, të kombinuar me taka të bardha.
Dukej natyrale me flokët e lëshuar me onde dhe një grim të butë kafe, shkruan DailyMail.
Më pas, Eva mori pjesë në premierën e filmit në Teatrin El Capitan, duke festuar komedinë e saj të re familjare.
Një ditë më parë, ajo u takua me shoqen e saj Lauren Sanchez, e cila pritet të martohet me miliarderin Jeff Bezos këtë verë.
Gjatë një interviste promovuese, Eva ndau kujtime nga fëmijëria e saj në një fermë në Teksas dhe rrëfeu se, si më e vogla e katër motrave, shpesh e konsideronte veten “rosën e shëmtuar”, ndaj vendosi të shquhej për humorin dhe zgjuarsinë e saj.
Në filmin e ri, Longoria luan Val Garcian, një nënë që niset në një udhëtim të çmendur familjar në Kaliforni, duke sjellë në ekran një histori të ngrohtë dhe plot aventura.
Lajmet
Presidenca kundërshton propozimin për shtrenjtim të rrymës
Published
20 hours agoon
March 28, 2025By
UBTNews
Presidenca e Kosovës ka kundërshtuar propozimin për rritjen e çmimit të energjisë elektrike.
Në komentin dërguar Zyrës së Rregullatorit të Energjisë në kuadër të procesit të shqyrtimit të tarifave, Presidenca ka propozuar disa rekomandime për të parandaluar shtrenjtimin e energjisë elektrike.
Propozimi i ZRRE-së ka qenë që rryma të shtrenjtohet për 15 për qind nga prilli.
Megjithatë, sipas komentit të Presidencës, një shtrenjtim i tillë do të sillte barrë të madhe për qytetarët. Presidenca ka thënë se “ky veprim do të mund të shkaktonte valë të re inflacioni në vend dhe të ndikonte drejtpërdrejt në rënien e fuqisë blerëse të qytetarëve”.
“Rritja e çmimit të energjisë ka një efekt të drejtpërdrejtë dhe shumë të rëndësishëm në ekonominë e një vendi. Çmimi i energjisë është i lidhur ngushtë me inflacionin, si dhe me koston e jetesës. Prandaj, shprehim shqetësimin tonë për faktin se një rritje e tillë e çmimit të energjisë do të kishte një ndikim të drejtpërdrejtë në jetën e përditshme të qytetarëve, duke rritur barrën e tyre financiare. Kjo do të përfshinte edhe rritjen e çmimeve të produkteve ushqimore dhe shërbimeve të tjera thelbësore”, thuhet në komentin e dërguar nga Presidenca.
Në komente, Presidenca ka propozuar që si masa të menjëhershme të jenë: Mirëmenaxhimi i shpenzimeve dhe humbjeve, subvencionimi i energjisë, identifikimi i masave shtesë për obligimin e pagesës së faturave mujore në veri, largimi i ose reduktimi i përkohshëm i TVSH-së për energjinë elektrike, dizajnimi dhe prezantimi i programit të shtyrjes së pagesave.
Si masa më afatmesme Presidenca ka rekomanduar: Menaxhimin efikas të KEK-ut dhe planifikimin e burimeve energjetike, rritje të efikasitetit të furnizimit me energji dhe vazhdim të programeve të efiçiencës.
Si masa afatgjata, Presidenca ka rekomanduar: Ndërtimin e kapaciteteve të reja gjeneruese të energjisë elektrike në vend dhe marrëveshje për tregtinë ndërkufitare me shtete aleate.
Pos Presidencës, në ditën e fundit të mundësisë për komentim, këtë e kanë bërë edhe INDEP-i, KEDS-i, KOSTT-i dhe KESCO.
Lajmet
Agjencisë së Menaxhimit Emergjent i shtohen edhe 51 zjarrfikës
Published
20 hours agoon
March 28, 2025By
UBTNews
Në Akademinë e Kosovës për Siguri Publike – Agjencia e Menaxhimit Emergjent u organizua sot ceremonia e përfundimit të trajnimit bazik për 51 zjarrfikës të rinj.
Trajnimi kishte për qëllim përgatitjen profesionale të pjesëtarëve të Njësive Profesionale të Zjarrfikjes dhe Shpëtimit, në mënyrë që ata të jenë të gatshëm të përballen me sfidat e këtij profesioni dhe të kontribuojnë në strukturat profesionale të zjarrfikjes dhe shpëtimit.
Gjatë trajnimit, pjesëtarët e zjarrfikjes dhe shpëtimit u njohën me teknikat e avancuara të shuarjes së zjarreve, procedurat operative dhe përdorimin e pajisjeve të specializuara.
Përveç aftësive teknike, ata mësuan rëndësinë e disiplinës, bashkëpunimit në ekip dhe elementeve kyçe për suksesin e një zjarrfikësi shpëtues.
Drejtori Ekzekutiv i AME-së, Genc Metaj, vlerësoi punën dhe përkushtimin e zjarrfikësve të rinj, të cilët tashmë janë të gatshëm të shërbejnë me përgjegjësi dhe guxim në mbrojtje të jetës dhe pronës së qytetarëve.
Ai theksoi se ky është një hap i rëndësishëm në ndërtimin e kapaciteteve të shërbimit zjarrfikës në vendin tonë.
Bota
Macron: Izraeli nuk ka asnjë arsye që të sulmojë Libanin
Published
20 hours agoon
March 28, 2025By
UBT NEWS
Presidenti i Francës, Emanuel Macron, ka deklaruar se sulmet izraelite në Liban janë të “papranueshme” dhe kanë shkelur marrëveshjen e armëpushimit mes dy shteteve. Ai ka theksuar se nuk ka asnjë arsye që Izraeli të vazhdojë sulmet dhe ka kërkuar respektimin e plotë të marrëveshjes së armëpushimit.
Macron e ka kritikuar ashpër veprimin izraelit, duke theksuar se nuk ka asnjë informacion që të mbështesë pretendimet se Hezbollah ka realizuar ndonjë aktivitet ushtarak në jug të Libanit. “Ne nuk kemi asnjë informacion që tregon ndonjë bombardim apo aktivitet ushtarak nga Hezbollah në jug. Është absolutisht e nevojshme të respektohet plotësisht kuadri armëpushimi që kemi vendosur, për të cilin ranë dakord Libani dhe Izraeli. Kjo nuk u respektua sot nga Izraeli me një veprim të njëanshëm dhe pa pasur asnjë informacion apo provë për ngjarjet që shkaktuan sulmet izraelite,” tha Macron.
Në një përpjekje për të de-eskaluar situatën, Macron ka paralajmëruar se do të diskutojë me presidentin amerikan, Donald Trump, dhe kryeministrin izraelit, Benjamin Netanyahu, me synimin për të gjetur një zgjidhje të mundshme dhe për të siguruar një respektim të plotë të armëpushimit.

Divorci i prindërve, flet vajza e “Mr. Bean”: Ditët më të errëta

Microsoft prezantoi ekranin Xbox-PC

Kundër shëndoshjes së fytyrës! Çfarë duhet të bëni?

Eva Longoria pozon pranë yllit në Hollywood Walk of Fame, para premierës së filmit të ri

Si të ruani funksionet mendore gjatë moshës së shtyrë?

Dani Alves shpallet i pafajshëm

Katër ushtrimet që duhet t’i bëni çdo mëngjes

Fundjavë me shi, ja parashikimi i motit për sot

Presidenca kundërshton propozimin për shtrenjtim të rrymës
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota2 months ago
Trump zbulon listën e zezë të Shtëpisë së Bardhë